اللمة وتغيرات الجديدة

[حكاية قمر]

السلام عليكم يا لماويين
​

ان شاء الله تكونو كاع لباس عليكم وبخييير وعافية
​

مانطولش عليكم ندخلها ديركت بغيت نهدر ع لمة وستيلها لجديد
​

شخصيااا دوخني مع لي قالك في اللول بيانات خطأ قلت صااي سمحوا فيا ونفاوني بديت نشوف غي كما زوار
​

وبعد لي الحمد لله تحل المشكل ودخلت كما قالك عووم بحرك حاجة لولة لي بغيتها هي اني نعدل في ملفي نحاولي لفوتو وزوااق هداك غاضتني
وتان المعلومات وجماعتهم ولي تااع الصح دوختني هي الحالة الخاصة ربي ستر كنت غاديا نكتب عزباء والله مالغري ذكائي وبحرتلي امزية لي صبرت وزدت هبطت وشفت بلي حالة خاصة راهي صح خاصة مافيهاش اللعب
​

معلناش كملت من ملفي وذيك الامور ودرت لصلة الرحم المتابعين اوووو مين جاو ماعرفتش طاحوا من السما ولا كيفاه وانا كنت متابعة غي حفيدة الخنساء املا كيفها داك نقوللكم شا فهمت فهمت بلي هادوك الاصدقاء لي تكون قابلهم راك متابع ليهم ولي غي هوما باعثين ونت ماشي قابل هدوك لي يتابعوك علبالي اكتشاف عظييم اللهم زدني علما ^^
​

قرواها بشوية تفهموا^
​

والتوقيع وجماعتو راكم تعرفوه هدا فيما يخص الملف الشخصي
​

شدوا الأحزمة أحبتي اللماويين غاديين ننطالقوا الى الخارج
​

سرعة الويفي ديزاد الله يحسن العون
​

درجة الحرارة والله ماعلابالي المهم لمة راهي جديدة نظن داروا كليماتيزور
​

ايا بصحتكم رانا هبطنا
​

ياااا سيدي شوي دعوة مخلطة طليت شكون أكثر اعجاب:Love: وشكون أكثر مشاراكات وغيروا مليح لقيت روحي مع موالين نقاطي و الله فرحت بزااف
​

بدلت الرحلة هااا ونلقا الكارثة الحالة الخاصة في العامة دووور اووو شاكاين فهموني بغيت نكتب عزباء ربي ستر قبلل سقسيت ثم ثم جاوبني الأخ حكيم قالك كما الفيس بوك وجماعته اامليح اسيدي بحال ستاتي
​

مي صبروا كاين ناس مافاقوش بلي الحالة خاصة خاصة ياااو حسبوها رسائل خاصة ان شاء الله ربي يغفرلي قرييت غي واااحد شوي شوي برك
​

واه واحد الشوي برك ماكان لاه تلعبوها خاطيكم علبالي قريتو
​

و
​

اخييييييييرا لحاجة شابة تقدر تعس وااااه تقدر تعس كااع شارهم يدييرو وين راهم محادثات ولا يشاركوا
​

معليش ربي يغفرلي عسيتكم غي بغيت نتأكد واش هاد الخاصة منها ولالا مام وليت نشوف شاراني ندير ههه عجبتني
​

ونشوف ادا المراقبين والاداريين يخدموا ولا لا^^
​

ايا بزاااف عليكم راني كثرت الهدرة
​

ايا وماتنساوش تقولولي شكون كيفي ومانخبرش عليكم:p
​

في الاخير شكرااا لادارة اللمة ع هته المجهودات والله يدوم لمتنا

 

[الحلم الوردي]

السلام عليكي
واش راكي حنونة
شخصيا انا مع الاول قولت راح حسابي
ومن بعد كي ولات فرحت
بون التغييرات ملاح بالبزاف
مي مع الوقت برك باش الواحد يتاقلم
هذا مكان
كل الشكر لكي
حنونة

 

[الورد الأحمر]

السلام عليكم ورحمة الله وبركاته

هههه ضحكتيني ... المهم التغييرات الجديدة مليحة أنا صراحة عجبتني خلاتني نكون متابعة لكلش وما يفوتني والو بخاصية المتابعة وبالتالي وليت نفيق لبزاف مخالفات .

