مواااااااااااااااح نوسة ..... امممم ارواحو

[ليليا مرام]

السلام عليكم جماعة الخير واش راكم وشعال راكم زدتو والا نقصتو خمسة فعين اللي يحسدنا ويحسدكم

ايه اليوم فكرتني ختي زهور اسم نقولك عرفتوها اللي تعرف طيب الببوش فحكاية كامل وليتو تعرفوها



خونا الي صرعنا بنوسة نوسة خونا اللي وين راح دار فيدوات ومواااااااح نوسة ونوسة راني نشتيك حد وين قلت لخطيبي فواش هذي نوسة خير مني روح ديرلي فيديو قالي نخبطك بكف تشوفي النجوم مش الفيديو :s:s:s:s:s:s

الحب فبلادنا هي سور انو محال تكن رومانسية عندو كيما نتاع الدول لخرين راه رجل عنيف خلقت ربي لما يجي يقول للمرا نحبك يصرعها بكف او نقولها لوكان ما نحبكش راني معاك واااااااااااع معناها اللي يكون معاها راح يحبها هذا هو الرجل الرومانسي فبلادنا
خرجنا المخلوق هذا بنوسة موااااااااااح ونوسة نشتيك وصار حكاية ومسخرة وجا وبرر موقفو وحبو يعاودو حكاية روميو وجوليت مي ما يعرفوهاش محال او عبلة وعنتر يا خونا عنتر ماراحش لليوتوب ولو كان عهد اليوتوب يحفف شلاغمو وما يدخلش يقول لمرا يا نوسسسسسسة مواااااااااااح من تونس مواااااااااااااح من ليبيا موااااااااااااااح ما باري واشبيك خويا سفير البوس فالدول
واشبيه السيد هذاك يعشق ويحب يا خويا الله يجعلها من المكتوب مي علاه تبهدل فالنوسات اللي قعدو ضرك جميع وحدة واسمها انيسة راهي تعاني فدارهم يحسبوها هي :d:d:d:d:d:d
وززيد شفت فيديو اخر واحد المخلوق صوراتو طفلة بالعاني عيفني فقعلي مرارتي يذل فروحو ويعوج ففمو ويبعثلها بوسة مع الريح اسمحولي واحترامي ليكم مي لازم نهدر واش هذا التمسخير واشبيكم يا رجال العيد كل يوم
والراجل لما يحب يجي يبهدل روحو يا خويا روح لوالديها واخطبها واعلاه الفضاضيح هذي
التفاهة وين لحقت مسلسلات الترك تهدرو على النسا راكم ديرو فيهم نتوما

واشبيها الرومانسية عند وليد بلادي راهي مريضة والا حرقت روحها
الرجل اللي رجل ويحب مرا يسترها ماشي يبهدلها قدام الشعب كلو ويحط روحو مجاهد ويولي معروف ويخرج فالقنوات وقال نوسة راني نموت عليك واش التبهديل والتفاهة اللي وصلنا ليها

الخط ليك مالك
ما نيش فاهمة واشبيهم
​

 

[Skor m@k]

رد: مواااااااااااااااح نوسة ..... امممم ارواحو

السلام عليككم
اسمحيلي يا ختي ليليا مافهمت والو واش هدرت سورتو مع الاول
واش معنتها نوسة هنا حيرتيني ؟؟؟؟؟؟؟
اي ديما تحصلو الراجل مايعرفش الرومنسية حتى النسا مايعرفوش
حنا مشكلتنا نتبعو الغرب فالرومنسية تاعهم هوما في جيها وحنا في جيها اخرى
ديرو نتوما النسا رومنسية خاصة بيكم تاع ليزالجيريا
علاه لازم نكونو روممنسيين كي التراكة ولا المكسيكيين ولا ووو
حنا نصنا عايش فالميزرية بصح الحمد لله عليها تخونا الرومنسية ههه
بصح وسوستيني بنوسة هذي ههههههه
زعما بسبوسة وغلطتي في الكتيبة خخخ​

