السلام عليكم ورحمة الله وبركاته
خبز الدار بومبي ، علمتني اياه طاطا الحاجة كريمة ربي يحفظها
لازم الفرن اللي يشعل من الفوق ومن التحت في نفس الوقت
1كلغ فرينة
ملح
2 ملاعق كبار خميرة الخبز
الماء
خطلي الفرينة مع الخميرة والملح هو الاخير ومنبعد ضيفي الماء ؛ هنا عينك ميزانك كيما انا وقت لي درتها القوام تع العجينة ميجيش شاد روحو يجي شويا مطلوق بحيث انك متقدريش تعجنيها كيما الطريقة التقليدية للدلك براحتي اليدين
هنا العجن راح يكون باليدين الاثنتين بحركة دائرية من موضع العجينة وطلعيها وديري بها حركة دائرية من الاسفل الى الاعلى وهاتها لحركة تسمح بدخول الهواء للعجينة وهذا هو سر نجاح الخبر المنفوخ
نتمنى هاذ الرسم راهو واضح ووضحلكم الفكرة
منبعد تقطعي الخبزات / كيما هنا حطيتهم فالكمامات هذو والباقي تابعو بالصور/ ثم تقرصيها يعني تهبطيها بيدك وتخلها تخمر
كي تخمر نديروها طيب برك هذو المراحل الي صورتهم اللي عندها كمامات تعمله هكدا
كي تخمر الخبزة حطيها على الغربال
وبداي تنحيلها بالعقل السميد ااما تنفخي او بيدك لكن بالعقل
هكذا
هذا تطبيق طاطا الحاجة
وهذا تطبيق أختكم الصغرى سمية والحمد لله نتيجته كانت جيدة جدا :-r
ملاحظة 1 :
تقدري تخلطي مع الفرينة اما فرينة القمح او الشعير او الفول او حتى السمسم ههه لالا مش على خاطر اسم الدلع
لأنو السمسم يحتوي على اومياgا 3 وهذا مليح بزاف للمخ والجسم بصفة عامة وهو الاوميقا 3 متواجد ايضا في السمك اللي بدورو نافع للذاكرة
ملاحظة 2 :
اللي معندهاش الكمامات هذوك عادي تقدر تطلع الخبزة في السنيوة اللي راح طيب فيها مباشرة
أتمنى لكن التوفيق ان اردتم تجربته
تقدري تخلطي مع الفرينة اما فرينة القمح او الشعير او الفول او حتى السمسم ههه لالا مش على خاطر اسم الدلع
لأنو السمسم يحتوي على اومياgا 3 وهذا مليح بزاف للمخ والجسم بصفة عامة وهو الاوميقا 3 متواجد ايضا في السمك اللي بدورو نافع للذاكرة
ملاحظة 2 :
اللي معندهاش الكمامات هذوك عادي تقدر تطلع الخبزة في السنيوة اللي راح طيب فيها مباشرة
أتمنى لكن التوفيق ان اردتم تجربته
آخر تعديل بواسطة المشرف:
