قولي واش الفرق بينو و بينها ...!!

[abdoudraw12]

قلنا السلام و الرحمة والاكرام والسعادة على مدى الايام
وبعد ايها الحضور الكرام
...
زعرة بنت الهادي قصت شعرها :X3::X3:... و عاطف الضبعون تاني قص شعرو
وكلاهما كان مولي للدار في سعادة وابتهاج
... المشهد الأول ...

تلتقي زعرة بصبحتها الشحرورة المغرورة

الصديقة : زعرااااااا حبيبتي:Love: وشراكي هدي غيبة ،، طررررطق ( ومن الحضن ما كسر العظام هه)
زعرة : بشوي قتلتيني .. آمس برك كنا مع بعضنا وشبيك آ طفلة ..
راني صافا ونتي ؟؟ وشحوالك وحوال العيلة
الصديقة : متلوميش توحشتك ا موصيبة .. والله كامل لاباس .. كنت عند خالتي واني مولية للدار
زعرة : ماراك شايفة والو ... حاجة فيا ..:X3:
الصديقة تبدأ بعملية المسح الشامل
زعرة: زيدي اطلعي الفوق .. عميتي
الصديقة : يااااااااا ... قصيتي شعرك .. بصحتك زعرورة .. شحال شابة التحفيفة هدي :Love:..
عند شكون قصيتيه!!!
زعرة : عند جارتنا .. فتحت جديدة معندهاش سمانة .. روحيلها تتهلا فيك ..
الصديقة : وشحاال حسبتلك دراهم .. والله تعرف هدي
زعرة : 200 الف برك ( برك !!! جاتها شوية .. حنا الرجال التحفيفة بـ 150 دج ونشوفو فيها بزاااف هه)
الصديقة : برررك والله الرخا يدهش عندها ( البناة متخافش عليهم .. رولو ميخلاصش عندهم هه)
زعرة : ونتي عند شكون موالفة تقصي شعرك !!!
الصديقة : انا موالفة نروح عند مباركة.. في الطلعة تحت الهبطة لي مورا البلوك تاعنا
(كونان ميحلهاش ههه )
زعرة : هديك متعجبنيش .. تسڨدلك شعرك ومغلاوية .. ونكرها ..
الصديقة : في هدي مغلطتيش .. انا مرة اخرى نروح عند جارتك هدي ونسيي عندها
زعرة : شعرك مزال قصير خليه يكبر شوية ..:X3::X3:
الصديقة : لا لا منحبوش كي يطوال .. يديرونجيني بزاف ..
زعرة : انا عكسك نحب شعري طويل :Love:.. غير مرة هدي قلت نبدل شوية
الصديقة : بلا بلا بلا بلا .. بلا بلا .. بلا بلا بلا
زعرة : بلاااا بلاااا .. بلا بلا بلا .. بلااا بلااا
.....
....
....
وبعد 25 دقيقة و10 ثواني

الصديقة : ايا مهم بصحتك ..
زعرة : يسلمك حبيبتي
الصديقة : هيا نروح انا .. تهلي في روحك وبعتيلي كي تفتحي المسنجر:kiss:
زعرة : اوكي .. ونتي تاني تهلي في روحك
الصديقة : هيا باي
زعرة : باي
الصديقة : ضحكة صفراء فاقع لونها
زعرة : ابتسامة عريييضة ( اصبح فمها قد طريق شرق غرب ههه)
الصديقة : هيا فيلامان
زعرة : غدوة ان شاء الله..

وتروح كل وحدة في حالها .. بعد حوار طوييل اطول من كبة تاع خيط من الحجم الكبير هه


.. المشهد الثاني ..