 

[Hakan]

رد: مواااااااااااااااح نوسة ..... امممم ارواحو

واش دير ها ختي كثرو الكوافا في بلاد الرجال
يعني بيناتنا الذل راهو في كل جيهة البنات راهم رخسو بالاك الوحدة كي تساوم فيها
تعطيلها 10 دج ك قيمة لها رانا في مجتمع اخبط في الزهر وخلاص
الرجال نتاع ضرك وياللاسف قليل اللي سلكو من هاذ المشااكل
يدير صحبتو في الفايس وصحبتو في التيليفون وصحبتو في الجامعة
وكل مخلوقة فيهم تحسب روحها هي لامور نتاعو ووهو مسكين يفوت في الوقت
وبالزيادة يحسب في روحو راهو رابح في لافار مي راهو خااسر نتاع الصح
لانو الطفلة الحقانية ما تخسرش عليها كريدي في التيليفون او ساعة في الفايسبوك
مي اخسر عليها طبطيبة لباب دارها واخطب في الحلال
اما صدقوني اللي راهي تحكي في التيليفون مع وااحد وهو قاعد يخرط عليها
وهي علابالها بهاذ الشيء نضن والله غير هي اللي خاسرة في لافاار
ومن بعد ترجعلنا هذيك القصة المشهورة نتاع
اللي ما تزوجش بصحبتو يتزوج بصحبت وحد آخر ايه وي مادام ليليا
تتزوج بصحبت وحد آخر وهذا بروبلام في التغطية والريزو عند الشعب
ربي يهدي ما خلق واللي راهو يحلب كل دقيقة في البنات اللي يساواو ب 10 دج
انا نقلو تعي تعي وما تلقاش في جيبك 10 دج
سلام..​

 

[zohor kfz]

رد: مواااااااااااااااح نوسة ..... امممم ارواحو

يا لحمقااااااااااااااااااااا ههههههه
و الله منين قلتهالكي كنت متاكدة بلي تديريها موضوع و كنت نستنا فيه بفارغ الصبر لانو بطريقتكي يجي واااااااو روعة و يقتل بالضحك هههههه
يا اختي فين راها الحشمة و الرزانة .... اسم هادا ماشي يفضحها مع ربي و عبادو و لاعبها يحبها و قاتل روحو على جالها .. انا تبانلي راه مشى خطبها و مقبلتش بيه لانه مشي راجل بكل بساطة ....
نصيحة ليه يمشي يتعلم الرجلة و يمشي يخطبها بلاك يمدوهالو

 

[zohor kfz]

رد: مواااااااااااااااح نوسة ..... امممم ارواحو

نسييييييييت
مواااااااح يا ليليا ههههه

 

[الأزرق الملكي]

رد: مواااااااااااااااح نوسة ..... امممم ارواحو

السلام عليكم
أظنك تقصدين فيديو الذي انتشر في الفيسبوك و صاحبه عملوا له حصة على قناة النهار
شاهدته سابقا لكن لم أستطيع إكماله لان قلبي لا يتحمل هذا الرخص
للأسف في الوقت هذا نزلت الرجولة و النخوة تحت مستوى سطح البحر
فأصبحنا نرى الكثير من هذه الأشكال من الشباب الذين يعبدون البنات
لدرجة أنهم ينقصون من قيمتهم وهيبتهم من أجل أن يراهم العالم
مشكلة أيضا أنا العالم الافتراضي أعطى قيمة لمن لا قيمة له لان الموقع التواصل هو
واجهة للشهرة فقط اعمل شيء غير مألوف سينتشر الفيديو عبر كل التراب
وتصبح مشهور لدرجة أن القنوات الرديئة ستهتم بتغطية هذا الحدث الكبير
الشاب لايعاب إذا أحب فهو كائن لديه مشاعر لكن العيب أن يلعب ببنات الناس باسم الحب
لان الحب الحقيقي مقصده الزواج وليس لعب لمدة وتنتهي صلاحيته
الكثير من الأنانيس و الأنوسات يرمون بأنفسهم الى العلاقات التي لافائدة منها وذلك من أجل المادة
أو لإشباع ذلك النقص من العواطف يعني هما لطلوعلهم الشان .
كما قلتي من يحب يأتي بباقة من الزهور ويدق الباب
لكن لاحياة لمن تنادي النصيحة أصبحت لا قيمة لها
ربي يهدي ما خلق
تسلمي
​

