{ 2016 } و الجـَـــــــــزَآئِريينْ

[ضآحكة مستبشرة]

السلام عليكم و رحمة الله تعالى و بركاته

وشراكم حبابي و خاوتي و اهلي و ناسي توحشتكم بزاااااااااااف ؟؟

شحال عندي مكتبتش موضوع هنا توحشت نكتب ههههههه

ان شاء الله تكونو بخير و على خير


- بسم الله

المهم ندخل في صلب الموضوع
اليوم جيت نحكي على بعض اهم الاحداث كملخص لعام 2016 من وجهة نظري

عام 2016 وصف بالعام الصعب على جيوب الجزائريين كيما راهم يقولو كامل الناس
انا في رأيي صح و اصعب عام و اصعب فترة هي هاد العام تزيرت فيه الحالة بزاف جابولنا قوانين جديدة صعيبة و قبيحة في نفس الوقت
يا حليل الزوالي السنة بزاف ناس عانات و مزال تزيد تعاني

بالسنة ليا عام 2016 كان نسبة 70 بالمئة صعب و 30 بالمئة من الناحية الشخصية لي سلكت هههههههه
عام صعيب لانو اجتزت فيه شهادة البكالوريا و كان وقتي كله منحصر في الدراسة مع الاشهر الاولى من السنة متفرغتش لحتى حاجة الا الدراسة
اهملت كل الجوانب و اقتصرت على تحقيق الحلم

و لكن بكالوريا 2016 كانت الكـــــــــآرثة الحقيقة

لي بهدلت بينا و حطتنا بين قوسين باش نراجعو بزاف قررات في المنظومة التربوية
و اهم قرار انتظرناه هو فصل الوزيــــــرة نورية بن غبريط الي خلات الوزارة بهدلت بينا وسط الدول الاخرى

و مع ذلك خلو البير بغطاه غطاو الشمس بالغربال و تدخلت حتى وزارة الدفاع في هاذ الامر و في التالي بقات الوزيرة في المنصب
و لحد الان مزالها تدير قرار و تلغيه ثم ترجع ليه بحجة انو اصلاح المنظومة التربوية سيكون تدريجيا لغاية 2021

هذا من جهة و من جهة
شفنا تحذيرات و تنبيهات لعدة وزارات اهمها وزارة الصحة

لي حذرونا من اشتراء دواء براسيتامول لي قالو بأنه يحتوي علة سلك معدني يسبب عدة امراض خطيرة و بلي جابوه من اسرائيل و خلي و خلي ..........
و اخيرا شفنا حكاية الحنة لي قالوا كذلك بانها تسبب السرطان " عافانا الله و اياكم "
و انها لما توضع على اليد تأكل الموضع لي تحطت فيه و تأكل الخلايا بصورة رهيبة

و التقشف بلا مننســــــــــــآوه حذيث العام كام و لازال
التقشف مصطلح يجي من وراه عدة تساؤلات اهمها واش هو التقشف ؟
واش علاقتو بالزوالي خاصة و الجزائري عامة ؟
علاش اقتصر على الطبقة المتوسط و ذوي الدخل المتوسط و ما طبقوهش على الطبقة الحاكمة و العليا
علاش دايمن تطفر في الزوالي و يضلو ياطلو فيه علآلآلآلآلآلآلآلآلآلآلآلآلاش ؟؟؟؟؟؟

انخفاض في اسعار البترو لدخل البلاد في موجة في ازمة في دوامـــــــــة ملقاولهاش حل


عام 2016 العام الوحيد لي مظهرش فيه الرئيس بصورة مباشرة امام الشعب

السؤال المطروح
شكون راه حاكم البلاد ؟؟؟ الرئيس حي ام ميت ؟؟
معلبالناش
كاين بلاد الرئيس تاعهم ميبانش قدام الشعب حتى في الاعياد الوطنية و الرسمية مشفناهش
الله اعلم من يتحكم في البلاد و كيفاش راهي تتسير في الخفاء
اين هي اموال الجزائريين ؟؟