يلتقي عاطف الضبعون بصديقه همتارو:p

الصديق : سلام اهلا عاطف .. صافا
عاطف : صافا ونتا !
الصديق : الحمد لله .. صح التحفيفة . عند شكون حففت ؟
عاطف : يسلمك .. عند رضا كانيش...
ربع دقيقة صمت ...
الصديق : ايا نروح تهلى في روحك .. غدوة
عاطف : صحا .. تهلى في روحك

انتهى الحوار اسرع من قلي البيضة


دك نظن توضحت الاجابة عن السؤال المطروح كعنوان للموضوع​

يلي يهدرو الراجل في سمانة .. تنهيه المراة في ربع ساعه ههه​

ان اصبت فاشكرو لي
وان اخطأت فاعينوني

وبلا زعاف يا من بدونكم تنقرض البشرية:X3::X3:
​

​

 

[عاشقة الإحسان]

و عليكم السلام و الرحمة و الإكرام أخي عبد الرحمن .

و لو أني لست ضليعة في الرد على هذا القسم ،إلا أني أقول أن كلامك الذي قلته فيه شيء من الصحة ،لكن ليس في وقتنا هذا و زماننا ، فالرجل كذلك قد إنتقلت إليه العدوى و أصبح يتكلم بكثرة و أحيانا أكثر من المرأة ،فنجد بعضهم يتحدثون و يتحرون أدنى التفاصيل و أدقها ،حتى يخيل إلى سامعهم أن المتحدث إمرأة و ليس برجل .
و أنصحك أخي أن لا تشن حربا على حواء فالأمر ليس في مصلحتك إطلاقا .ههههه .
تقبل مروري إن شئت .

 

[فيتامين سي]

جييييييت نسجل الحضور .و نشد بلاصة
جاري القصف .

 

[sanaya]

أخي عبدو
أنا من فئة الثرثارات
ولكن مايميزني(مغرورة)
أني منتلهاش بالناس
وترتارة غير مع الناس اللي نحبهم
وثرثرة من نوع اللي يخلي الواحد يستانس
( حوحو يشكر روحو)
أخي عبدو تخيل أنو الراجل ميهدرش بزاف ولمرا تاني
كفاه تكون الحالة
أكيد راح يكون البيت مقبرة
الرجال يقولوا لمرا تهدر بزاف
مي ميقدروش يستعرفوا أنو ميقدروش يعيشوا مع وحدة تحب سكات
ولا لا
المهم هادا رايي
وقالولك سئل حكيم
ماأجمل مافي المرأة
قال فمها
سئلوه
ومالذي أحببته في الفم هل شكله أم لونه
أجاب
بل عندما يكون مغلقا
ويقال أنه بمجرد كمل كلامو جات لو صباتة ضرباتو في وجهو من عند مارتو لعزيزة
( خرطي من عندي)
المهم لوكان قالها ڨدامي سير قتلتو
ههههه
شكرا على تمنشير عبدو
أسعدني وجودي في صفحتك
سلاااام

 

[حلم كبير]

السلام عليكم
انا يا أخي لن اقول لا صحيح او خطأ او اعقب
عندي ما نقلك
اسلوبك في القصة الجزائرية الهزلية ممتاز انا من النوع الذي يمل اذا كانت القصة مملة لأنني (بدون فوخ) نحب نقرا القصص ونستمتع بهم فعندي حس في الكتابة والقراءة
اعجبت بأسلوبك المنمق واستمتعت بالقصة وأنصحك أن تكمل في التخيل والكتابة من الواقع الجزائري الزاخر.
من يدري عل قصة من قصصك تصبح سيناريو لفيلم ،المهم أن تكمل
انا اشجعك
حلم كبير

 

[abdoudraw12]

و عليكم السلام و الرحمة و الإكرام أخي عبد الرحمن .

و لو أني لست ضليعة في الرد على هذا القسم ،إلا أني أقول أن كلامك الذي قلته فيه شيء من الصحة ،لكن ليس في وقتنا هذا و زماننا ، فالرجل كذلك قد إنتقلت إليه العدوى و أصبح يتكلم بكثرة و أحيانا أكثر من المرأة ،فنجد بعضهم يتحدثون و يتحرون أدنى التفاصيل و أدقها ،حتى يخيل إلى سامعهم أن المتحدث إمرأة و ليس برجل .
و أنصحك أخي أن لا تشن حربا على حواء فالأمر ليس في مصلحتك إطلاقا .ههههه .
تقبل مروري إن شئت .

اهلا بالاخت الفاضلة عاشقة الاحسان .. لشرف ان احضى بمرورك والله
وبعد
انا احيانا احتار لما تكون مجموعة من خمس او ستة باناويت ( جمع بنت ^^) الكل يتكلمون في نفس الوقت والغريب انهم يفهمون بعضهم وانا لا اسمع سوى فوضى عارمة ادا انهم لا يمنحون لحناحرهم راحة ولو لربع دقيقة .. مما يؤدي بي الى ترك مكان العمل والانسحاب الى الشارع هه
+
اما الحرب اذا حرب كلام فانا اعلن استسلامي من الآن ههه
شكرا اختتيي سررت بوجودك في موضوعي والله

 

[abdoudraw12]

جييييييت نسجل الحضور .و نشد بلاصة
جاري القصف .

تم تسجيلك بنجاااح

 

[abdoudraw12]

أخي عبدو
أنا من فئة الثرثارات
ولكن مايميزني(مغرورة)
أني منتلهاش بالناس
وترتارة غير مع الناس اللي نحبهم
وثرثرة من نوع اللي يخلي الواحد يستانس
( حوحو يشكر روحو)
أخي عبدو تخيل أنو الراجل ميهدرش بزاف ولمرا تاني
كفاه تكون الحالة
أكيد راح يكون البيت مقبرة
الرجال يقولوا لمرا تهدر بزاف
مي ميقدروش يستعرفوا أنو ميقدروش يعيشوا مع وحدة تحب سكات
ولا لا
المهم هادا رايي
وقالولك سئل حكيم
ماأجمل مافي المرأة
قال فمها
سئلوه
ومالذي أحببته في الفم هل شكله أم لونه
أجاب
بل عندما يكون مغلقا
ويقال أنه بمجرد كمل كلامو جات لو صباتة ضرباتو في وجهو من عند مارتو لعزيزة
( خرطي من عندي)
المهم لوكان قالها ڨدامي سير قتلتو
ههههه
شكرا على تمنشير عبدو
أسعدني وجودي في صفحتك
سلاااام

أخي عبدو
أنا من فئة الثرثارات
ولكن مايميزني(مغرورة)
أني منتلهاش بالناس
وترتارة غير مع الناس اللي نحبهم
وثرثرة من نوع اللي يخلي الواحد يستانس
( حوحو يشكر روحو)
أخي عبدو تخيل أنو الراجل ميهدرش بزاف ولمرا تاني
كفاه تكون الحالة
أكيد راح يكون البيت مقبرة
الرجال يقولوا لمرا تهدر بزاف
مي ميقدروش يستعرفوا أنو ميقدروش يعيشوا مع وحدة تحب سكات
ولا لا
المهم هادا رايي
وقالولك سئل حكيم
ماأجمل مافي المرأة
قال فمها
سئلوه
ومالذي أحببته في الفم هل شكله أم لونه
أجاب
بل عندما يكون مغلقا
ويقال أنه بمجرد كمل كلامو جات لو صباتة ضرباتو في وجهو من عند مارتو لعزيزة
( خرطي من عندي)
المهم لوكان قالها ڨدامي سير قتلتو
ههههه
شكرا على تمنشير عبدو
أسعدني وجودي في صفحتك
سلاااام

اعتراف مباشر .. كون جات قاع النسا صريحة كيفك هه
انتي اكيد معايا فالحؤب ضد بني جنسك ههه
ممم حكمة شابة مي النهاية جابلي ربي مشي هكداك ..
نتي تقتلي نتي !!!
نحتاجك معايا فلحرب نحتاااجك
اهلا بيك في مواضيعي لا تحرميها منو نورك يا طيبة نتي

 

[abdoudraw12]

السلام عليكم
انا يا أخي لن اقول لا صحيح او خطأ او اعقب
عندي ما نقلك
اسلوبك في القصة الجزائرية الهزلية ممتاز انا من النوع الذي يمل اذا كانت القصة مملة لأنني (بدون فوخ) نحب نقرا القصص ونستمتع بهم فعندي حس في الكتابة والقراءة
اعجبت بأسلوبك المنمق واستمتعت بالقصة وأنصحك أن تكمل في التخيل والكتابة من الواقع الجزائري الزاخر.
من يدري عل قصة من قصصك تصبح سيناريو لفيلم ،المهم أن تكمل
انا اشجعك
حلم كبير

