ارسم/ي عبّر/ي بالقلم والريشة مسابقة للاحتفال بعيد اللمة 11

[السلطانة]

نرحب بأعضاء وعضوات منتدى اللمة الجزائرية

وفي اطار الاحتفال بمناسبة عزيزة على قلوبنا
وهي الاحتفال بالعيد الحادي عشر لــــ تأسيس منتدى اللمة الجزائرية
الذي يصادف ال 18 من شهر ديسمبر من كل سنة

فتحنا أمامكم أبواب المشاركة لتعبروا لهذا المنتدى وتهدونه أحلى الهدايا في عيد ميلاده

والفكرة باختصار هي :


تقديم رسمة من رسم كل عضو تعبّر عن حبه لللمة الجزائرية

أو ماذا تعني اللمة لكل عضو

يعني كل شخص يستطيع رسم مايريد

يقوم بتصويره ورفع الصورة على موقع رفع اللمة لكي لاتضيع

ظ…ط±ظƒط² طھط*ظ…ظٹظ„ ط´ط¨ظƒط© ظپظˆط± ط£ظ„ط¬ظٹط±ظٹط§

ويضعها في موضوع في ركن



منتدى فنون الرسم اليدوي والتشكيل الفني

الجوائز:
أفضل رسمتين يتحصل صاحبها او صاحبتها على وسام

+ شهادة شرفية

بقية الاعضاء يتحصلون على شهادة شرفية

بالتوفيق ان شاء الله ​

 

[الحلم الوردي]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

كل عام واللمة بالف خير
بالتوفيق للجميع
​

 

[آمِيْرَتُه]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

السلام عليكم
فكرة رائعة
كل عام واللمة بألف خير
عجبني الوسام نتاع البنات ههه

 

[لؤلؤة قسنطينة]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

السلام عليكم
واخيراااا وانا نقول المسابقة هادي وين راحت
بما اني نحب الرسم رايحة نحاول نقدم رسمة للمتي العزيزة وهادا قليل في حقها صراحة
بصح بيناتنا عجبني وسام البنات كيما قالتها اختي اميرته هههه معليش تمدوهولي باطل هههه
غير نضحك
ان شاء الله تلقى المسابقة تفاعل
وبالتوفيق لكل الرسامين والرسامات
تحياتي
​

 

[Hakan]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

خخخ علاه واش خصو الوسام نتاعنا
بوقوز وعليه الكلام خخخخ
راني نحاول نرسم مالغري راني لا علاقة بالفن نتاع الرسم ​

 

[همس الوُرود]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

السلام عليكم

أمممممم وأنا تعلمت نحط الصور التي ألتقطها في اللمة وببالتالي سأخربش قليلا وأضع شيئا هنا

هههه متضحكوش عليا برك من دوك قولولي رسمتك مليحة وخلاص هههه

إن شاء الله نشارك

سلام

 

[أم أمينة09]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

مشآركتي في مسآبقة عيد آللمة 11 ‏

 

[♡كارينا♡]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

السلام عليكم
فكرة رائعة
بارك الله فيكم بالتوفيق للجميع
كان بودي نشارك لكن والله لا املك موهبة الرسم خخخخخ
وفوقو يرفض عندي ارفاق الصووور هههه

 

[ثَسْكُورْثْ نَثْدُوكْلِي]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

سلام عليكم ..
فكرة جميلة ومسابقة انيقة ..
ان شاء الله يكون تفاعل قوي بين الأعضاء ..
ساحاول المشاركة ان شاء الله ان كان في العمر بقية
ويارب ماتعوقنيش الظروف برك -_-
بالتوفيق للجميع والشكر موصول للقائمين ع الفعالية ..
كونوا بخير
سلام​

 

[السلطانة]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

اهلا وسهلا بالجميع

تلقينا غير 2 مشاركات برك

كون تغضب عليكم اللمة انا خاطية خخخخخخخخخخخخ
تقولكم في عيدي مرسمتوليش


​

 

[لؤلؤة قسنطينة]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

اهلا وسهلا بالجميع

تلقينا غير 2 مشاركات برك

كون تغضب عليكم اللمة انا خاطية خخخخخخخخخخخخ
تقولكم في عيدي مرسمتوليش


​

هههههه والله كنت رايحة نوصل نفس هدرتك بعد لكن مالقيتش وين
ساع هاكي عطيتيني فرصة وين نعبر ههههه
هيا يا بنات وولاد اللمة وينكم؟
سرسورة وينهي رسمتك؟ تنحي في العين عليك باينة :p
وباقي الاعضاء لي شاركو معانا العام لي فات كيما ياسمين وينهي مشاركتك ياسمينو
والبقية هيا ورقة بيضاء وشوي كلام خارج من القلب ورمسة بسيطة تلخص مشارعكم وخلاص
المهم حاجة تتقدم للمة وخلاص
هيا نستناو مشاركاتكم خاوتي
بالتوفيق
​

