عاجل : عطلة الشتاء بداية من مساء اليوم 20 ديسمبر 2016

[Djamel.Dz]

بخصوص عطلة الشتاء للسنة الدراسية 2017/2016 طرأ تعديل عليها بالنسبة للسنة الجارية بحيث تبدأ العطلة ابتداء من مساء يوم الثلاثاء 20 ديسمبر 2016 الى غاية يوم الأحد 08 جانفي 2017 صباحا

​

 

[الفتى المغامر]

بارك الله فيك أخي على الخبر
15 يوم يكفينا لحفظ و مراجعة دروس الفصل الأول
باركط الله فيك على نقل الخبر

 

[Djamel.Dz]

وفيك بركة اخي

بارك الله فيك أخي على الخبر
15 يوم يكفينا لحفظ و مراجعة دروس الفصل الأول
باركط الله فيك على نقل الخبر

19 يوم و ليس 15 يوم ​

 

[Skor m@k]

السلام عليكم
هذي هي لي قالك أضربو يعرف مضربو
والله بهدلو بينا وجيحو التلاميذ بهذو القرارات الفوضوية
علبالك ياخويا جمال بهذا القرار دخلو فكرة في عقل التلميذ هو أنو بالاضراب تحل المشاكل
علبالك بلي أحياو فكرة في مستقبل التلاميذ هي كي مايعجبكش الحال في أي قرار دير اضراب يعدلو القرار
وعلى هذي نقولك ربي يجيب الخير من المستقبل
راح تصرى كارثة عضما من عند هذا الجيل البنغبريطية
كرهونا لحياة
لو جات المنضومة التربوية صحيحة مايعدلوش القرار
ماشي التلميذ هو لي يعطي قراراتو
شكرا لك خويا جمال​

 

[Djamel.Dz]

المشكلة مجالس الأقسام لم تنهي مهامها بعد ،
أظن الإشعار جاء في غير وقته
كان الاجدر بها مراجعة القرار الاول ( 10 أيام عطلة فقط )
قبل إصداره و ليس الرضوخ لمطالب التلاميذ​

 

[جيهان جوجو]

السلام عليكم
كل يوم يخرجولنا بقرار جديد
المجالس عندنا مزال مكملوش
منعرف واش يديرو
المهم العطلة لازم نستغلوها للدراسة
جزاك الله خيرا

 

[لؤلؤة قسنطينة]

السلام عليكم
كل مرة تغيير جديد للاسف
ربي يجيب الخير ان شاء الله
فقط حنا تاع الجامعة داخلين فيها العطلة هادي ولا محقورين هههه
شكرا خويا على المعلومات وربي يوفق كل التلاميذ ان شاء الله
تحياتي​

 

[أم منيــــــر]

بصح انا ما فهمتش
مين حتى ل 8 جانفي و يدخلو علاش تبدا العطلة من اليوم؟وماشي حتى للخميس

 

[جيهان جوجو]

بصح انا ما فهمتش
مين حتى ل 8 جانفي و يدخلو علاش تبدا العطلة من اليوم؟وماشي حتى للخميس

السلام عليكم
العطلة بدات من اليوم 20 ديسمبر
حتى ل8 جانفي
هكدا قالت الوزارة
بالتوفيق للجميع

 

[secret de coeur]

أختي @لؤلؤة قسنطينة الجامعة ياك راهم اصلا في عطلة
الي محسوبة عليهم عطلة وبعدها امتحانات :p
ربي يوفق

السلام عليكم
كل مرة تغيير جديد للاسف
ربي يجيب الخير ان شاء الله
فقط حنا تاع الجامعة داخلين فيها العطلة هادي ولا محقورين هههه
شكرا خويا على المعلومات وربي يوفق كل التلاميذ ان شاء الله
تحياتي​

وبالنسبة للعطلة نظن تلاميذ ليهم فيها حق حتى ولو كان الوزارة قصدها
انقاص حجم العطل بالنسبة للأستاذة من اجل دورات تكوينية فالقرار كان من احسن شمله للأساتذة فقط ومن بادئ الأمر
لتجنب وصول الأمر لحد اضراب التلاميذ

 

[Oussama.GF]

واي عطلة من اليوم
نشاله نستغلو عطلة في وقت مفيد

 

[آمِيْرَتُه]

السلام عليكم
رجعو الصغار يحكمو البلاد راحت فيها بفففف

 

[الحلم الوردي]

السلام عليكم
هي مليحة للتلاميذ يدو شوية وقت
يعطيك الصحة

 

[أم منيــــــر]

دخلت درت طلة في صفحة الفايسبوك نتع الوزيرة و شفت الردود نتع تلاميدنا فيما بينهم بين مؤيد و معارض
واش نقولكم قمة الانحطاط قلبي وجعني كي قريتهم
تقول ابناء شوارع ماشي ابناء مدارس

 

[السلطانة]

لايحدث الا في الجزائر
ترقد على هدرة تنوض على هدرة
بصحتهم ولادنا العطلة .

 

[ضآحكة مستبشرة]

السلام عليكم اخ جمال
اولا شكرا على الخبر

ثانـــــــــــــــيا ارى ان هذا الشيء من بين الامور التي تحط من قيمة التربية في بلادنا
اصبحت هذه الوزيرة التافهة تضع تارة قانون و تارة اخرى اما تلغيه ام تغير فيه
ما هذه المهزلة التي اصبحنا نعشيها
رضوخا لمطالب التلاميذ ؟؟؟
احقا هذا هو السبب ؟؟

اسأل الله ان تمر الامور التربوية على ما يرام في عهد هذه الغبية فقط
حسبنا الله و نعم الوكيـل

انا لا اعيب ان تمدد في العطلة لان الاصل في الشيء البقاء على ما كان
لكن ان تضع قانون و تغيره فجأة هذا امر عجيب و غير مناسب لبلد كالجزائر

اسفة على كثرة الكلام و شكرا​

 

[Salah eddin]

السلام عليكم
ياودي و تغبرط النظام التعليمي
منا يقلصو العطلة
منا بزيدولها يومين ولا ثلاثة
الله يهدي و خلاص
خلو سبيل بن غبيريط ...فانها مامورة
ههه​

 

[الفتى المغامر]

غدا كامل التراب الوطني مايقراش في أمان الله