محاجب حارين ومانقراوش

[لاريمان]

السلام عليكم ورحمة الله وبركاته
امسية ثلجية ابعثها لأحلى ناس باللمة
بعيدا عن المواضيع النقاشية حبيت نهدر على موضوع
حبيت نعرف رايكم فييه
هذا الاسبوع كان فيه المطر والثلج بعد حالة الجفاف والحمد لله ربي يزيدنا من نعيمو
احنا عندنا الثلج الملاحظ لما تكون الاجواء الماطرة والثلجية
وانت مار تلقى ريحة البركوكس او المحاجب كامل الديور
يعملوها وكانهم متفاهمين عليها لانو متطلبات البرودة تستدعي
وجبة تقيلة دسمة أكيد
احنا عندنا الثلج ولما يطيح تلقى الجميع يتفق
انو اليوم ماهوش تاع قراية وياربي يغلق الحالة باه مانقراوش:Love:
ونفس الشيء بالنسبة للخدامين راهم يتفقوا بأنواليوم ماهوش تاع خدمة
ونحبو نبقاو في البيت
اعرف أنو احنا ماعندناش الماتريال باه نحيو الثلج
ونوفرو الظروف باه تقدر تروح تقرا وتخدم
في البلدان الغربية كميات الثلوج تكون بالامتار
لكن حياتهم ماشية عادية
وبما اننا من ولايات مختلفة شرق وغرب جنوب وشمال
حبيت نعرف وشن هي الاكلة الي تعملوها لما تكون الثلوج او الامطار
وهل عقلية مانقراوش ومنخدموش كاينة
ولا انتوما عقلية قاورية تحبو تقراو وتخدمو في كل الظروف
والسلام



​

 

[السلطانة]

وعليكم السلام

الله يبارك ماشاءالله على نعمة الامطار والثلوج
دزاير شغل اوروبا
هايل الجو هذا صح ماشو تاع قراية ههه ولاتاع خدمة تاع زاورة ومخدة ومحاجب حارين سخونين
اليوم طيبت عدس
ربي يدومها
يعطيك الصحة

 

[فيتامين سي]

و عليكم السلام و رحمة الله
ثلج ثلج
شفته مرة في 2003 و مرة نضن العام لي فات بصح مشفتهش مليح كان نزل هذا شحال و بقا غير شويا كنت باغيا نصنع رجل الثلج و للاسف
كي كنت نقرا نهار الامطار منروحوش السبب طرقان يتبلعو و كان حدا الحي تاعنا رومبوا :X3: و فيه طريق تحته كل ما تصب الشتا طريق تحتانية تتعمر و سيارة تحصل تعشي اسعاف و انقاض بحكم طريق تحتانية تتغلق و الرومبوا هذاك من بين اسمط زوج في وهران يزيدو يتبلعو كي يتبلعو باش تتمرمدي و تتبهدلي و مع تالي اساتدة في الشك ادا يجو واش نديرو هههه باينة نديرو دودو
معندناش حاجة مخصصة للبرد كما جات تجي ..و معندناش الثلج تاني عندنا غير البرد يعني كوفيرتا و خلاص

 

[GI Joe]

beeeyna kamel nelgaw seba bach mana9rawech, w nkhaaf ntih 3andi fobi l hadik tayha ta3 sbah mnin bab dar mala manokhrejch direct
sna zaama dert rohi courageuse golt laazem na9ra dert 90 km w wellit prc trig maghlou9a
w l makla weech ngoulek haani skhaft 3la l mhadjeb:Love::Love: mama rahi djaybetha ghir 3dess w ragou batata

 

[حلم كبير]

السلام عليكم
موضوع جميل انا اقيم في فرنسا واليوم الثلوج والبرد عام
كي رحت ندي ولادي للمدرسة قالولي ما كانش التدفئة في المدرسة اذن مكانش مدرسة عند القور وتصرا ما يقراوش وتصرا ما عندهم تدفئة .
وتغدينا لوبيا ومطلوع كيما أي جزائري.
وتحيا الجزائر
حلم كبير

 

[الصحافية الساخرة]

هههههههه نخرج حتى فالثلج ونزيد نجري فيه ونضحك من لم يجري تحت الامطار والرعد لا يعرف كم هو امر رااائع حقاا ذلك الشعووور وخاصة كي ترجع وتلقى شربة سخووونة اممم تاكل وكل الديقوطاج عنك يرحل

 

[zohor kfz]

الخدمة و القراية كاين وكاين
اما عن الاكلة المتفق عليها هي البركوكس ههههه

 

[لاريمان]

بارك الله فيكم وفي مروركم
مشكورين على تواجدكم بالموضوع
تحية

 

[(منير)]

وعليكم السلام ورحمة الله وبركاته
عندنا فى المملكة المغربية الشريفة
وبضبط مدينة مراكش لايوجد فيها تساقطات ثلجية
لكن فى نو احيه هناك قرى يقصدها السياح الاجانب والمحليين من اجل التزحلق على جليد اوكيمدن.
واغلب سكان تلك القرى يستعملون اللحوم المشوية.
والخضروات .
هناك بعد النصايح فى التغذية
قد تفيد الجسم فى مقاومة الثلوج والشتاء
1- ألإكثار من شرب السوائل بأنواعها ولا سيما الماء والشاي الأخضر والبابونج والزهورات واستخدم العسل الطبيعي للتحلية.
2-الأكل اليومي للخضار الشتوية الملونة النيئة مثل الملفوف العادي والملفوف الأرجواني والبروكلي والقنبيط والبقدونس والبصل.
3- لا تنسى إضافة الثوم لسلطتك ولحسائك، وذلك للوقاية من نزلات البرد،أما عند إصابتك بأعراض نزلة بردية فما عليك إلا أن تبلع فص ثوم كل 4 ساعات مثل حبوب الدواء.
4-أكثر من البهارات في طعامك مثل القرفة والزنجبيل والكزبرة اليابسة والكركم.
5- عرض نفسك وبيتك يوميا للهواء النقي، وامشي ولو ربع ساعة
اثابكم البارى عن هذا الموضوع