تكلفة فتح سيبار كافي

[lhou05]

السلام عليكم ورحمة الله وبركاته
أود فتح سيبار كافي متكون من 10 وتكون ذات قدرة جيدة بكل لوازمها من طاولات واكسسوارات
أريد أن أعرف التكلفة الأدنى لفتحه

 

[lhou05]

رد: تكلفة فتح سيبار كافي

أكثر من 35 مشاهدة بدورن رد؟؟؟؟؟؟
عجيب
أريد فقط رفم التكلفة لا أريد تفاصيل

 

[cosette]

رد: تكلفة فتح سيبار كافي

لا آعرف إستشير صآحب آلخبرة
موفق

 

[لؤلؤة قسنطينة]

رد: تكلفة فتح سيبار كافي

السلام عليكم
انصحك اخي الكريم باستشارة الأخ
rycerz
هو عندو خبرة في هاد المجال ورايح يفيدك بكلشي ان شاء الله
ولا اطرح فكرتك في موضوعو هادا
http://4algeria.com/forum/threads/453430/
رايح تلقى الافادة بإذن الله
بالتوفيق ان شاء الله
​

 

[Hakan]

رد: تكلفة فتح سيبار كافي

نورمالمون تسقالملك كحد اعلى 50 مليون وكحد ادنى 40 مليون
اومي خيو ربي يهنيك ​

 

[الحلم الوردي]

رد: تكلفة فتح سيبار كافي

السلام عليك
والله يا اخي يسقاملك بين 40 و 50 مليون
هكدا سقام لخويا
كي فتح السيبار

​

 

[cosette]

رد: تكلفة فتح سيبار كافي

سلآم آخي
بعثت بنت ختي لجارنا مول سيبار كافي قاللها استقامتلو 65 مليون بسكو شرا لي زوغدينتوغ ومكيفات ولي مودام
باالتوفيق
​

 

[الورد الأحمر]

رد: تكلفة فتح سيبار كافي

السلام عليكم

بالتوفيق أخي مع أني لا أرى مستقبلا لمقاهي الأنترنت في عصر الـأنترنت والـ 3G والـ 4G ... يعني لو نحسبوها على عام عامين قدام يولي السيباغ ما عندو ما يدخّل لمولاه مع أنو الوضع هذا ديجا من درك يعانو منو أصحاب لي سيباغ . والرزق على ربي .

 

[Hakan]

رد: تكلفة فتح سيبار كافي

السلام عليكم

بالتوفيق أخي مع أني لا أرى مستقبلا لمقاهي الأنترنت في عصر الـأنترنت والـ 3G والـ 4G ... يعني لو نحسبوها على عام عامين قدام يولي السيباغ ما عندو ما يدخّل لمولاه مع أنو الوضع هذا ديجا من درك يعانو منو أصحاب لي سيباغ . والرزق على ربي .

على اساس رانا في نيويورك ولا المانيا
ذيك الخطرة شاهدت رابور في قناة فرنسيية وكانت تحكي على هذا السوجي بعد واللي فهمت
من الموضوع انو ليس المشكل في مقاهي النت لكن المشكل في تغيير نمط المقاهي وهذا في الدول الغربية اللي هربت
في سرعة التدفق والاتصالات لكن في دزاير خخخ علابالي عشر سنين
وتكونيكتي في سيبار نورمال ..​

 

[الورد الأحمر]

رد: تكلفة فتح سيبار كافي

على اساس رانا في نيويورك ولا المانيا
ذيك الخطرة شاهدت رابور في قناة فرنسيية وكانت تحكي على هذا السوجي بعد واللي فهمت
من الموضوع انو ليس المشكل في مقاهي النت لكن المشكل في تغيير نمط المقاهي وهذا في الدول الغربية اللي هربت
في سرعة التدفق والاتصالات لكن في دزاير خخخ علابالي عشر سنين
وتكونيكتي في سيبار نورمال ..​

نعرف ناس عندهم سيباغ وكان ماشي مليح بصح مؤخرا الربح غير يقل وما بقاش يكفي يعني لكلام مش كلامي كلام ناس عايشين في الأزمة والسيباغ حكايتو مع الوقت حكاية لي طاكسي فون لي راحت عليهم ... والزرق كيم قلت بيد ربي .

