فضفضة خاطر

[همس الوُرود]

السلام عليكم ورحمة الله وبركاته
وش أحوالكم أهل المنتدى الكرام !! إن شاء الله بخير

بالنسبة ليا راني جاية غير بش نحكيلكم وش فقلبي
هذا موضوع ممكن يصلح فمنتدى وش راك تهدر أكثر
لكن بما أني أعتبرها فضفضة نحب نكتبها هنا ..

جيت نحكيلكم على وش شفت وش فهمت وش قدرت نعرف
ونتوما قولولي كاين هذا الشي تشوفوه نتوما تاني ولا غير أنا!!

بعد ما نجحت فالباك والحمد لله كنت فرحانة بزاف و شحال منكم يعرفوا شحال كنت متأثرة بهذا الموضوع ..و شحال تعبت علاجال الباك

لما نجحت والحمد لله بزاف حكاولي وش فالجامعة
كنت نعرف بلي كاينة حاجة يسموها حقرة
وكاين وكاين مي ماظنيتش نشوفها بعينيا صح

خلوني برك نحكيلكم متحكمونيش ههه

الحمد لله أني نقرا فمدينتي بالذات معنتها نقرا ونخلص قرايتي
نرجع للدار أين الأمان والراحة والحمد لله

لكني شفت أساتذة ميستاهلوش هذا اللقب صراحة
كاين أساتذة الي ما شاء الله يستاهلو ندعولهم فظهر الغيب فالسجود عادي
ولكن كاين تاني أساتذة الي أنا شخصيا مانتحملش نسمع إسمهم برك
لأنهم ظالمين

كاين ناس فالدنيا هادي وحوش يعرفو قانون الغاب
يعرفو قانون القوي يأكل الضعيف
تلقاهم أساتذة يظلموا الإنسان الي حاكم فمبادئه و الي ماشي على نياتو
والي متربي وساكت

بصح الناس لخرين الي يعرفو غير كلمة نقطة يعفسوا على كرامتهم و يغيروا كل المبادئ تعهم هادوك الناس يديو 20 بيسك يحققوا مطالب الأساتذة ..أكيد يمسحولهم الصباط

قالولنا كي تشاركو نزيدولكم النقاط شاركنا وكنا توجور نجيبو الصحيح
قالونا كيماتفهموش سقسونا نجاوبوكم
وسقسيناهم وبأدب واحترام

قالونا أخدمو مليح فالأنتيرو وحنا نعاونوكم بنقاط المشاركة
وخدمنا

فالأخير الي سمعنا بالنقطة تاعو 2 و 0. في علامة التيدي كامل داو 15 و 17
وحنا الي خدمنا وجبنا علامات ملاح وشاركنا وكلش لقينا روحنا ف 11 و 12

كاين الي جامي سمعنا حسهم بيسك ساكتين ومايشاركوش داو 2 وفالأخير علامتهم كانت الأكبر و بحجة الأساتذة أنهم عاقلين

وعلاش حنا مشي عاقلين ؟؟ كش مادرنا؟؟ نشاركو بإحترام و هدوء
ونخدمو خير عليهم
ماعليش


بعدها عرفت حاجة .. هادوك يسكتو فالكلاصة ويفريو أمورهم بمسح الصباط والعفس على الكرامة..

بصح بش نهدر حاجة ..نوكل عليهم ربي

وننصحكم يا ناس
مبادئكم جامي تغيروها علاجال حاجة فانية وحاجة تعصيو بيها ربي

كونو قاويين و نجحوا فالإمتحان تع الآخرة
خير من إمتحان الدنيا

البنة تع كل نجاح لما تكون خادموا بعرق جبينك و بقدراتك أنت
و مع رضى الله

أما اللف والدوران مايديك مايجيبك مايزيد منك والو بصح ينقص منك شخصيتك

زعما قاويين؟

لالااا أبدا ماتكونوا قاويين وأنتم تعصوا في ربي

وتفكروا مليح بلي دعوة المظلوم مستجابة

فالوقت الي الأستاذ راقد أو التلميذ أو التلميذة راقدين
المظلوم الي ديتولو حقو راهو يبكي ويوكل عليكم ربي

ماتنساوش بلي ربي مايخيبش عباده
ودعوة المظلوم مستجابة

باتري فابل
و لازم نرقد

و تحياتي إليكم

في رعاية الله ​

 

[الامين محمد]

تم الاعتماد
هاذط الموضوع بالذات عندي ما نمنشر فيه
في المساء نرجع باذن الله
حجز مكان فقط ههههههههه

