ياطفلة Gاجي تتحصلي على شهادة " سلسلة أقصفهم 2"

[Skor m@k]

أسمحولي خاوتي طولت ليوم عليكم الله غالب
ها قد عدت بقصف جديد وهذي المرة قصف من نوع خاص وجميل ههه
كيف لا يحلو القصف وهن بالتاء المربوطة موضوعهن

كتبنا بزاف مواضيع على عمل المرأة وكاين كل عضو كيفاه فسر خروج المرأة للعمل
كاين لي خدامة بيانسور دافع على النساء لي يخدمو
وكاين لي ماشي خدامة بصح دافع على النساء لي يخدمو باش كي تروح تشري ولا تخرج كوارط تلقى راحتها

بصح حنا يا اخوتي ماندافعوش عليكم خاطرش ولاو أصحاب العمل يحوسو غير عليكم
مي معليش ماشي موضوعي لنهار اليوم مايجيش واحد يجادل على عمل المرأة هدرنا عليه زمان

المهم الحاجة لي خرجت هذي الأيام والناس تقريبا كامل ماعجبهمش الحال لي هي
شبلات الأمة بصح رجعونا لبلاد غمة
وصلت زعما بلاد دستورها الإسلام هو المادة الأولى فيه يفتحو للبنات باش يGاجيو فالعسكر يقراو
راح لحيا وراح الستر وراحت الأخلاق يا بنت Ba
يا عجابت ربي الجامعات ورنا حاصلين بيهم لبنات هذو ​

بين قوصين ماشي كاملين بصح كاينين بالعرام ​

زادو دخلوهم للجيش لفيه تولي أكبر ذليل قدام العالم ورنا عارفين واش كاين في الجيش

العلماء وحذرو من دخولو للرجال خاطرش كل شهم الرجولة طيحلك هناك
وراني عارف واش راني نحكي الى ماآمنتنيش gاجي واسمع إسم ربي والدين ووالديك كيفاه يتلاوحو فالأرض
وخلي وخلي الواحد مجاش يحكي عليهم

خلي الطفلة باعثينها والديها ولي غاضتني شفت روبورطاج زعما جاو والديهم وهدرو مع التلفزيون وقالك
بناتنا رفعو راسنا شرفونا ونتمنا كامل يبعثو بناتهم

وجه البخص شرفوكم آه
رفعولكم راسكم بصح نحاولهم الخيمار ولبسولهم السروال
واش من شرف لي خلاولكم علاه بقى شرف تورو وجهكم

وزيد نلقى فالفايس ناس يدافعو عليهم كيما واحد كتبلهم
الصحابيات ماشي كانو يجاهدو وزيد فالثورة ماشي حسيبة بن بوعلي وجميلة بوحيرد جاهدو
أولا الصحبيات جاهدو ماشي بالسروال سيري والشعر مطلوق
وبن بوعلي وووو جاهدو ضد الاستعمار ماشي دخلو بلاطاي

بصح واش دخل هذوك فالجهاد حيرني وشديت روحي باش مانرجعلوش
مي الى حبيت دخل بناتك وخياتك دخلهم حنا مانحبوش يشرفونا بالشرف تاعكم
رفعو راسنا وشرفونا
كي نسمع هذي الكلمة نولي نغلي واش من معيشة بقات هنا
مي معليش في آخر العمر تتحصلو على شهادات كل واحد يعرفهم
خلي البير بغطاه

هذي لي قالك حرgا لمايوركا ولا سوسو مgاجيا

سلام​

 

[فيتامين سي]

وييييييينتا صرات هذي
صح حلو اشبال الامة للبنات؟؟
...كانو حدانا شفت اولاد برك ..يا ويلي ويييلاه ..الكشااايف ...بابا نقوله كاين رحلة للغابة لي حدانا يقولي الذبح من الوريد الى الوريد
..
بلد مسلم .....ميعرفش حكم المسترجلة
......
الله يستر
...لي عودة

 

[salah.f]

قريبا
السلام عليكم جيناكم بلحسب والنسب نخطبو بنتكم لوليدنا ، بنتنا Gاجات اصبرو تكمل العسكر تاعها
نضرب راسي بثاث

 

[Skor m@k]