و ايضا حتى الرياضة و قاسها التقشف

حسبنا بلي المنتخب الوطني افضل منتخب عربي و افريقي
لكن كنت على حق :$ نهار لي قلتلهم في البيت :sport02:
المنتخب قوي لانو يلعب مع منتخبات ضعيفة استناو تصفيات كاس العالم يبان المستوى

المستوى يظهر امام المنتخبات القوية كامثال من لعبنا معهم في التصفيات ماشي ليزوتو و جماعتها
المتسوى بــــــــــــــــــان و حتى الكرة الجزائرية قاستها عدوى التشقف و الازمة

او اخيرا حفرة بن عكنون ؟؟؟؟؟؟؟؟

هذي وحدها تدل على اهمال الدولة وحدها دون تدخل المواطن
و انهيار طريق الرابط بين بوزريعة و معلياليش واش هي البلاصة الاخرى
المهم الدولة مراهيش تهتم بسلامة المواطنة همها الوحيد تلقى حل للازمة لي راهي فيها
و الحل هو جيب الزوالي
غلاء المعيشة و رفع في الاسعار قوانين صعبة تنتظرنا
ربي يسترنا

هذا كملخص قصير و صغير بزاف لواش صرا في عام 2016

نخليلكم الفرصة باش تكملونا اهم ما جرى في عام 2016 من وجهة نظركم
او ماهي الاحداث لي اثرت فيكم و تتمناو تتحسن في عام 2016

و ماهي توقعاتكم لعام 2017

في امان الله و حفظه
جمعة مباركة
سلام ​

 

[الورد الأحمر]

رد: { 2016 } و الجـَـــــــــزَآئِريينْ

السلام عليكم ورحمة الله وبركاته

عاش من شافك أختي أهلا بيك ...

نسيتي ما حكيتيلناش على الفاكسان لي قتلت لولاد ... على كشير بلاط لي قتل لعباد ... على بوتفليقة كي حسبناه مات طلع مازال حي ... بزاف أحداث فاتو علينا حتى ولينا ما نقرقوش اذا صراو السنة ولا العام لي فات وبزاف أمور عشناها أثرت علينا سلبا وإيجابا ومازال نزيدو نعيشو ما كتر ... الحدث المهم البطاقة البيومترية كي ضحكو العالم علينا والباسبور البيومتري لي في المطار يرجع كل ورقة بزي ... حكاية المتعاقدين وإضرابهم وحكاية مسابقة التعليم وفضيحة المشاركين لي ما قدروش على أسئلة في متناول الجميع وحكاية الغسالة لي مازال لدرك نص من المشتركين ما فهموش علاه ما تحركتش هههه . ونخلي القلم للبقية يفكرونا في أمور قاست الجزايريين في 2016 .

أما على 2017 ما عندي ما نقول مي ما نتوقعش حاجة كبيرة من الناحية الإيجابية ونصيحة كامل أعملوا الباسبور ما تدرو ممكن تحتاجوه وقت الهربة تسلك مولاها هههه .

مغسي ع الموضوع يعطيك الصحة .

 

[الحلم الوردي]

رد: { 2016 } و الجـَـــــــــزَآئِريينْ

السلام عليكي
واش راكي اختي اسماء
نتاع الصح كامل واش قولتي
عام 2016
صح اول مرة يعاودو مرة التانية نتاع الباك
وتانيك الكارثة نتاع الفاكسان كيما قالت الاخت نور
وظاهرة القتل والاختطاف وكاين وكاين حوايج مانعرفوهمش
المهم ان شاء 2017
تكون سنة احسن
وان شاء الله تدخل علينا بالصحة والهناء
​

 

[(منير)]

رد: { 2016 } و الجـَـــــــــزَآئِريينْ

بسم الله الرحمن الرحيم
وعليكم السلام عليكم ورحمة الله وبركاته
سيدتى أسماء
عودة محمودة
من خلال عنوان موضوعك
اتضح لى بأنه يتحدث على حصيلة بلدكم الجزائر الحبيبة
لهذا العام الذى نودعه عما قريب
ورتأيت أن اخلص الدعاء له ولبلدان العالم الاسلامى قاطبة
بأن يصلح شؤونها.
ويوفق علمائها وامرائها
وان يخفظ اسعارها.
ويديم أمنها واستقرارها
ويعصمها من شر الهرج والمرج.
دمت بود سيدتى أسماء
كلنا ا خ و ة

 

[ضآحكة مستبشرة]

رد: { 2016 } و الجـَـــــــــزَآئِريينْ

السلام عليكم ورحمة الله وبركاته

و عليكم السلام و رحمة الله

عاش من شافك أختي أهلا بيك ...

و بيك يعيشك اختي

نسيتي ما حكيتيلناش على الفاكسان لي قتلت لولاد ... على كشير بلاط لي قتل لعباد ... على بوتفليقة كي حسبناه مات طلع مازال حي

محكيتش كلشي لانو تركت فرصة لبقية الاعضاء
و هذو من الاحداث لي مهمة خاصة خاصة الفاكسان لي مزالت اسبابها و نتائجها مجهولة لحد الساعة

... بزاف أحداث فاتو علينا حتى ولينا ما نقرقوش اذا صراو السنة ولا العام لي فات وبزاف أمور عشناها أثرت علينا سلبا وإيجابا ومازال نزيدو نعيشو ما كتر

2017 رح تكون صعيبة بزاف على حسب المختصين و حسب ما رانا نشوفو

... الحدث المهم البطاقة البيومترية كي ضحكو العالم علينا والباسبور البيومتري لي في المطار يرجع كل ورقة بزي ... حكاية المتعاقدين وإضرابهم وحكاية مسابقة التعليم وفضيحة المشاركين لي ما قدروش على أسئلة في متناول الجميع وحكاية الغسالة لي مازال لدرك نص من المشتركين ما فهموش علاه ما تحركتش هههه . ونخلي القلم للبقية يفكرونا في أمور قاست الجزايريين في 2016 .

شكرا اختي نور على هذه الاحداث لي شاركتينا بيها

أما على 2017 ما عندي ما نقول مي ما نتوقعش حاجة كبيرة من الناحية الإيجابية ونصيحة كامل أعملوا الباسبور ما تدرو ممكن تحتاجوه وقت الهربة تسلك مولاها هههه .

ههههههه هذاك هو الصح قبل ما يطلعو فيه
ربي يجيب الخير

مغسي ع الموضوع يعطيك الصحة .

العفو غالتي نورتي​

 

[ضآحكة مستبشرة]

رد: { 2016 } و الجـَـــــــــزَآئِريينْ

السلام عليكي
واش راكي اختي اسماء

و عليكم السلام
بخير الحمد لله السوال عليك

نتاع الصح كامل واش قولتي
عام 2016



صح اول مرة يعاودو مرة التانية نتاع الباك
وتانيك الكارثة نتاع الفاكسان كيما قالت الاخت نور
وظاهرة القتل والاختطاف وكاين وكاين حوايج مانعرفوهمش

ظاهرة الخطف و القتل كانت الاعوام الماضية لكن السنة هاذي شفناها بطرق بشعة اكثر
ربي يستر

المهم ان شاء 2017
تكون سنة احسن

ان شاء الله يا رب

وان شاء الله تدخل علينا بالصحة والهناء
​

آمين يا رب العالمين
شكرا اختي ملاك عالمرور
نورتي​

 

[ضآحكة مستبشرة]

رد: { 2016 } و الجـَـــــــــزَآئِريينْ

بسم الله الرحمن الرحيم
وعليكم السلام عليكم ورحمة الله وبركاته
سيدتى أسماء
عودة محمودة

شكرا اخي منير بارك الله فيك

من خلال عنوان موضوعك
اتضح لى بأنه يتحدث على حصيلة بلدكم الجزائر الحبيبة

ايه رانا نحكو على اهم الاحداث لي صرات في 2016

لهذا العام الذى نودعه عما قريب
ورتأيت أن اخلص الدعاء له ولبلدان العالم الاسلامى قاطبة
بأن يصلح شؤونها.
ويوفق علمائها وامرائها
وان يخفظ اسعارها.
ويديم أمنها واستقرارها
ويعصمها من شر الهرج والمرج.

