فضفضة عضوة (فرغ واش كاين في قلبك )

[فيتامين سي]

السلام عليكم و رحمة الله و بركاته
كيف الحال و الاحوال .. ان شاء الله الكل بخير
مرة قريت موضوع من مواضيع الاخ @الامين محمد و نشوف الالم في كلماته حتى نرسم في عقلي صورة حياته ...كفاش عاش و وين .. حكاية الم

نخمم في حياتنا ...حياة كل واحد فينا . كل واحد و نوع الالم لي يعيشه . نبقا ندور في المواضيع نلقى بنت تشتكي من الحياة و اخرى تشتكي من ظلم الزوج و اخر يشتكي و اخر و اخر
هذي هي الحياة ...فرغ واش كاين في قلبك :Love:
لوكان ماشي هذا القسم مستحييييل نعرف بهذي القصص و هكدا هي دنيا .......خلي كلش في قلبنا علاش نحكو و نحكو واش الفايدة
الابتسامة لما تبتسم يفهمو انك بخير معندكش مشاكل عايش مليح و بزااااف حجات تجي في عقلهم ...ممكن السبب الوحيد هذا الانسان لي يبتسم يخبي في قلبه
الضحك لما يشوفوك تضحك اوووه هذا هاني
........مرات يشوفوك يقولولك انت طيوبة ...امنت :p بصح حتى انا الطيبة تاعي عندها حد ..الطيبة و الغباء فرق الحب و الغباء فرق التسامح و الغباء فرق .الحيلة و الظلم فرق
لما تحكي لي في قلبك مرات وقاحة و مرات صراحة
وقاحة لما تدخل في امر ميعنيكش و تقول اووه انا صريحة و صراحة لما تحكي على امر يخصك معجبنيش معجبنيش ضريتني ضريتني ماسي لازم نضحكو و من مورا الضهر تقطاع
هههههههههه اختي قالتلي تعلمي متحكيش في الوجه بلا منحس بصح حتى و نبغي نسكت منعرفش كفاش ننطق .... صريحة و لست وقحة ...صريحة منخليش اي واحد يضرني و نبتسم ..تعلمت الدرس
مجرد فضفضة
النسيان ..اسهل للبعض ..بالنسبة ليا سهل و صعب ممكن حاجة تصرا ضرك ننسا بصح كاين الم ميتنساش مهما نحاولو يبقا دايما يحرق في القلب ..حتى و تحب تنسى تلقى بلي مستحيييل
الهدف ..كاين ناس هدفها ترجع طبيبة او طيار بصح يخص يفهمو ممكن انا او انت هدفنا بسيط بصح نبغوه ..هذاك لي يعجبنا هنا
نتخيل دزاير كامل اطباء
عادي حنا نعيشو بهدفنا الصغير و نتوما بهدف كبير باش واحد يكمل الثاني
الناس ناس يضحكو ناس يقولو ناس يشوفو اسوء حاجة في دنيا ..تحب الشعب الجزائري كااامل يعيش حياتك :X3::X3: .. كل واحد يعيش حياته بلا مشاكل