 

[يونس قاسم]

رد: مواااااااااااااااح نوسة ..... امممم ارواحو

السلام عليكم
يا ليليا انا راني نشوف هذا الشخص حالة استثنائية
كامل نعرفو الدزيريين لا علاقة بهذي الطريقة من الرومنسية
الدزيري لوكان يحب وحدة يدلعها بقرتي ههههههههه
الرومنسية في الجزائر حالة خاصة من الجنسين
لكن الرجل الجزائري وحدو فحل و رجل مايحبش الذل هذا
المهم الشاوي اذا قال بقرتي و لا مصطلح غريب اعرفي بلي قمة الرومنسية هههه
تحياتي ليليا

 

[♡كارينا♡]

رد: مواااااااااااااااح نوسة ..... امممم ارواحو

ليليا تقولي معندناش الرومنسية في الجزائر لالا عندنا بشكل خطير هههه
شوفي ...قال لها اترين القمر قاتلو نعم انه في الاعلى اتراه قال لما تعب نفسي بالنظر للاعلى وهو بجانبي فاجابته انت حمار كاين قمر في لارض قالها عندك الحق انا حمار لي لعبتهالك رومنسي طيري من قدام وجهي ضرك نرودك فيونداشي ولا هديك لقاتلو من تحب قالها الفريق الوطني قاتلو كائنات قالها حصان مالا قولي حاجة تحسسني بالامان قالها مبولحي هههههههههه
هذا كل وتقولي معندناش الرومنسية عندنا هم برك مايعرفوش يعبروا ولا حبهم كبير لدرجة انهم مايقدروش يعبروا بالهدرة يعبروا بالكف والدبزة ههه الله يرحمها الرومنسية في بلادنا ..
اموووووواح في خاطر رومنسية بلادنا

 

[أم أُنٌَيسة]

رد: مواااااااااااااااح نوسة ..... امممم ارواحو

السلام عليكم و رحمة الله و بركاته
يارحم باباكم فهموني ، على واش راكم تحكو ؟
ماني فاهمة والو​

 

[ليليا مرام]

رد: مواااااااااااااااح نوسة ..... امممم ارواحو

السلام عليككم
اسمحيلي يا ختي ليليا مافهمت والو واش هدرت سورتو مع الاول
واش معنتها نوسة هنا حيرتيني ؟؟؟؟؟؟؟

السلام عليكم
اهلا وسهلا مالك المهبول الغيور مني
كيفاه ما سمعتش على نوسة مواااح نوسة اكتب نوسة فاليوتوب تتفرج فيديو العاشق الولهان لنوسة
هذا واحد يحب وحدة وين يروح يسجل فيديو مواااااااح نوسة راني فتونس موااااااااااااح نوسة نشتيك من فرنسا هي واسمها انيسة ومدلعها نوسة اناس كلها سمعت بيه وجابوه فالنهار على قصتة ورجع معايرة

اي ديما تحصلو الراجل مايعرفش الرومنسية حتى النسا مايعرفوش

لالا استنى توصل للنسا الرومانسية كلها عندهم نتوما اللي خاطيكم وماتعرفولهاش

حنا مشكلتنا نتبعو الغرب فالرومنسية تاعهم هوما في جيها وحنا في جيها اخرى
ديرو نتوما النسا رومنسية خاصة بيكم تاع ليزالجيريا
علاه لازم نكونو روممنسيين كي التراكة ولا المكسيكيين ولا ووو