وييييييينتا صرات هذي
صح حلو اشبال الامة للبنات؟؟
...كانو حدانا شفت اولاد برك ..يا ويلي ويييلاه ..الكشااايف ...بابا نقوله كاين رحلة للغابة لي حدانا يقولي الذبح من الوريد الى الوريد
..
بلد مسلم .....ميعرفش حكم المسترجلة
......
الله يستر
...لي عودة

السلام عليكم
صرات هذي ومزال يزيدو يصراو أكثر
أنا صاحبي دخل هناك نهار فتحوها أول مرة جرا جري كبير تاع معريفة باش دخل ضرك بلاك عندو هناك 7 سنين تاع أشبال الأمة
قالي ندمت ندمة تاع لانهاية لها تاع تقدر تذبح روحك نورمال
شوفي هذا ولد وما أدراك بطفلة
ربي يبعدنا عليهم وخلاص
شكرا ختي ندلق هههه​

 

[Skor m@k]

قريبا
السلام عليكم جيناكم بلحسب والنسب نخطبو بنتكم لوليدنا ، بنتنا Gاجات اصبرو تكمل العسكر تاعها
نضرب راسي بثاث

ههههه هذي عندك الحق نزيدو نصبرو بعد ما قدامت تاع تكمل قرايتها هههههه
الضرب مايفيدش مع هذو غير خلي راسك مسكين
الهم يكفيه هه

 

[Salah eddin]

السلام عليكم
هكذاك خويا مالك
اقصف ونعاونك كسما المرة لي فاتت
ههه
لي عودة ان شاء الله​

 

[السلطانة]

وعليكم السلام
ولي حيرني اكثر بنات في عمر المراهقة باعثينهم والديهم ونورمال !!
اللومة على الاولياء خويا مالك لي طالقينهم وكلنا نعرفو واش راه يصري في بلايص كيما هاذي من بكري سيدي مليح
هاذا لي خص

 

[فيتامين سي]

السلام عليكم
صرات هذي ومزال يزيدو يصراو أكثر
أنا صاحبي دخل هناك نهار فتحوها أول مرة جرا جري كبير تاع معريفة باش دخل ضرك بلاك عندو هناك 7 سنين تاع أشبال الأمة
قالي ندمت ندمة تاع لانهاية لها تاع تقدر تذبح روحك نورمال
شوفي هذا ولد وما أدراك بطفلة
ربي يبعدنا عليهم وخلاص
شكرا ختي ندلق هههه​

تبهداااااااااايل
هههههههه واش خلاو للرجال
الله يستر
اووووغوبا و امغيكا راها تسربي للعرب حلوووف من النوع الرفيع

الله يعافينا

 

[السلطانة]

نديها ميليتار

وندير لافار
تجيني b lcomba رافدة السلاح والبومبا


في احد ى الروايات هههه

 

[الورد الأحمر]

السلام عليكم

اسكت خاف على روحك كان بكري تحكي ع لبنات تقاسي درك تجبدلك السلاح وطع طع وتكمل تمشي .

كمل برك أكتب عليهم راك مطلوب حيا أو ميتا

 

[لاريمان]

السلام عليكم
انا ساعات نحير فيكم اخي لما تتفاجعو في الخرجات كيما هادو
الوقت الي وصلنالو ولات المرأة خير من الرجل في بزاف مجالات
اشبال الامة وينهي الدركية والشرطية ولي تسوق الطيارة والصاروخ
بعثات للداخل والخارج
خلاص المجتمع تفتح على مصرعيه واصبح كل شيء مباح
بلاك الراجل يتردد يونgاجي بصح هي تصدم طول
انا راني متوقعة اكثر من هدا مستقبلا
ربي يصلح احوالنا
ويعطيك الصحة على هاد السلسلة​

 

[sanaya]

أخي
مبقاتش أنوثة و مبقاتش رجولة
لمرا تسترجل والراجل يسكت
راني خايفة كاش نهار يولي تجنيد النساء إجباري
غريب والله كفاه مبقاتش غيرة فقلوب الرجال
يبعت بنتو وحدها نورمال
و المشكل واش تتعلم
هل هاذه الفتاة تربوها تكون في المستقبل زوجة وأم حنونة
أم زوجة و أم شرسة
و أنا أعتقد يقينا أن هذا مخطط صهيوني
لإفساد نساء المسلمين
مي مالوروزمون حنا نتبعوا لجديد بدون النظر فيه
ربي يهدي ماخلق
سلام

 

[Salah eddin]

السلام عليكم
خويا مالك راني جيت باه نعاونك في القصف
هه
اقلاع من المطار الحربي....طيط ...طيط....خويا مالك ...كلش واجد ..over...

