انا توحشتهم .... توحشتوهم كيما انا

[ليليا مرام]

السلام عليكم جماعة الخير
وااااع اليوم راني توحشت وتوحشتهم بزاف اصبرو نقولكم شكون هوما

توحشت الطرايح والضرب اللي كنت نمدهم لبنات الجيران

توحشت هذيك الطفلة اللي كانت دور بواحد الطفل يعجبني مي يستاهل يا محاينكم العين الزرقا والشعر صفر

ونحكمها نخططلها مليح ونعطيها رونديفو فالقايلة انا والشلة وهذي ختنا نتاع رشوة قتلها نخليك تلعبي بالبوبية نتاعي

وجات المخلوقة برجليها ونديها ورا الدار انا والبنات زعمى نلعبو وندخلوها فالحفرة وهات يا عض وهات يا تنتاف الشعر وليجويي تنومهم كسرناهم وقتلها نزيد نحكمك دوري تلعبي معاه نبيتك هنا ليل كامل

من ذاك النهار الطفل ذاك احتكار غير انا نلعب معاه وكبر وراح وخلاني

توحشت ذاك عنتر الحومة زعمى يضرب البنات

نهار لاقالي وضربني وحلفت نخلفها وخدمت تربولات اللي يصيدو بها الزواوش

ويا ليليا وتعطيه قناصة بالحجرة

وجاتو فالراس لومبيلونس للسبيطار خيطوه
المشكل خونا كبر وراه يتضرب من عند مرتو

وتوحشت ضرك الرومانسية توحشت عشاقي فالحيط

ليليا + مراد = حب

........ ويجي امين الصباح يفاسيها ويدير اسمو

ويديرو رونديفو ويتضاربو عند الستاد

وبقيت انا فالحيطان ندور

توحشت كريم

ايييه يا ناس هذا كريم نتاع الطفولة فليكول ياو كنت اللي نهدرها مبراة يطير كريم يجيبلي المبراة

لو نقولو هذاك طيحني يروح يمرغو فالتراب

امممم والكرواصون كل يوم عندي وحدة الصباح وزيد اللمجة اييييييييه يقعد جيعان ويعطيني ناكل ويتفرج فيا وانا نتقرعلو فوجهو وينك يا كريم قليل ما فورنيت عليا

توحشت الطيحات والضرب والدبزة نتاع البراءة
كبرنا وكبر الهم معانا ويا ريتنا ما كبرنا

توحشت سمية اللي كنت كل ما تلبس حاجة جديدة نقطعهالها او نرمي عليها الحبر زكارة

انا توحشت هذو ونتوما واش درتو وشكون ضربتو وواش توحشتو؟

هايا فرغو قلوبكم واضحكو ونحو على خاطركم
كبرنا وكبر الهم وريتنا نرجعو صغار على الاقل كنا صح فرحانين

ميغسيييييييييييييييييي

 

[لؤلؤة قسنطينة]

رد: انا توحشتهم .... توحشتوهم كيما انا

السلام عليكم
ههههههههههه عجبتني تاع يا كريم وينك كنت تفورني عليا ههههه يخي مهبولة
أولا سامحينا ختي ليليا على التأخير في اعتماد الموضوع
ثانيا نوليو للموضوع، والله يا ليليا كنتي جاكي شان في صغرك ههههههه الحومة كاملة ضربتيها والبنات كامل شنشفتيهم ههههه ستر ربي ماجيتيش جارتي ههه غير نضحك كن جيت جارتك كن راني انضميت بالاك للشلة تاعك ودرنا
فيها فرقة ولا اروع ههه وكن بقاتلي الطفولة بصمة لا تنسى
اما بالنسبة ليا الطفولة تاعي كانت كااالم خلاص حتى كن نخرج نلعب عندي وقت محدد من ورا العصر حتى للمغرب وبرك
غير يأذن المغرب خلاص انذار لازم ندخلو وماكناش نلعبو بالتراب ولا الضرب ولا نسرقو الفاكهة ههههه كنا عاقلين
انا اعطيني القفز على الحبل وخليني نخرج الحبل تاعي ونبقى نصوطي عليه حتى نتعب وساعات ندير بيه تجارة هههه
نمد للبنات يصوطيو عليه مقابل اني ندير دورة بالتروتينات تاعهم هههه (كنت ذكية من صغري لا داعي للتصفيق ههه)
يعني الطفولة تاعي كانت مسالمة والحمد لله ماكنت نضرب ماكانو يضربوني ههههه خلي نشوفو باقي اعضاء اللمة والطفولة تاعهم
شكرا ليليا على الموضوع ولي عودة باه نشوف طفولة الاعضاء كيفاه كانت خلي نتوقبو شوي هههه
تحياتي

​

 

[همس الوُرود]

رد: انا توحشتهم .... توحشتوهم كيما انا

السلام عليكم

يا أختي كنتي كشرودة ومازلتي ههههه

وشمن فرحة الناس كانت تعاني وأنتي فرحانة قالتلك الفرح والبراءة هههههه

أنا كنت عويقلةوكيما كنت صغيرة بصح كان عندي وحد اللسان نحكي مانحبسش هههههه مشاغبة شوية بصح عويقلة

أيا و كانت عندي صاحبتي وحدة تع القراية وسمها عائشة ومبعد ولات ريان وعائشة ولات مع هدى هههه

أيا وفالحومة كانت صاحبتي تاني وحدة برك

مع الوقت وليت صافا ندور مع الناس شوية ونختلط بيهم

بصح مغامراتي كانت بزاف هههه

على أية حال نشفى غير نهار خلصنا منزيدوش نرجعوا للإبتدائية وأنا الوحيدة الي وليت نبكي على الست سنين تع الإبتدائي وتجي صليحة قالتلي دموعك ذهب عبير متطيحيهمش فناس ميستهلوش يروحوا للمتوسطة يولوا ميقيموكش ههههه

أيا فاتو لعوام ودوك زميلات الإبتدائي صح ولاو غرباء إيه يا ليام

 

[(منير)]

رد: انا توحشتهم .... توحشتوهم كيما انا

بسم الله الرحمن الرحيم
وعليكم السلام ورحمة الله وبركاته
رانى نخاف عليك ياخيتو ليلو ليسمعك الشاوى
ويقول ليك روحى دبرى على روحك شي خطيب
خيتو ليلو زعما راك كنت مشاكسة ومشاغبة في الصغر
كيف راحت تضربى الطفلة وتوقعيها فى الحفرة
وكيف راحت تضرب عنتر الحى بحجرة لراسو.
زعما خيى الشاوى إلى راح تزوج راهو يمشي فيها
كاو تكنيك هه
اضحك الله سنك
وثبت قواطعك وأضراسك حتى تقاوم بها كل من اراد الاعتداء عليك هه

 

[يونس قاسم]

رد: انا توحشتهم .... توحشتوهم كيما انا

ههههههههههههه هههههههههههههه ههههههههههههههه
صراحة مافهمتش طفولة تاعك تاع بنت ولا ولد خخخخ
حنا اطفال ومادرناش واش درتي ههههههه
المهم انا واش توحشت نبداها قبل الابتدائي
توحشت نجري بالحفا في القايلة الحارة ونروح نسرق الدلاع
توحشت الحرب كي نروح في الليل للخضارة و نديرو حرب الطماطم
واحد النهار ضربوني بحبة طماطم وليت طمطوم خخخخخ احمرار كامل
توحشت الغميضة في الليل و نروحو نجرو الاف الكيلومترات مخلوفي و يتعب معانا
توحشت الكراء تاع الفيلو دورة بخمسمية هههههه دراهمي خسرتها غير في الفيلو
توحشت عبد النور و صديق و عباس كنت نعطيهم طريحات لي يهدر نضربو خخخخخ
انا القائد و عباس النائب و عبدالنور و الاخير صديق المسكين
توحشت العفرة مع عباس جامي غلبني ههههه والله مش نتكسل هخخخخخخ
توحشت الماتشات بين حارة القوار و حارة الشاطو ديما يغلبونا هههههههه
توحشت توحشت الشوينقوم تاع المسابقة كل يوم نشرو على جال الطابع تاع اللاعبين
باه نلصقوهم في الورقة يا حصراه يا دنيا
توحشت الكابريس الحلقوم فوسطة ........الخ
توحشت العيد مع جدتي و اللمة معاها و نروج نلم دراهم من عمامي خخخخخخ
توحشت من تجينا جداتي نتعفرو عليها كل واحد يقول انا نرقد مساميها هههههههه
توحشت و توحشت و توحشت هههههه
يعطيك الصحة ليليا

 

[ليليا مرام]

رد: انا توحشتهم .... توحشتوهم كيما انا

السلام عليكم

وعليكم السلام مريومة

ههههههههههه عجبتني تاع يا كريم وينك كنت تفورني عليا ههههه يخي مهبولة

ايه كريم والله فحششني يا يمى مون شاوي اذا خلاني كامل تحبوهالي تقولو الشح فيها راه قرا واش تكتب ياو مزية ما يعرفش المنتدى هههه


أولا سامحينا ختي ليليا على التأخير في اعتماد الموضوع

لالا السماح مريومة اصلا ما كنتش نستنى تعتمدوه وعادي اختي
مش لازم كل مرة توافقو مرات وين ما يوفيش الشروط عادي

ثانيا نوليو للموضوع، والله يا ليليا كنتي جاكي شان في صغرك ههههههه الحومة كاملة ضربتيها والبنات كامل شنشفتيهم ههههه ستر ربي ماجيتيش جارتي ههه غير نضحك كن جيت جارتك كن راني انضميت بالاك للشلة تاعك ودرنا
فيها فرقة ولا اروع ههه وكن بقاتلي الطفولة بصمة لا تنسى

ايه اختي درت رايي مي ماشي حقارة اللي يوصلني يخلص ههه عندي ما درت الشكاوى دارنا كل يوم الجيران يجو يشكو ومانعرف لا طفل ولا طفلة هات وبرك مرة واحد فالسويام دقدقتو ههههه طلعت فوقو ونضرب ههه وراكي عارفة عيب الطفلة تضرب طفل قعد مسكين معقد سنوات ههه
ايه قريب نجاورك ونديرو شلة يا حوجي مون شاوي يطلقني 7 مرات وما يبردش

اما بالنسبة ليا الطفولة تاعي كانت كااالم خلاص حتى كن نخرج نلعب عندي وقت محدد من ورا العصر حتى للمغرب وبرك
غير يأذن المغرب خلاص انذار لازم ندخلو وماكناش نلعبو بالتراب ولا الضرب ولا نسرقو الفاكهة ههههه كنا عاقلين
انا اعطيني القفز على الحبل وخليني نخرج الحبل تاعي ونبقى نصوطي عليه حتى نتعب وساعات ندير بيه تجارة هههه
نمد للبنات يصوطيو عليه مقابل اني ندير دورة بالتروتينات تاعهم هههه (كنت ذكية من صغري لا داعي للتصفيق ههه)


وين راه الجمهور اللي يصفق راهم اربع ردود :d:d:d
اصبري انا نصفقلك :bravo01:
:bravo01::bravo01::bravo01:

يعني الطفولة تاعي كانت مسالمة والحمد لله ماكنت نضرب ماكانو يضربوني ههههه خلي نشوفو باقي اعضاء اللمة والطفولة تاعهم
شكرا ليليا على الموضوع ولي عودة باه نشوف طفولة الاعضاء كيفاه كانت خلي نتوقبو شوي هههه
تحياتي

​

اواه مريومة انا ما نصاحبكش انا افراد الشلة نتاعي كلهم سوابق ههههه عاضين البنات منتفين الشعور انت عاقلة نديروك فالادارة برك هههه خاطيك النزول لارض الميدان طيخي تتغاشاي ثاني وما عندناش طبيب:p:p:p
شكرا مرة اخرى

 

[ليليا مرام]

رد: انا توحشتهم .... توحشتوهم كيما انا

السلام عليكم

يا أختي كنتي كشرودة ومازلتي ههههه

السلام عليكم اهلا وسهلا اختي
ايه ومازلت الشي المليح اني مازلت كيما كنت فاالطفولة برك تحول فالعضلات الدبزة كانت باليدين والاسنان ههه ضرك راني بلساني تطور ملحوظ خخخ

وشمن فرحة الناس كانت تعاني وأنتي فرحانة قالتلك الفرح والبراءة هههههه

ايه فرحة كبيرة ضرك حابة كاش نهار نجيب هذيك البنات نتاع الحفرة ونعاودهالها واحنا كبار مي مول العين الزرقا راح رحل منا تزوج وراح :s:s:s


أنا كنت عويقلةوكيما كنت صغيرة بصح كان عندي وحد اللسان نحكي مانحبسش هههههه مشاغبة شوية بصح عويقلة

أيا و كانت عندي صاحبتي وحدة تع القراية وسمها عائشة ومبعد ولات ريان وعائشة ولات مع هدى هههه

أيا وفالحومة كانت صاحبتي تاني وحدة برك

مع الوقت وليت صافا ندور مع الناس شوية ونختلط بيهم

بصح مغامراتي كانت بزاف هههه

ايه عويقلة وعندها اللسان بمن راكي تقسري يا طفلة ما عنديش خويا يتزوج ايا بركاي ما تلعبي فيها كامل صحابات اللسان القاطع كانو يديهم يضربو هذي غارونتي هههه


على أية حال نشفى غير نهار خلصنا منزيدوش نرجعوا للإبتدائية وأنا الوحيدة الي وليت نبكي على الست سنين تع الإبتدائي وتجي صليحة قالتلي دموعك ذهب عبير متطيحيهمش فناس ميستهلوش يروحوا للمتوسطة يولوا ميقيموكش ههههه

ايه عبير هذي ماشي هي نفسها نعيمة صالحي ههههه كانت عارفتهم ما يستاهلوش ههه

أيا فاتو لعوام ودوك زميلات الإبتدائي صح ولاو غرباء إيه يا ليام

وهنا المشكل فاتو الاعوام والقلوب تبدلت
الله يخليك يا عويقلة

 

[ليليا مرام]

رد: انا توحشتهم .... توحشتوهم كيما انا

بسم الله الرحمن الرحيم
وعليكم السلام ورحمة الله وبركاته

وعليكم السلام اهلا وسهلا بخونا منير

رانى نخاف عليك ياخيتو ليلو ليسمعك الشاوى
ويقول ليك روحى دبرى على روحك شي خطيب

يا حوجي بعيد الشر عليا والله نطلع فوق المنتدى ونرمي روحي ننتحرلكم هنا اواه مون شاوي يؤبشني ما يخلينيش يعرف اني مهبولة مي الحق ما يعرفش مغامراتي وكنت نضرب الاولاد ههه مي هو نخافو بزاف هه

خيتو ليلو زعما راك كنت مشاكسة ومشاغبة في الصغر
كيف راحت تضربى الطفلة وتوقعيها فى الحفرة
وكيف راحت تضرب عنتر الحى بحجرة لراسو.

ايه درت اكثر من هاكا الصراحة خفت تخافو مني حشمت منكم هههه
ايه درتها فالحفرة لو شفت الطفل هذاك وزينو تقولي ليليا وعلاه ما دفنتيهاش ههه فالتالي كبر ما داني لا انا ولا هي وهذي غاضتني ههه
وهذاك المخلوع حقار يضرب البنات ايا بعثتو خيطوه فراسو مناك خلاص وكبر وراه يدي الكف من المدام ههههه معانها انا خرجت المخبي هو كان حاب مرا تضربو


زعما خيى الشاوى إلى راح تزوج راهو يمشي فيها
كاو تكنيك هه

يا حوجي الا مون شاوي يا يمى نخافو نموت نونونو كامل مشاغبتي قدامو ما ندورش ههه
اضحك الله سنك
وثبت قواطعك وأضراسك حتى تقاوم بها كل من اراد الاعتداء عليك هه

ايه ركزلي على الدعوة هذي باه مازال حابة نتضارب
شكرا وربي يخليك دائما وفي للمنتدى شكرا

 

[ليليا مرام]

رد: انا توحشتهم .... توحشتوهم كيما انا

ههههههههههههه هههههههههههههه ههههههههههههههه
صراحة مافهمتش طفولة تاعك تاع بنت ولا ولد خخخخ
حنا اطفال ومادرناش واش درتي ههههههه


سلام عليكم
ايه قول باناشي شوي مرا وشوي راجل ومشات الحالة ولكان ما درتش هاكاك ما يكونش عندي الكوراج اليوم يعني نفوت في امور عندي فيهم كوراج نتاع رجال مليحة خير من وحدة طالقة روحها
ايه ونتوما علاه ما درتوش كنتو تحقرو فينا وتكتبو اسماواتنا فالحيطان هههه

المهم انا واش توحشت نبداها قبل الابتدائي
توحشت نجري بالحفا في القايلة الحارة ونروح نسرق الدلاع

ايه يا مقروطة قالو سرق الجاج وخونا سرق الدلاع ههه

توحشت الحرب كي نروح في الليل للخضارة و نديرو حرب الطماطم
واحد النهار ضربوني بحبة طماطم وليت طمطوم خخخخخ احمرار كامل

وانا نقولك ميكي طمطم نعرفو مممم وهو انت يونس ههه متشرفين

توحشت الغميضة في الليل و نروحو نجرو الاف الكيلومترات مخلوفي و يتعب معانا
توحشت الكراء تاع الفيلو دورة بخمسمية هههههه دراهمي خسرتها غير في الفيلو


فكرتني فالفيلو فرمضان فالليل نحشم نروح وين الاولاد كاين واحد جاري نبعثو يقولهم ليا
نكري ليا وليه دورة وندور غير فالظلمة هههه وين ما يشوفونيش
نلعب حتى نشبع هه
توحشت عبد النور و صديق و عباس كنت نعطيهم طريحات لي يهدر نضربو خخخخخ
انا القائد و عباس النائب و عبدالنور و الاخير صديق المسكين
توحشت العفرة مع عباس جامي غلبني ههههه والله مش نتكسل هخخخخخخ

اممم انت كنت داير عصابة وتهدر عليا حتى اسمائهم نتاع مجاهدين هههه

توحشت الماتشات بين حارة القوار و حارة الشاطو ديما يغلبونا هههههههه

وين جايين الحارات هذو نروح ندير روبرتاج عليك هناك ههه ونشوف شكون كان يغلب


توحشت توحشت الشوينقوم تاع المسابقة كل يوم نشرو على جال الطابع تاع اللاعبين
باه نلصقوهم في الورقة يا حصراه يا دنيا

ايه تشفالو الشوينقوم كنت نلم الورقة هههه وزيد الورقة نديرها فيدنا هههه البزاق ولحسة فوق اليد واخبط الورقة هههه نزوخو زعمى وشم ههه

توحشت الكابريس الحلقوم فوسطة ........الخ
توحشت العيد مع جدتي و اللمة معاها و نروج نلم دراهم من عمامي خخخخخخ

ايه ربي يحفظها ويطول عمرها يا رب

توحشت من تجينا جداتي نتعفرو عليها كل واحد يقول انا نرقد مساميها هههههههه
توحشت و توحشت و توحشت هههههه
يعطيك الصحة ليليا

العفو شفت ايام الصغر فيها الحلو وبرك وكبرنا وكبر همنا الحمد لله
ميرسي يونس ربي يخليك

 

[همس الوُرود]

رد: انا توحشتهم .... توحشتوهم كيما انا

هههههههه علاش يا الحقارة و الله كنت عويقلة بصح لساني طويل نهدر بزاف برك ههههههههههه

كنت نسقسي بزاف وندخل روحي فالأمور الي خاطيني نتحرك وندير المغامرات بصح الحمد لله مانطيح وحدة في حفرة ما والو ههههههههه غير وحدة طيحتها فالأرض وشعشعتها شوية مسحت بيها الأرض شوية برك

بصح غاضتني وحبست ديراكت إيه كنت عويقلة هههه​

 

[عاشقة الإحسان]

رد: انا توحشتهم .... توحشتوهم كيما انا

هههه قتلتيني بالضحك حبيبتي ليليا

هذا كامل واش درتي فالطفولة نتاعك ؟ ياو بهدلتيهم ماخليتي فيهم والو

بصراحة أنا كنت عاقلة منضاربش ،مي كان لساني كي لبوزلوف منحبسش من الهدرة كامل ،خرجت بنتي تشبهلي هههه، كنت نهدر و نشارشيهم و نهرب للدار ، لازم قبل مانهدر نكون قريبة من باب الدار و ومبعد نطلق العنان للساني :p:p:p
و لا نتحاما بخويا ههه

توحشت نلعب مع صاحباتي بالبوبية و ندرو الدروج تاع الزنقة دارنا و نفرشوهم و نلعبو بيت بيوت

توحشت الرسوم تاع سالي
توحشت نخرج القصص و الجوائز تاعي للدروج تاع الزنقة و ندير مكتبة كل واحد يقرا كتاب يعطيك يإما حلوة و إيلا مايعرفش يقرا يتفرج برك يعطيك ورقة تاع شهرية

توحشت و توحشت ......

شكرا لك ليليا على هذه المساحة لإسترجاع ذكرياتنا
تسلميلي

 

[ليليا مرام]

رد: انا توحشتهم .... توحشتوهم كيما انا

هههههههه علاش يا الحقارة و الله كنت عويقلة بصح لساني طويل نهدر بزاف برك ههههههههههه

كنت نسقسي بزاف وندخل روحي فالأمور الي خاطيني نتحرك وندير المغامرات بصح الحمد لله مانطيح وحدة في حفرة ما والو ههههههههه غير وحدة طيحتها فالأرض وشعشعتها شوية مسحت بيها الأرض شوية برك

بصح غاضتني وحبست ديراكت إيه كنت عويقلة هههه​

هاااااااااااو المخبي بان ههههه قتلك اللي لسانهم قاطع كانو يديهم يضربو وواصلين هههههههههههه
ايوا امالا طيحتي فالارض وشنشفتي انت لازم تنضمي للشلة نتاعي ماشي كيمريومة تسوطي غير بالحبيلة باينة طويلة سلومة مريومة ههههه كسلت روحها حتى شبعت نونو ما خصنيش بوطو تريسيتي نحتاجك انت ياخي تنضمي الينا ههههه
عويقلة تبارك الله :d
:d:d:d

 

[ليليا مرام]

رد: انا توحشتهم .... توحشتوهم كيما انا

هههه قتلتيني بالضحك حبيبتي ليليا

هذا كامل واش درتي فالطفولة نتاعك ؟ ياو بهدلتيهم ماخليتي فيهم والو

اهلا وسهلا نورتيني اختي الله يفرحك دايما
ايه اللي يدور بيا يدي حقو هليها كانو كامل يشيتولي يجو فالفرقة نتاعي تخيلي فليكول انا قصيرة فيهم مي الطوال يجو عندي نحامي عليهم هههه ايه حكم القوي ماشي بلاطاي من بكري هاكا هههه


بصراحة أنا كنت عاقلة منضاربش ،مي كان لساني كي لبوزلوف منحبسش من الهدرة كامل ،خرجت بنتي تشبهلي هههه، كنت نهدر و نشارشيهم و نهرب للدار ، لازم قبل مانهدر نكون قريبة من باب الدار و ومبعد نطلق العنان للساني :p:p:p
و لا نتحاما بخويا ههه


ايه الوقفة عند باب الخرجة عندها بنة وحدها كنت نديرها لما ندير حاجة كبيرة ونعرف بليغة يمى راح طير بسرعة الصاروخ مي انا لبنى السريعة نخرج والبليغة تضرب فالباب وما نرجعش حتى يجي بابا ربي يرحمو يلقاني فالحومة نستنى فيه

توحشت نلعب مع صاحباتي بالبوبية و ندرو الدروج تاع الزنقة دارنا و نفرشوهم و نلعبو بيت بيوت

قوليلي فالبيت بيوت كنتو طيبو االحشيش زعمى سلاطة خخخخخ والطماطيش بالملح اكلتنا الشهيرة والقريصة ندير وبها الحنة نروحو يدينا كلهم خضورة ههه


توحشت الرسوم تاع سالي

انت سالي سالي شعال كانت تبكيني وقلت لبابا روح جيبها تعيش معانا ههههه خاف نديرلو كيما ساندي بال ههه نهار درت الكارثة مع الكلب ههه

توحشت نخرج القصص و الجوائز تاعي للدروج تاع الزنقة و ندير مكتبة كل واحد يقرا كتاب يعطيك يإما حلوة و إيلا مايعرفش يقرا يتفرج برك يعطيك ورقة تاع شهرية

توحشت و توحشت ......

ايه املا كنت نزارة قبانية هههه درت الخير فالعلما نتاع حومتكم


شكرا لك ليليا على هذه المساحة لإسترجاع ذكرياتنا
تسلميلي

ايوا راهي ورثاتك بنتك ربي يحفظها مي الجيل هذا محال يعرف بنة اللعب كيما عرفناها احنا
الله يخليك ويفرحك ويحفظ اولادك يا رب

 

[باتنية و نص]

رد: انا توحشتهم .... توحشتوهم كيما انا

بونسوار
كي قلتي ليليا + مراد
تفكرت سعاد +سمير = كره ههه
اتخيلي للضك مزالت مكتوبة فالحيط
فاتو ليام ولعوام و الشهور صبت النو صب الثلج ..جات لفون دسابل ومزالت صامدة ^^
مي دوماج هذاك الكره لي جمعنا فالطفولة راح..وبقينا نتعاملو بلقدر..غير صباح الخير مساء الخير
توحشت صديقي العزيز فالابتدائي "حفيّظ"
الوحيد اللي كان يطلعي المورال
في حصة الاملاء نقولو شوف اذا مليح خطي. يقولي "يخرّج الخل من الما "
وينك يا حفيظ..اذا راك تشوف فيا اني انا اللي كنت نقعد وراك :cray02:
توحشت كي كنت لاصقة في ماما كي القردة
منحكي مع حتى واحد وين تروح نروح معاها
تبعد عليا نغرق في ويدان دموعي.وضك ماما راهي فالسبيطار ..وجاني نفس احساس الطفولة كي بعدت عليا..ربي يشفيك ويخليك ليا
بصح بيناتنا..شخصيتي كانت مقرفة
كنت بكاية وخوافة ومشنفة عليها واحد مكان يشتيني ههه
مي عندنا فالدار نسخة عليك اللي هي اختي دوسيات تعكم في زوج كوحل
بلاك نتي كبرتي وعقلتي
مي هي راهو حاكمها روتور داج صح هه
ربي يهنيك اختي
تحياتي

 

[Hakan]

رد: انا توحشتهم .... توحشتوهم كيما انا

السلام عليكم اهلا ليلياا واش راكي وصحتك ان شااء الله بخير وقريب تعرسي ونفرحو بيك
ياسيدي ذكريات الطفولة كبيرة بزااف ومن احسنها عندي فترة فلم الكواسر والبواسل
يااه كان عندي وحد السيف من الحطب ياحسراه وكنت انا والقبيلة نتاعي نروحو نغيرو على قبيلة
الحسين جاري ههه كان عدو لدود لينا وكنا ننصبو الافخاخ في السطحة نتاع الدار انا وولاد عمي
وكنا خادمين صطاد في الدار نتاعنا وخادمين عارضات ونلعبو ليماتش والضرب ياحسرااه
وتوحشت نهارات كي يجيو بنات عمي ههه ويزوجوني لوحدة فيهم ياحسراه كان القتال على شكون
العروسة نتاعي واناكنت نخير الشابة فيهم
ايه ونهارات اللي كنت نقري فيهم في الباب نتاع السطح نتاعنا وكنت نعرف نقرى مليح
نعلمهم الضرب والاعراب وشويا فرونسي هيه وهومامساكن لا فهامة لاطول
وتوحشت نهارات التعليم الابتدائي مالغري سامطة لاخاطركنت نتحقر فيهم بزااف
كنت شويا مدلل علابيها خوااف
ونهارات بزااف لا يعدون على الاصابع وبقاومجردذكريات ديجا راني بديت نبكي خخخخ
صحيتي ليليا شكرا على لومبونص نتاعك هنا ...مازالك واقفة.​

 

[ليليا مرام]

رد: انا توحشتهم .... توحشتوهم كيما انا

بونسوار
كي قلتي ليليا + مراد
تفكرت سعاد +سمير = كره ههه

السلام عليكم اخت راجلي الشاوية الفحلة انت لازملي نضربلك الشيتا باه تتهلاي فيا راكي عارفة
ايه واشبيه سمير معاك والكره علاه انا شفت غير الكتيبة نتاع الحب الكره ما شفتوش او لما وحدة دير زكارة فطفلة تكتب ليليا راهي تعرف كمال ههههه يحرقونا الغيورات

اتخيلي للضك مزالت مكتوبة فالحيط
فاتو ليام ولعوام و الشهور صبت النو صب الثلج ..جات لفون دسابل ومزالت صامدة ^^

بواه كتبوهم ايه والله ما كانو يطيرو ههههه انا خويا يخرج يعاود فوقهم الصبيغة ويجي ليا للدار نقولو وانا علاه واش دخلني فيهم

مي دوماج هذاك الكره لي جمعنا فالطفولة راح..وبقينا نتعاملو بلقدر..غير صباح الخير مساء الخير
توحشت صديقي العزيز فالابتدائي "حفيّظ"
الوحيد اللي كان يطلعي المورال
في حصة الاملاء نقولو شوف اذا مليح خطي. يقولي "يخرّج الخل من الما "
وينك يا حفيظ..اذا راك تشوف فيا اني انا اللي كنت نقعد وراك :cray02:

نداء اللي واسمو حفيظ اللي كان يقعد ورا سعاد فباتنة يتصل بالمنتدى ههه وسيرتو اذا راك مازلت اعزب وميم متزوج معليش رانا مع جماعة نعيمة صالحي الضرة اخت هههه

توحشت كي كنت لاصقة في ماما كي القردة
منحكي مع حتى واحد وين تروح نروح معاها
تبعد عليا نغرق في ويدان دموعي.وضك ماما راهي فالسبيطار ..وجاني نفس احساس الطفولة كي بعدت عليا..ربي يشفيك ويخليك ليا

ربي يشافيها حبيبتي ويعافيها ويرجعها بخير وتقعدي لاصقة فيها الطفلة ديما حبيبة امها ولو تتزوج

بصح بيناتنا..شخصيتي كانت مقرفة
كنت بكاية وخوافة ومشنفة عليها واحد مكان يشتيني ههه
مي عندنا فالدار نسخة عليك اللي هي اختي دوسيات تعكم في زوج كوحل
بلاك نتي كبرتي وعقلتي

لازم نتعرف على اختك ايرجو ايه انا عارفة روحي محروقة عند ديا راس ونورمال افتخر بهذا
شكون قالك انا كبرت وعقلت نونو مون شاوي يقولي هذا وين راه هبالك يزيد
مي هي راهو حاكمها روتور داج صح هه
ربي يهنيك اختي
تحياتي

ويهنيك يا رب الشاوية الفحلة وجاري البحث على حفيظ

 

[ليليا مرام]

رد: انا توحشتهم .... توحشتوهم كيما انا

السلام عليكم اهلا ليلياا واش راكي وصحتك ان شااء الله بخير وقريب تعرسي ونفرحو بيك

وعليكم السلام خونا حكيم اهلا وسهلا

الحمد لله نعمة ان شاء الله للربيع وجدلي الكادو اونسي جامي تبلعطني

ياسيدي ذكريات الطفولة كبيرة بزااف ومن احسنها عندي فترة فلم الكواسر والبواسل
يااه كان عندي وحد السيف من الحطب ياحسراه وكنت انا والقبيلة نتاعي نروحو نغيرو على قبيلة
الحسين جاري ههه كان عدو لدود لينا وكنا ننصبو الافخاخ في السطحة نتاع الدار انا وولاد عمي

وهذا حسين جارك وين راه ضرك ههه مازال العدو اللدود
ونتوما تتحاماو ايه انا وخويا على وليد عمي وانا ووليد عمي على جاري وقت الصح تتلاقاو نستعرف بيكم




وكنا خادمين صطاد في الدار نتاعنا وخادمين عارضات ونلعبو ليماتش والضرب ياحسرااه
وتوحشت نهارات كي يجيو بنات عمي ههه ويزوجوني لوحدة فيهم ياحسراه كان القتال على شكون
العروسة نتاعي واناكنت نخير الشابة فيهم

واقيل ذيك اللي خيرتها مازالت تستنى ياخي نتاع الصغر ووليد العم نظلو نستناو فيه ههههه ما نقطعوش لياس

ايه ونهارات اللي كنت نقري فيهم في الباب نتاع السطح نتاعنا وكنت نعرف نقرى مليح
نعلمهم الضرب والاعراب وشويا فرونسي هيه وهومامساكن لا فهامة لاطول

انا كنت نحب الطباشير بزاف ونظل نكتب كامل الالوان ونقريهم زعمى ليتود هههه ويخلصوني بالحلوة والبوبيات ههه ايه تعبي لازم نخلص

وتوحشت نهارات التعليم الابتدائي مالغري سامطة لاخاطركنت نتحقر فيهم بزااف
كنت شويا مدلل علابيها خوااف

اه لوكان فغير كنت تعرفني دوماج كنت ندافع عليك نضرب نورمال ميم الذكور ما تخممش نكرهم الطريحة يدوها كثر من البنات

ونهارات بزااف لا يعدون على الاصابع وبقاومجردذكريات ديجا راني بديت نبكي خخخخ
صحيتي ليليا شكرا على لومبونص نتاعك هنا ...مازالك واقفة.​

ايه خونا حكيم ابكي نورمال الرجال ثاني يبكو اخطينا من الخناين برك
العفو ايه لازم نزهيكم عارفتكم كارهين
الله يخليك اييه انا من النساء الواقفات ههه
شكرا

 

[Salah eddin]

رد: انا توحشتهم .... توحشتوهم كيما انا

السلام عليكم
ههه
دائما في الريادة اختنا ليليا .......
صح ....يا حسراااه على ذوك ليام ..........كنت انا و صحابي دايرين عصابة اجرامية
ههه
واحد النهار .....وحنا قاعدين في الدشرة ...و نلقاو شاب و شابة يتمشاو ...ههه....زعما رونديفو
و حنا كنا نطبقو القانون وحدنا ....و نطيحو عليهم بالبارب و البلوك و الصوان و كل انواع لاحجارة المتواجدة في ذاك الوقت
هههه.........القصاص راني نقلك ههه......و كنا ما نخلو حتى طفل يمر من الدشرة تاعنا بدون ما ياخذ فيها طريحة و لا كوتبي* ركلة * على الاقل
ههه
يا حسراه.و الله الطفولة اجمل مرحلة في حياة الانسان
بارك الله فيك يا اختي
متميزة كالعادة .........
السلام عليكم ...........​

​

 

[ليليا مرام]

رد: انا توحشتهم .... توحشتوهم كيما انا

السلام عليكم
ههه
دائما في الريادة اختنا ليليا .......

السلام عليكم
اهلا وسهلا مستر صلاح امممم خايفى تعيني ونمرض واااع

صح ....يا حسراااه على ذوك ليام ..........كنت انا و صحابي دايرين عصابة اجرامية
ههه

انا كي درت الموضوع عارفة كامل قلتو عاقلين وراني جبدت الشر اللي فيكم شفتو ذكائي الخارق اموا تستعرفو بيا شوي ماشي تقولولي انت غازدوفيل:p

واحد النهار .....وحنا قاعدين في الدشرة ...و نلقاو شاب و شابة يتمشاو ...ههه....زعما رونديفو
و حنا كنا نطبقو القانون وحدنا ....و نطيحو عليهم بالبارب و البلوك و الصوان و كل انواع لاحجارة المتواجدة في ذاك الوقت

ايه مزية قتلي ما نفوتش انا ومون شاوي على الجلفة نتاعكم ثاني ترجمونا بالحجر وبالاسلحة
زعمى نتوما ما كنتوش تروحو رونديفو والا القصاص على الناس وبرك





هههه.........القصاص راني نقلك ههه......و كنا ما نخلو حتى طفل يمر من الدشرة تاعنا بدون ما ياخذ فيها طريحة و لا كوتبي* ركلة * على الاقل
ههه

ايه لو كنت نعرفك من ذاك الوقت نوريلك واش من كوتبيي حقارين :down::down:
يا حسراه.و الله الطفولة اجمل مرحلة في حياة الانسان
بارك الله فيك يا اختي
ايه الطفولة اجمل فترة في حياتنا ما تعوضش

متميزة كالعادة .........

ميغسيييييييييييي
السلام عليكم ...........​

​

صلاح انت كنت زعيم عصابة مي نسيت انك قريت عندي وانا علمتك ههه
شكرا على الوفاء لمواضيعي

 

[Salah eddin]

رد: انا توحشتهم .... توحشتوهم كيما انا

صلاح انت كنت زعيم عصابة مي نسيت انك قريت عندي وانا علمتك ههه
شكرا على الوفاء لمواضيعي

العفو ...يا آنسة غازدوفيل

:regards01:

​