قال رسول الله صلى الله عليه و سلم : "اعطوا الاجير حقه قبل ان يجف عرقه " .
مجتمعنا اليوم ابتعد بشكل رهيب على كل ماوصانا عليه رسول الله و انحرف لطريق الهلاك : الرشوة، الربا، اكل المال الحرام كمال اليتيم و عرق الناس يعني عرق الاجير اللي يقضي لهم حوايجهم في كل المجالات ، كي يحتاجوه يدللوه و يعاملوه احسن معاملة حتان يكمل يقضي لهم حوايجهم اللي يصرفوا عليها مبالغ طائلة بلا كلل او ملل ، و كي يكمل و يطالب بحقه يقولوا له "صابرنا ماعدناش ، في عقلك و ضروفنا ماشي مليحة هاذوا الايام " و يتهربوا منوا ، يغلقوا التيليفون و لا يديروا الرونفوا بعد ماصبحوا مايحتاجوهش و عندهم الضروريات و الكماليات ، و هو مسكين يبحث على حق الخبز و الحليب للعائلة نتاعه .
نعرف شاب طباخ رائع ، معروف في الاعراس بطبخه المتميز و كل الناس يفتشوا عليه ، و كي يديوه يقولوا له شبيك لبيك واش بغيت بين يديك ، المهم تحمر لنا وجهنا اليوم . و المسكين يقضي النهار كامل في المطبخ بين الحرارة اللاهبة و البصل و البطاطا و الزيت السخونة ، مرة يتجرح و مرة يتحرق ، و يشرفهم على الاخير و كل الناس تخرج معجبة بيه و يسقسيوا شكون هو الطباخ . و كي يخلص العرس يقولوا له شكون نتا ، و كي يسقسي على العريس يقولوا له ماكانش ..راح لشهر العسل . و كي يعاود يعيط يقولوا عندنا ديون صابرنا ، و واحد يقول له انا جارك و واحد يقول له انا صاحبك و واحد يقول انا ولد عمك لازم تدير لنا بلاش .
في رأيكم اذا رسول الله صلى الله عليه و سلم سمع هاذوا الاشياء واش راح يقول على امته اللي ترك لها القرآن و السنة ؟.
و نتوما ياترى اعطيتوا لكل اجير حقه مهما كان بسيط ، و لا نسيتوه و تناسيتوه ؟
مجتمعنا اليوم ابتعد بشكل رهيب على كل ماوصانا عليه رسول الله و انحرف لطريق الهلاك : الرشوة، الربا، اكل المال الحرام كمال اليتيم و عرق الناس يعني عرق الاجير اللي يقضي لهم حوايجهم في كل المجالات ، كي يحتاجوه يدللوه و يعاملوه احسن معاملة حتان يكمل يقضي لهم حوايجهم اللي يصرفوا عليها مبالغ طائلة بلا كلل او ملل ، و كي يكمل و يطالب بحقه يقولوا له "صابرنا ماعدناش ، في عقلك و ضروفنا ماشي مليحة هاذوا الايام " و يتهربوا منوا ، يغلقوا التيليفون و لا يديروا الرونفوا بعد ماصبحوا مايحتاجوهش و عندهم الضروريات و الكماليات ، و هو مسكين يبحث على حق الخبز و الحليب للعائلة نتاعه .
نعرف شاب طباخ رائع ، معروف في الاعراس بطبخه المتميز و كل الناس يفتشوا عليه ، و كي يديوه يقولوا له شبيك لبيك واش بغيت بين يديك ، المهم تحمر لنا وجهنا اليوم . و المسكين يقضي النهار كامل في المطبخ بين الحرارة اللاهبة و البصل و البطاطا و الزيت السخونة ، مرة يتجرح و مرة يتحرق ، و يشرفهم على الاخير و كل الناس تخرج معجبة بيه و يسقسيوا شكون هو الطباخ . و كي يخلص العرس يقولوا له شكون نتا ، و كي يسقسي على العريس يقولوا له ماكانش ..راح لشهر العسل . و كي يعاود يعيط يقولوا عندنا ديون صابرنا ، و واحد يقول له انا جارك و واحد يقول له انا صاحبك و واحد يقول انا ولد عمك لازم تدير لنا بلاش .
في رأيكم اذا رسول الله صلى الله عليه و سلم سمع هاذوا الاشياء واش راح يقول على امته اللي ترك لها القرآن و السنة ؟.
و نتوما ياترى اعطيتوا لكل اجير حقه مهما كان بسيط ، و لا نسيتوه و تناسيتوه ؟
