السلام عليكم
واش راكم ليزامي وليفغاااااااااغ ان شاء الله بخير
اليوم شوفو ما تقولوش ليليا كل مرة تجيب سوجي راهي تظل برا المرة اللي فاتت بانتلكم عسيت السيد لما كان يدراقي وانا والله خاطية وعاقلة المرة هذي البلا جا ليا لدارنا
هي وانا اليوم نسيق حاشاكم فلاكور ونسمع الآتي
روحي يا وجه المطلوعة ... يا البتية ولخرة ترد من هيه
واقيل ما عندكش مرايا روحي روحي يا البالي ياللي توام مع الفروطوار لو انا منك نتخبى يديني الريح
ونطل ونلقى معركة طاحنة بين الجارات على جال الذراري ...نقول لجارتي انعلي بليس ادخلي عيب الرجال يسمعو فيكم تبهديل تنطق لخرى من تاقتها راكي شاهدة ليليا واش عايرتني انا مطلوعة انا الغيورة من اللحمة مشتاقتها ما خلات حتى دوا وما شرباتوش باه تسمان المسلولة ربي يشوف للقلوب
ولخرى تقولها انا نغير من البتية ياخي تمشي الدار ترعد بينا سواد السعد راجلك عليها يظلو عينيه معلقين فالنسا ويا ويلي جبدتلها المسيو ياو خرجت من التاقة واش نقولكم تعلمت كل فنون المعاير وحتى يماها خرجت تعاون عجوزة زعمى واش قالت ياخا يا بندير الدوار لخرى تقولها روحي اجري بيها راهي تنشف هههه ياخا ولتي نضحك دخلت وخليتهم
روحي يا الجفنة ام حناك يا البنديرة عذرا منكم صحابات الخدود خخخخ مي سور راكم عارفين المعاير هذو ولو حرام وعيب لانو كلها خلقة ربي
لكن والفنا بيها
الرقيقة مشحاط وبالي وفروطاور ومسلولة وعظم القبور هههه اييه واش سمعت كي رقيقة يا حسراه
خلي وخلي
وما نكذبش ونقول خاطيني حتى انا يقولولي منين تجيبي المعاير هذو قادرة نقول كلام اللي يكونو قاعدين يضحكو او بلاك نعاير طفلة تولي داوي عن بسيكولوق انا ضد الصوت العالي والتبهديل زوج كلمات يطيحوها كومة هذا لو عندها احساس
فمرة خطلت فيا وحدة تلعب فيها قدام صاحباتها وكانو معايا زوج بنات عارفين عقليتي نقولها كلمتين الثالثة نهبطلها الرباعيات تجسبهم في يدها
ايا رحت ليها قتلها شوفي باه نرد عليك راح نتغاشى راهم جايين نتاع البيئة خرجي الفار اللي ميت فيك عندو عامين راكي تريحي روحي دوشي وارواحي نرد عليك جبدت ديودورو من صاكي رشيتها كلها قتلها ضرك نهدرو تزيدي كلمة سنانك زوج دقايق تحطيهم في يدك ونخليك تحسبيهم ياو ناضت تجري راحت ههه فوتناها ضحك انا وصحاباتي
ايه واش نعاير وبعد وليت نهدا ونجبد معاير مرة فاليطوكس ونقولهم سوبر ريد مبيد حتى للزواحف
وليت نعامل الناس ببرود لانو قلقت روحي بزاف على عباد ما يستاهلوش وبطلت المعايرة نتاع الخلقة وليت نعاير ببرود
الرجال ضرك نشوفو الخاوة الرجال كيفاه يتعايرو
انا الحق قليل وين نسمع معاير لانو بزاف يسبو كلام فاحش يعني هوما لما يضاربو خلات الضرب نتاع الصح والا الفواحش ما عندهمش كلام كيما حنا
حنا ورجعو البنات يطيحو الكلام كالرجال لكن الاغلبية معاير بلاطاي لانو هذاك يطيح النص من المرا
احكولي على السوجي هذا وواش رايكم فيه
