- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلاااام عليكم أهل اللمة الكرام
واش احوالكم لاباس؟؟ ربي يهنيكم ان شاء الله
(واحد مايشوف مع القاطو لي في يدي راني مانمدش -_-)
المهم غيروني خويا مالك وليليا هوما يطرحو المواضيع وانا لالا هيا مالا جبت موضوع حتى انا:yahoo01:
هو الصح الموضوع لي جابني ماش انا لي جبتو هههه
خاطر قاعدة نخمم بيني وبين روحي
دايما يقولك بلي كاين فرق بين الشعب الجزائري والشعب الاجنبي خاطر تلقاهم هوما متفتحين وتفكيرهم
عالي :graduation:ماش كيما شعبنا زعما معقد ومايفهمش هيا بديت نخمم بيني وبين روحي وقلت زعما المواطن ولا المواطنة الجزائرية كيفاه بدات حياتهم
وكيفاه لحقو لهكا وبديت نغوص في ليستوار تاع الجزائري وكيفاه بدات قصتو
مالا كان يا مكان هههه لالا اخطينا من هاد البداية وندخلو طول في الموضوع زعما بديت نخمم في البيبي ولا الرضيع الجزائري كيفاه تبدا حياتو وتما عرفت علاه يخرج معقد مسكين -_-
في كامل دول العالم كي تخاطب الام ولدها الصغير ولا بنتها توصفهم باجمل الصفات "ولدي الشباب" "ولدي المخير في العالم" "بنتي هي الاميرة" (هنا راني نترجملكم في اللغة الاجنبية هههه) المهم تطلعلهم المورال من الصغر
غير عندنا تلقى الوالدين كي يكلمو ولادهم يقولولهم "يا المهبول تاعي" " يا الموسخ تاعي" "يا البهلول تاعي" هههه الطفل مسكين يتوسوس من روحو وهو صغير ولا يقولولو "نحيلك عينيك" "نحيلك خشمك" "نطيرلك خدودك"
الطفل مسكين يحس روحو زاد في عايلة القتلة
ولا مصاصي الدماء ههههه ولا تروح يماه تتخبا ورا الخزانة وتطل عليه وتقولو "طييي" قريب يقولنا مسكين بركاو بلا جياحة الله يستركم
هههه حتى المفردات تاعنا عند الهنود الحمر وماقالوهمش هادي "طي" وهادي "نني" وهادي"بعو" وهادي معرف واش وزيد كي يجي يرقد تغنيلو "نني نني يا بشا واش نديرو للعشاء نديرو جاري بالدبشة يجي ولدي يتعشا" ماهذا يا قوم :s واش دخلو ولدك مسكين تسقسيه على العشاء كن طفلة نقولو تعلميها الطبخ من الصغر بصح الذكر
مسكين واش ذنبو؟ من هنا تقوليلو نني يعني ارقد ومن بعد يجي يتعشا ماهذا -_- كي مايحلمش مسكين بروحو يجريو وراه الارهاب راهو مليح ههه
ولا لي يحب في العائلة يدير تمرينات على الذراعين يجي يتدرب في كاش رضيع يهزو ويرميه للسماء سترنا ربي لي مالصقش مخنا في كاش حيط
سورتو لا واحد يتكيف يرميك ويغيص مع القارو حتى يسمع الخبطة تاعك في الارض هههه ومن بعد 3 سنين يقولك علاه الطفل لاصق في شجرة كي القرد
اكيد يدير هكا كي كان صغير راكم درتولو طيران حر
ولا الطفل كي يطيح على راسو مسكين الناس تجري بيه للمستشفى وواش من كادوات وواش من دباديب باه مايحسش مسكين بالصدمة
وحنا عندنا راسو حمر بالدم قريب يموت ويماه باه ماينوضش يبكي من الطيحة تبدا تصفقلو وتقولو اشطح تتمسخرو بينا ؟ ستر ربي ماتعلمناش عند كل مصيبة لازم نشطحو ولا رانا درك كي نروحو للجنايز نضربوها بشطحة
ونروحو هههههه