لالا ديرو رومانسية خاصة بيكم ونتوما علاه جافيين من تنوضو حتى ترقدو شوي حنو شوي

حنا نصنا عايش فالميزرية بصح الحمد لله عليها تخونا الرومنسية ههه

بديت بشكاوى على الهوا هههه اه واش دخل الميزيرية انت مشاعرك ماديين ياخي نتاع دراهم


بصح وسوستيني بنوسة هذي ههههههه
زعما بسبوسة وغلطتي في الكتيبة خخخ​

لالا لا بسبوسة لا والو ياو انيسة ومدلعها نوسة اتفرج فاليوتوب وارواح حطلي رد
مهبول قصة نوسة وما عرفتهاش هههه راك روطار عمو ربراب

 

[الامين محمد]

رد: مواااااااااااااااح نوسة ..... امممم ارواحو

أهلا يا الكحلووووشة
نحمد ربي الفيسبوك ما يمشيش عندي
و الا راه السكر طلع عندي خمس غرامات
لو كان نحكم رئيس لخمس دقايق ندخل جدهم للحبس
و نعطيهم الكرافاش

و الكارثة الاعلام قداش يعرف يدير على ولاد فرانسا الزوم
و كل صوص يرجعوه ديناصور

​

 

[ليليا مرام]

رد: مواااااااااااااااح نوسة ..... امممم ارواحو

واش دير ها ختي كثرو الكوافا في بلاد الرجال
يعني بيناتنا الذل راهو في كل جيهة البنات راهم رخسو بالاك الوحدة كي تساوم فيها
تعطيلها 10 دج ك قيمة لها رانا في مجتمع اخبط في الزهر وخلاص


السلام عليكم خويا حكيم اهلا وسهلا
اييه هذوك الشونتيو الصراحة طيحو بالرجال مي ما تخممش الراجل يبان ومذلول يجي باين
اما نتاع يسواو 10 دج والله يا خويا قول حاشا البعض اللي وصلت روحها ينقال عليها هاكا الله لا يرفد عليها واللي تعرف روحها تسوا مال الدنيا راهي تسوا بلاما الراجل يقيمها تسوا عند اهلها وقدام نفسها هذي بزاف

الرجال نتاع ضرك وياللاسف قليل اللي سلكو من هاذ المشااكل
يدير صحبتو في الفايس وصحبتو في التيليفون وصحبتو في الجامعة
وكل مخلوقة فيهم تحسب روحها هي لامور نتاعو ووهو مسكين يفوت في الوقت
وبالزيادة يحسب في روحو راهو رابح في لافار مي راهو خااسر نتاع الصح


خويا نعطيك معلومة المرا ثاني هذيك الي كانت نية وتامن الراجل انو مخلص راحت ياو متزوجة وراجلها راقد قدامها فالدار وعارفاتو خداع ماكانش امان فالرجال جدات جدتنا من زمان وصاتنا انو الرجال كحبل الديس يرشا ما يتقطع كون هاني ماراناش نامنو
خلي يدير فالفايس وفالجامعة وفالكار حتى النسا ماراهمش يطلعو رافدة 5 محادثات وكلمة نحبك وانت عمري كوبي كولي هههه راحت زمن الاخلاص مات الله يرحمو يعني الراجل هو الخاسر


لانو الطفلة الحقانية ما تخسرش عليها كريدي في التيليفون او ساعة في الفايسبوك
مي اخسر عليها طبطيبة لباب دارها واخطب في الحلال
اما صدقوني اللي راهي تحكي في التيليفون مع وااحد وهو قاعد يخرط عليها
وهي علابالها بهاذ الشيء نضن والله غير هي اللي خاسرة في لافاار
ومن بعد ترجعلنا هذيك القصة المشهورة نتاع
اللي ما تزوجش بصحبتو يتزوج بصحبت وحد آخر ايه وي مادام ليليا
تتزوج بصحبت وحد آخر وهذا بروبلام في التغطية والريزو عند الشعب


