الناس تغيرت بزاف حتى الاقارب

[هالة]

السلام عليكم ورحمة الله تعالى وبركاته.الساعة الان حوالي 12 ليلا لكن الي مخليني منصبرش حتى الصباح ونكتب قصتي راني مغيوضة بزاف لدرجة كبيرة ومشي فاهمة حاجة وصلت لمرحلة مقدرتش نتعايش مع الناس والمجتمع صار اغلب الناس والمحيطين حولي متغيرين وواحد ميهمو امر الاخر ويقولو كلمة الوجه نورمال ويديرو الضربات نورمال وبكل وقاحة وفوقها كي يغيضك الحال يقولولك راك حساس وغير تتسبب وكي تشكي لكاش واحد يرد ويقلك بلاك عندو ضروف ويخترعولو ضروف واسباب ممكن تكونو مفهمتونيش لكن الي نعرفه اني مغيوضة بزاف البارح كنت بعرس ابن خالتي شفت العجب وجيت مشكلتي انو معنديش الزهر ولبنات تغار مني غير هاك تخيلو بنت خالتي اخت لعريس دارتلي وحد الضربات قريب حبس قلبي من لعشية وانا نعاون فيهم على وجه ربي والي قدرتلها مبخلتش بيها كي كملنا صوالحنا وشافتي نلبس قاتلي قاعدة هنا ومخليا لمعان تخيلو :s انا جاية للعرس ولا للمعان وكانت الساعة9 ليلا يعني السهرة بدات وبعدها لما سكتت ومجاوبتهاش شافتني لابسة انصوبل يشبه لنتاعها قاتلي متلبسيهش :sحتى منكونوش كيف كيف ولا كي نحه البسي نتاعك سكتت بعدها لما شافتني لابساته قعدت رافدة روحها عليا ومشي تكلم فيا بعدها قاتلي علاه راكي ساكتة وتحرقيلي في دمي قتلها علاه انا وش قتلك قاتلي سكتي عليا وبدات تعيط قتلها اسكتي علاه راكي تعيطي والناس تسمع وقتلها غير متتقلقيش صباح رانا نروحو لدارانا غير متربحيش العيب ورانا جايينكم ضيوف قاتلي غير روحو من دوكا راكم طولتو مربحتو :-o قتلها صحة دوكا نخرج قاتلي غير روحي يخي قاتلي خالتي اخطيك منها وامسحيها بوجهي قلت لماما دوكا نلقى لابن عمي يجي يديني حلفتلي خالتي وقاتلي اقعدي قتلها خلاص من اجلك راني قاعدة على خاطرك لكن فاتت عليا سامطة وكارهة وضاقت روحي بالعرس ورحت نحيت لنصوبل وانا نشوف فيها قريب تاكلني قعدت غير نبكي وغاضتني عمري وبعدها قعدو يعطولها في الاعذار ويقولولي نورمال راهو بيها مقلقة وبيها العرس والتعب تخيلو رجعت انا الي مشي صابرة وانا الي نتحسس وقعدت مخاصمتني وحكايتي حكاية في العرس حبيت نفرغ قلبي وخلاص وشكرا لكل من سمعني

 

[محمد إبن الصحراء]

رد: الناس تغيرت بزاف حتى الاقارب

موضوعك ماهوش مشكل والحل بسيط وعندك .

لكن ماعليش مادامكي كتبتيه في 12 نتاع الليل ( سهر الليالي )
وراك تفرغي واش في قلبك الحزين ...... نعطيك رايي .

قلتي : لبنات يغيرو منك ؟؟؟ لواش يغيرو ( جمالك - مالك - مستواك - حظك ...الخ ) ماوضحتيناش
وقلتي ( بنت خالتي اخت لعريس دارتلي وحد الضربات قريب حبس قلبي ) يالطيف . أن شاء الله ماتكونش ضربات جوية .
تصرفات وكلام بنت خالتك صبياني . سمحيلي بزاااااااااف الواقع

عجبتيني كي ماجوبتيهاش ولتزمتي الصمت لكنك ماصبرتيش .
لمهم خلي تفكيرك ناضج وكي تتعرضي لواقعة كيما هاك في المستقبل ترفعي عليها

سلام​

 

[همس الوُرود]

رد: الناس تغيرت بزاف حتى الاقارب

السلام عليكم

تعرفي يا أختي هالة..قريت موضوعك قبل ما نخرج وقلت غدوة نرد عليك..
قلت بلي لازم نفهمك بلي الناس ميرحموش و أغلبهم يسعاو بش أنتي تنهاري
كنت رايحة نقوللك لازم متديريش عليهم لازم أنت تمشي بنيتك صافية وخلاص
كيما بنت خالتك وش قالت لازم متخمميش فكلامها كامل ووش ديريه أنت المهم تكوني على نية صافية..

من جهة أخرى قبل ما نرد عليك كتبت نصيحة لفتاة هنا و كانت نيتي وربي عالم نية صافية..و حتى أنا إذا كنت فموقفها كنت نعمل بنصيحتي الي نصحتها..

مي كاين الي فهموني غالط على ما أظن..و كتبو كلام أظنه يمعنيو عليا فيه..والله أعلم ونتمنى نكون مخطأة

تعرفي بلي صراتلي كيما أنتي ورغم أني والحمد لله ماكنتش ناوية حاجة مش مليحة مي صح تتألمي لما الناس ميعرفوش داخلك ويتكلموا عليك بأمور أنت بريئة منها..

ننصحك دوك نصيحة والي بإذن الله حتى أنا نطبقها دوك...أمشي بالنية الصافية......ومتخافييييييش..خلي الناس كامل عندهم لسان والناس كامل يقدرو يحطموك فثانية بصح الحمدلله كاين ربي سبحانه يعرف نواياك ويعرف أهدافك..
والي بإذن الله هدفك يكون رضاه..

فالأخير نقوللك شكرا لأننا تشاركنا في نفس اللألم تقريبا

فقط أنت حدث لك البارحة وأنا اليوم

في رعابة الله أختي الكريمة

 

[zohor kfz]

رد: الناس تغيرت بزاف حتى الاقارب

كلام فعلا قاسي و لكن ردت فعلك كانت رائعة و في محلها
لكن خسرتيها في حاجة وحدة انكي مزيدتيش كملتي سهرتكي غية يعني مزهتيش بزاف و ضحكتي كيما كنتي ناوية جات هي خسرتلك كل لي كنتي ضانة تفوتيه في العرس
ما نلومكيش لانه القلب لحمة و ينضر لكن تمنيتكي لو زدتي ضحكتي و زهيتي لآخر لحظة في العرس

 

[♡كارينا♡]

رد: الناس تغيرت بزاف حتى الاقارب

السلام عليكم
للاسف اختي هذا راهو يصير مع كامل الناس وكل يوم تاني
انا تعرضت لمواقف كثيرة مثل هذه ولا افعل شئ سوى الصمت
ونديرها عادي كانها حاجة ماصارت ماتكسريش راسك بيهم

 

[هالة]

رد: الناس تغيرت بزاف حتى الاقارب

شكرا لكل من قرا رسالتي وقدملي وتعاطف معي لكن حبيت نقول لاخي ابن الصحراء يمكن لاني مغيوضة معرفتش نختار الالفاظ والكلمات الي نوصل بيها بواش راني نحس ونوضحلك علاه يغيرو مني لانو بفضل ربي تتوفر فيا كل هذيك النقاط الي حطيتها بين قوسين ولاني منحبش نمدح او نزكي نفسي منقدرش نتلفظهم اما على طلمة ضربات نقصد بيها مواقف لانو لما يكون الموقف يجرح ويصدم نعتبرو انا مثل الضربة اتمنى انك تحس شوي بضروفي ونضيفلك شيئ انا انسانة حساسة جدا ورقيقة من نسمة هواء تخدشني .وعمري ماذيت شخص لابكلام ولا بفعل ولا باي شيئ لهذا تغيضني روحي لمايعاملني شخص بمثل هذا الشيئ وشكرا

 

[محمد إبن الصحراء]

رد: الناس تغيرت بزاف حتى الاقارب

شكرا لكل من قرا رسالتي وقدملي وتعاطف معي لكن حبيت نقول لاخي ابن الصحراء يمكن لاني مغيوضة معرفتش نختار الالفاظ والكلمات الي نوصل بيها بواش راني نحس ونوضحلك علاه يغيرو مني لانو بفضل ربي تتوفر فيا كل هذيك النقاط الي حطيتها بين قوسين ولاني منحبش نمدح او نزكي نفسي منقدرش نتلفظهم اما على طلمة ضربات نقصد بيها مواقف لانو لما يكون الموقف يجرح ويصدم نعتبرو انا مثل الضربة اتمنى انك تحس شوي بضروفي ونضيفلك شيئ انا انسانة حساسة جدا ورقيقة من نسمة هواء تخدشني .وعمري ماذيت شخص لابكلام ولا بفعل ولا باي شيئ لهذا تغيضني روحي لمايعاملني شخص بمثل هذا الشيئ وشكرا

معليش .لكن نزيد نقولك خلي تفكيرك ناضج وكي تتعرضي لواقعة كيما هاك في المستقبل ترفعي عليها​