شبعونا مقروض ! يزّي يزّي

[الورد الأحمر]

صباح الخير عليكم ان شاء الله كامل بخير ؟

اليوم {ديسيديت} ندير موضوع هنا

موضوعي اليوم على ظاهرة وليت نلاحظها بزاف داخل المنتدى

حبيت نحكي عليها منها نحكي على ظاهرة ومنها نوصل ميساج

لهاذ الكاليتي من الأعضاء لي رجعت عندهم موضة جديدة تعبتنا

درك ما فهمتش يحسبو رواحهم قافزين ولا يحسبونا بِغال ناطقة !

واحد في 2016 دخل البارح يهف في ناس من قديم الزمان وهي هنا

يشيخ بالغاشي ويستغبى فيه وpلا مقروض رايح pلا جاي !

مشاركات كل مشاركة تخبط الثانية بالتناقض ولكذب !

كل رد يفضح مولاه بلي كومة من التناقضات والعقد النفسية !

ما فهمت حايبين يبينو رواحهم .../

ما فهمت حايبين يثبتو رواحهم لرواحهم !

أنا هك وهك ... رحت هك وهك ... درت هك وهك !

حتى حياة ناس يسرقوها من بلاصة خلاف ويجيبوهالنا !

بطولات الناس عايشينها هنا ... /

إنجازات الناس ناسبينها ليهم ... !

المواضيع يسرقوها ... الصور يسرقوها !

تشوف لعجب والله تحير وتغيضك لي حاسبينك مغفل مازال ما فقت !

المهم أنا راني حكيت كعضوة مي كإدارية نقول ... /

راني من اليوم نطيح في كاليتي هك نفضحها مباشرة قدام الناس

وخلي تبقى هاذ الكاليتي عبرة لمن يريد الاعتبار ... /

رانا قريب 2017 يا خوتي وحابين نطلعوا المستوى ماشي نرجعو لورا

ارتقوا يا الخاوة ... ارتقوا خلونا نرقّيو اللمة ! أفطنوووا

وفي La Fin مغسي ع المتابعة طولت عليكم .​

 

[أم أمينة09]

رد: شبعونا مقروض ! يزّي يزّي

السلام عليك ورحمة الله تعالى وبركاته
اهلا اختي كيف الاحوال ان شاء الله يخير؟؟
والله تحيري وقغيمون عجب
الله يهدي من يشاء ويعذب من يشاء
ميغسي على موضوعك حنونة الله يحفظك
​

 

[Skor m@k]

رد: شبعونا مقروض ! يزّي يزّي

السلام عليكم
هاه زارتنا براكة وليتي ادارية تفنينتي شويا فالمواضيع هههه
كاين ناس بزاف مايعرفوش الأمانة العلمية ماشي غير فالعلم برك فكل حاجة كاين أمانة الغير
أتخيل أنت وحد تتعبي تكتبي موضوع تشبحيه ممبعد تلقاي السي خونا حاطو في منتدى آخر
ويداعا بيه ماشي تقولي نبيراطي المنتدى على جالو

كاين أعضاء يعجبوني صح تلقى الموضوع تاعو معاود وباين بلي نقلو بصح ينقلو بطريقتو
يبدل فيه يزيد أفكار فيه يبدل الأسئلة المهم ماشي كوبي كولي
مرة نلقى موضوع هنا منقول كلش حتى الفواصل هذوك تاع السلام عليكم
مي لي نقلو مافاقش بلي مكتوب اسم المنتدى هذاك
لو انا هكذاك مانفيقش خخخ

لكن لي ينقل الصور ويداعا بلي تاعو هناك لازم ينفضح
باش مايكونش تساهل كامل
التبهديلة كي تلقا المشرف اعتمد الموضوع هذاك ممبعد يجو من منتدى آخر يشكو
واش راح تقوللهم كمشرف بحجم منتدى اللمة
أنا راني معاكم في فضح من ينقل وينسب الى نفسه خاصة الور في الطبخ ومنتدى النساء
هناك لي كاين الصور بزاف​

 

[aljentel]

رد: شبعونا مقروض ! يزّي يزّي

ممكن لو سمحتي تأخذيني على قد فهمي
وتفهميني شو معنى مقروض و يزي يزي
كي اتمكن من الادلاء بدلوي ..!

 

[نبض الحياة]

رد: شبعونا مقروض ! يزّي يزّي

السلام عليكم ورحمة الله وبركاته
اهلاا نونوغاااا
بون حبوبتي انا كنت غايبة مالا راني اورشون
لكن هاد الظاهرة نظن من بكري كاينة
ربي يهدي ما خلق!!
دمت بخير الغلاا

 

[♫حيَاةٌ اُنثىّ]

رد: شبعونا مقروض ! يزّي يزّي

الله يهدي ماخلق اختي هدا واش ندعولهم
اما الباقي فهو شخصية الانسان
الانسان لي ماعندوش شخصية يحب يدير شخصية انسان وحدا خر
يعيش بها
يعني مكاش كيما شخصية الانسان في حد داتو
شكرا على الموضوع
​

 

[الامين محمد]

رد: شبعونا مقروض ! يزّي يزّي

اهلا اختي قبل ما نحكي راني عاطيك بطاقة صفرا
ماكيش حاطة الشعار في بداية الموضوع
و اذا عاوتيها رايح نشري افاسير و نمحيك من قائمة خوتاتي هههههههه

نرجع لموضوعك
كان واحد الراجل فنيان ما يعمل حتى حاجة
عيييييييييييييييييااااااان نتاع الصحّ

جات مرتو واحد نهار دقت عليه الباب
تالمو عياااان ما قدرش يفتح عليها
قال ليها روحي راكي طااااالق
هههههههههههه

هاذ الناس عيّانييين و تعبونا معاهم
كاين اللي ينقل موضوع ما يمحيش حتى الروابط و يزيد هو موضوع رياضي يحطه في
منتدى النقاش
عياااااااااااااااااانين نتاع الصح
يا سيدي مرّة في الاسبوع كتب موضوع صغير
خير من الف موضوع كل يوم و هوما منقولين

شكرا اختي
حرزي روحك نعطيك البطاقة الحمرا ههههههههههه
​

 

[همس الوُرود]

رد: شبعونا مقروض ! يزّي يزّي

السلام عليكم

نتمنى تكوني بخير أختي مون لايت وعلى فكرة أسمحيلي كيما نعيطلك هكا بيسك مون لايت يعجبني أفضل ههههه بيسك أنا هكاك عرفتك

نرجعو للميضوع تعنا

بالنسبة للنقل هذا نظن أنو يستعملوه الأعضاء المنتسبين لأنهم مزالو مايعرفوش وش يصرا فالمنتدى هههه وهكاأنا كنت فبداية مشواري فاللمة لما كنت جديدة كنت في بالي بلي المنتدى فيه غير رد شكرا و موضوع منقول ههههههه

أيا بديت ننقل المواضيع وكاين الي ينقلوهملي الي يغلقوهملي وهكذا وأنا كنت نتقلق بيسك معلاباليش وش كاين أصلا مع الوقت فهمت وكنت ناشطة فمنتدى وش راك تهدر بعد لتم عرفوني ناس المنتدى وبدا التطور ههههه نظن خرجت من الموضوع!!ههه المهم

نظن بلي النقل يكون لما تلاحظ أنو الكلام المنقول يفيد كثيرا وتححب تفيد بيه ناس غيرك تاني مثلا فمنتدى الشريعة الإسلامية لازم تنقل الأحكام من العلماء وأقوال العلماء لكن ماتنسبهاش لنفسك لازم تكتب من هو العالم أو طالب العلم الذي قال ذاك القول

و قصة النقل تع أنا درت ودرت وهي نقل برك فريمو ههههه هادي حاجة بيزار

إيه صراحة نسيت وش كنت رايحة نزيد نقول هههه متلوميش راني دايخة

شكرا على الموضوع أختي

سلام^^

 

[(منير)]

رد: شبعونا مقروض ! يزّي يزّي

كيف تكون ردة فعلك.؟
بسم الله الرحمن الرحيم
السلام عليكم ورحمة الله وبركاته
&&كلنا اخوة&&
سيدتى اعتذر لك ان صدر منى شيء قد تسبب لك فى سوء او مكروه او انفعال.
أو كدر عليك صفوة فرحة ذكرى تأسيس الموقع
أو كنت واحدا من هؤلاء الأنماط التى ذكرت
ارجو الله أن يسامحنى اذا كنت مقصرا هنا.
وأتمنى أن لااكون محطة إزعاج أو مضايقة
فستكون مشاركتى منحصرة داخل واحة (منير)
وارجو من الجميع المسامحة
واذا كنت من تلك الشرذمة فاارجو إبلاغى حتى أفهم نفسى واحسم فى قرار الانسحاب..
والان إليك هذا الموضوع والذى خصصته لشخصيتك بالامس لأنك تحضين بمكان في القلوب.ولك فضلا على
إليك مضمونه.
..حياكم الله يااهل اللمة بكل خير وبعد.
كيف تكون ردة فعلك.
.إذا استيقظ احدنا فى الصباح الباكر ورأى انه معافى فى بدنه.وآمن فى سربه.وله قوت يومه.
فحينها يسجد لله سجدة شكر لرب العالمين
ويبدأ يومه باقامة صلوات المكتوبة فيردد مع كل ركعة آيات يحمد فيها ربه لما أنعم عليه من نعمه الظاهرة والباطنة.فيقول( الحمد لله رب العالمين)سورة الفاتحة الايات1.
.إذا عدت إلى بيتكم وتتناولت إحدى الوجبات الغدائية مع والديك فبعد الإنهاء من الاكل.
فإنك تقبل رأس والدك ويد امك .
وتقول.( رب أوزعنى أن أشكر نعمتك التى أنعمت على وعلى والدي وأن أعمل صالحا ترضاه) سورة النمل الآيات19
.عندما تكن فى الفصل ويقوم الاستاذ بشرح درس لم تفهمه جيدا فإنك فى الأخير تقول له شكرا يااستاذى على هذا الإسهاب السلس..
.حينما تكون تائها فى طريق مجهولة ولاتعرف الممر المؤدى الى هدفك المنشود.
وتجد حينها شخص يدلك على الطريق الصحيح
فحينها ستقول له الله يجازيك بالخير.
نعم احبتى أهل اللمة من لم يشكر الناس لايشكر الله.
من هذا المنطلق نبدأ.
وساضرب لكم مثلا حي هنا.
.ماذا لو أحدهم فتح لك قلبه قبل بيته.
واستقبلك بحفواةوبشاشة
وتركك فيه بحرية مطلقة تجول وتصول فى غرفه وبأريحية.
وسخر لك ناس هم اسياد واشراف النسب والحسب يسهرون بالليل والنهار لتوفير سبل الراحة لك.
يقربون لك كل بعيدة.
ويقدمون لك كل مالذ وطاب من شتى أنواع الطعام والشراب.
فاخبرنى بالله عليك كيف يكون ردة فعلك اتجاه هذه الشخصية.؟!
هل علمت بعد هذا وذاك من هى هذه الشخصية المقصودة.؟!
سأشرح لك الصورة باسلوب سلس.
.الذى فتح لك قلبه قبل بيته هو الذى أوجد لك منتدى اللمة.
.الذى سخر لك الأسياد والاشراف فى الحسب والنسب
ليخدموك.
هو الذى يسر لك الطاقم الادارى من مراقبين ومشرفين ليكونوا رهن اشارتك آناء الليل وأطراف النهار.
إنها صاحبة ومالكة موقعنا منتدى اللمة الملقبة بصاحبة القبعة الحمراء.
إنها السيدة الفاضلة.
والاستاذة المقتدرة.
والمديرة المحنكة.
والإنسانة الايجابية.
والطيبة والخيرة المؤمنة
احسبها والله حسيبها كذالك
صدقا وعدلا وحقا تستحق منى الدعاء على مدار اليوم.
مصداقا لقول الحبيب محمد صلى الله عليه وسلم
( من صنع إليكم معروفا فكافئوه فإن لم تجدوا ما تكافئونه به.
فادعوا له حتى تروا أنكم قد كافأتموه. )
نعم سيضل لسانى وقلبى يدعو لها بدون توقف
لما قدمته لنا .
من للمة.
وجلب البسمة على المحيا.
واستطاعة أن تجمع الشمل.
وتوحد الكلمة.
وتألف قلوب الجميع.
نعم من أسهل أن تنشأ منتدى.. ولكن من أصعب أن يكون لك فيه اخوة أمثال هؤلاء الأعضاء والمشرفون والمراقبون.
كانت هذه ردة فعلى ...فماهى ردة فعلكم احبتى اتجاه هذه الشخصية مديرة ومالكة منتدانا اللمة..؟!
ردتك ايها المنتسب فى اللمة إجبارية فى حق من عليها ايادى بيضاء عليك وعلى وعلينا..

 

[الورد الأحمر]

رد: شبعونا مقروض ! يزّي يزّي

السلام عليك ورحمة الله تعالى وبركاته
اهلا اختي كيف الاحوال ان شاء الله يخير؟؟
والله تحيري وقغيمون عجب
الله يهدي من يشاء ويعذب من يشاء
ميغسي على موضوعك حنونة الله يحفظك
​

وعليكم السلام ورحمة الله وبركاته
الحمد لله راني بخير وان شاء الله انتي كيف .
وي تحيري صح وانا شخصيا نحتقر كل إنسان يجيب فوطو من جوجل ولا الفايسبوك ويقول شريت ولا طيبت ولا !!!
عادي صور حاجتك وحطها يا ربي خردة خير من تسرق حاجة الناس وتقول تاعي مبعد يجيك واحد من برا يشكيلك ونولو احنا في موقف محرج !
ربي يهدي يا اختي واش رايحين نقولو . ومغسي ع المرور .

 

[الورد الأحمر]

رد: شبعونا مقروض ! يزّي يزّي

السلام عليكم
هاه زارتنا براكة وليتي ادارية تفنينتي شويا فالمواضيع هههه
كاين ناس بزاف مايعرفوش الأمانة العلمية ماشي غير فالعلم برك فكل حاجة كاين أمانة الغير
أتخيل أنت وحد تتعبي تكتبي موضوع تشبحيه ممبعد تلقاي السي خونا حاطو في منتدى آخر
ويداعا بيه ماشي تقولي نبيراطي المنتدى على جالو

كاين أعضاء يعجبوني صح تلقى الموضوع تاعو معاود وباين بلي نقلو بصح ينقلو بطريقتو
يبدل فيه يزيد أفكار فيه يبدل الأسئلة المهم ماشي كوبي كولي
مرة نلقى موضوع هنا منقول كلش حتى الفواصل هذوك تاع السلام عليكم
مي لي نقلو مافاقش بلي مكتوب اسم المنتدى هذاك
لو انا هكذاك مانفيقش خخخ

لكن لي ينقل الصور ويداعا بلي تاعو هناك لازم ينفضح
باش مايكونش تساهل كامل
التبهديلة كي تلقا المشرف اعتمد الموضوع هذاك ممبعد يجو من منتدى آخر يشكو
واش راح تقوللهم كمشرف بحجم منتدى اللمة
أنا راني معاكم في فضح من ينقل وينسب الى نفسه خاصة الور في الطبخ ومنتدى النساء
هناك لي كاين الصور بزاف​

أهلا خويا مرحبا ...
شفت كيفاه ضربت طلسة طويلة والله تقول حبسلي المخ في راسي وليت ما نلقى واش نكتب بسيف هداني ربي :tongue02: ... اممم نرجعو للموضوع علابالك مرة درت موضوع على ماما وواش تحب تحط الاذاعة وتسمع جيت نضرب في جوجل لقيت الموضوع في منتدى وحد آخر نسخ لصق :-o اتخيل حتى ماما سرقوهالي !! شغل ما عندهمش أمهم باه يحكو عليها سرقولي واش حكيت أنا على ماما هههه حبسولي ثقافتي .

المهم أنا في موضوعي قصدت خاصة الشعب لي عايش تقمصات بلي راه كذا وكذا ويحكي أمور وكي تتعمق في ردودو تلقى بلي حكاياتو قدامو واش حكى في مواضيع أخرين متناقضين وتفهم بلي راه عايش في وهم برك ويكمل على روحو كي يسرق حوايج الناس من لجروبات ويقول تاعي ويقول درت ويقول شريت ومبعد تجي تشوف مع لي فوطو تلقى كل فوطو بكاليتي وكل خلفية زي وكل فوطو بحجم ! جابلي ربي رانا نصورو بجهاز واحد لا كثرت زوج مي هوما عندهم مام كاليتي VGA ومرات تلقى الايتش دي :d روعة ما عندهمش الضيق .

المهم كيما درنا حملة كلنا إخوة نكملو نديرو حملة كلنا نبيعو الكذابين ههه لي تلقاوه يهف ويخرج تبليغ وقدام يعياو في موضوع بالاسم مفضوحين باه يتعلمو ... دمرولنا التقدم لقدام رايحين يرجعونا لورا ربي يهدينا ويهديهم .

مغسي ع المرور لخفيف بارك الله فيك .

 

[الورد الأحمر]

رد: شبعونا مقروض ! يزّي يزّي

ممكن لو سمحتي تأخذيني على قد فهمي
وتفهميني شو معنى مقروض و يزي يزي
كي اتمكن من الادلاء بدلوي ..!

أهلا أخي عودة ميمونة ان شاء الله
بخصوص الجملة ولا العنوان هذي جنلة شبعونا مقروض جملة نستخدموها للكناية على أشخاص يكذبوا علينا والمقروض هو حلوى تقليدية جزائرية . أما يزي فهي لفظ يعني خلص ولا كفاية بمعنى أخر العنوان يقصد شبعنا من كذبكم خلص .

ان شاء الله يكون شرحي كافي وفي انتظار مداخلة منك بعد ما شرحت . سلامي .

 

[الورد الأحمر]

رد: شبعونا مقروض ! يزّي يزّي

السلام عليكم ورحمة الله وبركاته
اهلاا نونوغاااا
بون حبوبتي انا كنت غايبة مالا راني اورشون
لكن هاد الظاهرة نظن من بكري كاينة
ربي يهدي ما خلق!!
دمت بخير الغلاا

وعليكم للسلام ورحمة الله وبركاته

أهلا رقية ع سلامتك محلاه رجوعك للمة ... هذي الظاهرة من بكري كاينة وكثرت ليام هذو بالاك كي ما فضحناش الناس من قبل بلي دايرين بينا فيلم طويل عاد من جا يستغبانا يجيبنا زوج فوطوات من كاش جروب في الفايس ويجي يجري بيهم يدير بيهم الصايبة هنا هههه .

كيما قلتي ربي يهديهم ويهدينا وكلامي غير باه يبطلو هكذا تصرف ويجيبو جديدهم هوما ونطورو اللمة اكثر . مغسي حبوبة ع المرور منورة .

 

[الورد الأحمر]

رد: شبعونا مقروض ! يزّي يزّي

من بعد ان شاء الله نكمل مع باقي الردود كي ترجع التريسيتي تعبت من التيليفون .

مشكورين كامل .

 

[lg_dz]

رد: شبعونا مقروض ! يزّي يزّي

نفس المعاناة ويعيد التاريخ نفسه

وذات يوم:29/09/2008 تكلمت في هكذا أمور كانت تقع معنا

ووجدت أنها تصلح في هكذا ظروف

للإطلاع على الماضي:

https://www.4algeria.com/forum/t/85944/
​

 

[aljentel]

رد: شبعونا مقروض ! يزّي يزّي

أهلا أخي عودة ميمونة ان شاء الله
بخصوص الجملة ولا العنوان هذي جنلة شبعونا مقروض جملة نستخدموها للكناية على أشخاص يكذبوا علينا والمقروض هو حلوى تقليدية جزائرية . أما يزي فهي لفظ يعني خلص ولا كفاية بمعنى أخر العنوان يقصد شبعنا من كذبكم خلص .

ان شاء الله يكون شرحي كافي وفي انتظار مداخلة منك بعد ما شرحت . سلامي .

سبحان الله مصير الحي يتلاقى انا اقول مين دي صاحبة القبعه اثاريك مون لايت توني عرفت والله
يا هلا فيك ومرحبا وربي يديم بقاءك ....
فهمت يا طيبه بارك الله فيك ...
المنقول بد لابد منه فكل ما يطرح في الغالب منقول في كل وسائل الاتصال بما فيها تويتر والفيس بوك
لكن الافكار تختلف بإختلاف التوجهات ولا ضير حينما ننقل ما يعجبنا ان نضعها بين قوسين او نقول منقول فهذا ليس عيبا
بودي لو اننا نحاول طرح افكارنا كيفما تكون بعيدا عن حقوق الاخرين واختلاس تعبهم وجهدهم وانني ارى في هذا المنتدى بالذات
قلّة الاختلاسات فالكثير من الزملاء يطرحوا مواضيع من بنات افكارهم واذا ما وجد منقولا فهي في تقديري الشخصي قله وتكاد لاتذكر ..

تحيتي لك مون لايت ...

