مشكلتي ماذنبي انا

[مشكلتي]

السلام عليكم

انا فتاة عمري لايتجاوز 20 سنة لم اكمل دراسة بسبب ظروف التي مرت بي رغم انني كنت ادرس جيدا
كانت لي صديقة بل اختي تعرف عني كل شي ونعرف عليها كلشي يعني هي انا وانا هي كلانا نكمل انفسنا
ماننساش خيرها وقفت معايا ولم تتركني وحيدة ابدا يعني والله هي اقرب الي اكثر من امي
هي الان متزوجة موليتش نحكي معاها كيما بكري
ومنبعد اصبحت وحيدة انا اصلا جايا جابدة روحي بزاف وقليلة الكلام منهدرش معا حتا وحد الا الا هما هدرو معايا
بويسك نخاف الا يقزوني ولا نديرونجيهم
مرت ايام كنت رايحا نقرا في مدرسة خصوصية تلقيت بوحدا تعرفت عليها ومع مرور الوقت ولينا صحابات
تحكيلي ونحكيلها كانت تجي لدار عندنا
وهما من عائلة لاباس عليهم يعني
وفاتت ليام كانت تجي تبكي وتقولي عندهم مشاكل فدار ومنا وملهيه
كانت تشفني بزاف بويسك منحبش واحد يبكي قدامي نولي نبكي انا تاني
وقالتلي معنديش دراهم باش نقرا
كنت نعطيها من دراهمي
ومنبعد اكتشفت بانها دوك دراهم كانت تروح تشري هدايا لحبيبها
ومن موراح قالتي عطيني دراهم قلتلها سمحيلي معنديش
شنفت عليا وزعفت قلتلها سمحيلي قالتلي صاي صاي معليش
صحا معليناش
كنت نخرج معاها وشحال من الناس كانو يقولولها راكي تتمشي مع وحدا الله يبارك
وخطرا رحت عندها حظرت للخطوبة تاحا
لافامي تواحا شافوني وشكروني وحتا خطيبها قال ماماها بلي صديقتها ناس ملاح
وهي موالاش يعجبها الحال وصدقوني كانت تخدع خطيبها مع رجال ليعندهم دراهم تطلع في لواطا غير علجال دراهم
وقالتلي شوفي كاش واحد عنده دراهم وبروفيتي منه قلتلها لا جامي قاتلي نتي اصلا جايحا وخوافة
قاتلي اذا قعتي هاك غادي تقعدي بايرا بويسك داركم راهم يدو غير ليدايرا رايها قلتلها نورمال نقعد بايرة ومنغدبش ربي
بغات باي طريقة طيحني في فخها
وولات تهدر مورا ظهري اي ولات تحب تشوه سمعتي
وسيرتو ولات تكرهني بشدة مين قاللها خطيبها صحبتك ناس ملاح وتع دار وقاللها لكان جا مني زوج لكان خطبتها
وتقول انا نلعب فيها بلي عاقلا
ومنذ ذلك ليوم راها تكرهني حتا انني مرضت هي لم تكتفي يالكلام فقط بل زاد حقدها عليا الى ان وصلت بسحور سحرتني

يعني صح حابة تكره ناس فيا تع بسيف
ورسلتلي مساج كلام لايقال
وانا واش ذنبي ان كنت مليحة هدي طبيعتي هادئة
حكيتها لبنت خالتي قالتلي تستاهلي
نتي نية
املا دروك ليتمشا بنيته طفرت فيه والله
والان لست بخير
وليت نخمم في امور غير جيدة




​

 

[حكاية قمر]

السلام عليكم
لم أفهم مشكلتك يعني غيرتها منك هي مشكلتك !!!
و الله يا اختي اذا جات هكا معناها الشعب كامل راه عنده مشكل قوي قلبك وما تديهاش فيها ولا في هدرتها وراكي قلتيها الناس عجبتيهم ويهدرو فيك بالمليحة يعني ماكاش مشكل
مي كاينة حاجة نت كي عرفتي عليها بلي تركب مع هذا وذاك علاه بقيتي مصاحبتها كان خصك تجبدي عليها و ثاني خطأ كعلابالك بلي لباس عليها يعني تدخل في راسك ما يعطوهاش دراهم تقرا !
والسحر الله يهديها ويشفيك ما تعمريش راسك بيها هي ناقصة وبزاف بحال وحدة كيفها علاه دير هكا ياك الزواج ورايحة تتزوج
والله ما عرفت ما نقولك يا اختي ربي يهديها ونت نعاود نقولك ما تخميش راسك عيشي مهنية مادامك ما غلطتيش
وفوتيها و اذا كنت هكا صح هاذي ماشي نية راها فاتت النية سافي قوي قلبك ونساي تتهناي واياك باي طريقة تهدري مع خطبيها باسكو كاش ما ديرلك ولا
الله يكون معاك

 

[السلطانة]

وعليكم السلام
الباب لي يجيك منو الريح سدو واستريح مقولة ماشية بيها في حياتي.
يااختي
اقطعي علاقتك بيها وعيشي حياتك بعيد
ناس متتامنش
حافظي على روحك وخليك منها تهدر ولاتقعد
لي خاف نجى .