بغيت فلان يضحك علينا ممكن تدير حاجة غير مقتنع بيها غير باش هذاك البوكيمون ميضحكش هو و المخلوقات العجيبة
احبابي و اهلي هم والديا و خاوتي نكدب عليها لي نقوللها نبغيها هههه نبغي والديا و خاوتي و روحي برك ..لي نقوله نبغيه مشقاش يأمن ^^ :/
غير شفتك عرفتك بلي عاقلة عهههههه دارين سكانار في مخهم هدو وحدة قالتهالي باينة عليك عاقلة ....شحال يقولوهالي هذي...عاقلة غير خطوني
علاش متخرجيش وحدك والديك مزيرين والديك ميحبوش باباك سلفي باباك واعر بلا بلا بلا
مبغاوش يفهمو بابا ماشي واعر بابا يحبنا و يخاف ربي و ماما ماشي مزيرا ماما تحبنا و تموت علينا
اصلا متجيتيش نخرج بلا ماما و خواتاتي ابدا ابدا
يعني متلا كي نروح ندور شا ندير
وحدة اخر مرة سقساتني ميخلوكش تخرجي عجزت نجاوبها قلتلها يخلوني و الدليل راني حداك ههههههه وجه الخرشف شادخلكم يخلوني ميخلونيش
صديييييقات ........اخر مرة حكيت مع لي يقراو معايا كامل يسقسو تخرجي مع واحد خطبك كاش واحد تعرفي على كاش واحد ..نحس عندهم حبة قرقاع في بلاصة المخ ...هدا لي يهمك واحد و واحد
تعرفت على واحد اسمه همتارو يعيش مع لورا
و تعرفت على نموش ههههههههه و درك راني نتعرف على نقار الخشب و السناجب
الحجاب اصعب حاجة في المجتمع ...صعب نضرة مجتمع
كي تمشي اول حاجة يعسولك اي خطأ باش يسبو الحجاب باكمله ...
ادا غلطت انا لي نتحاسب ماشي الحجاب و ادا غلطت ربي يحاسبني ماشي نتا ^^
الاخلاق تحت الصفر ....منعموش كما كاين الشين كاين المليح
قصص يصراولي بزاف خاصة في الحافلة وين نبقا هكدا ...اخر مرة ركبت و كان معمر بقا غير لي يوقف و لازم نركب لوكان منركبش نستنا زاوج و نتم بزاف غاشي و كي يجي يدامرو كلتا الحالات تتعافر ...نركب
اخر مرة الضيق و الروسوفور بدا باقي بلاص بدا يسب و انا كي وقفت حكمت مكان استراتيجي بين نسا باش منحصلش ساعة تاع طريق ..المهم في لحظة بغيت ندورله و نقوله روح جيب اختك و خليها تدمر معاهم يالرخيس بصح يخوف كان عنده انياب كبار كما مصاصي دماء الحمد لله وحدة لي حدايا ناضت و خلاتني نقعد هههههههه منزيدش نركب معاه
مجتمع تاف
اليوم وصلني خبر بلي رايحين يخطبو وحدة من جديد بعد 10 سنوات من المحاولة ..سبب الرفض هي بيضاء و هو اسمر ...يا ربي يقبلو ...
ملل ملل ملل ملل :X3::X3:
...كما تعدبت نعدبهم
كاين امهات يخمو هكدا للاسف
سمعت مرة تشكي من راجلها الخيانة و الخيانة وصل موضوع ولدها و قالت الجملة الشهيييرة انا نقول لعروستي خلي ولدي يعيش حياته ياك نتي مرته بزاف عليك يعني يا عجوز النار نتي انسان تحسي و هي لا

المنتدى
عالم افتراضي عند البعض :Love::Love::Love::Love: يرسمو خيااالات في عقلهم و البعض كيفي احم احم ...جزء من العالم الحقيقي
يعني انا هي انا مستحيل نبدل روحي :p:p الكلمة لي نقتنع بيها نقولها كاين يبغونا و كاين لي ضاربينلهم في الراس قاعدين على قلوبكم
كاين لي بجي يحكي على البنات ماشي ملاح و البنات يحكو على الولاد ماشي ملاح و انا نحكي على دوارنا
هههههههه دوارنا و دوارنا كي نتمشى فيه نحس روحي كاش عارضة ازياء صفقو صفقو ... و نخاف على كاش جارة تشوف فيا و نطيح ..سيرتو خالتي الدوجة لي مركبتلنا الرعب كي نشوفها نقول ياربي متشوووفنيش
المهم المهم هي فضفضة بديت نكتبها هذي 3 ايام كل مرة كلمة نكتب كامل الحجات لي نخمم فيهم درك بلاك بكاوني او ضحكوني هنا و هنا و مهما نديرو بشكوانا معندنا منفعة و اهم حاجة لي يضرنا نديروله حضر من العقل
طنش تعش منتعش :Love::Love::Love:

 

[الامين محمد]

ايييييييه يا لالة راكي وحدة من المجرمات نتاع اللمة
ليليا و لؤلؤة و ام ياسمين ههههههههههههه
و الله موضوعك عجبني و استمتعت بيه
و عجبوني معايراتك و نظن نتكل عليك في كاش دبزة هههههههههههه
اما عن الموضوع بصدق انا عفوي و نكتب ما نحس بيه بلا زيادة او نقصان
و نحب نعيش مع الناس بلا ما نطلب المحال او نطمع
لأني حتى في الواقع عمري ما نطمع
و عمري ما نحط واحد كامل اما اللي ضحك علي او استغفلني
فاقول له مانيش مغفل لكن اذا غلطت معايا انت الخاسر
و كل واحد غلط معايا في النت او الواقع راني مسامحه من قلبي
شكرا يا مجرمة ههههههههههه اعجبني موضوعك

 

[Hakan]