 

[zohor kfz]

يا بنتي احمدي ربي راهم يمدولكم نقطتكم هي تاع الاختبارات حنا كنا تحطي قلبك و عقلكي و ادا كان معاكي ربي تدي 5 و تحسي راكي درتي انجاز عظييييييييييم و 0 نورمال في الجامعة و تشتكي و لا متشتكيش كيف كيف صحاب الكتاف و الشيتة يدوها كونطرا عليك ...
و لكن تخرجنا و الحمد لله و راسنا مرفوع ... منبقاش كي نشوف فلان نحني راسي و لا كينكبر و ندير وليدات نبقى حشمانة و لا خيفة يتلاقاو بواحد يكون يعرفني من قبل
و الله ربي ما يخيب لي يتعب و يجي نهار لي تدي نتيجة التعب تاعكي
و ربي يعينكم

 

[همس الوُرود]

تم الاعتماد
هاذط الموضوع بالذات عندي ما نمنشر فيه
في المساء نرجع باذن الله
حجز مكان فقط ههههههههه

شكرا على الإعتماد
أووك رانا نستناو بإذن الله ~
ههه مرحبا
شكرا على الحجز​

 

[همس الوُرود]

يا بنتي احمدي ربي راهم يمدولكم نقطتكم هي تاع الاختبارات حنا كنا تحطي قلبك و عقلكي و ادا كان معاكي ربي تدي 5 و تحسي راكي درتي انجاز عظييييييييييم و 0 نورمال في الجامعة و تشتكي و لا متشتكيش كيف كيف صحاب الكتاف و الشيتة يدوها كونطرا عليك ...
و لكن تخرجنا و الحمد لله و راسنا مرفوع ... منبقاش كي نشوف فلان نحني راسي و لا كينكبر و ندير وليدات نبقى حشمانة و لا خيفة يتلاقاو بواحد يكون يعرفني من قبل
و الله ربي ما يخيب لي يتعب و يجي نهار لي تدي نتيجة التعب تاعكي
و ربي يعينكم

السلام عليكم أختي~

الله يهديهم يا رب ~ والله هذا ظلم كبير
مي هاديك هي المهم الإنسان يديها بذراعو
الله يهديهم و يغفرلهم يا رب

آمييين

شكرا أختي زهور بارك الله فيك على مرورك العطر​

 

[السلطانة]

وعليكم السلام ورحمة الله وبركاته
وكلي ربي وبرك
في الجامعة معندك متديري
موالين الكتاف يديو نقاط بلاتعب وانتي تتعبي ومتتديش حقك
حسبي الله ونعم الوكيل حريقة الجامعة متتنساش
ديجا فكرتيني هههههههههه
مرة جبت 14/13 في موديل
نقطة التيدي عطاتني البروف 10 !!!
واش بكيت وندبت على زهري لمعوج وكيما قلتي نحضر للكور والتيدي ونخدم
والجماعة لي لاعلاقة عطاتهم في التيدي 15 بقات تحرق في قلبي ليومنا هذا ههه
ولاواحد الطفل كان ميحضرش خلاص ويغيب في التيدي
مع اللخر يخرج عامو ونقطة التيدي متهبطش من 14 ههههههههههههههه
واخترها نجح بمعدل 12
العجب كل لي مشفتيهش تشوفيه في الجامعة
معليهش حبيبتي انتي اقراي حتى ولو تظلمتي الحمد لله انك صافية بين مولاك وعمرك تهبطي من قيمتك ووجوه الشر لي يديو نقاط خاطيتهم يحاسبهم ربي
من هنا تبداي بالحلال في حياتك من هنا متنقليش متديش حاجة خاطيتك
وتكون حياتك بربي ان شاءالله مبنية على اساس صحيح اما لي ينقل ويدير ويدير او من اللول بعد بانيها على الغدر
مام يخدم دراهمو راح يكونو حرام لانو قرايتو حرام
تقبلي مروري

 

[فيتامين سي]

نخلي @ام راس يابس تجي تحكيلكم انا الجامعة مدخلتها موصلتلها مشفتها

 

[فيتامين سي]

حاجة لي نقولها ربي معاك
اختي كي تحكيلي نحير اولا قلة الادب من الاساتدة و حتى كاين اساتدة يكرهو ااصحابة و يسبو الدين تحكيلي على العجب المعجب ..خليهم بينهم بين ربي و نتوما ربي ينجحكم ..اخلاقكم مبادئكم عمركم تتخلاو عليها ..