من ناحية الملف الشخصي طبعا الحالة الخاصة هي كيف الفايس تقدر تقول الستاتيو لي حابة تحطيه مي بزاف أعضاء شايفتهم قلبوها دردشة ومع التحفظ على الكلمة لي رح نقولها كاين لي شفتهم رجعوها دصارة وديما الخصائص لمليحة مرات نضطروا نحبسوها على سبة الناس لي ما تعرفش تستخدمها .

بالنسبة للي مازال ما فاقوش الحالة الخاصة حاجة والرسائل الخاصة حاجة ثانية وفي اللمة الجديدة الرسائل الخاصة اسمهم محادثة مش رسائل .

المتابعين ولي لقيتيهم متابعتيهم هذو مبدئيا تعباو من اللمة قبل التعديل يعني لي كانو في قائمة أصدقاءك من قبل تلقايهم هنا بلي انتي متابعتيهم .

بالنسبة للوك الجديد للمة مع التحفظ أنو مش لوك جديد فقط تعديلات جديدة اللوك بانلكم جديد وأنو قضية ةقت وتوالفو عليه هو في الحقيقة لوك غير مكتمل ووقت يكتمل يرجع اللوك تقريبا نسخة طبق الأصل ع اللوك لقديم للمة قبل التعديل والموضوع هذا لازملو وقت وترجع الأمور بإذن الله كيف ما كانت .

بمناسبة الموضوع حبيت نهدر على نقطة وهي استخدام بزاف أعضاء لمانع الإشهار أو للآد بلوكر وهذا على فكرة يعتبر ضرر كبير للمة من الناحية المادية وقد يؤدي إلى غلقها ... لأنو اللمة تعتمد على مدخولات إعلانات جوجل وإذا كل واحد استعمل حاجب الاعلانات رح ينزل المدخول وينعدم وتختفي اللمة ووقتها اللوم مش علينا اللوم على لي ما ساهمش حتى بإعلان يظهر عندو .

مغسي ع الموضوع .

 

[ام راس يابس]

انا مخلطنيش
كنت داخله منتدى وحداخر جزائري قبل اللمه ....منقولوش اسمه باش اختي ليلى و الذئب متحظرناش
و كان منتدى عنده نفس الستايل
برك كنا نقدرو نخفيو فيه اخر نشاط
هنا حوست عليها ملقيتش
حسيت روحي مكشوفه
كي شغل تجسس
.......

 

[فيتامين سي]

جيييييييييييييييييت
هههههههه عمت عمت و مغرقتش هههه اشعر بالسعادة الكبيرة انني سعيدة جدا جدا
الموووووهيييييم
في الاول دخلت الحمد لله مجاتنيش تاع منجمش ندخل رغم ايمايل تاع عام جدي كي دخلت في البديا عانيت و بديت نكتشف :p و مسيي كلش و اكيد ندخل من و من هههههه عجبوني الحالة الشخصية هذيك ههههه كي منلقاش موضوع نروحلهم و نلقى اي زوج يحكو ندخل في النص نحكي هههههه:X3: صحا انا معنديش بروبلام تاع رسائل خاصة ولا محادثاث مي معجبتنيش هكدا رايحين المواضيع يهملوهم و يبدو كما الفاسبوك من لي يدخل هو فيهم ...حاجة لي عجبتني نقدر نخدم بالبورطابل :Love: نوووورمال

تاني رجعت ندخل نشوف الاعضاء شاراهم يديرو ههههه و نقرعج عليهم حكمتكم ...