يعني فريمون موضوعك يستحق وسام التميز خليني نحوس عليه ونردلك الخبر
يعني لخصتي كل شيء وحكيتي كل شيء حتى حسيت بكل شيء راكي تقولي فيه
ايتها الديناصور العجيب ههه
فضفضة من القلب وراهي لحقت للقلب
والحاجة اللي نقولها لخيتي
والله الناس ماترحمش
ديري واش تحبي في حياتك
واحسن حاجة داوي بيها امراض الناس هي انك تخليهم يموتو ههه وصفة سحرية
التجاهل التجاهل ​

 

[فيتامين سي]

ايييييييه يا لالة راكي وحدة من المجرمات نتاع اللمة
ليليا و لؤلؤة و ام ياسمين ههههههههههههه
و الله موضوعك عجبني و استمتعت بيه
و عجبوني معايراتك و نظن نتكل عليك في كاش دبزة هههههههههههه
اما عن الموضوع بصدق انا عفوي و نكتب ما نحس بيه بلا زيادة او نقصان
و نحب نعيش مع الناس بلا ما نطلب المحال او نطمع
لأني حتى في الواقع عمري ما نطمع
و عمري ما نحط واحد كامل اما اللي ضحك علي او استغفلني
فاقول له مانيش مغفل لكن اذا غلطت معايا انت الخاسر
و كل واحد غلط معايا في النت او الواقع راني مسامحه من قلبي
شكرا يا مجرمة ههههههههههه اعجبني موضوعك

احم احم مجرمات و نفتخر :p
ربي يخليك يا رئيس العصابة
..صراحة مجرد فضفضة ..مرات نحكو مع رواحنا كلام و هذاك الكلام كتبته هنا ...تفكر تطلع تنزل تخمم مخي حطيته في اللمة ..
ههههههههههه اووووه راني بديت نتعلم نعاير ..يا ربي اختي منجيش و افضحني ..مركبتلي الرعب
متتكلش عليا فيا غير اللسان ^^ ^^ :X3:
موضوع كي يكون عفوي و تكتبه بصدق تحس واش حاب تقول يوصل للناس لي يقراوه .....احسن حاجة تعيش كما تحب ..بساطة .:p..
تعلمت بلي الرزق بيد الله ..نطمع في ربي سبحانه ....
الي استغفلك ربي يحاسبه ... نقصان ذنوب
اطفال اطفال و من بعد ضحكو ...نزيدو نضحكو معاهم على حجم العقل تاعهم
مليح التسامح ..انا عكسك كل الناس مسامحتهم من غير عائلة مستحيييييل قلبي اسود من جهتهم ..ياه اليوم تفكرتهم ..اين النسيان
العفو يا رئيس هههههه ...الحمد لله لي عجبك موضوعي ..اسعدني مرورك .....
طنش تعش منتعش

 

[فيتامين سي]

يعني فريمون موضوعك يستحق وسام التميز
خليني نحوس عليه ونردلك الخبر
يعني لخصتي كل شيء وحكيتي كل شيء حتى حسيت بكل شيء راكي تقولي فيه
ايتها الديناصور العجيب ههه
فضفضة من القلب وراهي لحقت للقلب
والحاجة اللي نقولها لخيتي
والله الناس ماترحمش
ديري واش تحبي في حياتك
واحسن حاجة داوي بيها امراض الناس هي انك تخليهم يموتو ههه وصفة سحرية
التجاهل التجاهل ​

احم احم حشمت
ههههههههههههه وين راه حوس مليح يكون هارب في كاش موضوع
لخصت الحياة حجات لي يصراولي مع الكائنات العجيبة ..و حتى الحجات لي نكدبو فيهم هههه خاصة تاع والله ريحتلك و اووه راكي كما اختي و نبغيك و نعزك ..شحال نكدبو :X3:...فضفضة
قلبي الصغير لا يتحمل ....
كل كلمة كتبتها كانت صح تخصني او توجعني حجات نشوفها ..للاسف ...مجتمع
ديناصور خطرة وحدة ...نسيت الديناصورات انقرضو
الحمد لله لي وصلت ..اهم حاجة هذي هي
وقتاش الناس ترحم ...تعلمت الدرس
طنش تعش منتعش ..حيات(ي):p ..اهم حاجة هي الياء تدل بلي حاجة خاصة
التجااااااااااااهل
اسعدني مرورك اخي ...

 

[باتنية و نص]

هاو اسمها فيتامين سي. نتمسخرو ولل!!
فيتامين سي وعليه لكلام
نظن بعد هاذ الموضوع لازم نقلبولك اسمك كلاشينكوف سي ^^
للامانة
من اروع ما قرأت منذ تسجيلي في المنتدى ليومنا هذا
حتى في لحظة حسيت الموضوع منقول

احلامنا صغيرة واحلامكم كبيرة.

