***نرقد على كتفك ونمشي*****

عاشقة الإحسان

:: عضو بارز ::
أحباب اللمة
إنضم
21 جوان 2016
المشاركات
1,304
نقاط التفاعل
3,329
النقاط
71
محل الإقامة
الجزائر
السلام عليكم أحبتي

صباحكم ،مساكم خير و بركة و إحسان
واش راكوم ؟ أن شاء الله الكل بخير و عافية

اليوم حبيت نشارككم معايا في واحد الظاهرة متقولوليش قديمة ، و تضحكو عليا ، نعرف بلي قديمة مي مكانتش منتشرة بزاف ، شفتها مرة وحدة قبل خمس سنين ،إن لم تخني الذاكرة ، لكن هذا العام نمشي زوج خطوات ونشوفها .

أكيد تشوقتوا باش تعرفوا واش هي الظاهرة ؟

عندي سمانة من اللي سافرت مع راجلي ، رحلة من أجل العمل ، وكنت خارجة معاه ونمشيو في الطريق أيا ونلقاو لبنات كل وحدة معنقة صاحبتها اللي راهي تمشي معاها ( متأبطة ذراعها )، و وحدة راقدة على كتف صاحبتها و تمشي ، منحكيش على مضغ العلكة و الفم المفتوح والضحكات العالية و العينين البراقتين ،الراجل يهبط عينيه وهي متهبطهومش .

المهم ،أنا تشوكيت من هذا التعناق و التغنج ، وحشمت حتى نشوف معاهم تقول أنا اللي درت عيب ،( لست أدري ربما ليس عيبا ، وهو مجرد إنغلاق مني ، ربما إنقلبت الموازين ، و التخلف مني )

بالمناسبة أنا أخجل من أن يمسك زوجي بيدي أمام الملأ ، و أسحبها ، لكن بعد رؤيتي لهذا المنظر ، وليت في صراع مع نفسي ، يا أنا اللي مرانيش نورمال و مريضة ،يا هوما اللي ميستحوش .

زمان كي كنا نمشيو فالطريق ،نحكمو الحافة منمشيوش في وسط الطريق باش منخبطوش مع الرجال

ونهدرو غير بشوية باش ما يتسمعش صوتنا ، و العينين محطوطين فالأرض ،دي فوا نلحق للدار يقولي بابا ،شفتك اليوم جاية من اللمسيد ، نقولو مشفتكش يقولي كفاه مشفتنيش و أنا جزت من حداك وكنت تمشي مع صاحبتك .

زمان تبدل ،وكلش تبدل معاه ، إليكم الخط أحبتي ، قولولي وين راه المشكل ؟ وين راه الصح ؟ ، وين راه الغلط ؟.
سامحوني طولت عليكم
تحياتي لكم
سلام​
 
رد: ***نرقد على كتفك ونمشي*****


أهلا أختي أم حسّان
لا أبدا ما كيش أنت اللي متخلفة
الناس هادوك تقدموا حتى تحرقوا
و نزيدك حاجة كثرة زيجات هؤلاء النساء المترجلين و الرجال المتخنثين
زواج فاشل نتيجته أطفال بلا تربية

نوصيك اختي واصلي في تربيتك و أخلاقك و حشمتك
فهته كلها تزيد الأنثى أنوثة
بارك الله لك في أهلك

أخوك الامين​
 
رد: ***نرقد على كتفك ونمشي*****

السلام عليكم
هذا ماشي تقدم هذا تقليد اعمى للغرب والكفار
انتاشرو بزاف لازملهم فليطوكس تمشيه معاك
وين تلقا ترشهم كي الذبان والناموس خخخخخ
انت مقار راكي تخرجي مع راجلك بلاك ماتتبهدليش شويا مي فيها الحشمة
بصح واعرا كي تكون مع يماك هناك لبروبلام
الله المستعان
شكرا لك اختي​
 