 

[فيتامين سي]

بدلوووولي اسمي وااااااااي انني سعيدة :Love::Love::Love:

 

[Oussama.GF]

سلام و
اه ستايل جديد هدا رووووعة
يشبه للفايسبوك
زيد درتونا ملصقات تاع فيسبوك هكا عجبني بزاف
تقول منتدى لمة ولات فايس لمة
ولا روووعة
وزيد حالة خاصة لي تقول راهي تشبه لستاتي هي ماهيش تاع تقسار دروها لتعبير على نفس كيما نحطو ستاتي في فاسبوك
مهم وانا حاب نطلب من ادارة فتح صندوق دردشة

 

[فيتامين سي]

سلام و
اه ستايل جديد هدا رووووعة
يشبه للفايسبوك
زيد درتونا ملصقات تاع فيسبوك هكا عجبني بزاف
تقول منتدى لمة ولات فايس لمة
ولا روووعة
وزيد حالة خاصة لي تقول راهي تشبه لستاتي هي ماهيش تاع تقسار دروها لتعبير على نفس كيما نحطو ستاتي في فاسبوك
مهم وانا حاب نطلب من ادارة فتح صندوق دردشة

كاين المحادتات غير يخصك عدد معين من المشاركات

 

[Oussama.GF]

كاين المحادتات غير يخصك عدد معين من المشاركات

اوصلي 1000 مشاركة تهدري باطل
مهم ر له و كاين جزيرة لمة اعرضي صحبتك هناك واهدري حتان تشبعي

 

[السلطانة]

وعليكم السلام
هذي الخصائص مليحة بزاف وخفيفة وتم تم نتعاملو مع المنتدى اسرع من قبل

ههه الولف صعيب

رانا بالشوي نتعدو على اللمة الجديدة

يعطيك الصحة موضوعك كول وراكي راقبتي اللمة زنقة زنقة مانسيتي والو ههه

 

[نبض الحياة]

السلآم عليكم
اهلآ بالغالية
ههههههههه ضحكتيني والله حتى انا كيفك عمت وعمت وقريب غرقت لكن في الاخير عرفت كي نعوم هههه
المهم ستيل شباب ويشبه للفايس بوك
لكن كيما قلتي مازالت ديك الحالة الخاصة محيرتني ومترددة منها خايفة كاش ما نغلط اون بيبليك ههههه
مرسي حبوبة
وشكرا للادارة على مجهوداتها

 

[cosette]

السلام عليكي
اهلا بيكي حنونة وبموضوعك اللي من الأول ضحكتيني فيه
بون مام انا مع الأول حسبهم حظروني مي مع الوقت قريت بلي المنتدى مغلق "للصيانــــــة" ضحكت على روحي وقتها
والحالة الخاصة اني موالفتها من بكري في آوتغ شوز سافيك علابالي بجدها
والمتابعون عندي 100 مام انا نخلعت لي زامي وماشي هكاك\\\\
مي مع التاقلم والفت وعرفت ونشكرهم الكُل اللي حسن المنتدى وميرسي عالموضوع يعطيك الصحة لحبيبة​

 

[حكاية قمر]

السلام عليكي
واش راكي حنونة
شخصيا انا مع الاول قولت راح حسابي
ومن بعد كي ولات فرحت
بون التغييرات ملاح بالبزاف
مي مع الوقت برك باش الواحد يتاقلم
هذا مكان
كل الشكر لكي
حنونة

اهلين بك غاليتي
شكرا ع الاعتماد والمرور
امزيااا لي ماشي كما حسبنا
ومع الوقت غاديين نوالفوا
المهم اللمة كاينة ^^​

 

[حكاية قمر]

السلام عليكم ورحمة الله وبركاته

هههه ضحكتيني ... المهم التغييرات الجديدة مليحة أنا صراحة عجبتني خلاتني نكون متابعة لكلش وما يفوتني والو بخاصية المتابعة وبالتالي وليت نفيق لبزاف مخالفات .

من ناحية الملف الشخصي طبعا الحالة الخاصة هي كيف الفايس تقدر تقول الستاتيو لي حابة تحطيه مي بزاف أعضاء شايفتهم قلبوها دردشة ومع التحفظ على الكلمة لي رح نقولها كاين لي شفتهم رجعوها دصارة وديما الخصائص لمليحة مرات نضطروا نحبسوها على سبة الناس لي ما تعرفش تستخدمها .