 

[ثَسْكُورْثْ نَثْدُوكْلِي]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

وبكم اهلا
لا لا ام ياسمين قوليلها ماتزعفش علينا قريب نخلصها ان شاء الله ونحطها بلاك غدوا لان الكونيكسيو ضعيفة عندي و تعيي بسيف باه نرفع صورة ..
ههه مريومه يا كشروده هاا قالت نبعد ف العين والله والو ههه
وزيد ماعرفتش وش نرسم عندي شحال وانا نخمم وش نرسم للمه زعما قلت نسرق شوية افكار من رسمتك خخخ و قلت نخلي مريومه ترسم الاولى ههه
نڨصر برك ماديريش عليا هه

هيا وينكم يااعضاء شاركونا برسمه بسيطة ..
بالتوفيق للجميع

( مريومه كليتي كامل الحروف ف الرد اللي فوقي خخخ عجبتني الرمسة :p ..)​

 

[لؤلؤة قسنطينة]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

والله يا سرسورة
هههههههههههه الله يعطيك الربح قتلتيني ضحك
والله ما تولهت ههههه
الرمسة ومشارعكم ماش مشاعركم هههههه
متهورة الله غالب هههه الكلافيي مانحسلوش تحت اصابعي هههه
صار "الرمسة" راهي في الطريق؟ يا لطيف اي جات لي تديلي بلاصتي
راني كنت نتمسخر برك شكون لي قالك ارسمي هههههه غير نضحك برك
واذا ماحبتش تمشيلك والكونيكسيو ضعيفة اعطيني نطلعهملك ونشارك بيهم بعد هههه نقولهم رسمتي الثانية ههه
مالا بالتوفيق سرسورتي نستنى في رسمتك بفارغ الصبر
تحياتي
​

 

[ثَسْكُورْثْ نَثْدُوكْلِي]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

والله يا سرسورة
هههههههههههه الله يعطيك الربح قتلتيني ضحك
والله ما تولهت ههههه
الرمسة ومشارعكم ماش مشاعركم هههههه
متهورة الله غالب هههه الكلافيي مانحسلوش تحت اصابعي هههه
صار "الرمسة" راهي في الطريق؟ يا لطيف اي جات لي تديلي بلاصتي
راني كنت نتمسخر برك شكون لي قالك ارسمي هههههه غير نضحك برك
واذا ماحبتش تمشيلك والكونيكسيو ضعيفة اعطيني نطلعهملك ونشارك بيهم بعد هههه نقولهم رسمتي الثانية ههه
مالا بالتوفيق سرسورتي نستنى في رسمتك بفارغ الصبر
تحياتي
​

هههه ربي يدووم الهنا والضحكه يارب
ههه لا ماتخافيش رسمه بسيطه برك:d باه نوانسك مابغاوش يشاركو المكشردون ههه كامل خافو من العين :d
ورسمتك زينه ماشاءالله الى الامام ودوم المحبة والابداع
بالتوفيق

 

[همس الوُرود]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

السلام عليكم

مام أنا رسمتها بقالي التلوين برك ههههههه وراني فليزانتيرو ماقدرتش نقعدلها بش نلونها مليح

يا لمة ماتبكيش راكي فالقلب ^^​

 

[Mustapha Bita]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

رسم باليد فقط !

 

[*amani*]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

السلام عليكم
ساشارك باذن الله
كل عام واللمة واهلها بخير
شكرا

 

[نونو ويدو]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

ألف مبروك اللمة كل عام ونتي بخير

 

[KimoB]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

وعليكم السلام ورحمة الله تعالى وبركاته
كل عام واللمة واعضاءها وعضواتها وكل الطاقم الاداري بالف خير
شكرا على الفكرة النيرة والالتفاتة الطيبة
دمتم ودام ابداعكم وتميزكم
وبارك الله في جهودكم.

 

[محمد إبن الصحراء]

رد: ارسم/ي عبّر/ي بالقلم والريشة مسابقة للاحتفال بعيد اللمة 11

يرجى تغيير الوسام لإحتوائه على صورة لشخص
حبدا إستبداله بوسام لأدعية أوشي من دلك القبيل
كما لاحظة عدم وجود النقاط في جوائزكم ؟؟؟؟؟​