بسم لله ...ضروك هاذو ما يخافوش ربي ولا وش ...
رانا رجال ...و نخممو كي نعولو نروحو للخدمة الوطنية ...لا حول و لا قوة الا بالله

و زيد ...انا لي مدوختني ...مش الطفلة كي تروح للجيش ...ياو ماليها .....ماليها ...
كيفاه يعطي قلبو بويها ...ويخليها تروح ...ما هوش عارف بلي اصلا المرا هدفها في المجتمع ...تشد دارها و نربي ولادها

راها حدايم اخرى ...وفيها قول ..فما بالك بالجيش

لا حول و لا قوة الا بالله ...النيف قريب راح في البلاد هذي
الله يجيب الخير

..
.تمت اصابة الاهداف بنجاح.
..
نهاية القصف
عودة الى القاعدة

....

mission accomplee
في انتظار اهداف اخرى للقصف
ههه
بالعافية خويا مالك
​

 

[حلم كبير]

السلام عليكم
اولا اسمحلي أن اعقب على صورتك الرمزية اعجبت بها كثيرا فهي صريحة جدا.

ثانيا الموضوع اقصفهم لو تضيفلو (ولم البقية المتبقية)

لا تخف ولا تخجل من قول الحقيقه لان ولانها يا سيدي حقيقة فهي لا تعجب
أن الذي بقول الحق يبكيني... مثل الذي بقول الزور يضحكني

خلينا نلمو البقية المتبقية من المجتمع العربي . نسال سؤال واش حابين هاذو الوالدين تولي بنتهم (شبلة مثلا) وتكبر تولي لبة
نحللوها بالمنطق اللبة تجيب ولادها ترضعهم تصيدلهم وتكبرهم توكلهم تعلمهم يصيدو هي تكمل مهمتها وهي تزيد تجيب اشبال اخرين.
المهم وين بيها يا شبلة الأمة لكل طريق نهاية رايحة تولي قراد زعما جنرالة (اسمحولي ما نيش نتمهزا راني نتبع فالخط لنهايتو مانا نهدرو على دين لا على حرام ولا على حلال المنطق وخلاص)
تولي جنرالة ومن بعد تتزوجي براجل ولا مرة
لانو خلاص بعد سنوات الشبللة والاسددة نسيتي انوثتك ودورك الي راكي موجودة فالكون من اجلو.... يحبسني و يقولي واحد تقدر توفق .واش من توفيق في حاجة من الأساس غير قابلة لتقاسم شيئين واذا حضر شيء لازم وحتما يغيب الثاني.
تحسبي تربية الاطفال مهمة سهلة؟ اذا كنتي تحسبيها سهلة وجيب وطيش للحضانة يولي بني ولا بنتي عباد( وخاصة مع مشكل اخر في مجتمعنا وهو معاونة الراجل المرا في التربية ونوضع خطين على التربية) .... غالطة وماكيش ذكية وعمرك ما قريتي كتاب في حياتك ، اقراي لكتب ،ملايير الكتب على تربية الاطفال من وقت الولادة حتى عامين فقط. فما بالك بالبقية المتبقية (حتى اللبة اللي انتي معجبة بيها ربات وعلمت )لاه تخرجي من سكك الحديد اللي توضعتلك فالاساس وتروحي تحوسي على سكك ليست لكي في الاصل وتعييك وكي تولي عجوز ينساك العالم من حولك اما اللي جابت وربات وبنها نجح وخرج عالم يذكرها العالم حتى بعد موتها.

خلي التمرجيل لاهلو والتاي بانوثتك
الرجل بانوثتك يقوى وقت الشدائد
واذا كان ولا بد تحارب المرا في يوم ففي وقت الشده تضهر العزائم (لاه جميلة بوحيرد انضمت للشباب الامة؟)

نتعلمو باه نعلمو ولادنا يختارو اهدافهم صح ميش الريح اللي جا يدي .

