زريرة اوطمينة من مطبخي

[السلطانة]

السلام عليكم ورحمة الله وبركاته

حبيت نقدملكم طميّنة أو كيما نقولولها حنا
الزريرة

لي نطيبوها في النفاس للضياف
ولا نطيبو في اي يوم اخر نشربو بيها الحليب

نحتاجو ل:
زبدة وعسل وروينة

استعملت 3 ملاعق زبدة
2 عسل
والروينة 5

أولا نذوب الزبدة على نار هادئة

مباعد نفرغ الروينة ونخلط باه متتكعبرش

والنتيجة :

​

​

 

[سكون الفجر]

رد: زريرة اوطمينة من مطبخي

تبانلي حلوى شهية ما شاء الله
تسلم ايديكِ على الوصفة غاليتي

سؤال عزيزتي، ما هي الروينة؟
جزاكِ الله خيراً

 

[جيهان جوجو]

رد: زريرة اوطمينة من مطبخي

وعليكم السلام ورحمة الله وبركاته
الله يبارك
جاتك تهبل وتشهي اممممممم
ماشاءالله
بارك الله فيك على الوصفة اللذيذة
في امان الله
​

 

[الحلم الوردي]

رد: زريرة اوطمينة من مطبخي

الله يبارك
الزرير ولا البسيسة
حنا تانيك نديروها في النفاس وفي مولد النبوي الشريف
جاتك تشهي
تسلم الايادي
بصحتك
​

 

[AmiR@RoRo]

رد: زريرة اوطمينة من مطبخي

السلآم عليكم
يعطيك الصحة شوشو
احنا هادي نقولولها روينة والطمينة شيئ تاني تجي بالسميد
يسلمو دياتك

 

[miss victoria]

رد: زريرة اوطمينة من مطبخي

السلام عليكمك حنا ما نديروهاش كيماهاك

مختلفة شويا عليكم

مرسي تبان بنينة نتاعكم

 

[السلطانة]

رد: زريرة اوطمينة من مطبخي

تبانلي حلوى شهية ما شاء الله
تسلم ايديكِ على الوصفة غاليتي

سؤال عزيزتي، ما هي الروينة؟
جزاكِ الله خيراً

اهلا وسهلا اخيتي
هذا الطبق هو طبق صحي مفيد للنافس
ولمن يحب أن يزداد في الوزن :thumb_up02:
الروينة هي خليط يتكون من :
قمح مرحي وشعير مرحي وعدس مرحي وحمص مرحي وقليل من الخرّوب المرحي وجيلجلان مرحي
نقوم برحيه جيدا
نسمي هذا الخليط روينة
وهناك من يضع فقط القمح والشعير يعني هذا الخليط اختياري لكن ان تجتمع هذه المكونات افضل لتشكل فائدة اكبر
اتمنى ان اكون افدتك
شكرا لمرورك الطيب

 

[السلطانة]

رد: زريرة اوطمينة من مطبخي

الل

وعليكم السلام ورحمة الله وبركاته
الله يبارك
جاتك تهبل وتشهي اممممممم
ماشاءالله
بارك الله فيك على الوصفة اللذيذة
في امان الله
​

الله يسلمك عزيزتي جيهان
نورتي

 

[السلطانة]

رد: زريرة اوطمينة من مطبخي

الله يبارك
الزرير ولا البسيسة
حنا تانيك نديروها في النفاس وفي مولد النبوي الشريف
جاتك تشهي
تسلم الايادي
بصحتك
​

الله يسلمك عزيزتي
ايه انتم تديروها في المولد تانيتك نشفى نهار حطيتهالنا
نورتي

 

[السلطانة]

رد: زريرة اوطمينة من مطبخي

السلآم عليكم
يعطيك الصحة شوشو
احنا هادي نقولولها روينة والطمينة شيئ تاني تجي بالسميد
يسلمو دياتك

اهلا امورة
الزريرة شكتلي نقولوها غير احنا ناس الشرق
والروينة نقصدو بيها هاذيك الغبرة
والطمينة كيما دار راجلي يخلطوها بالما والسكر
وجميعها مفيدة للجسم
نورتي حبيبتي

 

[السلطانة]

رد: زريرة اوطمينة من مطبخي

السلام عليكمك حنا ما نديروهاش كيماهاك

مختلفة شويا عليكم

مرسي تبان بنينة نتاعكم

اهلا وسهلا وي طياب الشرق زي والغرب زي
كاش نهار صوريلنا اطباقكم نتعرفو عليها :up:
نورتي اختي

 

[آمِيْرَتُه]

رد: زريرة اوطمينة من مطبخي

السلام عليك
كي رحت لعين مليلة هذي الخطرة دارتهالي زوجة أخي تفكرتك قتلها شفت صحبتي حطتها نظن في الفايس :up:
بصح تجي بنينة بزاف
يعطيك الصحة

 

[حكيك]

رد: زريرة اوطمينة من مطبخي

​

جاتك تشهي

​

تسلم الايادي

​

بصحتك

 

[أم الأولاد]

رد: زريرة اوطمينة من مطبخي

رائعة تسلم الايادي

 

[cosette]

رد: زريرة اوطمينة من مطبخي

آلسلآم عليكي
نعم آختآه حنآ نعيطولهآ آلطمينة في نآس آلوســـــــــط
ونصنعوهآ نفس مقآديرك
نديروهآ في آلختآن,آلـ7آيآم..,,إلخ
عندي شحآل مآدرتهآش,شهيتيني
روعة آختي دوآم آلتميز لـــــــــــــــــــــكِ
سلآمي​

 

[koko DZ]

رد: زريرة اوطمينة من مطبخي

تسلم ايدك

شكرا

 

[GI Joe]

رد: زريرة اوطمينة من مطبخي

hna 3andna rouina c gemh megli w merhi c tout
mais hadi je pense mkhalta b tmar nn ??
nmizha b la poudre li 3andna f dar w nchouf

 

[RIMA RIMAS]

السلام عليكم ورحمة الله وبركاته

حبيت نقدملكم طميّنة أو كيما نقولولها حنا
الزريرة

لي نطيبوها في النفاس للضياف
ولا نطيبو في اي يوم اخر نشربو بيها الحليب

نحتاجو ل:
زبدة وعسل وروينة

استعملت 3 ملاعق زبدة
2 عسل
والروينة 5

أولا نذوب الزبدة على نار هادئة

مباعد نفرغ الروينة ونخلط باه متتكعبرش

والنتيجة :

​

سخفتوني. في هذا المنتدى

 

[ام تسنيم واحلام]

ماشاء الله اول مرة نسمع بهذه الأكلة حنا الطمينة نديرها السميد متوسط( تع المقرط) نحمصوه ونخلوه يبرد ونضيفو عليه خليط العسل والزبدةسخون ونزوقوها بالقرفة ولي درجي والروينة نخلطوها بالماء والسكر . بلادنا كبيرة كل وحد كيفاش يطيب مليح هك نتعرفو على المأكولات من كل ولاية

 

[miss victoria]

السلام عليكم
واااو شحال نحبها و حنا نقولولها الطمينة و نديروها بزاف كي يزيد مولوود جدييد
و شكرااااا :Love: