ظاهرة غريبة انتشرت

[Smile Queen]

السلام عليكم
اخوتي واخواتي مبروك المظهر الجديد للمنتدى رائع
وكل عام واللمة بخير ان شا الله واهلها بخير :Love:
كنت كتبت من قبل اني مش رح نزيد نكتب في القسم هذا لكن ماقدرتش هههه
المهم موضوعي اليوم
عن حكاية للاسف مالقيتش وش نقول .الطفلة صاحبة هذي الحكاية تلاقيتها في المحكمة يعني جات باش تخرج شهادة الطلاق وراكم تعرفو كي نتلاقاو حنايا النسا يعني كل وحدة تحكي حكايتها.. بنات الجزاير كامل اجتماعيات الله يبارك ههه
هي معلمة وهي كبيرة يعني سنها فوق 30
لما جا ليها شاب قصد الزواج قبلت خصوصا انو تقدم من الباب ماكانتش قارية فيه الخدع لكن للاسف وقتنا هذا الله يلطف كثرو الكذابين والمخادعين الا من رحم ربي
يخي خطبها وعقدو على اساس العرس قريب بعد مدة السيد استغلها على اساس مرتو في الشرع وصار الي صار :X3:
وفوق هاذ الشي قاللها ماعنديش الدراهم للعرس يعني بالعربية انتي لمي دراهم العرس من شهريتك
اصبح يسرق دراهمها وبموافقتها ومش قادرة تشكي طبعا لانو كلو بالقانون راه راجلها في الشرع
بعد كل هذا الشي طلقها بدون دخول اخذ كل شي مال واشياء اخرى وطلقها بدون اي شعور بالذنب
من هاذ الموضوع حبيت نعطي نصيحة للبنات ماتامنيش يا ختي خلي نفسك عزيزة وجامي تسمحي لاي انسان يستغلك
وللشباب كما تدين تدان وكيما يقولو دمعة الولية بلية
ربي يكثر اولاد وبنات الحلال ويبعد علينا وعليكم اولاد الحرام
نتمنى تعطونا رأيكم في هذا الموضوع
واسفة للاطالة

 

[عاشقة الإحسان]

شكرا لكي عزيزتي على نقل القصة للإستفادة منها
ولي عودة إن كان في الوقت بقية و لم أنسى .
مشكورة

 

[DaNiAlE AlIkOnT]

اقرئي التاريخ بتمعن تعرفي من سبب هده المهزلة اللاإنسانية
ليس تاريخ البنت والولد
هدا سلوك غير انساني من الولد
والبنت ضحية ..
ولكن لو طلبت حقوقها وفضحته امام الشرطة احسن من ان تستغني عن حقها

 

[فيتامين سي]

حيواااااان ..ربي ينتقم منه :/ :/ ..دنيا تدور ليوم عجبه الحال كلا دراهم بنت الناس و ضيعلها حياتها غدوا تجي ليه اليوم بكاها يجي نهار يبكوله حبابه ....رخيس ..

 

[ضآحكة مستبشرة]

السلام عليكم اختي
شكرا على الموضوع
يا ختي معدنا ما نقولو غير حسبنا الله و نعم الوكيل
الناس مولاتش تخاف ربي ماتت قلوبهم لا ضمير يأنب لا نفس تشعر بالذنب
هي واش ذنبها غير انها حبت تأسس اسرة و تستقر ككل البنات
لكن هو نيته كانت نية خبيثة تزوج بيها على جال رغبة و هي اخذ المال و نهار دا منها واش حب رماها
ربي يهدينا و يلاقينا بناس ملاح
شكرا لك اختي

 

[aljentel]

الله يسترنا ما حيينا ...
صرنا نسمع حكايات غريبه عجيبه لااعرف كيف هي اخلاق مرتكبيها واين ولدوا وكيف عاشوا ....

 

[حكاية قمر]

هذا انسان نذل عيب نقولو عليه راجل
وبزااف وحدين كيفه
الله لا يربحه وان شاء الله دعوتها تخرج فيه
ربي يكون في عونها
م لمرا خصها تعرف بلي الزواج صح نصف الدين مي ماشي بمن هب ودب لازم يكون راجل ماشي كما هذا ​

 

[{مُدَلَّلَتُهُ}]

السلام عليكم


لا حول ولا قوة إلا بالله


و الله كي نسمع حكايات هاك نقول الواحد ما يديرش الثقة حتى في ظله الله يحفظ و يستر



هو عيب أصلا نقولو عليه راجل لأنه عار على الرجولة و هي ثاني غلطت كي راحت معاه قبل لا يتم الإعلان عن الزفاف !


الله يبقّي الستر ان شا الله​

 

[Hakan]

ساعات نبغيو نسبو الانسان الشرير مي من جهة اخرى ثانيك من العدل انو نقولو الفتاة غبية وتم خداعها لسذاجتها واغلبهن هكذا ..​

 

[أم منيــــــر]

كامل هاد الشي من الغباء نتع البنات لي عادو يقراو لامان في الراجل
حتى و لو عاقد عليها ما كانش لازم عليها تسلمو نفسها
ياخي حاله ياخي
هاد الوقت نورمالمو لبنات راهم واعيين و راهم يشوفو لازم يتعلموو ياخدو العبر
ماشي اي واحد يكذب عليها ب زوج كلمات حلوين تجري موراه
و هذا حسابو كبير يخلصها في الدنيا و في الآخرة
يا لبنات جامي تقراو لامان حتى و لو كان كان عاقد ول يقدم لك مال الدنيا جامي ترخصي نفسك و تلعبي بشرفك
الله يكون معاها و يفرج عليها

 

[josefcom]

لاحول ولا قوة الا بالله ...
في زوز غالطين ... هو ماشو عبد ما نحكوش عليه
وهي نورمالمو تحكم روحها يا بن عمي ... ماشي لهدي الدرجة ....بففف
نقلق صح كيما نسمع حكاية كيما هكا ...

 

[Malika Tlm]

لا حول ولا قوة الا بالله العلي العظيم
البنات سيبوا راسهم بزاف غي يضحك معاها ولا يشريلها كانش هدية تروح ترتمي في احضانوا يا لطيييف
صح هو تمسخر بيها واسغلها ربي وكيلوا
مي هي تاني غبية وبزاف
ربي يجيب ساعة نتاع خير
الله يسترنا جميعا يارب