اعطيهم لعصير اعطيهم
مبدعة
يعطيك الصحة

 

[ام راس يابس]

فكرتيني ببزاف بنيادم و ببزاف مواقف يا محاينك ....ايه على خالتي الدوجه مالغري منعرفش اسمها الحقيقي راه عاد مجهول ....الله يبعد علينا بلاويها و بذورها الجافه ان شاء الله عمرنا ما نتلاقو ...فكرتيني بنهار كنا براءة ...درك بدلنا المود و ولا مود شيطان انوش ..ننتاقمو في صمت و نشوفوها قالبه --->في خاطري ندير عفسة هكا بصح مزال ملقيتش الفرصة......الله غالب الدنيا و ما تدير ...بون ماشي الدنيا ....البوكيمونات الي هربو من دراغنبول هوما الي دارو فينا هكا ....فكرتيني بجماعه "والديك مزيرين ميخلوكش تخرجي" ياااااو انا كون سمانه منطلعش للجامعه ننسى الطريق تاعها ...هذاك النهار ماما قاتلي ارواحي عندي فالبلاصة الفلانية قريب نبكي و نتودر معرفتش الطريق .....بالاك طريق الليسي و نسيتها...بغيت نفهم واش هي الفايدة مين نطلع للبلاد -وسط المدينة- و ندور من زنقة لزنقة ؟؟ حاجة الاولى غادي نعيا جسديا و معنويا بسبب رؤية بعض المخلوقات:X3: ....احم اطلعي معانا على ال12 نروحو ندورو ...لا ...اه نتي مالكي والديك مزيرين ميخلوكش ....واش دخلك ....والله دارولي حساسية في لساني :p...وليت نتخيلهم يتمشو بصنارة ...باش يصيدو الي قلنا ...يا ايتها الجميلة انا بنت لا نصيد و لا نخلي الكائنات يصيدوني ...مسالة الي تعطي لروحها قدر و وقر ....فكرتيني بالحافلة الحبيبة ....كل ما نشوفها نزيد نفهم بلي البنية التحتية للمجتمع مدمرررررة ...بزااااف ...ما تبقى لا انوثة و لا رجولة ...وليت نهرب من الجامعه قبل الوقت باش نقدر نطلع فالوقر و الله يرحم دروس الكيمياء طارت ...مسالة الصراحة يا حبيبتي واش نقولك ...اصبري نحكوها بمصطلح ابسط ....الشرااااات ....يا حبيبتي انا نشر بصح اذا شريت عليك حتى نروح عاد باش تفهمي حجم الكلمة الي قلتها ....بصح انتي تقايسي متشريش ...انت ترمي قنابل باينة ...الله يستر على مولات ذاك الفم ..هبة تكون تهدر مع وحدة بمجرد ما تدور ظهرها تبدا تعطي فالسم ...اويعطيه
نفاق المشاعر ....اكثر حاجة نكرهها نفاق المشاعر ...هاذا بروحو موضوع طويل بزاف
و لا اوووه شهد مراكيش قاع تباني ....بمجرد ما نسمعوا هاذ الكلمة لازم نبينو بلي رانا مراض و عيانين و مارانا فاهمين والو فالقراية و ميزيرية و خصنا دراهم و معدناش الوقت و نبدو نشكو من حاجة يمكن مكايناش اصلا غير باش نفطرو بيهم قبل ما يتعشو بينا ..جماعه مراكيش تباني جماعه منافقة غير تاع حوايجها تقيمك الوقت الي تحتاجك و من بعد تطعنك في ظهرك عادي ...نعاونك بصح مغدرش بيا ...خليك انسان :X3:
انا من النوع الي منبغيش ننجح وحدي ...دايما اذا لقيت حاجة نحاول نخلي الي نعرفهم كامل يعرفوها باش ننجحو قاع ...وحدة مرة قاتلي شهد انت علاش هكا ...علاش نتي الي تسقسي الناس اذا فهمو و لا لا و نتي اذا لقيتي حاجة توريهالهم ..معرفتش شا نجاوب ...تركيبة كيميائية غريبة فيا علابالي ...ماشي نمدح في روحي ولا بصح هاذي هي انا
الحسد و الغيرة ...الحسد دمار و الغيرة مليحة اذا كانت على حاجة تستاهل ...كاين حاجة تستاهل الغيرة ...مين تشوف واحد اخلاقه فوق اخلاقك و علابالك بلي متقدرش توصلو ...انت شخصيتك الي رسمتها يمكن فرضت عليك امور متقدرش تبدلها الا اذا بدلت المجتمع الي راك عايش فيه ...نغيرو على واحد عنده علم كثر منا ...بصح تاكدي عزيزتي الفتاه مستحيل نحسدك و لا نغير منك على جال البوكيمون نتاعك:X3: ..ارتاحي و ريحينا
باغية نعيش فبلاصة الناس الي فيها تنصحك على حاجة تنفعك ...نحكي على الناس الي قريبة ليك ..الي من دمك ..هي مكانتش قريبة بصح احنا كنا براءة و كيما قلت رانا بدلنا لمود ...واحد ينصحك ماشي على جال يحسدك و يبغيك عمرك ما تطلع فوق دايما تقعد لتحت باش يسيطر عليك ...يا اخ العرب طلع راسك --زيد طلعو شوية ..شفتني؟؟ سيبون نزلو تخاف رقبتك تتكسر...يقولك الدم ميوليش ماء ...ياو انا نردو خل اذا بغيتو عادي ...و شكون قالكم الظفر ميخرجش من اللحم شحال من واحد قلع ظفرو مين وجعو ...فلسفة العجائز لا تناسبني ....
الكائنات الزائدة ...تدي مساحة من الذاكرة ...لذا من الاحسن نمحوها من العقل ...نحكي على جماعه المظاهر المقربين لنا من ناحية الخل ااا قصدي الدم
علاش ماشي كل واحد فينا يشري راحة باله و يخلي الناس مريحة بالها ...
الهدرة بالمعاني يا هبة حبيبتي و يا سعداة الي ماتت نقية و صورتها مزال متوسختش ...اما الي كان مضيعها معايا يمكن نحزن على القطة "بيشا" اذا سمعت بلي ماتت و لا القط "بوتشي" و لا "بيشو القط الشرير" و هو منزعفش عليه ....يمكن حتى نفرح ...كاين ناس اذا تنمحاو من حياتنا راح يبينو بزاف وحدخرين على وجههم الحقيقي:X3:... حتى اذا حزت راح يكون بسبب حزن العزاز الي راح يتاثرو ...اما هوما خليني ساكتة
مليحة حنا نسا نحكو و نحكو و من بعد نقولو خليني ساكتة....مسالة وراثة

 

[Hakan]

حطيت الموضوع في قائمة المواضيع المميزة حتان يخدمولنا وسام جديد
اوكي لا داعي للاضرابات ههه ​

 

[salah.f]

موضوع رائع استمتعت
كل كلامك صحيح و جزء من حياتنا وبلاك لكان جاو مكانش هاد العادات او المشاكل او او بلاك تجي حياتنا صامطة هههه
على كل حال اعجبني شكرًا

 

[فيتامين سي]

هاو اسمها فيتامين سي. نتمسخرو ولل!!
فيتامين سي وعليه لكلام
نظن بعد هاذ الموضوع لازم نقلبولك اسمك كلاشينكوف سي ^^
للامانة
من اروع ما قرأت منذ تسجيلي في المنتدى ليومنا هذا
حتى في لحظة حسيت الموضوع منقول

احلامنا صغيرة واحلامكم كبيرة.

اعطيهم لعصير اعطيهم
مبدعة
يعطيك الصحة

ههههههه نقدر مام نرجع فيتامين دي مكانش مشكل
....الله يخليك حبوبة ...الفيتامينات مفيدة للصحة احم احم خاصة فيتامين سي لي موجود في البرتقال بصح في الفلفل اكثر ...هههه
خفت خفت بغيتي الدولة تسمع بينا و نحصل
شكون نتي منعرفكش ^^ :X3::X3:
احم احم موضوع حصري من عقلي الصغير و كلش فيه حقيقة من عالمي ...حوار بيني و بين نفسي درتله نسخ للمنتدى ...حقيقة
احلامنا صغيرة غير خلونا نعيشو بيها ...
شعارنا طنش تعش منتعش
منمدش راه غااالي البرتقال مكانش في السوق
الله يسلمك حبوبة ...اسعدني مرورك
#وهرانية و نص ..اكدب اكدب

 

[همس الوُرود]

السلام عليكم
أختي أرواحي تحفظي ليستوار فبلاصتي يرحم باباك
^^

 

[فيتامين سي]

