قبل ما يخلآص 2016 ... ؟؟

[ضآحكة مستبشرة]

السلام عليكم و رحمة الله تعالى و بركـــاته
وشراكم خاوتي لباس ؟؟
المهم راهو عام 2016 قرب يخلاص و الأيام قليلة وينتهي عام آخر، مرت هذه السنة بخيرها وشرها، بحلوها ومرها، وحدثت في حياة كل منا أحداث كثيرة.

انسان كبر عام . انسان حقق حلم . انسان تخرج . انسان نجح في قرايتو . انسان تزوج . انسان سافر
كل واحد فينا واش صرالو في هاد العام

امالا عندي أربعة أسئلة أوجهها لكم :​

١- درس مهم تعلمته هذا العام؟​

٢- شخص مميز دخل لحياتك هذا العام؟
٣- عادة حسنة اعتدها هذا العالم؟
٤- حدث جميل حصل معك لن تنساه من هذا العام ؟​

قبل ما يخلاص هذا العام نقوللكم كل عام و انتم بخير بمناسبة حلول السنة الجديدة
اتقدم باحر التهاني و اطيب الاماني لاخوتي و احبتي و عائلتي في اللمة
شكرا لكم لاني تعلمت و تعلمنا من بعضنا الالاف الاشياء التي كنا نجهلـها
الحمد لله الذي جمعني بكم و اتمنى ان اقضي كل عمري معكم
و اسأل الله ان يجعل العام الجديد عام البركة و الخير و السعادة و الهناء
و السلم و السلام و الامن و الامان على بلادنا الجزائر و كل الامة العربية
و اسأل الله ان يفك اسر اخوتنا في فلسطين و ان ينصر اخواننا في حلب يـــــــــــــا رب

بالتوفيق لكم احبتي

احبكم :Love:
​

 

[ضآحكة مستبشرة]

بسم الله الرحمان الرحيم
نبدا انا نجـاوب ههههه

١- درس مهم تعلمته هذا العام؟

رب شيء لم تنله كان شرا لو اتى : هذا الدرس لي تعلمتو بلاك حاجة تمنيتها و متحقتليش كانت رح تكون شر ليا لوكان صرات
لذا لازم نرضاو دايمن بالشيء لي كتبو ربي و نتفائلوا للقادم لعله خيرا

٢- شخص مميز دخل لحياتك هذا العام؟

ههههه هاذي نخليها في القلب لانو الانسان لي تعرفت عليه هذا العام غير فيا بزاف حوايج
منو تعلمت انو مهما بلغ للانسان من مشاكل لازم دايمن يبقى مبتسم و متفاءل

٣- عادة حسنة اعتدها هذا العالم؟

الصدقة و الكلم الطيب و الحمد لله

٤- حدث جميل حصل معك لن تنساه من هذا العام ؟

اول حاجة حدث رائع حصل نهاية هذا العام و الحمد لله بعد صبر طويل ربي فرج على ابي الغالي و الحمد لله
المالصحة بيني و بين خالي التي لن تنهي و سنبقى في ود و سلام بعد هذا العام
و كذلك تحصلي على البكالوريا و عدة احداث جميلة منها زواج اعز انسان على قلبي عمي الغالي و خالي العزيز


و ان شاء الله يكون عام 2017 اجمل عام يا رب
​

 

[zohor kfz]

١- درس مهم تعلمته هذا العام؟
ماشي كل واحد يضحك معاك يعزك ... يجي نهار لي يضحك عليك

٢- شخص مميز دخل لحياتك هذا العام؟
مكانش

٣- عادة حسنة اعتدها هذا العالم؟
الصمت و الابتسامة

٤- حدث جميل حصل معك لن تنساه من هذا العام ؟
تخلصنا من مشكلة كبييييييييرة في العايلة


يدخل علينا العام الجديد بالربح ان شاء الله

 

[ضآحكة مستبشرة]

١- درس مهم تعلمته هذا العام؟
ماشي كل واحد يضحك معاك يعزك ... يجي نهار لي يضحك عليك

٢- شخص مميز دخل لحياتك هذا العام؟
مكانش

٣- عادة حسنة اعتدها هذا العالم؟
الصمت و الابتسامة

٤- حدث جميل حصل معك لن تنساه من هذا العام ؟
تخلصنا من مشكلة كبييييييييرة في العايلة


يدخل علينا العام الجديد بالربح ان شاء الله

ان شاء الله يا رب
و اسأل الله لك ان يحل عليك العام الجديد بالبركة و اليمن و الخيرات
و السعادة و الهناء
شكرا على المرور

 

[besma der]