مانيش عارفة علاه فكرتني فواحد المقولة نتاع رجال يقوللها ما نقدرش نتزوج بيك لانو ما نستاهلكش وهي طريقة ذكية فالهروب يبان مسكين يضخي بيها يقولا تستاهلي واحد خير مني
ايه عزيزي الرجل مليح جبدت روحك خليها للي ارجل منك هذي هي كلام جديد رانا نسمعو فيه وفكل هذا المرا رجعت تفيق ماراهيش غافلة


ربي يهدي ما خلق واللي راهو يحلب كل دقيقة في البنات اللي يساواو ب 10 دج
انا نقلو تعي تعي وما تلقاش في جيبك 10 دج
سلام..​

امين الله يهدينا والله يهدي الرجال خلاص الكذب والتمسخير رانا نفيقو بيه ملينا من نفس الكاسيت نتاع التعارف والدبزة واوناتوند ومن بعد يقولها تستاهلي واحد خير مني من الاول قول انا مانيش راجل نلعب ببنات الناس ونخليهم للي خير مني
وعليكم السلام

 

[ليليا مرام]

رد: مواااااااااااااااح نوسة ..... امممم ارواحو

يا لحمقااااااااااااااااااااا ههههههه
و الله منين قلتهالكي كنت متاكدة بلي تديريها موضوع و كنت نستنا فيه بفارغ الصبر لانو بطريقتكي يجي واااااااو روعة و يقتل بالضحك هههههه
يا اختي فين راها الحشمة و الرزانة .... اسم هادا ماشي يفضحها مع ربي و عبادو و لاعبها يحبها و قاتل روحو على جالها .. انا تبانلي راه مشى خطبها و مقبلتش بيه لانه مشي راجل بكل بساطة ....
نصيحة ليه يمشي يتعلم الرجلة و يمشي يخطبها بلاك يمدوهالو

السلام عليكم لالة زهور
والله من الاول كان فراسي السوجي هذا مي نسيتو وفكرتيني فيه الله يخليك
كنت متاكدة اني راح نديرها وااااااااع علاه موالفة ندي الافكار منكم هههه ربي يخليك
ايه الفضح رجع شهرة هذا حاسب روحو بن بولعيد الغرام مجاهد العشق
انا قالولي حط صورتو معاها وعلقو عليهم الناس يعني ميم خطبها يجي يوريها للناس ماكانش منها هذي هذا هبل واهلها كيفاه يرضاو هكذا
الله يهدي الناس هبلو
شكرا

 

[ليليا مرام]

رد: مواااااااااااااااح نوسة ..... امممم ارواحو

نسييييييييت
مواااااااح يا ليليا ههههه

موااااااااااااااااح زهوررررررررررررررررر

 

[ليليا مرام]

رد: مواااااااااااااااح نوسة ..... امممم ارواحو

السلام عليكم

وعليكم السلام اهلا وسهلا خونا الملك

أظنك تقصدين فيديو الذي انتشر في الفيسبوك و صاحبه عملوا له حصة على قناة النهار
شاهدته سابقا لكن لم أستطيع إكماله لان قلبي لا يتحمل هذا الرخص
للأسف في الوقت هذا نزلت الرجولة و النخوة تحت مستوى سطح البحر
فأصبحنا نرى الكثير من هذه الأشكال من الشباب الذين يعبدون البنات
لدرجة أنهم ينقصون من قيمتهم وهيبتهم من أجل أن يراهم العالم


ايه هو نفسو السي خونا اللي خرج ودار بلبلة وزاد لام الناس انو ما تفهموش غرامو للطفلة واش كان يمنع انو يدي اهلو ويروح يخطبها هذا كان حاب الشهرة
وبهدل روحو وبهدل الطفلة فجرتو والمشكل انو سمعت انو خطبها وتصور معاها وزاد حط صورها فالنت هنا الكارثة مرتو يعني شرفو وعرضو واهلها كيفاه يرضاو بهذا الشي والا وصلنا لزمن المهم راجل وخلاص