وزيد عند الاجانب غير الام ترفع صوتها على ولدها تلقاه يجبد روحو لشوكة
مايهدر مايشرب ماياكل ويوليو يجريو بيه لطبيب نفسي غير باه مايتعقدش وحنا السبتة تخبط والعصا تخبط والبشماق تاع يماه يخبط
40 تماركات في لحمو ههههه القريص تقول تورنوvيس وتلقاه يديرلك هكا
ويزيد يقولك ماوجعتنيش ولادنا جسمهم مخدوم بالياجور ولا بالسيما ههههه اصلا عند الاجانب الطفل مع يخرج يلعب توصيه يماه ساع باه ما يبعدش وواش من صابون ضد الجراثيم ويعلموه يلعب لعبة مفيدة تلقى طفل عمرو 3 سنين يلعب كرة السلة خير عليك لي شايب وحنا عندنا يلعب بالتراب بالحشرات بالقطط بالعباد تقول طفل تاع ادغال هههه
وكي يروّح كحل للدار بالاوساخ باه يماه تخاف عليه من الجراثيم تخبطو طول بكف للوجه خاطر وسخ حوايجو والمشكل الطفل تقول في راسو حجرة غدوة يزيد يلعب ويوسخ حوايجو ويدي كف خلاف هههه عائلة المهابل صح ههههه
تاني حاجة مهمة لما الطفل يحب يتعلم عند الاجانب يعلموه يعطيولو قيمة مرة شفت فيديو طفل عمرو بالاك عامين ونص ولا 3 سنين يوضعلو باباه على الارض اوراق وكل ورقة فيها كلمة ومن بعد باباه يقولو وينهي الكلمة هاديك ويلقاها الطفل نورمال ويزيد يقرا واش مكتوب فيها
يا عجابة كن رسومات نقولو يفهم بصح كتابة والله عجب وحنا عندنا واش يعلموه؟ دير شنوفة ويعوجلو خليقتو
يديرلو كوشمار للطفل على هادي يولي عندو فوبيا الاماكن المظلمة
والوجوه المخيفة ههههه ولا يقولو ابزق على القطة (حاشاكم) اضرب فلان تلقى الاب يقرب وجهو لولدو ويقولو اضرب بابا بكف منك بالصح ؟؟
مالا تليقلك دبزة للوجه -_- ولا كي يجي الطفل يسقسي حاجة طول يقولولو "كي تكبر تعرف" ولا "مازالت صغير" ولا كي يسقسي الطفل على امور الدين تاعو مثلا يقولك شكون هو الله؟ جاوبو نورمال وارضي الفضول تاعو وبالعكس اغتنم السؤال تاعو باه تدخلو افكار لي حابها لكن حنا عندنا يقولو "حرام واش قاعد تقول ماتزيدش تعاود ولا ربي يعلقك من شوافرك":s
منك صح؟؟
وسوستو لولاد ، ولا تلقى لي عندها طفلة ومشتاقة لولاد تلبس لبنتها كي الطفل الشعر مقصوص والسروال يخبط ولي عندها طفل ومشتاقة للبنات تطولو شعرو وهادي قطاطش ههههه اتقوا الله يا قوم
راكم وسوستو ولادكم على هادي مساكن هربو للمخدرات وراحو كلاهم الحوت كي مالقيتوهمش يمشيو ويقطعو في شعرهم وقشهم راهم ملاح ههههه هادي كفوف وهادا ضرب وهادي خزرة تخوف كتر على تاع هتلر
هههه وفي الاخير يقولك شعب معقد ربي يكون في عونو مسكين ههههه
المهم الموضوع هادا للمزاح برك خاطر ماكانش قد تربية والدينا تاع بكري خرجو الرجال وخرجو النساء الله يبارك
بالاك كاين اخطاء صح في التربية لازم نراعيوهم حنا درك بما انو الام ولات مثقفة والاب ولا مثقف وهادا هدف الموضوع الاساسي
خاطر درك ولات التربية نخليوها للنت وللتلفاز
المهم ليكم الخط درك واش راكم في تربية الصغير بكري وواش هيا الاخطاء لي كانو يرتاكبوها والدينا والفرق بين تربية بكري واليوم