1- درس تعلمته : عدم الثقة في أي شخص كان
2- شخص مميز : دخل و خرج في نفس العام
3- حدث جميل : النجاح و الإنتقال من التوسط إلى الثانوي
4- عادة حسنة : الرد بصمت+ابتسامة
إن شاء الله يدخل علينا العام الجديد بالصحة و الهنا و الجاح يــــــــــ:Love:ا رب

 

[ضآحكة مستبشرة]

مبارك عليك النجاج عقبال مزيد من النجاحات
ان شاء الله يكون عام 2017 عام الخير و الفرح عليك

 

[besma der]

مبارك عليك النجاج عقبال مزيد من النجاحات
ان شاء الله يكون عام 2017 عام الخير و الفرح عليك

امين يا رب علينا و عليك شكرا:Love::Love:

 

[لؤلؤة قسنطينة]

السلام عليكم اسومتي
واش راكي الزينة لاباس؟
نهاية كل عام ماتحلاش إلا بمواضيعك يعني ماشاء الله
المهم نروحو للاسئلة

امالا عندي أربعة أسئلة أوجهها لكم :
1- درس مهم تعلمته هذا العام؟
والله يا حبيبتي ساعات نحس اني مهما نتلقى من الدروس مانتعلمش بالاك فيا خلل ما ولا بدل ما نتعلم الدرس يزيد يحن قلبي وندي درس اصعب منو
لا علينا، لكني كل عام نستنتج نفس الاستنتاج بلي الدنيا اي ماتدومش وبلي ماكانش واحد يحبلك الخير من غير والديك بعد ربي سبحانو طبعا
نفس النقطة نوصلها كل عام

2- شخص مميز دخل لحياتك هذا العام؟
اممم مانقولكش نحشم هههه غير نضحك
ماشاء الله كاين بزاف ناس تعرفنا عليهم هاد العام
والاهم نتمناو نكونو حنا ناس مميزين في حياة الغير ان شاء الله

3- عادة حسنة اعتدتها هذا العالم؟
عدت للمطالعة والحمد لله ^^ وقاعدة نحاول ان شاء الله نطبق بعض الامور المليحة لي تعلمتها من الكتب في حياتي اليومية
وان شاء الله نتوفق
​

4- حدث جميل حصل معك لن تنساه من هذا العام ؟
اممم انا المشكل ما نحسبش من 2015 حتى 2016 نحسب من الصيف للصيف هههه على هادي مخلطة عليا
اممم نظن نجاح اختي في البكالوريا وقبل شهر ولادة كتكوت في العائلة

ان شاء الله عام 2016 يخرج ويدي معاه كامل ذنوبنا وكامل اخطاءنا وندخلو لعام 2017 جدد وكصفحة بيضاء
وان شاء الحسنات لي درناهم في 2016 تتضاعف في 2017
ربي يحفظلنا امهاتنا وامهاتكم وآباءنا وآباءكم ويوفق كل شخص في حياتو ويناولو لي في بالو ان شاء الله
شكرا عزيزتي
تحياتي​

 

[aljentel]

كل عام وانتم ترفلون بملابس اليسر والامان ...

 

[ام راس يابس]

لي عودة

 

[فتاة حساسة]

السلام عليك اختاه .موضعوك هايل ماشاء الله .ربي يحفظك الزينة .وراخ نجاوبك على الأسئلة .
درس مهم تعلمته هذا العام؟
مممم تعلمت حوايج بزاف العام هادا ومن بينها باللي الشي اللي مكتبوهالك ربي هو الأفضل ليك .مهما فات الوقت مع انو راح تحاولي تبدلي حياتك لكن ادا كانت بمشيئة الله راح تنجحي .اما لا .فذاالك الأفضل ليك وراح يجي يوم تشكري الله على الاختيار االي خيرهولك .
٢- شخص مميز دخل لحياتك هذا العام؟
ممم صديقاتي تاع الجامعة ماشاء الله .ربي يحفظهم ليا. خصوصا صديقتي الڨالمية هدى والخنشلية حدة .ربي يحفظهملي
٣- عادة حسنة اعتدها هذا العالم؟
هي انو بديت نقرا كتب ونتعلم حوايج جدد في حياتي ومانضيعش وقتي في التفاهات
٤- حدث جميل حصل معك لن تنساه من هذا العام ؟
عام 2016 ماكانش مليئ بالاحداث الجميلة. معظمها كانت سيئة ابتدى العام بوفاة جدتي من أبي رحمة الله عليها ثم وفاة جاري والذي اعتبره أخي رحمة الله عليه ثم وفاة جدتي من أمي رحمة الله عليها والحمد الله على قضاء الله
مشكورة اختي على الموضوع .دمتي بود
​

 

[ام راس يابس]