آميــــــــــــــــــــــن يا رب العالمين

دمت بود سيدتى أسماء
كلنا ا خ و ة

شكرا لك اخي منير على المرور
نورت الموضوع
شكرا​

 

[AmiR@RoRo]

السلآم عليكم
يعطيك الصحة اسما درتيلنا ملخص لاهم الاحداث
وكما قلتي 2016 كانت صعيبه على جيوب الجزايريين قالك 2017 راح تجيف الجيوب وربي يسلكها على خير ههه
بون كاين حاجه تاني جات فالوقت بدل الضائع لسنة 2016 ههه خروج الطلبة الجزايريين في احتجاج كي ماعجبتهمش عطلة سيمانة
لحتى منعرف كفاه السيدة نورية مشات معاهم وجاتهم عطلة فجائية من حيث لا يدرون طاحت على قلبهم كي السكر ههه
وزادت عطاتهم يومين تاني زياده bonus باش ما تزعفهمش هههه
مزال باقي 10 ايام وما تعرفي وش قادر يصرا تاني كلشي ممكن في بلادي
صحيتي اسما على الموضوع الزين

 

[الامين محمد]

رحمة على والديكم و الراجل اللي يسلك سبع مائة ألف شهري
و عنده عايلة و التزامات واش يعمل

 

[Salah eddin]

السلام عليكم
نبدالك من التالي ...
توقعاتي ل 2017 ....
مع قانون المالية الجديد ...الدعوة ما تبشرش ......
و الحال انا نظن زايدة تروح ق لهيه ....
ههه
الله يسهل و وخلاص
بارك الله فيك ​

 

[Hakan]

الله يبارك راكي لخصتي 2016 بكل الحوادث الكبيرة بالنسبة للوطن الحبيب
اما عن الحنة خخخخ جدة الوالدة نتاعي حياتها كامل مع الحنة ولحد الآن الله يبارك مازالها عايشة وتتمتع بصحة جيدة ماشاء الله
الحاجة الزينة في الفتاة الجزائرية هي الحنة وحابين يزيدو ينحيوها خخخ واش يبقى في المسطاشات هههه راني نتمسخر برك
اما عن 2016 جات بحلوها ومرها صراحة انا ما عجبتنيش طوول من كل النواحي ربي يسلكنا برك في 2017
الحمد لله 2016 كانت مليحة فقط في جانب واحد وهو الجانب المادي اما لخرى خرطي في خرطي
وربي يعطيلنا الصحة والعافية ويجعل الاعوام القادمة اعوام خير وبركة بارك الله فيك..​

 

[Hakan]

شكرا ​

 

["viola"]

حدثيني عن التقشف أحدثك عن 2016 خخخخ ياك حكيتلك هههه الفقر و السعادة في حياتي مفقرتش كيما العام هذا خخخ
حاجة اخرى مكان والو انا هي انا و الدزاير هي الدزاير زيديلها التمرميدة تاع بن عكنون برك خخخ تبا خرجت عال8 وصلت عال 12 ونص نهارها
قالك خدموها في 48 ساعة متفوقين على كوكب اليابان ههههه مبعد طاحت شوي شتا ولات مسبح اولمبي خخخ
باينة 2017 ربي يجيب الخير و خلاص ..
صحيتي ​

 

[aljentel]

منذ 2011 بالوطن العربي كله وحتى اليوم كل عام يقول لسابقه لاتشكيلي ابكيلك ...

