آلاء هبة
:: عضو مُشارك ::
السلام عليكم خاوتي ان شاء الله تكونوا كامل بخير
ترددت بزاااف باش نكتب حكايتي ولكن الشي لي حمسني آرائكم السديدة وتعاملكم الطيب من فصلكم كملو حكايتي للاخير ومباعد احكموا ورايو علي
انا بنت عمري 25 سنة كملت قرايتي نخدم والحمد لله في مدرسة من عائلة محافظة كان همي الوحيد في الحياة نقرا وننجح ونرضي والديا مانيش من النوع لي يخالط عندي صديقتين والبقية زميلات فقط تعرفت ببواحد الانسان في الفايسبوك كان نعم الصديق محترم ومؤدب كان رجل خلوق بالفعل كنا مجرد اصدقاء لمدة عام ونصف تقريبا وانا من يوم شفتو ومع الوقت حبيتو ولكن خبيت في قلبي ومابينتش خاصة وكنت عارفة بللي كاينة وحدة في حياتو وناويها كان يحكيلي كل شيئ يطلب رايي في مواضيع خاصة وانا كنت ليه اخت وصديقة مابخلتش عليه بنصحب ولا بدعائي جا النهار لي اعترف بلي راه متمني اني نكون من نصيبو هذا الشي قالولي بعد مدة شهرين ملي تفارقو هو واياها هكذاك وكنت نحاول نرجعه لبعض ولكن ماكتبش المكتوب ..المهم نهار لي صرحلي بلي حابني نكون من نصيبو ماطلبش رقمي ولا يسمعني ولا يشوفني طلب شي يوصلو لبابا ويحكي معاه حتى وما شافنيش قالي اخلاقك هي لي تخليني نسقسي عليك بلاما نشوفك قوليلي وين نجي مكان معين وقوليلي لقب العايلة انا نسقسي وندبر راسي انا رفضت وخفت يقولو هاهي عرفتو في النت وجابتو انا مانقبلهاش ليا عدات فترة طويلة وحنا نهدرو كاصديقين ومرة على مرة يذكرني بلي حاب يجي يشوفني في الحلال باش مانظلمش السيد هو كان ديما يقول اني عاذر ظروفك ومتفهم وصبر عليا حتى وقتلو اذا بانتلك واحدة شوف حياتك لاني كنت فاقدة الامل انو يجي النهار ويكون نصيبي قررت اني نقوم الليل وكان هدا الحال من رمضان وانا نقوم وديما ندعي لي فيها الخير ربي يدلني عليها وغلقت حسابي في الفايس مدة شهر ولكن رجعت فتحتو روجعنا نحكو عادي بعدها قررت نهائي اني مانزيدش نحكي معاه لاني تيقنت في نفسي اذا كان نصيبي راح يكتبولي ربي وماشي انا لي نبدا حياتي هكا عرفتو عن طريق النت جاتني ثقيلة ومانقدرش نخبي على اهلي اني نعرف واحد وتمنيتو ليا المهم قتلو كل شي في قلبي وقتلو بصح مالقيتش حل خلي كل واحد يروح في طريقو خير هو ماتقبلهاش ولكن بين بلي راه متفهمني وراحتي اولى وقالي لي فيها الخير ربي يجيبها .. فات شهر بعتلو انا صراحة نشوف اخبارو حكينا شوي قالي ملي رحتي تبدلت حوايج بزاف ..وفقدت الامل فيك...وكرهت الحكاية هادي.. واهنتيلي كرامتي ديما نحاول فيك باش نجي لداركم وصراحة حقو كل شي قالو صحيح المشكل فيا خفت اني بهذا الشي ربي راح يغضب عليا وما يجعلوش من نصيبي وخفت اهلي واسئلتهم كيفاش عرفتيه ومنين عرفتيه وانا مستحييييل نكذب وندير روحي ماعرفتوش زدت جبدت روحي نهاااائي هاذي المرة ان شاء الله
انا قلت في قلبي انا نبعد عليه مادام عرفنا واش كاين في قلوب بعضانا ونخلي امري لربي لعل وعسى ربي يجازيني اني صبرت عليه ومابقيتش نحكي معاه ويكون من نصيبي في الاخير بصح مانخبيش عليكم ملي جبدت روحي ودمعتي ما نشفتش مني خدي حاسة حياتي فارغة بلا بيه الحمد لله جامي غلط معايا في كلام ولا تجاوز حدوده معايا بلاك راح تقول حب النت هذا وتحكمو عليا بالمراهقة ولكن لا والله ماشي هكا خلوني نقولكم كل انسان في هادي الحياة يرسم في عقلو مواصفات شريكو كيفاش ..انا ليقيت واش تمنيت طول حياتي محاسنه بمساوئه نحسو انسان يخصني وهوثان كان يقولي الانسانة لي تمنيها تكون مرتي وام ولادي لقيتها فيك حسيتو كرهني ولا مانيش عارفة كيفاش
دوك نتوما قولولي ادا راني غالطة في تخمامي ولا لالا انا ظلمتو كي جبدت روحي ولا لا والله اول مرة نحكي هدا الشي بصوت عالي وكتبتو ليكم
مع انو كاين لي يحبو يخطبوني وانا ديما نرفض نقول في قلبي بلاك نستنى يجي بصح لوقتاش وانا نستى
تعيشو ردوا عليا وماتبخلونيش باش نعرف روحي ونقولكم على رؤيا تخصو شفتها في الفجر ونحكيلكلم