١- درس مهم تعلمته هذا العام؟
دروس ماشي غير درس واحد
الرزانه فالتعامل معظم الناس يشوفوها يا اما تكبر يا اما جياحه ....و الصنفين راح يضروك عاجلا ام اجلا ...على هذا الاحسن نبعدو قدر ما انقدرو ......و الكعاله تاع الكلب تبقى دايما معوجا حتى كون نحطوها في قالب ...صح ان الله يهدي من يشاء بصح "...والله لا يهدي القوم الظالمين" :X3:..... عادي جدا يوصل الخبث بالناس يدسولك السم اكثر من 30 سنه و يفرقوك على حبابك ....خلينا منسموهمش حبابك ....مكانوش حباب اصلا ...كانو ذيابة و احنا معيز ...اكتشفت بلي مقولة "العم يعميك و الخال يخليك " مفعولها ساري حتى و اذا تاخر باش يبان ....اكتشفت بلي كاين ناس تنصحك باش تدمرك و تبني روحها عليك انت ....و المال هو الي الشيطان .......اكتشفت بلي معظم الناس الي عرفناهم برا ناس مصلحه على هاذي لازم نكونو حنا تاني ناس مصلحة ....و اكتشفت بلي الي جوهره نقي عمرو و لا يتبدل و يبقى دايما يعزك حتى اذا عتب عليك .....و اكتشفت و اكتشفت و اكتشفت....
٢- شخص مميز دخل لحياتك هذا العام؟
هو كان كاين بصح انا معرفتش قيمتو .....الله يخليه ليا و الله لا يفرق بيناتنا ...نـ

٣- عادة حسنة اعتدها هذا العالم؟--->مكانش
٤- حدث جميل حصل معك لن تنساه من هذا العام ؟
كاين احداث بزاف ...كاين الي مكملوش
يمكن الباك و الاستقرار :p

.
.

اسأل الله ان يجعل العام الجديد عام البركة و الخير و السعادة و الهناء
و السلم و السلام و الامن و الامان على بلادنا الجزائر و كل الامة العربية
و اسأل الله ان يفك اسر اخوتنا في فلسطين و ان ينصر اخواننا في حلب يـــــــــــــا رب

اللهم امين

 

[أم منيــــــر]

السلام عليكم
ان شاء الله يدخل علينا العام الجديد بالصحة والهنا
وربي يزيد ايماننا و يقويه و يثبتنا بالقول و الفعل الثابت في الدنيا و الآخرة
يعطيك الصحة غاليتي على الموضوع و الفكرة
هاد العام بزاف صوالح صراو ملاح و ماشي ملاح
نجاوب على اسئلتك
- درس مهم تعلمته هذا العام؟
ما نزيدش نقرا لمان وما ندديرش الثقة في اي واحد
لاني انصدمت هاد العام في ناس كنت واثقة فيهم بزاف و اليوم بانو على حقيقتهم
٢- شخص مميز دخل لحياتك هذا العام؟
كاين لي خرجو من حياتي ماشي دخلو
من غير احباب في اللمة ما كانش
٣- عادة حسنة اعتدها هذا العالم؟
مافيش
٤- حدث جميل حصل معك لن تنساه من هذا العام ؟
رحت في زيارة للعاصمة و هادا زمان ما رحتش و عشت يامات شابين بزاف ما ننساهمش
يعطيك الصحة اسماء​

 

[باتنية و نص]

1_ما نكبرش الشان لبوجعران
٢_خرج ولم يدخل
٣_القناعة
٤_نعمة الصحة

 

[نعمات]

السلام عليكم
1 الدرس لتعلمته هو درس في الحياة الصعب والحمد لله على كل حال
2 شخص دخل حياتي مكانش بصح أحلى للمة راني معهم هم أنتم أحبك أكثير مما تتصور
عادة حسنة هي دائما مبتسمة مهما صار
3 حديث جميل ربي إفرج علي وعلى أمة محمد صل الله عليه وسلم بصح مكنش ودائما شدينا في ربي ورحمته

 

[*مواطن بسيط*]

سلالالام عليكم ..

ممم

قبل كل شيء ان شاء الله ربي يحفظك ويحققلك وش كاينة في البال ..