بالنسبة للي مازال ما فاقوش الحالة الخاصة حاجة والرسائل الخاصة حاجة ثانية وفي اللمة الجديدة الرسائل الخاصة اسمهم محادثة مش رسائل .

المتابعين ولي لقيتيهم متابعتيهم هذو مبدئيا تعباو من اللمة قبل التعديل يعني لي كانو في قائمة أصدقاءك من قبل تلقايهم هنا بلي انتي متابعتيهم .

بالنسبة للوك الجديد للمة مع التحفظ أنو مش لوك جديد فقط تعديلات جديدة اللوك بانلكم جديد وأنو قضية ةقت وتوالفو عليه هو في الحقيقة لوك غير مكتمل ووقت يكتمل يرجع اللوك تقريبا نسخة طبق الأصل ع اللوك لقديم للمة قبل التعديل والموضوع هذا لازملو وقت وترجع الأمور بإذن الله كيف ما كانت .

بمناسبة الموضوع حبيت نهدر على نقطة وهي استخدام بزاف أعضاء لمانع الإشهار أو للآد بلوكر وهذا على فكرة يعتبر ضرر كبير للمة من الناحية المادية وقد يؤدي إلى غلقها ... لأنو اللمة تعتمد على مدخولات إعلانات جوجل وإذا كل واحد استعمل حاجب الاعلانات رح ينزل المدخول وينعدم وتختفي اللمة ووقتها اللوم مش علينا اللوم على لي ما ساهمش حتى بإعلان يظهر عندو .

مغسي ع الموضوع .

وعليكم السلام
لا مغسي ع واجب
شكرا حبيبتي ع توضيحات وان شاءالله يفيقو بعمارهم وبلي دعوة راهي عامة
وياريت الاعضاءيعرفوا بلي هاذ مجهودات غي علبال راحتهم ويقدرو هاذ شي
الله يدوم ابتسامتك اللماوية ^^
بانتظار القادم ان شاءالله واكيد تغيرات هاذي شابه
مشكووورة ​

 

[حكاية قمر]

انا مخلطنيش
كنت داخله منتدى وحداخر جزائري قبل اللمه ....منقولوش اسمه باش اختي ليلى و الذئب متحظرناش
و كان منتدى عنده نفس الستايل
برك كنا نقدرو نخفيو فيه اخر نشاط
هنا حوست عليها ملقيتش
حسيت روحي مكشوفه
كي شغل تجسس
.......

اهلين بك
انا عندي غي لمة وكل شي جديد شفتو فيها الله غالب خطيني الدول الاخرى
ايه مزية لي راكي سلكتي عندك لخبرة ماشي كيفي هههه
شكراا ع المرور
​

 

[حكاية قمر]

جيييييييييييييييييت
هههههههه عمت عمت و مغرقتش هههه اشعر بالسعادة الكبيرة انني سعيدة جدا جدا
الموووووهيييييم
في الاول دخلت الحمد لله مجاتنيش تاع منجمش ندخل رغم ايمايل تاع عام جدي كي دخلت في البديا عانيت و بديت نكتشف :p و مسيي كلش و اكيد ندخل من و من هههههه عجبوني الحالة الشخصية هذيك ههههه كي منلقاش موضوع نروحلهم و نلقى اي زوج يحكو ندخل في النص نحكي هههههه:X3: صحا انا معنديش بروبلام تاع رسائل خاصة ولا محادثاث مي معجبتنيش هكدا رايحين المواضيع يهملوهم و يبدو كما الفاسبوك من لي يدخل هو فيهم ...حاجة لي عجبتني نقدر نخدم بالبورطابل :Love: نوووورمال

تاني رجعت ندخل نشوف الاعضاء شاراهم يديرو ههههه و نقرعج عليهم حكمتكم ...