فكرتيني ببزاف بنيادم و ببزاف مواقف يا محاينك ....ايه على خالتي الدوجه مالغري منعرفش اسمها الحقيقي راه عاد مجهول ....الله يبعد علينا بلاويها و بذرها الجافه ان شاء الله عمرنا ما نتلاقو ...فكرتيني بنهار كنا براءة ...درك بدلنا المود و ولا مود شيطان انوش ..ننتاقمو في صمت و نشوفوها قالبه --->في خاطري ندير عفسة هكا بصح مزال ملقيتش الفرصة......الله غالب الدنيا و ما تدير ...بون ماشي الدنيا ....البوكيمونات الي هربو من دراغنبول هوما الي دارو فينا هكا ....فكرتيني بجماعه "والديك مزيرين ميخلوكش تخرجي" ياااااو انا كون سمانه منطلعش للجامعه ننسى الطريق تاعها ...هذاك النهار ماما قاتلي ارواحي عندي فالبلاصة الفلانية قريب نبكي و نتودر معرفتش الطريق .....بالاك طريق الليسي و نسيتها...بغيت نفهم واش هي الفايدة مين نطلع للبلاد -وسط المدينة- و ندور من زنقة لزنقة ؟؟ حاجة الاولى غادي نعيا جسديا و معنويا بسبب رؤية بعض المخلوقات:X3: ....احم اطلعي معانا على ال12 نروحو ندورو ...لا ...اه نتي مالكي والديك مزيرين ميخلوكش ....واش دخلك ....والله دارولي حساسية في لساني :p...وليت نتخيلهم يتمشو بصنارة ...باش يصيدو الي قلنا ...يا ايتها الجميلة انا بنت لا نصيد و لا نخلي الكائنات يصيدوني ...مسالة الي تعطي لروحها قدر و وقر ....فكرتيني بالحافلة الحبيبة ....كل ما نشوفها نزيد نفهم بلي البنية التحتية للمجتمع مدمرررررة ...بزااااف ...ما تبقى لا انوثة و لا رجولة ...وليت نهرب من الجامعه قبل الوقت باش نقدر نطلع فالوقر و الله يرحم دروس الكيمياء طارت ...مسالة الصراحة يا حبيبتي واش نقولك ...اصبري نحكوها بمصطلح ابسط ....الشرااااات ....يا حبيبتي انا نشر بصح اذا شريت عليك حتى نروح عاد باش تفهمي حجم الكلمة الي قلتها ....بصح انتي تقايسي متشريش ...انت ترمي قنابل باينة ...الله يستر على مولات ذاك الفم ..هبة تكون تهدر مع وحدة بمجرد ما تدور ظهرها تبدا تعطي فالسم ...اويعطيه
نفاق المشاعر ....اكثر حاجة نكرهها نفاق المشاعر ...هاذا بروحو موضوع طويل بزاف
و لا اوووه شهد مراكيش قاع تباني ....بمجرد ما نسمعوا هاذ الكلمة لازم نبينو بلي رانا مراض و عيانين و مارانا فاهمين والو فالقراية و ميزيرية و خصنا دراهم و معدناش الوقت و نبدو نشكو من حاجة يمكن مكايناش اصلا غير باش نفطرو بيهم قبل ما يتعشو بينا ..جماعه مراكيش تباني جماعه منافقة غير تاع حوايجها تقيمك الوقت الي تحتاجك و من بعد تطعنك في ظهرك عادي ...نعاونك بصح مغدرش بيا ...خليك انسان :X3:
انا من النوع الي منبغيش ننجح وحدي ...دايما اذا لقيت حاجة نحاول نخلي الي نعرفهم كامل يعرفوها باش ننجحو قاع ...وحدة مرة قاتلي شهد انت علاش هكا ...علاش نتي الي تسقسي الناس اذا فهمو و لا لا و نتي اذا لقيتي حاجة توريهالهم ..معرفتش شا نجاوب ...تركيبة كيميائية غريبة فيا علابالي ...ماشي نمدح في روحي ولا بصح هاذي هي انا
الحسد و الغيرة ...الحسد دمار و الغيرة مليحة اذا كانت على حاجة تستاهل ...كاين حاجة تستاهل الغيرة ...مين تشوف واحد اخلاقه فوق اخلاقك و علابالك بلي متقدرش توصلو ...انت شخصيتك الي رسمتها يمكن فرضت عليك امور متقدرش تبدلها الا اذا بدلت المجتمع الي راك عايش فيه ...نغيرو على واحد عنده علم كثر منا ...بصح تاكدي عزيزتي الفتاه مستحيل نحسدك و لا نغير منك على جال البوكيمون نتاعك:X3: ..ارتاحي و ريحينا
باغية نعيش فبلاصة الناس الي فيها تنصحك على حاجة تنفعك ...نحكي على الناس الي قريبة ليك ..الي من دمك ..هي مكانتش قريبة بصح احنا كنا براءة و كيما قلت رانا بدلنا لمود ...واحد ينصحك ماشي على جال يحسدك و يبغيك عمرك ما تطلع فوق دايما تقعد لتحت باش يسيطر عليك ...يا اخ العرب طلع راسك --زيد طلعو شوية ..شفتني؟؟ سيبون نزلو تخاف رقبتك تتكسر...يقولك الدم ميوليش ماء ...ياو انا نردو خل اذا بغيتو عادي ...و شكون قالكم الظفر ميخرجش من اللحم شحال من واحد قلع ظفرو مين وجعو ...فلسفة العجائز لا تناسبني ....
الكائنات الزائدة ...تدي مساحة من الذاكرة ...لذا من الاحسن نمحوها من العقل ...نحكي على جماعه المظاهر المقربين لنا من ناحية الخل ااا قصدي الدم
علاش ماشي كل واحد فينا يشري راحة باله و يخلي الناس مريحة بالها ...
الهدرة بالمعاني يا هبة حبيبتي و يا سعداة الي ماتت نقية و صورتها مزال متوسختش ...اما الي كان مضيعها معايا يمكن نحزن على القطة "بيشا" اذا سمعت بلي ماتت و لا القط "بوتشي" و لا "بيشو القط الشرير" و هو منزعفش عليه ....يمكن حتى نفرح ...كاين ناس اذا تنمحاو من حياتنا راح يبينو بزاف وحدخرين على وجههم الحقيقي:X3:... حتى اذا حزت راح يكون بسبب حزن العزاز الي راح يتاثرو ...اما هوما خليني ساكتة
مليحة حنا نسا نحكو و نحكو و من بعد نقولو خليني ساكتة....مسالة وراثة

