السلام عليكم ورحمة الله وبركاته
مرحبا بي في المطبخ اللماوي من جديد
نتمنى شيفاتنا وأعضاءنا وزوارنا
كامل تكونو بخير
من مدة هااااذي ما طيبتش الله غالب ظروف والحمد لله راهي تجوز بخير
كيما العادة دااايما نشتكي ونبكي من المعارك ألي مايخرجوليش ملاح
كنت قررت نتعلمهم بأي طريقة
والحمد لله
نبداو بالمقادير
2 كيلات سميد رطب
كيلة فرينة
شوية ملح
ماء للعجن
الطريقة
نخلطو السميد بالفرينة نحطلهم الملح ونخلط بالماء
عينك ميزانك
كي تتلم العجينة ماندلكهاش
نطمها مليح
امبعد نجيي ماء سااااااخن نرمي فيه ساشي كيس بلاستيكي ونخرجو بعدما غطستو مليح
ودخلت العجينة فيه وخليتو 45 د يرتاح
وليت ليها عجنتها شوية برك دقيقة وبديت نقرص فيها كويرات بالزيت
وخليتها ترتاح ساعة بالضبط
امبعد بديت نطيب فيها
هاهي الصور
وبلا زوخ جاني بنين والله
وماتتصوروش شحال راني فرحانة تقول طفلة صغيرة شراولها ألعاب ههههههه
المهم أخيرا نجحلي وخرجلي كاري وبنين
وش رايكم؟!
تهلاو في رواحكم يالغوالي
آخر تعديل بواسطة المشرف:
