موقف طريف ...

[Salah eddin]

السلام عليكم
وش راكم يا جماعة الخير
لاباس ؟ ..الحمد لله ...
المهم ...انا ديما نقولها ...ما نكتبش ياسر مواضيع ...في الغالب نشارك في ركن الرياضة
المهم ...اليوم صرالي موقف طريف ...و حبيت نشاركو معاكم يا ناس اللمة ...
المهم ...بسم الله ...
رحت للبلدية باه نخرج تعاريف ...هه....ايا وانا عندي طبيعة ...ديما ندير الدراهم من فئة 500دج و 1000دج في وسط بطاقة التعريف ...
ايا كي لحقت قلت ندير لاشان مع الجماعة ..حطيت البطاقة و راني نستنا ...نستنا ...نستنا ...ههه
كي لحقت دالتي ...عيطلي السيد و قالي عاود شوف البطاقة تاعك ...ههه..
اوو؟ظ وش بيه هذا ؟ يحوسو على البيومترية ولا وش ؟
وكي شفت لقيت في 50الف ...ايا فهمت ...صاحبنا يحسبني نرشي فيه ...اووو؟؟..نرشي على تعريف ولا وش ؟
ههه
المهم ...ياودي في ذيك اللحظة شبعت ضحك ...و ما لقيت و ين نصد ...و ماكانش كيفاه نبرر الموقف ...
المهم ..حطيت الدرهم في جيبي و هزيت التعاريف و جيت خارج كي قبيل ...
ههه
و
السلام ​

 

[Salah eddin]

..............................
​

 

[الفتى المغامر]

لازم قاع متخطأش في الجزائر
راح وسوسهم خونا عبد المالك الله يذكره بالخير

 

[Salah eddin]

لازم قاع متخطأش في الجزائر
راح وسوسهم خونا عبد المالك الله يذكره بالخير

اهلا خويا نور الدين
راك تشوف ..ههه....
تفهم ...ترعف
ههه
بارك الله فيك ​

 

[الفتى المغامر]

فيك بركة
بالتوفيق

 

[aljentel]

حمدا لله على السلامه ...
المفروض تكون بالنيابه بتهمه الرشوه ..
بس الله ستر ههههههه

 

[Salah eddin]

حمدا لله على السلامه ...
المفروض تكون بالنيابه بتهمه الرشوه ..
بس الله ستر ههههههه

الحمد لله ...و الله ما لقيت وين نصد في ذيك الحظة
الحمد لله لي سلكت على خير
شكرا على مرورك خونا ​

 

[Salah eddin]

..............​

 

[mira18]

ههههههههههههههههههههههه و الله بلاد ميكي

 

[Salah eddin]

ههههههههههههههههههههههه و الله بلاد ميكي

بلاب ميكي و بلوتو و...و...و...كل شخصيات ديزني ...ههه
ههه
الله غالب ...سوء الفاهم داير التير ...
شكرا على المرور​

 

[ريحـان]

خويا صلاح سلكت منها هههه
علابالك كي قولت عيطلي سيد و قالي شوف البطاقة نتاعك
قلت بلاك حب يرجع لك دراهمك اييه انا النية ماشي هو
الله يستر برك وانت متزيدش تحط تم الدراهم هههه

 

[جيهان جوجو]

السلام عليكم
ههه عسلامتك
قريب رحت فيها ههههه مزية خرجت لباس
علابالك انا فكرت في الاول انا راهو باغي يرجعلك الدراهم تاعك
وفي الاخير خخخخ
وراح ديراكت فكر بذاك الامر
ربي يهدي
بالتوفيق اخي
وبارك الله فيك على مشاركتك ايانا لموفقك الطريف^^
في امان الله
​

 

[عاشقة الإحسان]

أيا الحمد لله كي جازت سلاماااات خويا صلاح

 

[فيتامين سي]

المهم رجعلك دراااهمك هههههه
بدلها بيومترية خير ما تحصل
انا نحطهم وسط البارمي ههههههههههههه كاش نهار تروحلي كاش 500 :X3::X3:

 

[abdoudraw12]

Viv الفقر ههه .. جامي تصرا مع المشومر هههه
ايا مليح كي منعو دراهمك ...

 

[abdoudraw12]

المهم رجعلك دراااهمك هههههه
بدلها بيومترية خير ما تحصل
انا نحطهم وسط البارمي ههههههههههههه كاش نهار تروحلي كاش 500 :X3::X3:

سير كون تروحلك 500 ديري عزا وتعرضي صحبات اللمة قاع هه

 

[Salah eddin]

خويا صلاح سلكت منها هههه
علابالك كي قولت عيطلي سيد و قالي شوف البطاقة نتاعك
قلت بلاك حب يرجع لك دراهمك اييه انا النية ماشي هو
الله يستر برك وانت متزيدش تحط تم الدراهم هههه

اهلا بك يا اختنا ياسمين
ههه
راكي نية ...الناس موالفة بهذيك المواقف
الله يهدي و خلاص
خخخ
بقيت نروح فيها دق حنة
ههه​

 

[Salah eddin]

السلام عليكم
ههه عسلامتك
قريب رحت فيها ههههه مزية خرجت لباس
علابالك انا فكرت في الاول انا راهو باغي يرجعلك الدراهم تاعك
وفي الاخير خخخخ
وراح ديراكت فكر بذاك الامر
ربي يهدي
بالتوفيق اخي
وبارك الله فيك على مشاركتك ايانا لموفقك الطريف^^
في امان الله
​

اهلا جيهان
و الله قريب رحت فيها ..ههه...
ياو طبطب ...زعما يرجع لي دراهمي ...ههه..السيد قراها رشوة ..هه
و فيك بارك الله ...شكرا​

 

[Salah eddin]

أيا الحمد لله كي جازت سلاماااات خويا صلاح

و الله الحمد لله ....وبارك الله فيك على المشاركة​

 

[Salah eddin]

المهم رجعلك دراااهمك هههههه
بدلها بيومترية خير ما تحصل
انا نحطهم وسط البارمي ههههههههههههه كاش نهار تروحلي كاش 500 :X3::X3:

المهم ..سلكت على خير ...
اواه..البيومترية خير ...ههه..عندك الحق ...
..منا وتالي ...كي نخرج البرمي ان شاء الله ...ندير فيه الدراهم ...
شكرا​