نسيناهم حتى نتفكروهم ...خالتي الدوجة و مدارت فينا ...
خالتي الدوجة للي ميعرفهاش هذي كائن بشري ..تشبه لواحد المرة (عقليا ) اسمها نوال نضن دارو عليها حصة في قناة النهار لي قتلت هشام ربي يرحمه بصح هذي الجيران ميمدولهاش وجه يخلوها تاكل بعضاها كي نشوفوها طريق نبدلوها .غير متخلعناش هي و ولادها قيس 4 تاع صباح بالدبزة :X3: ..الامر لي مريحنا عندها ولد الله يبارك ملتزم كي يكون في دار سكات :Love::Love: ..ممنشرتش فيها والله نخاف منها ...مستحيل نحكي عليك خالتي الدوجة كونك هانية غير بعدي خوافة و نزيد
اللهم امين ربي يبعدها علينا
اوووه نسيتي الانتقام البسيط لي كنت حابة نديره هههه
يخصنا نخمو يخصنا :X3:
البوكيمونات هدوك يخصهم كرة البوكيمون نرجعوهم فيها و تبلعو عليهم بالسكوتش
على الطريق ههههه انا كل ما نركب الbus نخاف نغلط رغم نعرف الرقم تاعه ## بصح نبقا نعس وين راه فايت ههههههه ....خوافة رقم زوج بعدك اكيد
......علاش يخرجو يدورو ...انا كي ندايق نخمم نروح للماناج بلاك قاع لحديقة الحيوانات للغابة ماشي من حانوت لحانوت و انا معنديش 10 دج ..و يكملوهالك اوووووه معقدة ..معقدة نامبر وان و افتخر :Love::Love:
الحافلة العجيبة ...لي ميعرفهاش كاين زوج .....
كي تركب فيهم تعرف كامل المشاكل تاع الشعب و تسمع مالايرضيك ..الى رحت قاعدة الدنيا و مافيها و ادا رحت واقفة الله يعيني حتى نوصلو
اهم حاجة متعرف فيهم تعس روحك ولا تعس صوالحك و نتحمل كلش و ماشي ديك الريحة ..يا اخ راك جيعان ماشي لازم تطلع معاك مورصو كاشير و تخنقنا بيه كوله التحت و شري فريدو و طلع و زيد شويا بارفا مدابيك
و يا اختي ماشي لازم تشري محاجب من وهران و تطلعيهم ..تقدري تطيبيهم في الدار و ادا عندك مشكلة شفته مام هنا ينباعو والله غير متخنقيناش
و الاهم يا عمي لي تسوق بينا هذيك اللافتة لي الطرش و يشوفها ممنوع التدخين قاصدينك مام نتا والله ماشي غير للي يركبو