 

[ليليا مرام]

رد: شبعونا مقروض ! يزّي يزّي

السلام عليكم اختي اهلا وسهلا
ويا عيني اليوم راكي قبيحة غير الخير شكون قلقك يا بنتي
اول شي هذي نتاع النقل وماكانش للأمانة انو منقول موالفينها من بكري فالمنتديات ماشي من ضرك
الحمد لله نتحدى اي شخص يجيب موضوعي نتاعي منقول او سارقاتو نكتب من راسي وكلها مواضيعي وكل شي من ظواهر نعالجها بطريقتي ما ننقل كلام حتى شخص ممكن لما دخلت نكتب موضوع ما نكونش عارفة درتوه من قبل او لا لكن الاكيد انو محال باه يتشابهو ولو فنفس الفكرة
الخلاصة يا اختي انو منا وجاي كيما قلت جميع من يحط موضوع مسروق انو الكشف افضل وهكذا الواحد مليحة ليه يتعلم يكتب ولو شي ببسيط المهم بالعقل يولي يطرح افكار والله كتابة المواضيع والردود تعاون الواحد انو يستخدم الفصحى مليح ويعرف يكتب
شكرا

 

[الورد الأحمر]

رد: شبعونا مقروض ! يزّي يزّي

الله يهدي ماخلق اختي هدا واش ندعولهم
اما الباقي فهو شخصية الانسان
الانسان لي ماعندوش شخصية يحب يدير شخصية انسان وحدا خر
يعيش بها
يعني مكاش كيما شخصية الانسان في حد داتو
شكرا على الموضوع
​

اللهم آمين يا أختي
وصح كيف ما قلتي الموضوع متعلق بالشخصية ما فهمت علاه الإنسان يطيش شخصيتو على جنب ويعيش بأحداث تاع ناس أخرين لي ممكن تعكس شخصية مخالفة تماما لشخصيتو!!
المهم جيسباغ يكون الميساج لحق لهاذ الكاتيغوري لعل وعسى :s:s
مغسي ع المرور بارك الله فيك أختي .

 

[الورد الأحمر]

رد: شبعونا مقروض ! يزّي يزّي

اهلا اختي قبل ما نحكي راني عاطيك بطاقة صفرا
ماكيش حاطة الشعار في بداية الموضوع
و اذا عاوتيها رايح نشري افاسير و نمحيك من قائمة خوتاتي هههههههه

نرجع لموضوعك
كان واحد الراجل فنيان ما يعمل حتى حاجة
عيييييييييييييييييااااااان نتاع الصحّ

جات مرتو واحد نهار دقت عليه الباب
تالمو عياااان ما قدرش يفتح عليها
قال ليها روحي راكي طااااالق
هههههههههههه

هاذ الناس عيّانييين و تعبونا معاهم
كاين اللي ينقل موضوع ما يمحيش حتى الروابط و يزيد هو موضوع رياضي يحطه في
منتدى النقاش
عياااااااااااااااااانين نتاع الصح
يا سيدي مرّة في الاسبوع كتب موضوع صغير
خير من الف موضوع كل يوم و هوما منقولين

شكرا اختي
حرزي روحك نعطيك البطاقة الحمرا ههههههههههه
​

أهلا بيك خويا ...
راني مارست حق الفيتو وصححت الغلطة لي عملت مادابيك تانيلي الكارطة الصفراء هذي سي نو الماتش الجاي ما نلعبوش :d:d
نرجعو للموضوع صح سي فغي ناس عيانين وعياونا معاهم معرف بيهم لعجز باه ما يتعبوش عقلهم ولا هكذا برك ما عندهمش شخصية حبو يبنوها بشخصية الناس وأنا ما نحكيش بزاف على لي ينقلو مواضيع على قد ما نحكي على ناس تلقاهم في المواضيع يردو ويحكو أمور كي تروح لمواضيع أخرين وتشوف ردودهم تلقاهم متناقضين مع الردود تاعهم لخرين حتى تديرلك علامة تعجب في راسك ويخرجلك المثلث لصفر تاع Pas de connexion !!!! تحير والله تحير ربي يثبتلنا لعقل برك .
لا كارطة حمرا لا والو يخي الصفرا قلنا أنيلي :tongue02: ... سلامي ’

 

[بنقابي افتخر]

رد: شبعونا مقروض ! يزّي يزّي

اهلا أميرتنا
هههه صاحبة القبعة الحمراء
رجعت صاحبة البطاقة الحمرا
ونا نقول يستاهلو يفضح شبعنا خرطي
عاجل غير آجل واللي تلقيه من عندي ماتحملش وخلي يدي نشعة في وجه ل ءنو محشمش مين حط مواضيع ونسبه إليه
الله يهدي ما خلق
يعني راهي تنكتب كذبة ما يخافون من ربي وخلاص
وهدئي من روعك راه المرض غير يتسبب هههه
تحياتي