رد: ***نرقد على كتفك ونمشي*****

وعليكم السلام
هارانا قلنا الحمار الوحشي اللي راهو في الراس نتاع الطفلة راهو يخدم خدمتو
ياحسراه واش من عيااط
عندها نهارين طلعت للبوس نتاع الجامعة
ايا وكانو بنات راكبين قبلي المهم صحبتهم خرجت من الصاك نتاعها قرعة نتاع ريحة
وبدا تشم فيه وصحاباتها هاتي ندير شوي ولخرى والله مليحة ريحتك واش اسمها خخخخ
وماعرفوش انو الريحة للطفلة زينة مي اللي دوختني دير الريحة قدام
الشباب انا استحيت واللقطة اللي قتلتني نتاع الصح
طلعت انا وصحاب راجع من الجامعة للاقاامة في البوس نتاع الطلبة المهم وركبو من ورانا وحد 4 بنات
المهم انا وصاحبي نحكيو على بعض الامور تتعلق بالقرايا وكنا نحكيو بالللغة الفرنسية
يعني مش لغة فرنسية مي مصطلحات نتاع القرايا نتاعنا
حتى نسمع في الطفلة تقول لصحبتها هذو واش يقراو باين عليهم يقراو حاجة كبيرة
ايا ومن بعد بداو يتغزلو بينا يعني صراحة ختي والله لا تحرشو بينا حتى حشمنا
مالقيناش وين نحطو ريسانا الله غالب سي لافي كيما قالها خالد
ربي يهدينا ويرجعنا للصواب والمشكلة كيما قتلك كي ينفلت الحياء من الطفلة خلااص ترع هي والبغلة الزرقة
كيف كيف ...
 
رد: ***نرقد على كتفك ونمشي*****

واش نقولك يا لحبيبة العجب لي رانا نشوفوه في البنات في الزنقة كارثة
لا حياء لا خوف من الله
تمشي كالدابة و خلاص غابت الانوثة و الظرافة و رجعت وحش يخوف الشباب لي يخاف ربي سبحانو
تعرفي كامل واش راها تحكي من صوتها العالي و اما القهقهات نتع بنات الشوارع ما نقولكش راكي شفتي بعينيك
الحمد لله ما زال كاين شويا حياء كما انت و بزاف بنات و نسا يخافو ربي
ربي يحفظك و يهنيك مع زوجك و يدوم عليك الحياء
 
رد: ***نرقد على كتفك ونمشي*****


أهلا أختي أم حسّان
لا أبدا ما كيش أنت اللي متخلفة
الناس هادوك تقدموا حتى تحرقوا
و نزيدك حاجة كثرة زيجات هؤلاء النساء المترجلين و الرجال المتخنثين
زواج فاشل نتيجته أطفال بلا تربية

نوصيك اختي واصلي في تربيتك و أخلاقك و حشمتك
فهته كلها تزيد الأنثى أنوثة
بارك الله لك في أهلك

أخوك الامين​
شكرا لك أخي الأمين ، سرني مرورك الطيب

و إبداء رأيك السديد

تحياتي
 
رد: ***نرقد على كتفك ونمشي*****

السلام عليكم
هذا ماشي تقدم هذا تقليد اعمى للغرب والكفار
انتاشرو بزاف لازملهم فليطوكس تمشيه معاك
وين تلقا ترشهم كي الذبان والناموس خخخخخ
انت مقار راكي تخرجي مع راجلك بلاك ماتتبهدليش شويا مي فيها الحشمة
بصح واعرا كي تكون مع يماك هناك لبروبلام
الله المستعان
شكرا لك اختي​