 

[حلم كبير]

السلام عليكم
الجامعه أاااااااه من الجماعة واش فيها
اساتذة حافضين وجايين يلقيو
اساتذة معقدين جايين ينحيو عقدهم في الطلبة
اساتذة متربيين وعاقلين ما قدروش على الطلبة ولاد فلان وفلان وتقلبو ولاو كيما اخرين (الا من رحم ربك)
استاذات مليانين بالمشاكل العاطفية وما يفرقوش بين الحياة العملية والشخصية(ضعف بعد النظر)
اساتذة الضميرفيهم صاحي وهذي قلة
فييييبببها ثاني ....
طلبة مجتهدين دخلو يقراو قلب ورب وتصدمو بالواقع وولاو صعاليك الجماعة
طلبة مجتهدين كملو الاجتهاد حتى مع الصعاب
طلبة طلعو بالدز وبقاو يدزو ومعتمدين على التنقال
طلبة ولاد فلان وفلان راقدة وتمونجي لا علاقة وما تتقلقش كي يتخرج يلقالو ابوه الخدمة.

اختي حافضي على مبادئك ولا تعتمدي فقط على الاساتذة طالعي الكتب المختلفة طوري نفسك في مجال دراستك.
وحاولي أن لا تركزي مع الظواهر المختلفة في الجامعة بل ركزي على نفسك واتخذي صديقات يشبهنك تدرسين معهم
يعطيك الصحه على الموضوع ذكرني بأيام خلت
حلم كبير

 

[الصحافية الساخرة]

ايييييييييييييييييييييييييييييييييه موضوعك بلاصتو هنا .. بسباب اساتذة هكا خليت الجامعة , جامي نشيت لاستاذ بسسب نقطة , لي يشيتولهم 20 فالورقة ولي عمها استاذ متخافش تدي نقطتك وانتيا تحلي مكان الصفر واللي متعجبوش يدورها وراك والى طلعت بمعدل 11 للجامعة ما رايحاش تلقاي قيمتك خاطر ادب عربي وعلم الاجتماع هذو ميجيبولكش قيمة فقط لي يقراو طب وفارماسي هوما الصح شغل ؤيقولولك معندكش مستقبل راكم زيروا ربي وكيلهم ضعفونا

 

[آمِيْرَتُه]

السلام عليك
كامل تقريبا عانينا مع ها المشكل
فكرتيني كنت من الطالبات لي تحضر و تقرا مرة جابونا استاذة جديدة غير صغيرة داصرت وحد الجماعة ولات حبيبتهم والله ميقروا غير نتاع غش و كيتمان عطاتهم 17 في الامتحان و انا عطاتني 16 غاضتني نتاع الصح ووكلت عليها ربي لأن هذيك خدمتي و هما الغش داير حالة و تعرف بلي راهم ينقلو و خلاتهم
خطرة غيبت باسكو كنت نخدم مالا قاتلي راح نديرلك اقصاء راكي غيبتي بزاف قتلها عنديا ورقة بلي نخدم في سلك التعليم قاتلي منسمعش بيك دبري راسك قتلها اوكي قصيني خرجت و رحت لرئيس القسم حكيتله وهذا الأستاذ كنت نقرا عنده من قبل و يعرفني بلي نقرا و مواظبة جاها و خرجها من القاعة قالها هذيك طالبة معروفة مالا كلمة اقصاء قلعيها من راسك تأمنيني من داك نهار عوض باه أنا نقولها صباح الخير هي تقولهالي هذاك ميبغو لي يخرج فيهم
وكاين جماعة راكي تعرفيهم كيفاش يتحصلو على النقاط
المهم أنت اقري و تخرجي متنسيش في بلادنا لي يجيب 18 و لا 11 كيف كيف
ربي يوفقك

 

[aljentel]

السلام عليكم ورحمة الله وبركاته
وش أحوالكم أهل المنتدى الكرام !! إن شاء الله بخير

بالنسبة ليا راني جاية غير بش نحكيلكم وش فقلبي
هذا موضوع ممكن يصلح فمنتدى وش راك تهدر أكثر
لكن بما أني أعتبرها فضفضة نحب نكتبها هنا ..

جيت نحكيلكم على وش شفت وش فهمت وش قدرت نعرف
ونتوما قولولي كاين هذا الشي تشوفوه نتوما تاني ولا غير أنا!!