ربي ينجحك بطريقتي ...منكدبكش شفتك في المكتبة رغم راسي مبلوكي تسيي تدخل المعلومات ليه و تقوللنا بالواحد فهمتو .بصح متخرجش عليه
قريبة ليا تقصديني انا اها ادا قريبة ليا سما نتيا ولا حبوبتشي تانية ..وينتا نصحتوني في حاجة تضرني :X3::X3: ساقتلكم ..نخمم كفاش ننتقم منكم
اوبس فهمت تقصدي الخل تاع الدم لي مخلط بالميكروبات الدموية انا لا اعرفهم ماشي سمعت بلي رحلو لكوكب الاشغاغ ...متفكرينيش مزالني نسيي ننسا خلي لي في القلب يبقا فيه ....فهمتي درك علاش كنت نسيي فيك نبلوكيلهم فمهم ...تجربة وحدة تكفي
ههههههههه سمعتي بلي صرا واحد طلع راسه معرفش يرجعه لبلاصته ايا حسبوه زرافة و حطوه في حديقة الحيوانات
ربي يرحمهم ..هما فقط لي نبغيهم و دايما ندعيلهم بالرحمة ..تتفكري داك النهار واش كنت ندعي هههههه يا ربي ماشي هي لي تموت ياربي تموت هديك و تبقا الحنينة تاعنا ...كنت طفلة ..ربي يغفرلي ...الله غالب كانت دعوة من قلب
احساس طفلة ....
بيشا و بيشو قطتان ....مياو و واحد مياو و زوج مياو و تلاتة مياو و ربعة
نعم نعم حنا الوحيدين لي في كوكب زمردة عاندنا قطة و حكينا معاها هههههه ...كنت باغية نجيبها بيشا ....شفتي وحدة تجيب بشبش و هي تخاف منهم
بيشو ممدينالهش فرصة بلاك عاقل و حنا ضلمناه
واااااااااه شفتي شحال كانو شادين ربي يرحمهم
... معلاباليش علاش بصح شكيت بلي انا لا احزن
ايا خلينا ساكتين هههههههه ...وراثة وراثة الهدرة بزاف وينتا نبطلوها يا اخت العرب
تفكرت انا نقايس في الوجه ههههه اوووه فضحتيني ..و انا لي بغيت نبينلهم بلي عاقلة .نفهمك كفاش باش مينعدش اثم نبغيهم يفهمو واش فلت نخليلهم غير 5 دقايق تاع تخمام بزاااف هههه:X3:
سااايي خليني ساكتة
لم يسعدني مرورك ههههه

 

[فيتامين سي]

حطيت الموضوع في قائمة المواضيع المميزة حتان يخدمولنا وسام جديد
اوكي لا داعي للاضرابات ههه ​

اوووووه اشعر بالسعااادة
اضراب اضراب :p:p:p:p

 

[فيتامين سي]

موضوع رائع استمتعت
كل كلامك صحيح و جزء من حياتنا وبلاك لكان جاو مكانش هاد العادات او المشاكل او او بلاك تجي حياتنا صامطة هههه
على كل حال اعجبني شكرًا

كاين و كاين ...كاين عادات كما قلت ^^ كون مجاوش كون نحسو بالسعادة اكثر ...
معليش نزيدولها سكر و ترجع مليحة ^^

 

[Salah eddin]

السلام عليكم
ياااابنت عمي ...تهدري ياسر ....c est trop
ههه
بصح ...مانكذبش عليك
الضو ما شفتوش...
على كل ...الله يسهل و خلاص
شكرا
ههه​

 

[فيتامين سي]

السلام عليكم
ياااابنت عمي ...تهدري ياسر ....c est trop
ههه
بصح ...مانكذبش عليك
الضو ما شفتوش...
على كل ...الله يسهل و خلاص
شكرا
ههه​

راني منشرت فيك الفوق طلع قراه ^^

 

[Salah eddin]

راني منشرت فيك الفوق طلع قراه ^^

وين ....ما لقيتش ...​

 

[فيتامين سي]

وين ....ما لقيتش ...​

هههههعه بصحتك قريت موضوعي ...:p

 

[Salah eddin]

هههههعه بصحتك قريت موضوعي ...:p

بصح موضوعك راه في كيلومتر يا بنت عمي وش بيك
ههه
قولي برك و خلينا نروحو على رواحنا​

 

[فيتامين سي]

السلام عليكم
أختي أرواحي تحفظي ليستوار فبلاصتي يرحم باباك
^^

و عليكم السلام حبوبة
ههههههه محفضتش قرايتي حتى نجي نحفظ في بلاصتك
طلب مرفوض :p:p