العفو أخي

سررت بمرورك العطر و إضافتك القيمة

تحياتي
 
رد: ***نرقد على كتفك ونمشي*****

وعليكي السلام
أوووو ما راكي روطارد ما والو
هما اللي رجعو للعصر الجاهليه
تبرج الجاهلية الزينة اسمنة البخث
القهقهة وإلفات الإنتباه قلة حياء يعني عندك قاموس من الألفاظ تنجمي تحطيها عليهم هادو الدواب
لا حشا الدواب وعندها قدرها على الأقل تمشي وتسبح
يعني قوليلي الفرق بينا وبين الغرب (زعما المتقدم )
الخرطي
انا اللي تغيضني انو هما الغرب إلا دارو هاك راهم ميعرفوش ربي ومايخافهش ومتبعين على أساس ديانتهم
بصح الندب العرب ( إلا من رحم ربه)
عارفين ربي وسنة نبدأ وما أنزل إليه في كتاب مفصل ومنزل تنزيلا
آه واش نقول واش نخلي
خطوات الشيطان بادية الله يجيب الخير برك
 
رد: ***نرقد على كتفك ونمشي*****

وعليكم السلام
هارانا قلنا الحمار الوحشي اللي راهو في الراس نتاع الطفلة راهو يخدم خدمتو
ياحسراه واش من عيااط
عندها نهارين طلعت للبوس نتاع الجامعة
ايا وكانو بنات راكبين قبلي المهم صحبتهم خرجت من الصاك نتاعها قرعة نتاع ريحة
وبدا تشم فيه وصحاباتها هاتي ندير شوي ولخرى والله مليحة ريحتك واش اسمها خخخخ
وماعرفوش انو الريحة للطفلة زينة مي اللي دوختني دير الريحة قدام
الشباب انا استحيت واللقطة اللي قتلتني نتاع الصح
طلعت انا وصحاب راجع من الجامعة للاقاامة في البوس نتاع الطلبة المهم وركبو من ورانا وحد 4 بنات
المهم انا وصاحبي نحكيو على بعض الامور تتعلق بالقرايا وكنا نحكيو بالللغة الفرنسية
يعني مش لغة فرنسية مي مصطلحات نتاع القرايا نتاعنا
حتى نسمع في الطفلة تقول لصحبتها هذو واش يقراو باين عليهم يقراو حاجة كبيرة
ايا ومن بعد بداو يتغزلو بينا يعني صراحة ختي والله لا تحرشو بينا حتى حشمنا
مالقيناش وين نحطو ريسانا الله غالب سي لافي كيما قالها خالد
ربي يهدينا ويرجعنا للصواب والمشكلة كيما قتلك كي ينفلت الحياء من الطفلة خلااص ترع هي والبغلة الزرقة
كيف كيف ...
شكرا لإضافتك المميزة لموضوعي أخي حكيم

و الله ضحكتني واش حمار وحشي و البغلة الزرقا ، ميخفاش التخصص تاعك كامل

سرني مرورك العطر
تحياتي
 
رد: ***نرقد على كتفك ونمشي*****

واش نقولك يا لحبيبة العجب لي رانا نشوفوه في البنات في الزنقة كارثة
لا حياء لا خوف من الله
تمشي كالدابة و خلاص غابت الانوثة و الظرافة و رجعت وحش يخوف الشباب لي يخاف ربي سبحانو
تعرفي كامل واش راها تحكي من صوتها العالي و اما القهقهات نتع بنات الشوارع ما نقولكش راكي شفتي بعينيك
الحمد لله ما زال كاين شويا حياء كما انت و بزاف بنات و نسا يخافو ربي
ربي يحفظك و يهنيك مع زوجك و يدوم عليك الحياء
شكرا لك عزيزتي أم منير ، و لإضافتك المميزة تميزك أنت
ولدعواتك الصادقة الغالية ، و إطرائك
سررت جدا بمرورك سيدتي ، ربي يحفظك و يخليلك منير
تحياتي
 