ترددت بزاااف باش نكتب حكايتي ولكن الشي لي حمسني آرائكم السديدة وتعاملكم الطيب من فصلكم كملو حكايتي للاخير ومباعد احكموا ورايو علي
انا بنت عمري 25 سنة كملت قرايتي نخدم والحمد لله في مدرسة من عائلة محافظة كان همي الوحيد في الحياة نقرا وننجح ونرضي والديا مانيش من النوع لي يخالط عندي صديقتين والبقية زميلات فقط تعرفت ببواحد الانسان في الفايسبوك كان نعم الصديق محترم ومؤدب كان رجل خلوق بالفعل كنا مجرد اصدقاء لمدة عام ونصف تقريبا وانا من يوم شفتو ومع الوقت حبيتو ولكن خبيت في قلبي ومابينتش خاصة وكنت عارفة بللي كاينة وحدة في حياتو وناويها كان يحكيلي كل شيئ يطلب رايي في مواضيع خاصة وانا كنت ليه اخت وصديقة مابخلتش عليه بنصحب ولا بدعائي جا النهار لي اعترف بلي راه متمني اني نكون من نصيبو هذا الشي قالولي بعد مدة شهرين ملي تفارقو هو واياها هكذاك وكنت نحاول نرجعه لبعض ولكن ماكتبش المكتوب ..المهم نهار لي صرحلي بلي حابني نكون من نصيبو ماطلبش رقمي ولا يسمعني ولا يشوفني طلب شي يوصلو لبابا ويحكي معاه حتى وما شافنيش قالي اخلاقك هي لي تخليني نسقسي عليك بلاما نشوفك قوليلي وين نجي مكان معين وقوليلي لقب العايلة انا نسقسي وندبر راسي انا رفضت وخفت يقولو هاهي عرفتو في النت وجابتو انا مانقبلهاش ليا عدات فترة طويلة وحنا نهدرو كاصديقين ومرة على مرة يذكرني بلي حاب يجي يشوفني في الحلال باش مانظلمش السيد هو كان ديما يقول اني عاذر ظروفك ومتفهم وصبر عليا حتى وقتلو اذا بانتلك واحدة شوف حياتك لاني كنت فاقدة الامل انو يجي النهار ويكون نصيبي قررت اني نقوم الليل وكان هدا الحال من رمضان وانا نقوم وديما ندعي لي فيها الخير ربي يدلني عليها وغلقت حسابي في الفايس مدة شهر ولكن رجعت فتحتو روجعنا نحكو عادي بعدها قررت نهائي اني مانزيدش نحكي معاه لاني تيقنت في نفسي اذا كان نصيبي راح يكتبولي ربي وماشي انا لي نبدا حياتي هكا عرفتو عن طريق النت جاتني ثقيلة ومانقدرش نخبي على اهلي اني نعرف واحد وتمنيتو ليا المهم قتلو كل شي في قلبي وقتلو بصح مالقيتش حل خلي كل واحد يروح في طريقو خير هو ماتقبلهاش ولكن بين بلي راه متفهمني وراحتي اولى وقالي لي فيها الخير ربي يجيبها .. فات شهر بعتلو انا صراحة نشوف اخبارو حكينا شوي قالي ملي رحتي تبدلت حوايج بزاف ..وفقدت الامل فيك...وكرهت الحكاية هادي.. واهنتيلي كرامتي ديما نحاول فيك باش نجي لداركم وصراحة حقو كل شي قالو صحيح المشكل فيا خفت اني بهذا الشي ربي راح يغضب عليا وما يجعلوش من نصيبي وخفت اهلي واسئلتهم كيفاش عرفتيه ومنين عرفتيه وانا مستحييييل نكذب وندير روحي ماعرفتوش زدت جبدت روحي نهاااائي هاذي المرة ان شاء الله
انا قلت في قلبي انا نبعد عليه مادام عرفنا واش كاين في قلوب بعضانا ونخلي امري لربي لعل وعسى ربي يجازيني اني صبرت عليه ومابقيتش نحكي معاه ويكون من نصيبي في الاخير بصح مانخبيش عليكم ملي جبدت روحي ودمعتي ما نشفتش مني خدي حاسة حياتي فارغة بلا بيه الحمد لله جامي غلط معايا في كلام ولا تجاوز حدوده معايا بلاك راح تقول حب النت هذا وتحكمو عليا بالمراهقة ولكن لا والله ماشي هكا خلوني نقولكم كل انسان في هادي الحياة يرسم في عقلو مواصفات شريكو كيفاش ..انا ليقيت واش تمنيت طول حياتي محاسنه بمساوئه نحسو انسان يخصني وهوثان كان يقولي الانسانة لي تمنيها تكون مرتي وام ولادي لقيتها فيك حسيتو كرهني ولا مانيش عارفة كيفاش
دوك نتوما قولولي ادا راني غالطة في تخمامي ولا لالا انا ظلمتو كي جبدت روحي ولا لا والله اول مرة نحكي هدا الشي بصوت عالي وكتبتو ليكم
مع انو كاين لي يحبو يخطبوني وانا ديما نرفض نقول في قلبي بلاك نستنى يجي بصح لوقتاش وانا نستى
تعيشو ردوا عليا وماتبخلونيش باش نعرف روحي ونقولكم على رؤيا تخصو شفتها في الفجر ونحكيلكلم