وعليكم السلاام
اهلا بيك اخي
مم صراحة كلامك كشعلة اضاءة شمعة .. بعدما اطفأها نسيم ( ماشي نسيم جارنا هه) .. والله شجعني كلامك مع اني كتبت فقط ولم افكر ان هدا اسلوب روائي .. انا افخر بشهادتك مادام انك تملك حس الكتابة والقراءة .. لانو الاحساس يجعلك تصنع وترى كل شي جميل وممتع
اشكرك يا غالي ..
اتمنى ان اراك بين صفحاتي دائما وابدا وازلا .. والا ساعتزل وانت السبب هه

 

[حلم كبير]

وعليكم السلاام
اهلا بيك اخي
مم صراحة كلامك كشعلة اضاءة شمعة .. بعدما اطفأها نسيم ( ماشي نسيم جارنا هه) .. والله شجعني كلامك مع اني كتبت فقط ولم افكر ان هدا اسلوب روائي .. انا افخر بشهادتك مادام انك تملك حس الكتابة والقراءة .. لانو الاحساس يجعلك تصنع وترى كل شي جميل وممتع
اشكرك يا غالي ..
اتمنى ان اراك بين صفحاتي دائما وابدا وازلا .. والا ساعتزل وانت السبب هه

انا لم ابالغ اخي فما أن بدأت القراءة حتى احسست اني اريد ان اكمل وهذا هو الهدف من كتاب القصص أن تشوق القراء
سأتابعك بالتأكيد لأحرص على أن تكتب قصة سيناريو في يوم ما ولما لا.
رحلة الألف ميل تبدأ بخطوة
حلم كبير​

 

[sanaya]

اعتراف مباشر .. كون جات قاع النسا صريحة كيفك هه
انتي اكيد معايا فالحؤب ضد بني جنسك ههه
ممم حكمة شابة مي النهاية جابلي ربي مشي هكداك ..
نتي تقتلي نتي !!!
نحتاجك معايا فلحرب نحتاااجك
اهلا بيك في مواضيعي لا تحرميها منو نورك يا طيبة نتي

وزيد نقولك حاجة
أنا نشوف الثرثرة المباحة
هي صفة جيدة في النساء
يعني كعترفت كنت نمدح روحي سلام

 

[حروف تائهة]

السلام عليكم
ههه زعرورة و ضبعون بصحتهم التحفيفة
عندك اسلوب مميز و رائع ربي يبارك
مرة كنت نستنى في الكار كانو مريحين جماعة تاع بنات و جماعة تاع ولاد
لبنات الوقت كل و هم بلا بلا بلا .... و كل مرة يحكو في موضوع مرات نغفل عليهم شوي كي نرجع نحط بالي نلقاهم بدلو الموضوع
تحير كيفاش يتنقلو في المواضيع بكل انسيابية ههه
اما الرجال ماقالوش 10 كلمات ورا بعض خخخ
الوقت كل و هم واحد يتفرج في لاخر
و لا كانو يسمعو في لبنات واش يحكو خخخ
فرق واضح
مشكور اخي على الموضوع
راك تقصف مليح هه
تحياتي

 

[فيتامين سي]

عدنا
هذي حكاية تاع عام جدي نهار كان ضبعون جاي ساكت و ب 66 كشفة يحط ديك الكلمة و الانسة زعرورة عندها قاع الحكايات
نرجعو لزعرورة و ضبعون 2017 :X3: .... زعرورة في 2017 متبدلتش مزالها هي هي و زادت تطورت في ثقافت البلابلا و تعلمت تقنيات جديدة اما السي ضبعون تطور و فات الانسة زعرورة ب1000 سنة ضوئية و رجع يحكم حكايات النسا من الالف للياء (راهم يركبو معايا في bus )
المهم المشكل في زعرورة نهار تسكت تلقا ضبعون يقوللها علاش سكتي راكي مريضة عندك مشاكل شكون زعفك السبب لي خلا زعرورة تزيد في السرعة الكلامية اكيد
و متقوليش كلامي غالط انا نهار شفت ضبعون يتفرج مسلسل تركي و يحكي على الاحداث مع زعرورة عرفت بلي الدنيا راها صافابا

 

[abdoudraw12]

السلام عليكم
ههه زعرورة و ضبعون بصحتهم التحفيفة
عندك اسلوب مميز و رائع ربي يبارك
مرة كنت نستنى في الكار كانو مريحين جماعة تاع بنات و جماعة تاع ولاد
لبنات الوقت كل و هم بلا بلا بلا .... و كل مرة يحكو في موضوع مرات نغفل عليهم شوي كي نرجع نحط بالي نلقاهم بدلو الموضوع
تحير كيفاش يتنقلو في المواضيع بكل انسيابية ههه
اما الرجال ماقالوش 10 كلمات ورا بعض خخخ
الوقت كل و هم واحد يتفرج في لاخر
و لا كانو يسمعو في لبنات واش يحكو خخخ
فرق واضح
مشكور اخي على الموضوع
راك تقصف مليح هه
تحياتي

ههه قالولك الله يسلمك
هاشفتي اختي .. الشوفار وقيلا بطل الخدمة هدي بسبتهم ههه
ايام الدراسة كانت تدخل استاذة الفلسفة .. الساعة فيها 60 دقيقة وهي تحكي 70 دقيقة فالساعة ههه
العفو ختي .. مرورك اسعدني سيرتو فيه اعتراف من عنصر نسائي ههه
^^

 

[abdoudraw12]

عدنا
هذي حكاية تاع عام جدي نهار كان ضبعون جاي ساكت و ب 66 كشفة يحط ديك الكلمة و الانسة زعرورة عندها قاع الحكايات
نرجعو لزعرورة و ضبعون 2017 :X3: .... زعرورة في 2017 متبدلتش مزالها هي هي و زادت تطورت في ثقافت البلابلا و تعلمت تقنيات جديدة اما السي ضبعون تطور و فات الانسة زعرورة ب1000 سنة ضوئية و رجع يحكم حكايات النسا من الالف للياء (راهم يركبو معايا في bus )
المهم المشكل في زعرورة نهار تسكت تلقا ضبعون يقوللها علاش سكتي راكي مريضة عندك مشاكل شكون زعفك السبب لي خلا زعرورة تزيد في السرعة الكلامية اكيد
و متقوليش كلامي غالط انا نهار شفت ضبعون يتفرج مسلسل تركي و يحكي على الاحداث مع زعرورة عرفت بلي الدنيا راها صافابا

ههههه يا الحاجة قوليلي برك شكون يقدرلك
من غيري انا طبعااا هه
لمعلوماتك زعرورة راها ولاة سيدة دك .. جابت طفل وسماتو ضبعون
يعني الحكاية قديمة صح مي حتى في 2017 مزال ضبعون مافاتش زعرة في التبلبيل ( مشتقة من بلا بلا هه)
يعني لو درنا قرعة بين ضبعون وزعرورة .. اكيد اصوات الزعرة راح تكون اكثر من سكان اليابان ههه
وباه نسهلك الامر اكثر.. العام كي تولي السنة الميلادية والهجرية متساوية وقتها يولي ضبعون يحكي كتر من زعرة ههه
اتعسني جداااا مرورك فيتامونة هه

 

[الصحافية الساخرة]

وعليكم السلااام وهاتم ماجبتم :p زعرورة معاك اونبغسون تقولك علاه تجبدني هنا (الغيبة حرام الواحد مفيهش لحم وتزيد تنحي منو واش يبقى)

المهم نختصر شوية باش منوليش بحال زعرورة المغرورة خخهخخخه لا مجال للمقارنة بين زعرورة والنسا وي صح يهدرو بزاف تالمو ميتلاقوش بزااف والرجال يتلاقوا ديما عليها يضربوا خماميس

وصحيت وخلاص :p مي عندكم نقطة تفوتوا فيها زعرورة لي هي البالون يااا شحال تهدروا ومتسكتوووش هههه مرسي خويا موضوعك عجبني سارد عليه بموضوع اخر ان شاء الله فالقصف وحدة