رد: ***نرقد على كتفك ونمشي*****

وعليكي السلام
أوووو ما راكي روطارد ما والو
هما اللي رجعو للعصر الجاهليه
تبرج الجاهلية الزينة اسمنة البخث
القهقهة وإلفات الإنتباه قلة حياء يعني عندك قاموس من الألفاظ تنجمي تحطيها عليهم هادو الدواب
لا حشا الدواب وعندها قدرها على الأقل تمشي وتسبح
يعني قوليلي الفرق بينا وبين الغرب (زعما المتقدم )
الخرطي
انا اللي تغيضني انو هما الغرب إلا دارو هاك راهم ميعرفوش ربي ومايخافهش ومتبعين على أساس ديانتهم
بصح الندب العرب ( إلا من رحم ربه)
عارفين ربي وسنة نبدأ وما أنزل إليه في كتاب مفصل ومنزل تنزيلا
آه واش نقول واش نخلي
خطوات الشيطان بادية الله يجيب الخير برك
شكرا لك عزيزتي بنقابي أفتخر ،ردك دليل رقيك و تميزك

سرني مرورك العطر
تحياتي
 
رد: ***نرقد على كتفك ونمشي*****

السلام عليكم
عنوان شباب هدا جبتيها فالصواب
ترقد علي كتف صحبتها وكي يشوفوا الرجال والله ياحبيبتي يزيدوا والضحك والتمسخير
واش نقولوا الحشمة راحت مع ماليها ربي يجيبلنا ساعة نتاع خير يارب
قلدوا الاوروبيين غي فالعميات وفهامتهم لالا
الله يهدي ماخلق
تحياتي
 
رد: ***نرقد على كتفك ونمشي*****

السلام عليكم
عنوان شباب هدا جبتيها فالصواب
ترقد علي كتف صحبتها وكي يشوفوا الرجال والله ياحبيبتي يزيدوا والضحك والتمسخير
واش نقولوا الحشمة راحت مع ماليها ربي يجيبلنا ساعة نتاع خير يارب
قلدوا الاوروبيين غي فالعميات وفهامتهم لالا
الله يهدي ماخلق
تحياتي

شكرا أخيتي مليكة ، على الإضافة المميزة

صح و الله منزيد عليك أنا كي شفتهم ، أحشمت و دورت راسي ، بنات ومعنقين بعضهم و رقاد على الكتف ، مهزلة بكل المقاييس .

أجدد شكري لكي و مرورك أسعدني
تحياتي
 
رد: ***نرقد على كتفك ونمشي*****

السلام عليكم

بارك الله فيك على هذه الإلتفاتة لصورة او مظهر أساء إليه المتعلمين
لكن أنا نقول بل هم أو هن يقتفون ويدعون العلم الجاهل بإسم التحضر والتقدم
واش يجيك من الي يشوفوا حضارتهم من التلفاز ويتبعوا الموضة القادمة من الغرب
مادامت البنت فضلت لبس ثوب الرجل على اللباس النسوي ماذا تنتظري منها إلا بروز المفاتن
مادامت البنت تخرج للدراسة في أخر صيحة في تصفيف شعرها ماذا تنتظر منها إلا غثارة الفتنة
مادامت البنت تستهوي السجارة والجلوس على قارعة الطرق ماذا تنتظري منها إلا التسكع والفاحشة
هذه الخطوات المتبعة والمقتنية من فتايات الغرب المقتدى منهن ليس ببعيد أن يخرج منها وبتفنن التغنج والتمايل والقهقهة والصوت العالي
لكن كل هذا من الوالين لا احد يتحمل المسؤلية غيرهما وربي يحاسبهم عليهم
تحية لكل متحجة متأدبة في مشيتها متخلقة في معاملتها متواضعة في مظهرها لا فاتنة ولا مفتنة
بارك الله فيك ربي يحميك وذريتك ويحفظكم من كل مكروه ويجعلكم قدوة لغيركم
ربي يحفظك ويريح بالك وينسيك في الصورة السيئة التي عكرت تفكيرك وسكنت ذهنك​