هيا الخط ليكم بردو قلبكم
سلاااام واتهلاو في رواحكم
واش احوالكم لاباس؟؟ ربي يهنيكم ان شاء الله
المهم غيروني خويا مالك وليليا هوما يطرحو المواضيع وانا لالا هيا مالا جبت موضوع حتى انا:yahoo01:
هو الصح الموضوع لي جابني ماش انا لي جبتو هههه
خاطر قاعدة نخمم بيني وبين روحي
عالي :graduation:ماش كيما شعبنا زعما معقد ومايفهمش هيا بديت نخمم بيني وبين روحي وقلت زعما المواطن ولا المواطنة الجزائرية كيفاه بدات حياتهم
وكيفاه لحقو لهكا وبديت نغوص في ليستوار تاع الجزائري وكيفاه بدات قصتو
في كامل دول العالم كي تخاطب الام ولدها الصغير ولا بنتها توصفهم باجمل الصفات "ولدي الشباب" "ولدي المخير في العالم" "بنتي هي الاميرة" (هنا راني نترجملكم في اللغة الاجنبية هههه) المهم تطلعلهم المورال من الصغر
مسكين واش ذنبو؟ من هنا تقوليلو نني يعني ارقد ومن بعد يجي يتعشا ماهذا -_- كي مايحلمش مسكين بروحو يجريو وراه الارهاب راهو مليح ههه
ولا لي يحب في العائلة يدير تمرينات على الذراعين يجي يتدرب في كاش رضيع يهزو ويرميه للسماء سترنا ربي لي مالصقش مخنا في كاش حيط
سورتو لا واحد يتكيف يرميك ويغيص مع القارو حتى يسمع الخبطة تاعك في الارض هههه ومن بعد 3 سنين يقولك علاه الطفل لاصق في شجرة كي القرد
ولا الطفل كي يطيح على راسو مسكين الناس تجري بيه للمستشفى وواش من كادوات وواش من دباديب باه مايحسش مسكين بالصدمة
وحنا عندنا راسو حمر بالدم قريب يموت ويماه باه ماينوضش يبكي من الطيحة تبدا تصفقلو وتقولو اشطح تتمسخرو بينا ؟ ستر ربي ماتعلمناش عند كل مصيبة لازم نشطحو ولا رانا درك كي نروحو للجنايز نضربوها بشطحة
وزيد عند الاجانب غير الام ترفع صوتها على ولدها تلقاه يجبد روحو لشوكة
وكي يروّح كحل للدار بالاوساخ باه يماه تخاف عليه من الجراثيم تخبطو طول بكف للوجه خاطر وسخ حوايجو والمشكل الطفل تقول في راسو حجرة غدوة يزيد يلعب ويوسخ حوايجو ويدي كف خلاف هههه عائلة المهابل صح ههههه
تاني حاجة مهمة لما الطفل يحب يتعلم عند الاجانب يعلموه يعطيولو قيمة مرة شفت فيديو طفل عمرو بالاك عامين ونص ولا 3 سنين يوضعلو باباه على الارض اوراق وكل ورقة فيها كلمة ومن بعد باباه يقولو وينهي الكلمة هاديك ويلقاها الطفل نورمال ويزيد يقرا واش مكتوب فيها
يا عجابة كن رسومات نقولو يفهم بصح كتابة والله عجب وحنا عندنا واش يعلموه؟ دير شنوفة ويعوجلو خليقتو
منك صح؟؟
المهم الموضوع هادا للمزاح برك خاطر ماكانش قد تربية والدينا تاع بكري خرجو الرجال وخرجو النساء الله يبارك
بالاك كاين اخطاء صح في التربية لازم نراعيوهم حنا درك بما انو الام ولات مثقفة والاب ولا مثقف وهادا هدف الموضوع الاساسي
خاطر درك ولات التربية نخليوها للنت وللتلفاز
المهم ليكم الخط درك واش راكم في تربية الصغير بكري وواش هيا الاخطاء لي كانو يرتاكبوها والدينا والفرق بين تربية بكري واليوم
هيا الخط ليكم بردو قلبكم
سلاااام واتهلاو في رواحكم