 

[Hakan]

كاين ناس يحسدوك حتى كي تكون كاره الدنيا وحاب تعيش نورمال
يا ربي حاب نقطعهم هاذ المخلوقات كرهولي حياتي انا ايضاا
يا بن عمي لازم نكون حيوان كيفك باش ترضى عليا
المهم ختي انت اجبدي على هاذ الواسخة ولازم تعرفي انو كاين رجال
راهم يروشارشيو عليك والواسطة هو ربي سبحانو
امالا اصبري حتى يوصلهم ربي ليك ويلاقيك بولد الحلال
وصحبتك هذي ربي يهديها برك ​

 

[فيتامين سي]

لوكان جيتي حدايا نجيفك واااع
متقوليليش غاضاتك ولا تقنطي خليك منها و محيها من حياتك ...لي ميخافش ربي خافو ..قوليلها كل واحد ربي يرزقه على حساب نيته ......بيناتنا انا الراجل لي يحكي لخطيبته على صديقتها منحسبهش راجل ....و متهتميش بهدرة الناس ...طنش تعش منتعش
المهم نتي صديقة اولى راحت عادي انا صديقاتي كامل راحو و راني عايشة ..شوفيني ههههههه و صديقة زاوجة غارت و حسدت صحا عرفتي دواها جبدي منها و داومي على اذكارك ميمسك سوء
متهتميش لكلامهم فلانة عاقلة ولا شابة و عجبتنا و بلا بلا ..تعيي روحك باطل ..لي مكتوبك يجي بلا هدرتهم وكلامها يامنه لي كيفها برك ...يعني كلتا الحالات متنضريش ..و تعلمي مكانش صديييقة مكانش مكانش و لو كاين قليل ..و كما نقول لاختي صغيرة كي يخوفوها باش يسرقوها ادواتها نقوللها باباك لي تعب باش شراهملك متمديلهمش و متخافيش ..ايا انت منا و رايح دراهمك شديهم صوالحك شديهم حابة تحكي هذا منتدى دخلي ولا فاسبوك..صحبات جاية و رايحة انا ضد منكدبش عليك ...و الاهم الدصارة تجيب الخسارة ....و الباب لي يجيك منو الريح سدو و ستريح و نصيحة عايلتها ديريلهم تجاهل في عقلك
.......نصيحة من اخت

 

[aljentel]

احمدي ربك انك عرفتي حقيقتها وبان لك سؤ تصرفاتها
والحل بيدك فقط طنشيها ولا تزوريها ولا تسمحي لها بزيارتك ولاتردي على مسجاتها
خلي تموت الحيّه وسمها برأسها .. ثم لاتخافي مما تقوله عنك لانه في النهايه لايصح الا الصحيح
وتعاملي معها كرفيقة سؤ صادفتيها يوما وكشفتي نيتها الخايبه وتركتيها فقط ..
الله يسترك ويستر على كل من يبحث عن الستر ...

 

[همس الوُرود]

السلام عليكم أختي
مبارك زواج صديقتك الأولى
أما صديقتك الثانية فوكلي عليها ربي ودعي ربي يبعد عليك كل من يحبلك الشر
وربي يريح بالك أختي
أدعي ربي سبحانه يبعد عليك البلاء
وأذكري الله ليحميك
وخلي عقلك كالم وبارد
ماعندكش مشكلة أختي سوى انك حابة تفضفضي ربي يهنيك أختي ^^

 

[Lila 22]

السلام عليكم
أنا بكل بساطة لا أثق بالصديقات خاصة في هدا الوقت الدي وصلنا له، ثم لأني مررت بتجارب جعلتني أتعلم وأعرف كيف أتعامل معهم ، كنت كلما صادقة واحدة أجدها تغار أو تحسد لكن دون أن تظهر لي ذلك ًوأنا كنت أتعامل معهم بمنتهى الصدق والنية لهدا قطعت كل علاقات بهم وأنا أعيش بخير وسلام والحمد لله فأولا دي هم أصدقائي ، أو ربما أقول وجدت في هدا المنتدى بعض ردود الأخوات التي كانت صادقات في كلامهن وفقط ،
شكرا

 

[Lila 22]