ههههه تشبهيني شوي
مي اواااه انا ما ندخلش فيهم غي نعس
ومن ناحية اهمال ردود بالمواضيع مام انا خممت فيها غادي يولي لي جات في باله جملة يحطها ثم وتطفر في المواضيع تاع الاقسام الادبية اووواااه هذا هدر للقدرات^^
اممم نت قدرتي تدخلي وانا لا بدييت نغيرا ولا اغار خير
موفقة حبيبتي ديجا راكي فيتامين سي لنشاط بسيف عليهم تدخلي
مبروك الاسم

 

[حكاية قمر]

سلام و
اه ستايل جديد هدا رووووعة
يشبه للفايسبوك
زيد درتونا ملصقات تاع فيسبوك هكا عجبني بزاف
تقول منتدى لمة ولات فايس لمة
ولا روووعة
وزيد حالة خاصة لي تقول راهي تشبه لستاتي هي ماهيش تاع تقسار دروها لتعبير على نفس كيما نحطو ستاتي في فاسبوك
مهم وانا حاب نطلب من ادارة فتح صندوق دردشة

واه بزاف زيين هاذ التغيير
وبخصوص الحالة الخاصة خصهم يفييقو راها كشغل بماذا تفكر
معليناش الامر في بدايته
تبانلي صندوق الدردشة غير مناسب من ربي مانطيقوش كنت وقت فات في منتدى وفيه هاذ صندوق لقلب يضر منه
شكرااا ع المشاركة وان شاءالله لمتنا دايما الافضل

 

[حكاية قمر]

وعليكم السلام
هذي الخصائص مليحة بزاف وخفيفة وتم تم نتعاملو مع المنتدى اسرع من قبل

ههه الولف صعيب

رانا بالشوي نتعدو على اللمة الجديدة

يعطيك الصحة موضوعك كول وراكي راقبتي اللمة زنقة زنقة مانسيتي والو ههه

اهلين ^^
ههه واه راقبتها زنقة زنقة ماشفتيش حالي كي كنت بحال الزوار يااا ربي شاراه صاري لداخل ^_^
غااديين نوالفو غي بشوية
شكرا حبيبتي نورتي

 

[حكاية قمر]

السلآم عليكم
اهلآ بالغالية
ههههههههه ضحكتيني والله حتى انا كيفك عمت وعمت وقريب غرقت لكن في الاخير عرفت كي نعوم هههه
المهم ستيل شباب ويشبه للفايس بوك
لكن كيما قلتي مازالت ديك الحالة الخاصة محيرتني ومترددة منها خايفة كاش ما نغلط اون بيبليك ههههه
مرسي حبوبة
وشكرا للادارة على مجهوداتها

اهلين بالحبيبة منورة
شفتك في الفيس تسقسي نورمالمو نت ثاني قالولك مود باص فوو
ونستيني عبالك هههه
كما نقولو ياا حوجي ع حالة الخاصة راني نحمد ربي كسلكت منها
ردي بالك تغلطي راني نعس هههه
شكرا ع المرور الجميل موفقة

 

[حكاية قمر]

السلام عليكي
اهلا بيكي حنونة وبموضوعك اللي من الأول ضحكتيني فيه
بون مام انا مع الأول حسبهم حظروني مي مع الوقت قريت بلي المنتدى مغلق "للصيانــــــة" ضحكت على روحي وقتها
والحالة الخاصة اني موالفتها من بكري في آوتغ شوز سافيك علابالي بجدها
والمتابعون عندي 100 مام انا نخلعت لي زامي وماشي هكاك\\\\
مي مع التاقلم والفت وعرفت ونشكرهم الكُل اللي حسن المنتدى وميرسي عالموضوع يعطيك الصحة لحبيبة​

اهلييين
الله يدوم ابتسامتك
هاا مليح كي راكي تعرفيها ماشي كيفي قصدي كما كنت، ^^
تسما كاع خلعونا هكا مي الصح تغييرات شابة
شكرا ع المرور حبيبتي