شكرا
واش راكم ليزامي وليفغاااااااااغ ان شاء الله بخير
اليوم شوفو ما تقولوش ليليا كل مرة تجيب سوجي راهي تظل برا المرة اللي فاتت بانتلكم عسيت السيد لما كان يدراقي وانا والله خاطية وعاقلة المرة هذي البلا جا ليا لدارنا
هي وانا اليوم نسيق حاشاكم فلاكور ونسمع الآتي
روحي يا وجه المطلوعة ... يا البتية ولخرة ترد من هيه
واقيل ما عندكش مرايا روحي روحي يا البالي ياللي توام مع الفروطوار لو انا منك نتخبى يديني الريح
ونطل ونلقى معركة طاحنة بين الجارات على جال الذراري ...نقول لجارتي انعلي بليس ادخلي عيب الرجال يسمعو فيكم تبهديل تنطق لخرى من تاقتها راكي شاهدة ليليا واش عايرتني انا مطلوعة انا الغيورة من اللحمة مشتاقتها ما خلات حتى دوا وما شرباتوش باه تسمان المسلولة ربي يشوف للقلوب
ولخرى تقولها انا نغير من البتية ياخي تمشي الدار ترعد بينا سواد السعد راجلك عليها يظلو عينيه معلقين فالنسا ويا ويلي جبدتلها المسيو ياو خرجت من التاقة واش نقولكم تعلمت كل فنون المعاير وحتى يماها خرجت تعاون عجوزة زعمى واش قالت ياخا يا بندير الدوار لخرى تقولها روحي اجري بيها راهي تنشف هههه ياخا ولتي نضحك دخلت وخليتهم
روحي يا الجفنة ام حناك يا البنديرة عذرا منكم صحابات الخدود خخخخ مي سور راكم عارفين المعاير هذو ولو حرام وعيب لانو كلها خلقة ربي
لكن والفنا بيها
الرقيقة مشحاط وبالي وفروطاور ومسلولة وعظم القبور هههه اييه واش سمعت كي رقيقة يا حسراه
خلي وخلي
وما نكذبش ونقول خاطيني حتى انا يقولولي منين تجيبي المعاير هذو قادرة نقول كلام اللي يكونو قاعدين يضحكو او بلاك نعاير طفلة تولي داوي عن بسيكولوق انا ضد الصوت العالي والتبهديل زوج كلمات يطيحوها كومة هذا لو عندها احساس
فمرة خطلت فيا وحدة تلعب فيها قدام صاحباتها وكانو معايا زوج بنات عارفين عقليتي نقولها كلمتين الثالثة نهبطلها الرباعيات تجسبهم في يدها
ايا رحت ليها قتلها شوفي باه نرد عليك راح نتغاشى راهم جايين نتاع البيئة خرجي الفار اللي ميت فيك عندو عامين راكي تريحي روحي دوشي وارواحي نرد عليك جبدت ديودورو من صاكي رشيتها كلها قتلها ضرك نهدرو تزيدي كلمة سنانك زوج دقايق تحطيهم في يدك ونخليك تحسبيهم ياو ناضت تجري راحت ههه فوتناها ضحك انا وصحاباتي
ايه واش نعاير وبعد وليت نهدا ونجبد معاير مرة فاليطوكس ونقولهم سوبر ريد مبيد حتى للزواحف
وليت نعامل الناس ببرود لانو قلقت روحي بزاف على عباد ما يستاهلوش وبطلت المعايرة نتاع الخلقة وليت نعاير ببرود
الرجال ضرك نشوفو الخاوة الرجال كيفاه يتعايرو
انا الحق قليل وين نسمع معاير لانو بزاف يسبو كلام فاحش يعني هوما لما يضاربو خلات الضرب نتاع الصح والا الفواحش ما عندهمش كلام كيما حنا
حنا ورجعو البنات يطيحو الكلام كالرجال لكن الاغلبية معاير بلاطاي لانو هذاك يطيح النص من المرا
احكولي على السوجي هذا وواش رايكم فيه
شكرا
