فصل الصيف مرّ ، و اللي ماعرسش يزرب باش يدير عرسه قبل الدخول المدرسي ، ومع ظهور قاعات الحفلات الجديدة بزاف ولاو يتوجهوا لها و بمختلف الاسعار يعني كل واحد بقدره .
جاتنا دعوة من احد اقاربنا باش نحضروا عرس ابنه و رحنا و جبنا العروس ، استقبلوها امام القاعة بالخيل و البارود و فرقة الڨرڨابو و كان منظر رائع يدل على الاصالة ، و حتى الحافلات المارة و الشاحنات و السيارات شاركونا و دخلنا للقاعة فيها طابقين النساء الفوق و الرجال التحت يعني حاجة مليحة ، لقينا ضيوف قبلنا و بعد ماحكمنا بلايصنا بداو النساء يرقصوا بكل الاعمار و الطبوع " الشاوي ، النايلي ، المغربي .." . و كانوا شابات لابسين لباس فاضح يخدش الحياء ، وحدة راحت تتصور سلفي يعني تصور عرائها و مبعد توقفت و اخذت صورة مع امها و جدتها و استغربت من موقف الام و الجدة اللي وافقوا الفتاة .
مبعد طفاو الاضواء و خلاو الاضواء الخافتة يعني اصبحت القاعة تشبه الكابريه و العياذ بالله و بداو الفتيات يصرخو بلا انقطاع كأنهم في جهنم و اغنية الشاب خالد "سي لا في " هبلتهم كلهم حتى عجوز تفوق الثمانين راحت تشطح بجنون
انا حشمت في بلاصتها من رب العالمين و كرهت العرس و تشبعت منه ، غادرت بسرعة قبل العشاء و استغفرت رب العالمين .
هذا ماشي تشدد مني لكن اذا وصل الانحطاط لهاذي الدرجة بإسم الحرية و العصرنة فبئسا لهما ...
جاتنا دعوة من احد اقاربنا باش نحضروا عرس ابنه و رحنا و جبنا العروس ، استقبلوها امام القاعة بالخيل و البارود و فرقة الڨرڨابو و كان منظر رائع يدل على الاصالة ، و حتى الحافلات المارة و الشاحنات و السيارات شاركونا و دخلنا للقاعة فيها طابقين النساء الفوق و الرجال التحت يعني حاجة مليحة ، لقينا ضيوف قبلنا و بعد ماحكمنا بلايصنا بداو النساء يرقصوا بكل الاعمار و الطبوع " الشاوي ، النايلي ، المغربي .." . و كانوا شابات لابسين لباس فاضح يخدش الحياء ، وحدة راحت تتصور سلفي يعني تصور عرائها و مبعد توقفت و اخذت صورة مع امها و جدتها و استغربت من موقف الام و الجدة اللي وافقوا الفتاة .
مبعد طفاو الاضواء و خلاو الاضواء الخافتة يعني اصبحت القاعة تشبه الكابريه و العياذ بالله و بداو الفتيات يصرخو بلا انقطاع كأنهم في جهنم و اغنية الشاب خالد "سي لا في " هبلتهم كلهم حتى عجوز تفوق الثمانين راحت تشطح بجنون
انا حشمت في بلاصتها من رب العالمين و كرهت العرس و تشبعت منه ، غادرت بسرعة قبل العشاء و استغفرت رب العالمين .
هذا ماشي تشدد مني لكن اذا وصل الانحطاط لهاذي الدرجة بإسم الحرية و العصرنة فبئسا لهما ...