بوركت اخي على الموضوع ، كلاني قلبي على امة اقرا اللي ما تقراش.
حلم كبير

 

[sosobibicha]

السلام عليكم
شبلات الامة انا حيروني هوما يرفدوا السلاح و لا السلاح يرفدهم مستقبلا مفهمتش يولوا يخدموا كيما الرجال و لا غير قراية برك و لا كيفاه و الامر لي يحشم نحاو الخمار باعو دينهم ربي يهديهم مي تبالي مش منهم من لي دخلوهم او والديهم و فرحانين بيهم راهي في خاطري مستقبلا ان شاء الله نتلاقا مع وحدة منهم و نشوف واش دايرين فيهم و الحاجة لي حيرتني كيفاش يخموا رجال و هربوا منها و هوما لعبوها شاطرات
مي كاين جوانب شوية كيما ليدخلوا مش متحجبات و يخدموا طب عسكري مثلا هادوك بالاك نورمال و لا حابين يقراو و كي يكملوا يخلصوا و يخرجوا كيما خممت فيها ملقيتلها جواب شكون هادا لمدلهم فكرة البنات في اشبال الامة ؟
المهم يعطيك الصحة على الموضوع ربي يهدينا و يهديهم
لي فيها الخير ربي يجيبها
في امان الله​

 

[آمِيْرَتُه]

السلام عليك ' ملاحظة مانيش ندافع عليهم'
هذا الخطرة قصفك راح لبلاصة ماشي مليحة هه نهار تبغي تقصف اقصف بصاروخ ارض ارض احسن من جو هههه
المهم بغيت برك نوضحلك حاجة هذو لي gاجو راحو يكملو تعليم نتاعهم في مؤسسة تابعة لوزارة الدفاع يعني عندها عقد معهم كي تدي الباك تبغي تكمل قرايتها فالجامعة تبغي تكمل قرايتها فالجيش
قادرة تخرج طبيبة ، صيدلية ، أستاذة ماشي مشروط تلبس و تهز سلاح معها كيما يقروا فالجامعة و الثانوية و المتوسطة و المدرسة يقرو عندهم لا يوجد فرق سوى أن قراية داخلية مش خارجية
لي متربية وحاكمة قدرها لوكان منعرف وين تروح تبقى بشرفها و الفساد لي تحكي فيه ماشي غير فالجيش الفساد موجود في كل بلاصة تلقاها متخرج متدخل و أخلاقها زيرو
نتلاقو في قصف اخر و إن شاء الله الصاروخ يطيح في بلاصة نيشان
سلام

 

[الصحافية الساخرة]

ههههههههههههههههههههههههه ضحكتني الاخرى "هذي لي قالك حرgا لمايوركا ولا سوسو مgاجيا"

ثقافة الاباء وين وصلت اصلا لي يخلي بنته ولا اخته تgاجي صراحة ديووووث

حبيت نفهم زعما هذو لبنات غرلوا يخافوا منو وينتحروا على جالو من السرير كيفاه غدوا تدير هذي كي تتخلط لبلاد تقدر تهز سلاح وتوقف لرجال ياا حسرى تلبس سروال وتريح فلبيروا تاع السيادات

وتظل تغنيلوا تما ويقارنوها بالصحابياات يكرفسولك الاعصاب ودمك يجمد تالمو تحكمك تسونامي غضب كااارثة ياااا هذو الصحابيات خرجو مع رجالهم وحاربوا للضرورة ماشي باش تدبر شهرية

خلونا بهدلوا بينا تولي تخرج لبرا يشوفوك كحلة فسدوا علينا هذو البنات ربي يهدي

انا لوكان يطلقولي لحبل نهز سلاح ونطلق عليهم وعلى اللي قبلوا بالرخس هذا

 

[GI Joe]

neendeb wech rah sari?? massma3tech biha fahmouni kima rdjel li maydjibech l bac yroh ygagi hakda ??
makfawhomch les formations li kayen ?? lekhyata l informatiue;;; ? edaaar makfatech ??
وجه البخص sah

 

[أم أُنٌَيسة]

السلام عليكم و رحمة الله تعالى و بركاته
ياو راكم صح ؟؟؟؟؟؟؟؟؟؟؟؟؟؟؟
هدي صرات صح او تتمسخرو برك يعني ؟؟؟؟؟؟؟؟؟​