bac 2016 كابوس في حياتي

[assma 10]

السلام عليكم اعضاء اللمة توحشتكم حبيت نفرغ قلبي ليوما والموضوع هو bac 2016 لي جوزتو هادا لعام ومجبتوش رجعلي الباك هادا كابوس كنت محضرة روحي من بداية العام ودايرة بلي باذن الله نجيبو خدمت في المواد شويا شويا بقاتلي غير اجتماعيات نهار لخر روحت محضرة روحي b1 حرسني واحد لاستاذ كي نتفكرو نكره حياتي قلقني وهو يدور توترة خدمت شويا ورحت لدار نبكي قتلهم راحلي الباك وكان احساسي صحيح مي قعدت نستنا في نتيجة قات نورمال خدمت في لخرين في lafin جاتني 9.70 كرهت حياتي على جال الباك ومانيش حابة نعاودو كل مانتفكر ماعلباليش كامل وش يصرالي نكون نضحك نتفكر نتيجة نولي نبكي حرت واش ندير مي هكاك ونقل قدر الله ماشاء فعل وهكاك ونبقى مقيوسة

 

[السلطانة]

رد: bac 2016 كابوس في حياتي

وعليكم السلام عزيزتي منجحتيش مرة ماش معناها انتي فاشلة
مازالت عندك فرصة اغتنميها وايقضي العزيمة لي عندك
اقراي على روحك احفظي واخدمي وقوي ايمانك بالله
انتي تقولي ماش حابة نعاود
انتي جماعة 97 لي قالولهم ممكن ميرجعوهمش حابين يرجعو وحابين مساكن وبقاو يسناو في القرار
وانتي تقولي ماش حابة نعاود بلاصتك الناس ام يحوسو عليها
ديجا راكي قريب جبتيه معناه قادرة تجيبيه واكثر
بصح لازم تقوي روحك
ياما ناس ماجابتش لكن كي حطو راسهم العام التالي جابو عادي
وهام ليك كاين بزاف من اللمة بكاو نهار ماجابوش والعام لي فات جابو وفرحو وعادي
الانسان ميفشلش روحو برك لكن يقرى ويحوس على الخطأ تاعو ممكن خطأ منهجية ممكن طريقة مراجعة

ربي يوفقك ان شاءالله
وادخلي هنا يعاونك هذا المنتدى بزاف

منتدى الثالثة ثانوي والتحضير لشهادة البكالوريا 2016

 

[لاريمان]

رد: bac 2016 كابوس في حياتي

السلام عليكم
هو صح اختي بعد تعب عام تغيضك لما تخسري لكن هادا مكتوب ربي وان شاء الله ترجعي وعاوديه سواء نظامية ولا احرار مادام عندك الباك هدف رغم الفشل حاولي تحقيقيه وتفاءلي خيرا الكثير والكثير فشلوا المرة الاولى وجابوه المرة الثانية خلي ايمانك بربي كبير وان شاء الله تفرحي وتفرحينا

 

[الفتى المغامر]

رد: bac 2016 كابوس في حياتي

قوي عزيمتك اختي و عاودي ولي تقراي كاين الي راه يحوس يولي يقرا و ماقبلوهمش
وانت اغتنمي الفرصة و قري و انا معاك تغيضك عمرك و القراية تاع عام كامل وممنبعد تخسري صعيبة شوية بصح ولي تقراي و يجب ان تكون عندك عزيمة قوية .
و ربي يوفقك و يوفقنا
في امان الله

 

[لؤلؤة قسنطينة]

رد: bac 2016 كابوس في حياتي

السلام عليكم اختي
ربي يوفقك لكل خير ان شاء الله ويعوضك بفرحة اكبر من هادي
درك شوفي ختي لعزيزة ماكانش لي مايعتبرش الباك حاجة مهمة في حياتو ولي رايحة تصنع فارق كبييير
في مستقبلو واكيد النجاح فيه من اول محاولة رايحة تكون ليه فرحة كبيرة ولكن ...
ماش معناها كي ماديتيش الباك خلاص يعني تقفلت البيبان واظلمت حياتك بالعكس لازم تكون عندك عزيمة وإرادة
تعرفي انا نهار ديت الباك وطلعت الجامعة مع اني جوزتو مريضة وتعبت وكلشي وزعما كنت متفاخرة بروحي كي عندي ارادة
بصح كي دخلت للجامعة لقيت لي ذرة من ارادتهم مستحيل نلحقلها لقيت لي عمرو 40 و45 سنة جا يقرا وسط ولاد
الـ 18 و 20 بدون خجل ولا توسويس من روحو يعني بقيت نخمم قداه من مرة الشخص هادا عاود الباك وكي عاود الباك
المشكل ماش نفس البرنامج خلاااااص اتخيلي تنقاطعي على الدراسة 20 سنة ومن بعد تعاودي الباك وتجي تقراي وسط
ولادك وصدقيني نجحو ودارو ماستر وراهم قريب يديرو الدوكتوراه هادا كامل من الارادة، لقيت تاني لي يجيو يقراو في
وسط كرسي متحرك، اتخيلي طالب يدخل للمدرج في وسط كرسي متحرك وسط 200 ولا 300 شخص بكل شجاعة
ويقرا من 8 حتى 4 ولي لاباس بيهم يروحو بكري وهادا كامل من الارادة، كاين بالعكازات كاين لي حجمو قد القزم
وكاين وكاين وكاين ويجيو يقراو وقبل مايلحقو الجامعة قراو في ثانوية وسط الناس نورمال
يعني الفكرة لي حبيت نوصلهالك بلي راكي عندك فرصة يتمناوها بزاااااف ناس، مازلتي صغيرة وتقدري تقراي في
الثانوية نورمال خاطر كاين لي كبار وحاوزوهم للشوارع ايضا عندك صحتك وجسم سليم والحمد لله ايضا والديك
مشجعينك انا نعرف بنات ماداتش الباك زوجها باباها ماكانش تعاود الباك هادي يعني راهي عندك حوايج
يتمناوها بزاف ناس والباك ماش حكاية حياة او موت راهو عبارة عن نجاح او رسوب وهادي هي حياة الانسان
يوم ينجح ويوم يرسب واحد مانجح بسهولة في الدنيا هادي حتى العلماء لي رانا نقراو على كتاباتهم تاني رسبو في
يوم من حياتهم بصح مااستسلموش، مالا حبيبتي استغفري ربي خاطر قادر شافلك فيها خير ونتي ماعلابالكش
واوقفي على رجليك بدل ماتبكي راهي بدات سنة دراسية جديدة وتحتاج عزيمتك واصرارك واجتهادك ماش دموعك
اللي راح راح ودرك غمضي عينك تلقاي روحك تجوزي في الباك مرة اخرى مالا ماتضيعيش عام آخر بالحزن تاعك
بالعكس اوقفي على روحك وفرحي والديك الكرة راهي بيدك ودرك وقت الصح والتعب صح تغيضك وكلشي
بصح الندم ولاا لحسرة ماش رايح يجيبلك الباك مالا اقراي ختي لعزيزة وبينيلنا شطارتك خاطر علابالي تقديرلها
9.70 راكي قريبة وهاد العام تجيبيه بربي ان شاء الله
كوني قوية وربي يوفقك وتجيبيه ان شاء الله بالمعدل لي حابتو
ربي يوفقك ويهنيك
​

 

[طموحة]

رد: bac 2016 كابوس في حياتي

السلام عليكم
أختي فليكن لديك يقين ببأن الخيرة فيما اختاره الله
و أن هذا قضاء الله
صحيح صعيب طعم الرسوب لكن الأصعب أنك جعلت منه فشل لأن الفشل ليس رسوبك في الباكالوريا بل هو رضاك بهذا و عدم محاولتكك مرة أخرى
ليس هناك من يحبك أكثر من خالقك و مدام هو الرحيم الودود الذي كتب أقدرانا فليس علينا أن نحزن أبدا
قوي ايمانك و لتبدئي سنة دراسية كلها ارادة كلها أمل كلها عزيمة كلها طموحات
و احذفي من قاموس ألفاظك bac2016 كابوس
و اجعليه حافز
وفقك الله و جعلك من المتوفقين في bac 2017 f بأعلى المعدلات

 

[الزهرة الحمراء]

رد: bac 2016 كابوس في حياتي

السلام عليكم اختي
اولا قدر الله وما شاء فعل
ثانيا وعسى ان تكرهوا شيئا وهو خير لكم
تقوليلي علاه راكي تقولي هكا وماكيش حاسة بيا كامل
لا اختي راني حاسة واش راكي تحسي وكيفاه راهي تحرق في قلبك خاطر انا تاني جزت على المرحلة هاذي
اول باك تاعي كان في 2015 وكنت كيما انت محضرة روحي وقريتلو حتى وين الدار كانوا يقولولي انت رايحا تصرالك حاجة مع لقراية هاذي بلعقل على صحتك
ونهار خرجت النتيجة لقيت روحي ماجبتوش بمعدل 9.97 يعني شفتي الفرق بين معدلي ومعدلك هذاك الوقت تمنيت لوكان خسرت بمعدل 8 ولا 7 وماخسرتش بالمعدل هذا خاطر تغيضك بزاف لانو نقطة في اي مادة كانت رايحا دير فرق
مانكذبش عليك بكيت وتشوكيت وكامل مبصح قلت قدر الله وماشاء فعل وعرفت انو ربي كتبلي هاذي الحاجة باه نحل عينيا
لاني كنت في باك 2015 نقول اذا جبتو رايحا ندير واحد التخصص ايا مع الوقت لقيت اشارات في حياتي بينتلي انو التخصص لي كنت رايحا نديروا ماكانش رايح يخرج عليا
عاودت الباك تاعي وعاودتو بخوف اكبر من الخوف لي كان عندي في 2015 ع أساس خوف من ا لفشل مرة اخرى
وشفتي المشاكل لي صراو فيه زادو اثروا عليا ولكن الحمد لله نجحت ودرت التخصص لي حبيتو وعندي اهداف بهذا التخصص راني حابة نوصل ليهم بعد ما ربي فتحلي عينيا على اكثر تخصص نلقى فيه راحتي
ومانيش انا الوحيدة فاللمة لي ماجبتش باك 2015 كاين بزاف اعضاء ووقفوا معانا جماعة اللمة الحق ودعمونا وكي جبناه في 2016 فرحولنا وهناونا
بمعنى يا اختي ماتقطعيش اليأس لأنو الله عزوجل يحرم عليك حاجة باه يبعثلك حاجة احسن من لي حرمك منها
ربي يوفقك غاليتي وان شاء الله كي اليوم تجينا وتفرحينا وبالاكي بالاكي تفشلي وتقولي خلاص هاذي هي النهاية
​

 

[همس الوُرود]

رد: bac 2016 كابوس في حياتي

السلام عليكم ورحمة الله وبركاته

أختي أسماء تعرفي بلي أنو حالتك صعبة و مهما كتبت ومهما عبرتي مارايحاش تقدري تخرجي ذاك القدر من الجرح الي داخلك

العام الثاني رايح يكون أصعب شيء في حياتك

أنا راني نقوللك هكا مشي بش نهبطلك المورال لالا ولكني بش نزيد نبينلك بلي العام مزالو طويل و مزااال تزيدي تتألمي بزاف

نقولك هكآ بيسك جربت وجزت على وش راهو يمر عليك دوك كلش حسيت بيه

شوفي أختي لازمك تكوني قاوية ~ يقال لكل جواد كبوة مكانش فينا الي مايتعثرش فالدنيا هادي..لازم تعرفي أخطائك فالعام الماضي ومتكرريهاش هذا العام

هذا العام تقدري تكبري بسنوات وسنوات

أنا العام الماضي كنت يائسة و كانت حالتي كيف حالتك وتشوفي لما دوك جبت الباك و نجحت وطلعت لقيت الي نجحوا العام الي فات كامل عاودو عامهم الأول علآش..؟؟ بيسك ماكانش عندهم لاباز وماكانوش دايرين حساب كبير للجامعة

نتي قبل ماتطلعي للجامعة لازم تتذوقي مرارة الإعادة بش فالجامعة بإذن الله تديري القلب وماتغلطيش نفس الخطأ

لازم الخطأ الي غلطتيه هذي المرة تستفادي منو طول حياتك

أعرفي بلي وش كتبهولك ربي أكييييييييييييييد فيه خير في حياتك أكيييييييييييييد

أقراي وأتعبي هذا العام و ريحي بالك تقربي أكثر من ربي سبحانه لأنو ولا شخص يمكن أنو يحس بيك ولا يسمعك ولا يعاونك ولا أحد يمكن يساعدك إلا ربي سبحانه

روحي أغلقي على روحك البيت وأبك و وتكلمي من قلبك بهدوء واحد مارايح يعرف وشبيك ماعدا الله سبحانه وتعالى وواحد مايقدر يساعدك إلا ربي سبحانه

يمالا تقربي من ربي و أقراي وبعدي على الأشخاص السلبيين في حياتك وكوني إيجابية أقراي بزاف و رايحة تنجحي بإذن الله

و نجآحك رايح يكون أروع إحساس للعام الثاني أفضل لأنو تحسي بقيمة النجاح وبقيمة جهدك وتفرحي بزاف وتتمتعي

أقراي و بإذن الله فالأخير رايحة تكوني أسعد فتاة و قولي قالت عبير

تهلاي فروحك أختي ~ و ربي يفرج عليك ويهنيك يآرب وتنجحي عام 2017 بإذن الله​

 

[assma 10]

رد: bac 2016 كابوس في حياتي

وعليكم السلام عزيزتي منجحتيش مرة ماش معناها انتي فاشلة
مازالت عندك فرصة اغتنميها وايقضي العزيمة لي عندك
اقراي على روحك احفظي واخدمي وقوي ايمانك بالله
انتي تقولي ماش حابة نعاود
انتي جماعة 97 لي قالولهم ممكن ميرجعوهمش حابين يرجعو وحابين مساكن وبقاو يسناو في القرار
وانتي تقولي ماش حابة نعاود بلاصتك الناس ام يحوسو عليها
ديجا راكي قريب جبتيه معناه قادرة تجيبيه واكثر
بصح لازم تقوي روحك
ياما ناس ماجابتش لكن كي حطو راسهم العام التالي جابو عادي
وهام ليك كاين بزاف من اللمة بكاو نهار ماجابوش والعام لي فات جابو وفرحو وعادي
الانسان ميفشلش روحو برك لكن يقرى ويحوس على الخطأ تاعو ممكن خطأ منهجية ممكن طريقة مراجعة

ربي يوفقك ان شاءالله
وادخلي هنا يعاونك هذا المنتدى بزاف

منتدى الثالثة ثانوي والتحضير لشهادة البكالوريا 2016

شكرا ختي ربي يحفضك :thumb_up02::thumb_up02:

 

[assma 10]

رد: bac 2016 كابوس في حياتي

السلام عليكم
هو صح اختي بعد تعب عام تغيضك لما تخسري لكن هادا مكتوب ربي وان شاء الله ترجعي وعاوديه سواء نظامية ولا احرار مادام عندك الباك هدف رغم الفشل حاولي تحقيقيه وتفاءلي خيرا الكثير والكثير فشلوا المرة الاولى وجابوه المرة الثانية خلي ايمانك بربي كبير وان شاء الله تفرحي وتفرحينا

نشالله ياربي mrc:love01:

 

[assma 10]

رد: bac 2016 كابوس في حياتي

قوي عزيمتك اختي و عاودي ولي تقراي كاين الي راه يحوس يولي يقرا و ماقبلوهمش
وانت اغتنمي الفرصة و قري و انا معاك تغيضك عمرك و القراية تاع عام كامل وممنبعد تخسري صعيبة شوية بصح ولي تقراي و يجب ان تكون عندك عزيمة قوية .
و ربي يوفقك و يوفقنا
في امان الله

نشالله شكرا اخي

 

[assma 10]

رد: bac 2016 كابوس في حياتي

السلام عليكم اختي
ربي يوفقك لكل خير ان شاء الله ويعوضك بفرحة اكبر من هادي
درك شوفي ختي لعزيزة ماكانش لي مايعتبرش الباك حاجة مهمة في حياتو ولي رايحة تصنع فارق كبييير
في مستقبلو واكيد النجاح فيه من اول محاولة رايحة تكون ليه فرحة كبيرة ولكن ...
ماش معناها كي ماديتيش الباك خلاص يعني تقفلت البيبان واظلمت حياتك بالعكس لازم تكون عندك عزيمة وإرادة
تعرفي انا نهار ديت الباك وطلعت الجامعة مع اني جوزتو مريضة وتعبت وكلشي وزعما كنت متفاخرة بروحي كي عندي ارادة
بصح كي دخلت للجامعة لقيت لي ذرة من ارادتهم مستحيل نلحقلها لقيت لي عمرو 40 و45 سنة جا يقرا وسط ولاد
الـ 18 و 20 بدون خجل ولا توسويس من روحو يعني بقيت نخمم قداه من مرة الشخص هادا عاود الباك وكي عاود الباك
المشكل ماش نفس البرنامج خلاااااص اتخيلي تنقاطعي على الدراسة 20 سنة ومن بعد تعاودي الباك وتجي تقراي وسط
ولادك وصدقيني نجحو ودارو ماستر وراهم قريب يديرو الدوكتوراه هادا كامل من الارادة، لقيت تاني لي يجيو يقراو في
وسط كرسي متحرك، اتخيلي طالب يدخل للمدرج في وسط كرسي متحرك وسط 200 ولا 300 شخص بكل شجاعة
ويقرا من 8 حتى 4 ولي لاباس بيهم يروحو بكري وهادا كامل من الارادة، كاين بالعكازات كاين لي حجمو قد القزم
وكاين وكاين وكاين ويجيو يقراو وقبل مايلحقو الجامعة قراو في ثانوية وسط الناس نورمال
يعني الفكرة لي حبيت نوصلهالك بلي راكي عندك فرصة يتمناوها بزاااااف ناس، مازلتي صغيرة وتقدري تقراي في
الثانوية نورمال خاطر كاين لي كبار وحاوزوهم للشوارع ايضا عندك صحتك وجسم سليم والحمد لله ايضا والديك
مشجعينك انا نعرف بنات ماداتش الباك زوجها باباها ماكانش تعاود الباك هادي يعني راهي عندك حوايج
يتمناوها بزاف ناس والباك ماش حكاية حياة او موت راهو عبارة عن نجاح او رسوب وهادي هي حياة الانسان
يوم ينجح ويوم يرسب واحد مانجح بسهولة في الدنيا هادي حتى العلماء لي رانا نقراو على كتاباتهم تاني رسبو في
يوم من حياتهم بصح مااستسلموش، مالا حبيبتي استغفري ربي خاطر قادر شافلك فيها خير ونتي ماعلابالكش
واوقفي على رجليك بدل ماتبكي راهي بدات سنة دراسية جديدة وتحتاج عزيمتك واصرارك واجتهادك ماش دموعك
اللي راح راح ودرك غمضي عينك تلقاي روحك تجوزي في الباك مرة اخرى مالا ماتضيعيش عام آخر بالحزن تاعك
بالعكس اوقفي على روحك وفرحي والديك الكرة راهي بيدك ودرك وقت الصح والتعب صح تغيضك وكلشي
بصح الندم ولاا لحسرة ماش رايح يجيبلك الباك مالا اقراي ختي لعزيزة وبينيلنا شطارتك خاطر علابالي تقديرلها
9.70 راكي قريبة وهاد العام تجيبيه بربي ان شاء الله
كوني قوية وربي يوفقك وتجيبيه ان شاء الله بالمعدل لي حابتو
ربي يوفقك ويهنيك
​

شكرا اختي ولله فرحتيني بزاااف بزااااف بكلامك هادا وحسيت بالهدرة لي راك تهدري فيها نشالله ربي يوفقنا وجزاك لله خيرا ختي لعزيزة :love01::love01::love01::love01:

 

[assma 10]

رد: bac 2016 كابوس في حياتي

السلام عليكم
أختي فليكن لديك يقين ببأن الخيرة فيما اختاره الله
و أن هذا قضاء الله
صحيح صعيب طعم الرسوب لكن الأصعب أنك جعلت منه فشل لأن الفشل ليس رسوبك في الباكالوريا بل هو رضاك بهذا و عدم محاولتكك مرة أخرى
ليس هناك من يحبك أكثر من خالقك و مدام هو الرحيم الودود الذي كتب أقدرانا فليس علينا أن نحزن أبدا
قوي ايمانك و لتبدئي سنة دراسية كلها ارادة كلها أمل كلها عزيمة كلها طموحات
و احذفي من قاموس ألفاظك bac2016 كابوس
و اجعليه حافز
وفقك الله و جعلك من المتوفقين في bac 2017 f بأعلى المعدلات

نشالله شكرا اختي

 

[assma 10]

رد: bac 2016 كابوس في حياتي

السلام عليكم ورحمة الله وبركاته

أختي أسماء تعرفي بلي أنو حالتك صعبة و مهما كتبت ومهما عبرتي مارايحاش تقدري تخرجي ذاك القدر من الجرح الي داخلك

العام الثاني رايح يكون أصعب شيء في حياتك

أنا راني نقوللك هكا مشي بش نهبطلك المورال لالا ولكني بش نزيد نبينلك بلي العام مزالو طويل و مزااال تزيدي تتألمي بزاف

نقولك هكآ بيسك جربت وجزت على وش راهو يمر عليك دوك كلش حسيت بيه

شوفي أختي لازمك تكوني قاوية ~ يقال لكل جواد كبوة مكانش فينا الي مايتعثرش فالدنيا هادي..لازم تعرفي أخطائك فالعام الماضي ومتكرريهاش هذا العام

هذا العام تقدري تكبري بسنوات وسنوات

أنا العام الماضي كنت يائسة و كانت حالتي كيف حالتك وتشوفي لما دوك جبت الباك و نجحت وطلعت لقيت الي نجحوا العام الي فات كامل عاودو عامهم الأول علآش..؟؟ بيسك ماكانش عندهم لاباز وماكانوش دايرين حساب كبير للجامعة

نتي قبل ماتطلعي للجامعة لازم تتذوقي مرارة الإعادة بش فالجامعة بإذن الله تديري القلب وماتغلطيش نفس الخطأ

لازم الخطأ الي غلطتيه هذي المرة تستفادي منو طول حياتك

أعرفي بلي وش كتبهولك ربي أكييييييييييييييد فيه خير في حياتك أكيييييييييييييد

أقراي وأتعبي هذا العام و ريحي بالك تقربي أكثر من ربي سبحانه لأنو ولا شخص يمكن أنو يحس بيك ولا يسمعك ولا يعاونك ولا أحد يمكن يساعدك إلا ربي سبحانه

روحي أغلقي على روحك البيت وأبك و وتكلمي من قلبك بهدوء واحد مارايح يعرف وشبيك ماعدا الله سبحانه وتعالى وواحد مايقدر يساعدك إلا ربي سبحانه

يمالا تقربي من ربي و أقراي وبعدي على الأشخاص السلبيين في حياتك وكوني إيجابية أقراي بزاف و رايحة تنجحي بإذن الله

و نجآحك رايح يكون أروع إحساس للعام الثاني أفضل لأنو تحسي بقيمة النجاح وبقيمة جهدك وتفرحي بزاف وتتمتعي

أقراي و بإذن الله فالأخير رايحة تكوني أسعد فتاة و قولي قالت عبير

تهلاي فروحك أختي ~ و ربي يفرج عليك ويهنيك يآرب وتنجحي عام 2017 بإذن الله​

نشالله ختي لعزيزة نشالله bac 2017 يكون اروع فرحة ليا وعلبالي رايحين تفرحو معايا

 

[ميساء سوزي]

رد: bac 2016 كابوس في حياتي

العام الجاي بربي نشاالله