١/ درس تعلمته من الحياة : انو مدامك تمشي بنية صافية ربي مش راح يخيبك حتى ولو كان مربحتش مع العيباد وشافوك بنظرة سيئة لا تهتم المهم راك مرضي مولاك وكاينةدرس اخخر مهم تعلمتوا وهي الحكمة هدي تع بدل ان تعلن الظلام اشعل شمعة عرفت معناها صح هد العااام ..بمعنى متبقاش حاكم بلاصتك فقط وتنتقد بل حاااول تصلح الي قدرت عليه..
٢/ شخص مميز دخل حياتك : ممم خليه سر ههه نتسمخر. يسمى كاين ياااسر بمجموعهم 45 على حسب فيديو الفايس بوك شخص هد العام ههه ام الواقع كاينة ياسر اكثرهم صحاب الجامعة مي كنحكو على الي اثر في حياتي بزاااف بزاف ..كاينة يونا وامال ربي يخليهم ليا الكل ..
٣/عادة حسنة اكتسبها في هد العالم : مم ههه تنحالي التوسويس ممم موليتش ندخل في امور الاخرين وليت داير حد الحمد لله ..
٤/حدث جميل لن تنساه هد العام : كاينة ممم كاينة التغيرات الي صراتلي مع اشخاص ولقيت شخص صح يفهمني وكاينة ايامات الجامعة روعة يسمى هد الكاين ..
واني قريت تخصصص الي حابو ..

كن زدت تفكرت اني نرجع ندير تعديل ههه


...
ان شاء الله مكثرتش اني دخلت في جو الموضوع رجعني لاحداث كنت ناسيها. بحلوها و بمرها ..

اما غايضتني كيفاه متحققش الحلم ومرحتش لكندا ..

شكرا على الموضوع الباهي. ..

هالسلام عليكم ..

 

[السلطانة]

١- درس مهم تعلمته هذا العام؟
ان الصبر على الظلم لابد منه فالله سبحانه وتعالى فرج عني وابان الحق وظهر الظالم
٢- شخص مميز دخل لحياتك هذا العام؟
ابنتي حبيبتي
٣- عادة حسنة اعتدها هذا العالم؟
التحلي بالصبر
٤- حدث جميل حصل معك لن تنساه من هذا العام ؟
فرحتي بانجاب ابنتي

كل عام وانتم بالف خير شكرا

 

[فيتامين سي]

1/درس مهم تعلمته هذا العام ؟؟؟
بزااااااف بزااااف بزااااف دروس . تعلمت بلي هدرة الناس متنفعنيش. متزيدلي ذنوب ولا تنقسلي اجر
تعلمت بلي لازم حياتي تبقى ليا ماشي لازم العباد كومبلي يعرفو واش راني و كفاش راني:X3: و واش راني ندير ...فليبلطو البحر
تعلمت بلي ماشي لي تقولي نتي حبيبتي و نتي صحبتي خلاص نأمنها و نمشي معاها بنيتي .. النية درك متاكلش تعلمت بلي الصديقة هي لي تشوفك غالطة تقولك راكي غالطة ماشي تخليك تكملي في غلطتك
تعلمت بلي مكانش لي بعزوك كما والديك (ربي يخليهم ليا و يشفيهم ) تعلمت بزاف و كل يوم نزيد نتعلم و مزااالنا نتعلمو بزاف
2/شخص مميز دخل لحياتك هذا العام ؟؟
مكاااااااااانش :X3::X3::X3:
3/عادة حسنة اعتدتها هذا العام
كاين عادة غير هنا هنا رجعت نعتادها نخليها لنفسي
4/حدث جميل حصل معك لن تنساه من هذا العام ؟؟
كاين بزاف احداث ..اهمها ............ :pو ال........... ... و ............. و ..............

 

[آمِيْرَتُه]

السلام عليك
موضوع كي العادة مميز
١- درس مهم تعلمته هذا العام؟

أن لا أثق في الأشخاص بمجرد تعاملهم معي بنية صافية قادرين قد ميكسبوك يدورو عليك و أن الله دائما مع الإنسان الصبور
٢- شخص مميز دخل لحياتك هذا العام؟

ممكن زميلاتي فالعمل بحكم أن غيرت المدرسة

٣- عادة حسنة اعتدها هذا العالم؟

الصبر + الثقة سواء بالله سبحانه أو النفس

٤- حدث جميل حصل معك لن تنساه من هذا العام ؟

صرات بزاف أحداث جميلة في حياتي و الحمد لله

 

[Hakan]

- درس مهم تعلمته هذا العام؟

الحمار مهما تقلصت اذناه يبقى حمارا
٢- شخص مميز دخل لحياتك هذا العام؟
دخلت طفيلة مسكينة وكي ما صابتش الراحة نتاعها دارتلي حضر خخخ راني سيريو
٣- عادة حسنة اعتدها هذا العالم؟
اني مانخليش الدراهم في جيبي
٤- حدث جميل حصل معك لن تنساه من هذا العام ؟
والله ماني شافي وقيلا كي طحت بانو شويا عضلات في كرشي ههه خخخ
راني نتمسخر والله مكان حاجة تصلح

شكرا ليك ​