بعد ما نجحت فالباك والحمد لله كنت فرحانة بزاف و شحال منكم يعرفوا شحال كنت متأثرة بهذا الموضوع ..و شحال تعبت علاجال الباك

لما نجحت والحمد لله بزاف حكاولي وش فالجامعة
كنت نعرف بلي كاينة حاجة يسموها حقرة
وكاين وكاين مي ماظنيتش نشوفها بعينيا صح

خلوني برك نحكيلكم متحكمونيش ههه

الحمد لله أني نقرا فمدينتي بالذات معنتها نقرا ونخلص قرايتي
نرجع للدار أين الأمان والراحة والحمد لله

لكني شفت أساتذة ميستاهلوش هذا اللقب صراحة
كاين أساتذة الي ما شاء الله يستاهلو ندعولهم فظهر الغيب فالسجود عادي
ولكن كاين تاني أساتذة الي أنا شخصيا مانتحملش نسمع إسمهم برك
لأنهم ظالمين

كاين ناس فالدنيا هادي وحوش يعرفو قانون الغاب
يعرفو قانون القوي يأكل الضعيف
تلقاهم أساتذة يظلموا الإنسان الي حاكم فمبادئه و الي ماشي على نياتو
والي متربي وساكت

بصح الناس لخرين الي يعرفو غير كلمة نقطة يعفسوا على كرامتهم و يغيروا كل المبادئ تعهم هادوك الناس يديو 20 بيسك يحققوا مطالب الأساتذة ..أكيد يمسحولهم الصباط

قالولنا كي تشاركو نزيدولكم النقاط شاركنا وكنا توجور نجيبو الصحيح
قالونا كيماتفهموش سقسونا نجاوبوكم
وسقسيناهم وبأدب واحترام

قالونا أخدمو مليح فالأنتيرو وحنا نعاونوكم بنقاط المشاركة
وخدمنا

فالأخير الي سمعنا بالنقطة تاعو 2 و 0. في علامة التيدي كامل داو 15 و 17
وحنا الي خدمنا وجبنا علامات ملاح وشاركنا وكلش لقينا روحنا ف 11 و 12

كاين الي جامي سمعنا حسهم بيسك ساكتين ومايشاركوش داو 2 وفالأخير علامتهم كانت الأكبر و بحجة الأساتذة أنهم عاقلين

وعلاش حنا مشي عاقلين ؟؟ كش مادرنا؟؟ نشاركو بإحترام و هدوء
ونخدمو خير عليهم
ماعليش


بعدها عرفت حاجة .. هادوك يسكتو فالكلاصة ويفريو أمورهم بمسح الصباط والعفس على الكرامة..

بصح بش نهدر حاجة ..نوكل عليهم ربي

وننصحكم يا ناس
مبادئكم جامي تغيروها علاجال حاجة فانية وحاجة تعصيو بيها ربي

كونو قاويين و نجحوا فالإمتحان تع الآخرة
خير من إمتحان الدنيا

البنة تع كل نجاح لما تكون خادموا بعرق جبينك و بقدراتك أنت
و مع رضى الله

أما اللف والدوران مايديك مايجيبك مايزيد منك والو بصح ينقص منك شخصيتك

زعما قاويين؟

لالااا أبدا ماتكونوا قاويين وأنتم تعصوا في ربي

وتفكروا مليح بلي دعوة المظلوم مستجابة

فالوقت الي الأستاذ راقد أو التلميذ أو التلميذة راقدين
المظلوم الي ديتولو حقو راهو يبكي ويوكل عليكم ربي

ماتنساوش بلي ربي مايخيبش عباده
ودعوة المظلوم مستجابة

باتري فابل
و لازم نرقد

و تحياتي إليكم

في رعاية الله ​

لو صغرتي الخط اصغر من هذا الخط العريض يكون احسن ههههه

 

[همس الوُرود]

السلام عليكم

أعتذر بشدة ~ والله لازلت مع الإمتحانات

بقينا مدة طويييلة معهم لوجود عوائق كثيرة في طريقنا يتم توقيف الإختبارات لمدة ثم نعود ثم يحدث عائق فتتوقف الإختبارات

ولا زلنا معهم ~

آسفة على عدم الرد عليكم ​

 

[العَنْقَاءُ]

وكيلهم ربي
الدنيا والله دوارة
وتخرج فيهم طول وعرض
هداهم الله
بعض الاساتذة كي شوفوا بنت أصل وأصل
يحاولون إفسادها وتذليلها
خلي راسك عالي أختي
فمعدنك غالي
​