- إنضم
- 7 أفريل 2015
- المشاركات
- 17,534
- الحلول
- 1
- نقاط التفاعل
- 51,228
- النقاط
- 1,886
- محل الإقامة
- الجزائر الحبيبة
- الجنس
- ذكر
يا جدكم يوم جات حاجة خاطري
و بقيت نستوشق فيها حتان قريب بكيت
طبعا نستوشق كلمة جات من كلمة العشق ههههههههه
المهم بقيت نستوشق و نتفكر في أيام الصغر
كي كنا نشروا شنقلة او نعالة وحدة مدة ست سنوات نتاع نيلون
نلبسوها يوم الجمعة فقط باش نروح للجامع نصلوا
كنا زمان متأقلمين مع مشي بالحفى و الجري في الطرقات
و على الصخور و الأشواك ههههههههه
و يا محاينك يوم تتعثر و تتلقى أكسدون مع كاش روشي صحيح
و يطير الضفر نتاعك
كنا نروح نعمر الجرح بالتراب و نزيد نعملوا ليه الشبكة نتاع رتيلة
و ما أكثرها ايام زمان
تتخيلوا هذا دواء فعّال بعد ما تحط التراب و الشبكة تقدر تكمل الماتش نورمال
و اذا مريت فوق الشوك تجبد للقنت و تبدى تفتش على الأشواك و انت تنزع فيها
بلا ما ننسى أحسن المقابلا نتاع الكوورة هي كي نلعبوا حفات
تحس روحك خفيف كيما ميسي
اييه على ايام زمان
راح مع خيره و براكته
الآن زمان الأنانيش و المامات التي يخافوا من الصراصير
و بابات اللي كي يحكوا يضربوا صدورهم و يديروا يديهم على فوامهم كي يضحكوا
في بحث علمي حديث تبين أن معظم الذين يعانون من آلام القدمين أن سبب ذلك هو لبس الحذاء دائماً، ولذلك فإن العلاج المثالي هو المشي حافي القديم لمدة ربع ساعة كل يوم. ويقول الباحثون إن المشي بهذه الطريقة على العشب أو الخشب أو التراب، ينشط الأوعية الدموية ويحافظ على الشكل الطبيعي للقدم ويقوي عضلات الساق ويهدّئ النظام العصبي.
وفي تقرير بثته وكالة الأنباء الألمانية تبين أن المشي بدون حذاء (حافي القدمين) على شكل نزهة يعالج آلام القدمين، بل هو عادة ضرورية للحفاظ على سلامة القدمين وعلى الشكل الطبيعي لهما، فالحذاء يسبب ضغطاً على جوانب القدمين وبالتالي يعيق حركة الدم في الأوعية، ولذلك ينصح الأطباء المريض بممارسة رياضة المشي حافياً لأن هذا النوع من أنواع الرياضة ينشط مراكز حيوية في أسفل القدمين مما يؤدي إلى تنشيط الدورة الدموية وعلاج الدوالي.
عودة ميمونة ان شاء الله