 

[لؤلؤة قسنطينة]

رد: تكلفة فتح سيبار كافي

حسب رايي نظن المكان المليح للسيبار قدام الجامعات
حنا قدام الجامعة تاعنا 4 سيبارات او اكثر ومعظم الطلبة عندو زوج ميكروات في الدار على الاقل
ولكن غير تدخل ليهم تلقى فيهم غاشي كبيرماشاء الله وخارج حتى للباب، خاطر كاين لي ماعندوش امبريمونت يروح يامبريمي تما
وكاين لي عندو وقت فراغ يدخل يكونيكتي وكاين لي عندو عمل ما طلبو منو الاستاذ يروح في
وقت فراغ تما يدير الواجب المطلوب منو حتى كي يوصل وقت السوتنونس وكلشي تلقى ضرب الدبزة عليهم
خاطر يديرو السيديات ويمبريميو الميموار وكاين حتى لي يطابيو للطلبة
انا نظن تما الموقع الاستراتيجي تاع السيبار والله اعلم
​

 

[fifi fraza]

رد: تكلفة فتح سيبار كافي

اذا تكون مجهزة مليح راح تتراوح بين 40 و 50 مليون

 

[fifi fraza]

رد: تكلفة فتح سيبار كافي

نحسبو الحاسوب ب 3 او 4 ملاين مجهز ب لوحة التحكم و الفارة و السماعات يكونو 10 ب 40 او 30 مليون و الباقي للكراسي و الطاولات و اسلاك التوصيل و الكاميرات

 

[fifi fraza]

رد: تكلفة فتح سيبار كافي

و ممكن اشياء اخرى تريدها هذه معلوماتي التي جربتها ارجو ان اكون قد افدتك

 

[Salah eddin]

رد: تكلفة فتح سيبار كافي

السلام عليكم

يا اخي انا نظن بلي لازم على الاقل 40 و لا 45 مليون
...........
و
الله اعلم
و
الله يوفقك في مشروعك
​

 

[lhou05]

رد: تكلفة فتح سيبار كافي

لم أتوقع هذا التفاعل الكبيييييير
شكرا لكل من تفاعل
استنتج من اقتراحات كل الاخوة ان التكلفة هي مابين 40 و50 مليون

 

[Salah eddin]

رد: تكلفة فتح سيبار كافي

السلام عليكم
ربي يوفقك يا اخي في مشروعك
و
السلام عليكم

​

 

[PrinCe of PrinceS]

رد: تكلفة فتح سيبار كافي

50 مليون تكفيك
اجهزة ذات جودة عالية
محل جيد ومنظم طباعات ... الخ

 

[صاحب السسعادة]

رد: تكلفة فتح سيبار كافي

بالتوفيق اخي الغالي ♥

 

[Smile Queen]

رد: تكلفة فتح سيبار كافي

نصيحة من مجربة
ما تعملش سيبار لانو رح ياخذ منك مال وجهد بلا ربح
من الافضل تدير وكالة اشهارية هي المربحة في وقتنا هذا تعلم شوية تصميم كاين النت واليوتيوب مليئة بالدروس اعمل لوحات اشهارية
واذا ماعندكش المبلغ الكافي تعامل مع الوكالات حتان تدير وكالتك الخاصة
هذا رأيي واتمنى لك التوفيق
السيبار كافي غير ناجح تماما خصوصا حاليا الناس كامل عندهم انترنت وزيد لو مصر على فكرتك ما تخليش سيبار كافي فقط في نفس المحل دير فوطوكوبي وكتابة المذكرات ولما لا تصميم لي كارت فيزيت وانضم لموقع مستقل فيه مشاريع مفيدة ومربحة للشباب
والله ولي التوفيق
سلام