 

[ضآحكة مستبشرة]

السلآم عليكم
يعطيك الصحة اسما درتيلنا ملخص لاهم الاحداث
وكما قلتي 2016 كانت صعيبه على جيوب الجزايريين قالك 2017 راح تجيف الجيوب وربي يسلكها على خير ههه
بون كاين حاجه تاني جات فالوقت بدل الضائع لسنة 2016 ههه خروج الطلبة الجزايريين في احتجاج كي ماعجبتهمش عطلة سيمانة
لحتى منعرف كفاه السيدة نورية مشات معاهم وجاتهم عطلة فجائية من حيث لا يدرون طاحت على قلبهم كي السكر ههه
وزادت عطاتهم يومين تاني زياده bonus باش ما تزعفهمش هههه
مزال باقي 10 ايام وما تعرفي وش قادر يصرا تاني كلشي ممكن في بلادي
صحيتي اسما على الموضوع الزين

و عليكم السلام و رحمة الله
بلا مزية حنونة ربي يحفظك
ههههه مكاش حاجة هلكتني هاذ العام قد الجيب يا لحبيبة رانا شومرنا تاع الصح ربي يفرج و الحمد لله راهي فرجت
ههههه راكي دخلتي في الدقيقة 90 بخبر مهم ايا بصحتكم حنونة العطلة احنا راهي تطفرت فينا
انتوما تحكم فيكم مرا و راكم غلبتوها احنا راجل لوكان نهدرو يضربنا بعام زيادة هههه
العفو حنونة
شكرا ع المرور​

 

[ضآحكة مستبشرة]

رحمة على والديكم و الراجل اللي يسلك سبع مائة ألف شهري
و عنده عايلة و التزامات واش يعمل

هذاك يصبر و يحتسب حتى يفرج عليه ربي
نقولك حاجة اخي اقسم بالله عمرو واحد صبر و مينالش
الحمد لله الحمد لله صبرنا هذا شحال و في ديسمبر ربي فرج على ابي
فرحة لا توصف الحمد لله اصبر و رح تنال اخي​

 

[ضآحكة مستبشرة]

السلام عليكم
نبدالك من التالي ...
توقعاتي ل 2017 ....
مع قانون المالية الجديد ...الدعوة ما تبشرش ......
و الحال انا نظن زايدة تروح ق لهيه ....
ههه
الله يسهل و وخلاص
بارك الله فيك ​

و عليكم السلام اخ صلاح
هات راني هنا هههههه
لالا خو راهو شكيب خليل قالك كاين انتعاش اسيدي العام الجديد
متخافش ربي يفرج متروح لهيه لا لهنا تروح لواش كتب ربي
و فيك بارك الله
نورت​

 

[ضآحكة مستبشرة]

الله يبارك راكي لخصتي 2016 بكل الحوادث الكبيرة بالنسبة للوطن الحبيب
اما عن الحنة خخخخ جدة الوالدة نتاعي حياتها كامل مع الحنة ولحد الآن الله يبارك مازالها عايشة وتتمتع بصحة جيدة ماشاء الله
الحاجة الزينة في الفتاة الجزائرية هي الحنة وحابين يزيدو ينحيوها خخخ واش يبقى في المسطاشات هههه راني نتمسخر برك
اما عن 2016 جات بحلوها ومرها صراحة انا ما عجبتنيش طوول من كل النواحي ربي يسلكنا برك في 2017
الحمد لله 2016 كانت مليحة فقط في جانب واحد وهو الجانب المادي اما لخرى خرطي في خرطي
وربي يعطيلنا الصحة والعافية ويجعل الاعوام القادمة اعوام خير وبركة بارك الله فيك..​

يبارك في عمرك و ايامك اخي حكيم
هههه الحنة راهي يسموها ام خماس كاشي كل الحناني راهي تهلك الايادي ههه
الحنة زينة اليدين و شباح الراس هههههه نحبها بصح غير في اليدين ماشي كي العجايز في رجليهم و يديهم و شعرهم بلاك حتى حواجبهم هههههه
ان شاء الله تكون 2017 فال خير عليك اخي حكيم و ربي يفرج عليك و يهنيك
و يحققلك واش في بالك و يسهلك امور فقط تفاءل و الباقي خليه على ربي
كي كان الجيب مليح هاذيك هي الدنيا و مفيها خاطرش صعيبة تطيح اومبان ههههه
و فيك بارك الله اخي
شكرا على المرور​