تقبلوا تحياتي
 
رد: ***نرقد على كتفك ونمشي*****

السلام عليكم
بارك الله فيك حبيبتي على الموضوع نتمناو نشوفوك دايما هنا مزهيتلنا القسم بمواضيعك :)
والله من قبيل حابة نرد على الموضوع بصح الكونيكسيو هبلتني ماجيت نثبت هاد الرد بالسيف
المهم نوليو للموضوع والله يا اختي ماش نتي لي راكي روطار هوما راهم زعما تقدمو بزاف، زعما جاتهم الحنانة يعنقو بعضاهم
وهي كن تبعد وحدة على التانية تشبع فيها هدرة وتجبدلها مصارنها المظاهر الزايدة هاديك فيها اللوش هههه
انا نتعامل باحترام مع كل الناس واذا على العناق فيا طبيعة كي نلقى وحدة نعرفها وعندي مدة ماشفتهاش مانقدرش
نسلم عليها بلا ما نحط يدي ورا ظهرها ونعنقها هههه الله غالب فيا الطبيعة هادي خاصة اذا كانت وحدة قريبة ليا بزاف
بصح في دقيقتها تحبس تاع نحط راسي على كتف وحدة ونمشي هادي مافياش اصلا كي تكون صاحبتي قريبة خلاااص
نكلمها بالمهبولة والمصيبة هههه ماكانش حنانة بيناتنا هههه، والشخص الوحيد لي كي نمشي نكروشيه من ذراعو يعني
نحكم في دراعو كي نكون نمشي هي ماما، ولا اختي نحكمها من يدها كي نكونو في طريق مزدحم باه مانبعدوش على بعض
اما بنات اليوم والله راهم يديرو كتر من العناق والرقاد على الكتف راهم يديرو حوايج مانقدرش حتى ننطقهم احتراما
للمكان وللناس لي راهي هنا واحتراما لتربيتي يعني خلي البير بغطاه برك مانهدرش احسن
والحياء يا اختي راهو من زمان هز حوايجو وراح حاشا بنات الفاميليا لي مازالو كي تجي تمشي تقولك نحشم نمشي قدام
الرجال، آخر مرة برك رحت انا واختي للجامعة وكاين واحد واقف عند باب الجامعة وكبير ماش طالب ولا ويعس
في البنات انا واختي كي شفناه قلتلها هيا نجبدو رواحنا راهو لي تعدي يلصق فيها وخفنا منو صراحة والبنات لخرين
هوما يمشيو وهو يمشي معاهم والمشكل يحكيو نورمال ويضحكو وهو لاصق فيهم لا خوف ولا حشمة كن انا او قلبي
يضرب مليار والطريق نعود مانشوفهاش من الخلعة وهوما والله لا علابالهم تقول في الدار
يعني واحد الشي خليني ساكتة احسن خاطر الوقت لي رانا فيه راهو اسوء وقت غير ربي يثبتنا على دينا ونقابلوه على خير
شكرا اختي مجددا على الموضوع ربي يهنيك وربي يحفظك من كل سوء
تحياتي
 
رد: ***نرقد على كتفك ونمشي*****

هذا جيل 3G
المهم يظنون أنهم يسايرون العصر وفي الحقيقة هم أتباع كل ناعق
ولو أنك قلت لهم لم لاتقلدون أجدادكم في الحياء لقالوا لك أنت متخلف ومتقوقع
مساكين يظنون التقدم في اتباع الكفار في أخلاقهم الدنيئة
والله المستعان
 
رد: ***نرقد على كتفك ونمشي*****

سلام الله عليكم اختنا الكريمة وبعد:أول مرة في حياتي منفهمش رسائل مثل هذه الافعال
ولي قدرت نقولو:ربي يبعد كتافنا على كتافهم ههه هكا نكونو في راحة
تحياتي واحترماتي
 
رد: ***نرقد على كتفك ونمشي*****

عشوقتي حبيبتي
الحشمة راحت مع ناس بكري
دوك يعتبرو ليحشم متخلف
انا نفضل نكون متخلفة ومنحش رداء الحياء
صديقتك عبورة
 
رد: ***نرقد على كتفك ونمشي*****

والله ماعندي مانقووول
شكرا على الموضوع الهداف
بانتظارك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top