سأخبر كي عن بعض الأمثلة التي جربتها يا أختي حتى تستفيدي،
المثال الأول: صديقة تتصل بي عندما تريد الدهاب للتسوق فقط حيث تعتبرني مجرد رفيق ،،وجربتها مرارا وتكرارا هي تحتاجني إلا للخروج وفي باقي الأيام لاتعرفني !!!!! أليس غريب !!!
المثال الثاني : صديقة تتصل بي لأذهب عندها والحقيقة هي تستقبلني جيدا وتكرمني لكنها تعتبرني
مجرد شخص تفرغ فيه كل همومها حيث في حديثها إلا عن المشاكل و تتكلم إلا هي ولا تتركلي المجال للكلام وإن تكلمت فلا تصغي إليا و
دائماً هكدا ،ولا أستطيع حتى أشاركها برأيي وهي تتصل بي لكي أزورها من أجل أن تفرغ مشاعرها السالبة فيا هههه وعندما يحين الوقت للذهاب أعتدر منها وأذهب وهي على هدا الحال دائما هههه!!!!أي صداقة هده!!!!نفسي نفسي
المثال الثالت : عرفت صديقة في سفري وعندما أخبرتها أني أسكن في أوروبا إندهشت وكأنها أول مرة تسمع بشخص يسكن في الغربة ،وبدأت تتصل بي وتسأل عن الحياة هنا في أوروبا ليس عني هههه!!! وبدأت تسأل أن تبعت لي الأكل وكأنه لا يوجد أكل هنا ههههه أيعقل أن تبعث الاكل لكي تتمسك بهده الصداقة ههه، إدا لهدا السبب رميت عني كل الصديقات
فالصداقة هي أكبر من هده الأمثل ،هي تلاحم وتبادل وتأزر وأخوة ،فأين ستجدينها في هدا الزمان!!!
شكرا

 

[أم أُنٌَيسة]

السلام عليكم و رحمة الله تعالى و بركاته
الحمد لله انو ربي بينها على حقيقتها لانك ماشاء الله متربية و بنيتك كشفها ربي
و على الصديقات ؟ ايه خلي برك واش نقولو ربي يهدي
تحياتي احترامي و تقديري​

 

[البحر الهادي]

رب يوفقك
وينير دربك
ويبلغك هدفك في مرضاته

 

[la lune rose]

حاله عادية تكون ضديقتك تغير منك
لكن الي مش عادي الاهمية لي راكي عاطيتهالها
انا مثلك طبعي هادي وما نجبدش المشاكل والحمد الله عندي سمعة طيبة وكنت اي حاجة في حياتي نتمناها نحصل عليها وحياتي ديما تمشي كيما نقرر انا
كانت عندي صحبة قريبة ليا بزااف مثل اختي طبعها عصبية وشخصيتها ضعيفة ومن النوع الي تهتم بانتقادات الاخرين لكن قلبها ابيض وحنينة هكا كانت تبانلي وكنت نعزها بزااف يعني نجي على روحي المهم ترتاح هيا وانا كتتومة ما نبينش قلقي وما نبغيش الشكاية لدلك كنت ديما مرتاحة البال ونبان سعيدة الا ان جا نهار ومريت بضروف اكبر من اني نتحملها فقررت اني نحكيلها مشكلتي حسيت انها فرحتلي كدبت احساسي وبعدها بدات تجرحني وحتى دارتلي حاجات خلاتني نحس انها تنتقم مني على حاجة مادرتهاش
جبدت روحي والحمد للله مشكلتي انحلت ورجعت كيف زمان مرت هي بمشكلة جاتني كالعادة وانا تصرفت معاها عادي سالتها علاه دارتلي هكاك قاتلي بكل بساطة ان انا مزهرة وكلش يجيني بالساهل وهدرت بزااف هدرة مفادها ديما كانت تحط روحها في وضع مقارنة معي واي حاجة تصرالي مليحة تحس كاني سرقتهالها حتى قاتلي انها تكون قاعدة جنبي عادي فجاة تحس روحها تكرهني وباغية تجيفني بلا ما نديرلها والو وكي تشوفني نضحك تتعصب
بغيت نقولك ان الاشخاص الي كيما صديقتك كاينين بزااف ومراض نفسيا العيب حنا ادا عطيناهم هديك الاهمية بالعكس جبدي روجك منها وما تحاوليش تدي وتجيبي معاها في الهدرة عادي عامليها كاي وحدة بيناتكم غير السلام لان الغيرة صعبة وقادر توصل لدرجة تاديك بيها
صديقتي مرت سنة على شادارت فيا كي نلقاها نهدر معاها عادي وسامحتها غير بش ما نقعدش في هداك الجو تاع المشاحنات بصح عمري ولا نقرب ليها ولا نعطيها ديك الاهمية
بعدي وما تعمريش راسك بيها الدكاء انك تخرج باقل الاضرار كي تتعاملي مع ناس يتمنولك الشر قلبي الصفحة درس وتعلمتيه