- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم ناس اللمة الكرام
ان شاء الله تكونو كامل بخير وبصحة وعافية
لي مريض ربي يشفيه ولي مهموم ربي يفرج عليه ولي غايب ربي يرجعو على خير ويحفظو وين ماكان
المهم بلا ما نطول عليكم ندخل في الموضوع مباشرة خاطر راني نغيب مدة وكي نشوف حوايج يوجعو القلب نولي نرجع نكتب هنا
المهم يا خاوتي قلب العبد رايح يهبل ماش عقلو برك، زعما قبل ايام قليلة كان هناك حفل سنوي يديروه في بجاية
قريب تكون مكانتو كيما عيد االضحى وعيد الفطر :down: وهاد العيد يا خاوتي هو عيد الالوان "هولي" كيما لي يحتافلو بيه في الهند
حتى حنا شبابنا المحترم من بنات ورجال (واكدولي على كلمة رجاااال) يديرو احتفال على شاطىء بجاية بمناسبة هاد اليوم المبارك
ولي هو يوم الاحتفال بعيد الالوان، يجيو فيه شابات وشباب من كل انحاء الوطن (باه مانوجهش التهمة لأصحاب الارض برك)
وعلى الشواطىء اكيد راكم متخيلين لبستهم كيفاه بلا مانهدر احتراما لكم وتبدا الحفلة بالشطيح والرديح على الهواء الطلق
ورقص مختلط وفسق ماتقدروش تتصوروه يا خاوتي، ومن بعد يحكمو الالوان لي على شكل غبار ويرميوها في السماء ويلطخو بعضاهم
الراجل حاكم الطفلة والطفلة حاكمة الطفل ولاتيين بكل روح رياضية يرميو في بعضاهم بالالوان والشطيح داير حالة
انا من رايي كي يخلصو يشريو بقرة بقرة ويعبدوها احسن، يا عجابة وصلت بينا للدرجة هادي؟؟؟ وين رانا رايحين؟
ومن بعد يزيدو يجيو يهدرو ويقولك انا على الاقل نروح نشطح ونزها ماش كيما نتوما تعاديو جيرانكم وتعسو لي رايح ولي جاي
شوف اسيدي -_- يسمى كي درنا اخطاء نزيدو نختموها بالمليح خلاص ونروحو نشطحو في وضع الله لا يشوف فيه مومن
لأنو منظر يبكي وحالة تبكي تاع الصح، واش راهو صاير في بلادنا قولولي؟ شحال تغيضني كي نشوف قريب ألف ولا ألفين
شاب وشابة في وضع مخزي يتبعو في عيد تاع كفار وزاهيتلهم الدنيا وزيد المشكل يفتخر بواش دار ويقولك راني في انتظار العام المقبل باه نزيد نزهى
وكن تديك الموت يا ولدي تروح تزهى وتشطح في القبر ولا كيفاه؟؟ والله عيب
تاني قبل يومين قاعدة نبدل في القنوات نلقى قناة جزائرية اسمها CNA قناة مسيحية تدعو للمسيحية، حطيت على النية القناة نلقى الراجل
بالكوستيم قاعد في حصة على الفوتاي ومقابلتو المقدمة ولاتي يشرحلها والمسيح رايح يحيينا بعد مانموتو ومعرف واش وانا تايهة مشوكية :s
وزيد يقولك نتا لي راك تابع فيا مادامك حضرت لهاد الحصة معناها راهي اشارة ليك باه تقرب لهاد الدين ومعرف واش
يا ربي واش راهو صاير؟ نص ولا بوليوود ونص رايح للمسيحية؟ خاطر كن جا عبد ضعيف في دينو والله يتبع وعينيه مغمضين
يعني للدرجة هادي الدين تاعنا طيشناه؟؟ للدرجة هادي ولات من كل جهة تلقى حرب ضد الدين تاعك ونتا تتفرج
خسارة شباب طول وعرض يخسر حياتو والقوة تاعو في الشطيح والرديح وباه ينوض يصلي مايقدرش لدرجة كن يجي ريح خفيف يديه
ويدخل لدين غير دينو وعينيه مغمضين، يا خاوتي لي مازال في قلبو ذرة هكا صغيرة تدفعو باه يصلي ولا يروح للمسجد
غير اسمعلها وتبع ضميرك خاطر رانا في زمن لازم تحكم في دينك بيديك وسنيك وياربي
على كل حال نخليلكم المجال باه تعبرو انا خلصلي التعبير