مشكلة أيضا أنا العالم الافتراضي أعطى قيمة لمن لا قيمة له لان الموقع التواصل هو
واجهة للشهرة فقط اعمل شيء غير مألوف سينتشر الفيديو عبر كل التراب
وتصبح مشهور لدرجة أن القنوات الرديئة ستهتم بتغطية هذا الحدث الكبير


نعم فعلا انا وليت ما نامنش ببعض الفيديوهات لانو مثلا مرة شفت فيديو لامرأة الواضح انو فعرس وقالو ما قالو كلام عنها وتهموها بامور فاسقة وهي مرا عادي راحت لعرس واللوم على النسا اللي يصورو فالاعراس وخرجت تبرر فالتلفاز اللي صار هنا ظلم فالظلم لكن كيما هذا جا بنفسو واعترف يعني كان يروح لاهلها ويخطبها هذا حب يولي مشهور وخلاص الاعلام وشبكات التواصل لما تكون حاجة ملفقة او كذب او فيديو يتقرا غلاط اما يجي صاحبو ويوافق على الفيديو ويقول فعلا انا درتو هنا الكارثة


الشاب لايعاب إذا أحب فهو كائن لديه مشاعر لكن العيب أن يلعب ببنات الناس باسم الحب
لان الحب الحقيقي مقصده الزواج وليس لعب لمدة وتنتهي صلاحيته


والله يا اخي مش مشكل انو يحب لانو الحب من ربي مي يكون حلال ويقصد الدار من الباب مش يبهدلها فالفيديوات ويشوفو كل الناس هذا المرا اللي ممكن تولي مرتو وسمعت انو خطبها يعني كل الرجال شافوها ويعرفو قصتو معاها واش من شرف قعد


الكثير من الأنانيس و الأنوسات يرمون بأنفسهم الى العلاقات التي لافائدة منها وذلك من أجل المادة
أو لإشباع ذلك النقص من العواطف يعني هما لطلوعلهم الشان .
كما قلتي من يحب يأتي بباقة من الزهور ويدق الباب
لكن لاحياة لمن تنادي النصيحة أصبحت لا قيمة لها
ربي يهدي ما خلق
تسلمي
​

ايه خويا راهم النوسات والانوسات بزاف المهم الطفلة دير قيمة روحها والراجل ما يذلش روحوز يرفد اهلو ويروح يطبطب فالباب مدولو ما مدولوش المهم هو دار هدة نتاع رجال
الله يهدينا
شكرا

 

[ليليا مرام]

رد: مواااااااااااااااح نوسة ..... امممم ارواحو

السلام عليكم
يا ليليا انا راني نشوف هذا الشخص حالة استثنائية
كامل نعرفو الدزيريين لا علاقة بهذي الطريقة من الرومنسية
الدزيري لوكان يحب وحدة يدلعها بقرتي ههههههههه
الرومنسية في الجزائر حالة خاصة من الجنسين
لكن الرجل الجزائري وحدو فحل و رجل مايحبش الذل هذا
المهم الشاوي اذا قال بقرتي و لا مصطلح غريب اعرفي بلي قمة الرومنسية هههه
تحياتي ليليا

السلام عليكم اخي يونس
واش راك واش احوالك ؟
ايه نعرف التدلاع نتاع الشرق هوما اللي يقولو بقرتي ههههههههه
ايه يا خويا رجال هنا فحولة مي هذا النوع نظن راه ينقرض وخرج هذا الجيل نتاع نوسة وانوسة وموااااااااااااح وبااااااااااااح
ايه راني عارفة عندي معولمة على الشاوي واش يقول ههههه
وتحياتي ليك

 

[ليليا مرام]