بوحدة فل تنتظر

 

[zohor kfz]

عندك الحق شوية :p
علابالك يا لوكان وحدة تقص شعرها و ما تقللهاش بلي بصحتكي و راكي شابة و عند من و و و و و .... يبقى خطرها و تمشي لدارهم المورال طيحلها و المخلوقة يجيها اكتاب و تمرض ووووو
تفاديا لكل هاد النتائج لازم نديرو هاداك الحور ههههه
اما انتم تقلو بصحتك او لا غير كيف كيف ههه
رغم اني انا من النوع لي في الطريق مستحييييييييييييييييييييييييييييييييل نوقف الا نسلم و نمشي نكره لي يشدني نص ساعة في الطريق ... كاين الدر و تجي معاية و الله نحكيو غاااااااية اما في الطريق ابدا
هادا تحليلي و ارجو انكم تتفهمو عقليتنا هههه

 

[abdoudraw12]

وعليكم السلااام وهاتم ماجبتم :p زعرورة معاك اونبغسون تقولك علاه تجبدني هنا (الغيبة حرام الواحد مفيهش لحم وتزيد تنحي منو واش يبقى)

المهم نختصر شوية باش منوليش بحال زعرورة المغرورة خخهخخخه لا مجال للمقارنة بين زعرورة والنسا وي صح يهدرو بزاف تالمو ميتلاقوش بزااف والرجال يتلاقوا ديما عليها يضربوا خماميس

وصحيت وخلاص :p مي عندكم نقطة تفوتوا فيها زعرورة لي هي البالون يااا شحال تهدروا ومتسكتوووش هههه مرسي خويا موضوعك عجبني سارد عليه بموضوع اخر ان شاء الله فالقصف وحدة

بوحدة فل تنتظر

جبنالكم ملوخية بالزيتون والخرشف .. جربيها وتفكريني ههه
بطلة الفيلم هنا اونباغسون ههه كبرتي ا مخلوقة والله معرفتك
صراحة انا البالون ماتعنينيش .. مي بعد الماتش مانسكتش صراحة هه
ومدابيك ماتعلنيش الحرب .. راح يروحو فيها ابريااء
شكرا على المرور اختي
في انتظار الردع ​

 

[الصحافية الساخرة]

جبنالكم ملوخية بالزيتون والخرشف .. جربيها وتفكريني ههه
بطلة الفيلم هنا اونباغسون ههه كبرتي ا مخلوقة والله معرفتك
صراحة انا البالون ماتعنينيش .. مي بعد الماتش مانسكتش صراحة هه
ومدابيك ماتعلنيش الحرب .. راح يروحو فيها ابريااء
شكرا على المرور اختي
في انتظار الردع ​

ههههه الله يعطيك شخشوخة حارة ..

 

[abdoudraw12]

عندك الحق شوية :p
علابالك يا لوكان وحدة تقص شعرها و ما تقللهاش بلي بصحتكي و راكي شابة و عند من و و و و و .... يبقى خطرها و تمشي لدارهم المورال طيحلها و المخلوقة يجيها اكتاب و تمرض ووووو
تفاديا لكل هاد النتائج لازم نديرو هاداك الحور ههههه
اما انتم تقلو بصحتك او لا غير كيف كيف ههه
رغم اني انا من النوع لي في الطريق مستحييييييييييييييييييييييييييييييييل نوقف الا نسلم و نمشي نكره لي يشدني نص ساعة في الطريق ... كاين الدر و تجي معاية و الله نحكيو غاااااااية اما في الطريق ابدا
هادا تحليلي و ارجو انكم تتفهمو عقليتنا هههه

ممم مالا كون ندري بيك قصيتي شعرك .. نقولك شحال سامطة التحفيفة هه :p :X3::X3:
انا نحفف منحب حتى واحد يقسيني ... حتى بصحتك مايقلهاليش يخطيني برك
ونتيةراك حابة تقولي مكيش من الثرثارات !! مم مليح باين من مشاركاتك هه متحكيش بزاف
العلامة 6\10 .. خمي مليح علاه ههه