وربي يحفظكم كامل ويجعلكم من الذرية الصالحة
تحياتي
ان شاء الله تكونو كامل بخير وبصحة وعافية
لي مريض ربي يشفيه ولي مهموم ربي يفرج عليه ولي غايب ربي يرجعو على خير ويحفظو وين ماكان
المهم بلا ما نطول عليكم ندخل في الموضوع مباشرة خاطر راني نغيب مدة وكي نشوف حوايج يوجعو القلب نولي نرجع نكتب هنا
المهم يا خاوتي قلب العبد رايح يهبل ماش عقلو برك، زعما قبل ايام قليلة كان هناك حفل سنوي يديروه في بجاية
قريب تكون مكانتو كيما عيد االضحى وعيد الفطر :down: وهاد العيد يا خاوتي هو عيد الالوان "هولي" كيما لي يحتافلو بيه في الهند
حتى حنا شبابنا المحترم من بنات ورجال (واكدولي على كلمة رجاااال) يديرو احتفال على شاطىء بجاية بمناسبة هاد اليوم المبارك
ولي هو يوم الاحتفال بعيد الالوان، يجيو فيه شابات وشباب من كل انحاء الوطن (باه مانوجهش التهمة لأصحاب الارض برك)
وعلى الشواطىء اكيد راكم متخيلين لبستهم كيفاه بلا مانهدر احتراما لكم وتبدا الحفلة بالشطيح والرديح على الهواء الطلق
ورقص مختلط وفسق ماتقدروش تتصوروه يا خاوتي، ومن بعد يحكمو الالوان لي على شكل غبار ويرميوها في السماء ويلطخو بعضاهم
الراجل حاكم الطفلة والطفلة حاكمة الطفل ولاتيين بكل روح رياضية يرميو في بعضاهم بالالوان والشطيح داير حالة
انا من رايي كي يخلصو يشريو بقرة بقرة ويعبدوها احسن، يا عجابة وصلت بينا للدرجة هادي؟؟؟ وين رانا رايحين؟
ومن بعد يزيدو يجيو يهدرو ويقولك انا على الاقل نروح نشطح ونزها ماش كيما نتوما تعاديو جيرانكم وتعسو لي رايح ولي جاي
شوف اسيدي -_- يسمى كي درنا اخطاء نزيدو نختموها بالمليح خلاص ونروحو نشطحو في وضع الله لا يشوف فيه مومن
لأنو منظر يبكي وحالة تبكي تاع الصح، واش راهو صاير في بلادنا قولولي؟ شحال تغيضني كي نشوف قريب ألف ولا ألفين
شاب وشابة في وضع مخزي يتبعو في عيد تاع كفار وزاهيتلهم الدنيا وزيد المشكل يفتخر بواش دار ويقولك راني في انتظار العام المقبل باه نزيد نزهى
وكن تديك الموت يا ولدي تروح تزهى وتشطح في القبر ولا كيفاه؟؟ والله عيب
تاني قبل يومين قاعدة نبدل في القنوات نلقى قناة جزائرية اسمها CNA قناة مسيحية تدعو للمسيحية، حطيت على النية القناة نلقى الراجل
بالكوستيم قاعد في حصة على الفوتاي ومقابلتو المقدمة ولاتي يشرحلها والمسيح رايح يحيينا بعد مانموتو ومعرف واش وانا تايهة مشوكية :s
وزيد يقولك نتا لي راك تابع فيا مادامك حضرت لهاد الحصة معناها راهي اشارة ليك باه تقرب لهاد الدين ومعرف واش
يا ربي واش راهو صاير؟ نص ولا بوليوود ونص رايح للمسيحية؟ خاطر كن جا عبد ضعيف في دينو والله يتبع وعينيه مغمضين
يعني للدرجة هادي الدين تاعنا طيشناه؟؟ للدرجة هادي ولات من كل جهة تلقى حرب ضد الدين تاعك ونتا تتفرج
خسارة شباب طول وعرض يخسر حياتو والقوة تاعو في الشطيح والرديح وباه ينوض يصلي مايقدرش لدرجة كن يجي ريح خفيف يديه
ويدخل لدين غير دينو وعينيه مغمضين، يا خاوتي لي مازال في قلبو ذرة هكا صغيرة تدفعو باه يصلي ولا يروح للمسجد
غير اسمعلها وتبع ضميرك خاطر رانا في زمن لازم تحكم في دينك بيديك وسنيك وياربي
على كل حال نخليلكم المجال باه تعبرو انا خلصلي التعبير
وربي يحفظكم كامل ويجعلكم من الذرية الصالحة
تحياتي