رد: مواااااااااااااااح نوسة ..... امممم ارواحو

ليليا تقولي معندناش الرومنسية في الجزائر لالا عندنا بشكل خطير هههه
شوفي ...قال لها اترين القمر قاتلو نعم انه في الاعلى اتراه قال لما تعب نفسي بالنظر للاعلى وهو بجانبي فاجابته انت حمار كاين قمر في لارض قالها عندك الحق انا حمار لي لعبتهالك رومنسي طيري من قدام وجهي ضرك نرودك فيونداشي ولا هديك لقاتلو من تحب قالها الفريق الوطني قاتلو كائنات قالها حصان مالا قولي حاجة تحسسني بالامان قالها مبولحي هههههههههه
هذا كل وتقولي معندناش الرومنسية عندنا هم برك مايعرفوش يعبروا ولا حبهم كبير لدرجة انهم مايقدروش يعبروا بالهدرة يعبروا بالكف والدبزة ههه الله يرحمها الرومنسية في بلادنا ..
اموووووواح في خاطر رومنسية بلادنا

السلام عليكم اهلا وسهلا نورتيني
ايه صح ولاد بلادنا رومانسين هههههه ضحكيتيني باللي قلتيه ايه تلاقاو كي الرجال كي النسا النسا رجعو يروحو للمسلسلات ينقصو العوض والراجل يهدر غير بالكف رومانسية عنيفة
امواااااااخ فخاطر رجال بلادنا اللي يهدرو بيديهم اذا ضربك كف تعرفي انو يموت عليك هههه
شكرا

 

[ليليا مرام]

رد: مواااااااااااااااح نوسة ..... امممم ارواحو

السلام عليكم و رحمة الله و بركاته
يارحم باباكم فهموني ، على واش راكم تحكو ؟
ماني فاهمة والو​

سلام عليكم
ما سمعتيش بقصة الشاب اللي يبعث موااااااااااااح لانيسة نتاعو او نوسة كيما سماها هو فالفيديو والكل سمع وجا فالنهار وهدر روحي لليوتوب تشوفي
وارواحي مديلي رايك موافقة على الشي هذا او لالا
شكرا

 

[ليليا مرام]

رد: مواااااااااااااااح نوسة ..... امممم ارواحو

أهلا يا الكحلووووشة

اهلا يا الابيض راهي بالمقلوب ياك انت كحلوش وليت انا الكحلوشة

نحمد ربي الفيسبوك ما يمشيش عندي
و الا راه السكر طلع عندي خمس غرامات

وانت علاه ما ديرش الفايس بلاك يتريقلالك السكر ههههه اعكسها ما يطلع ما والو ينقص بلا دوا ههه

لو كان نحكم رئيس لخمس دقايق ندخل جدهم للحبس
و نعطيهم الكرافاش

الغائب يعلم الحاضر راه ترشح خوكم امين للرئاسيات للعهدة ال 10 وقالهم الكرافاش انا من ضرك نزور النتائج يا حوجي عهد الاستعمار واش من كرافاش هههه
اواه داخلها قبيح وتقول نجي رئيس انعل الشيطان خونا الامين روح شوف شعال راه السكر نتاعك هههه


و الكارثة الاعلام قداش يعرف يدير على ولاد فرانسا الزوم
و كل صوص يرجعوه ديناصور

​

ايه هذي عجبتين مدتلهم قيمة كببيرة فوق اللازم عليها راهم يزيدو
شكرا نورتيني خويا الأبيض

 

[Smile Queen]

رد: مواااااااااااااااح نوسة ..... امممم ارواحو

حبوبتي نوسة اقصد زوجة اخي العزيزة هههه ليليا
ماسمعتش بنوسة ومين قريت موضوعك دخلت نحوس لقيت الفيديو يا نندب شقلوبي ماهذا يا هذا ههههه
لا حول ولا قوة الا بالله
يا كبدي يا كبدي هههههه كارثة والله بخص بالباتنية
الرجلة في الصلاة وفي رضاية الوالدين
الرجلة كي تقصد الدار حاب الحلال مش كي تدير فيديو تفاااااااااااااااااااااااااااااااااااهة
الراجل ما يجبدش مادامتو قدام الناس

ليليا علاه علاه موالفين مواضيعك يطلعولي المورال
بهذا طيحتيهولي ههههه
اللهم ابعد عنا اشباه الرجال لي كيمن هذا
اففففففففف استغفر الله