واش صاري هنا...؟

[الصحافية الساخرة]

السلام عليكم ..

وااش وقيلا هجرتوا المنتدى هذا بينوا ارواحكم

اوااااه منقدرش نكتب وانتوما راقدين , الهدرة باطل مفهومة هذيوالكتيبة؟ اه الكتابة باليدين وتعيي سيرتوا مع كلافيي الحروف تاعه

متبانش وساعات يتخلخل ويكتب كلمات ماشي لي تكتب فيها

ماشي مفهوم واش صاري فبلادنا تقدر تقول يحير ويعيي مكانش كيفاه تهدر هنا..

القراية وكيفاه دايرة هنا؟

لي يقرى فالمدرسة العليا "ادب عربي" يخرج استاذ بقيمته وبلاصة الاولى ليه (بصحته) ويقابله طالب جامعي يقرى نفس التخصص يخرج

بالقائمة الاخيرة زيد اجري (ربي يعين)

معلييييش.. هذاك الاول طلع بمعدل بكالوريا 14 ولاخر ب11 واش الفرق ؟ ياك يقراو نفس التخصص وكملوا دراستهم وتخرجوا بمعدل

نفسه فلخر ولكن الاخر ميصحلوا والو قدام لي قرا فالمدرسة العليا واااو تخرج اساتذة والجامعات تخرج معلابليش واش


نروحوا لحاجة خلاف .. هنا يشوفوا فاللي يقرى طب ولا فارماسي حاجة كبيرة واللي يقرى علم الاجتماع وبيولوجي يشوفوه والوا

شغل غير يضيع وقتوا .. علالاش؟

خاطر الخدمة للطبيب وي واللي يقرا علم الاجتماع يتخصص علوم الاتصال ولا علم النفس مكان والو ريح تجري ..

معندناش القيمة لاننا ندرس بالجامعات تخصصات بمعدل بكالوريا 11 ..

اللي يقراو صح غير صحاب الطب والمدارس العليا..

يقولولك : ديت معدل الباك ب 11 ولا 12 معندكش قيمة , معندك ما تقرى, معندكش مستقبل.. ووووووو

فالجامعات الجزائرية تدي الباك ب11 تقرى تخصصات يحتقرونك فيها الاساتذة ويقارنوك بلا شيء انت (تبانلهم زيرو وراسك فارغ)

حبيت نفهم الجامعات واش تخرج مثلا ؟ وعلاه نقراو تخصص ما يجيبلك حتى قيمة ولا فايدة؟

وعلاه يخلوك تذخل الجامعة بمعدلات 10 و 11 و 12 باش تقرى تخصصات لا اهمية لهم مثلا وما تجيبلك حتى قيمة ؟

ونذخل للجامعة تضحك عليا وكي نخرج يذلوني ويرموا شهادتي الجامعية فجانب "لا مكان لك"..

قولوا هكذا الاول نبدل وجهتي فالدار ونقرى للي يجي فيدي ونحلم بلا قراية وبلا جامعة وبلا شهادة ولا مثلا اديسوون وانشتاين قراو

فالجامعة

علاه كي نحب نحلم بلا شهادة منقدرش سي نقدر وقدراتنا وذكائنا نكتشفوه وحدنا ماشي فالجامعة , ونقدر وا نديروا كتر على طبيب ونجيبوا

حاجة ما يجيبهاش واحد متخرج من اكبر الجامعات.. ربي كبير .

 

[آمِيْرَتُه]

السلام عليك
كون نجو نفهمو نلقو لي يقرا فالجامعة مستواه أحسن من الطالب لي يقرا فالمدرسة العليا قروا معايا كارثة
هه حالة بلادنا

 

[aljentel]

الوطن يحتاج كل التخصصات ولكل تخصص قيمته التعليميه والمعنويه ...
ماشاء الله عليك يا صحفيه أنت وورده فواحه مواضيعكم في كل الابواب
نهنيكم على هذا النشاط حقا تستحقوا التكريم .... نمسك الخشب ..

 

[الصحافية الساخرة]

السلام عليك
كون نجو نفهمو نلقو لي يقرا فالجامعة مستواه أحسن من الطالب لي يقرا فالمدرسة العليا قروا معايا كارثة
هه حالة بلادنا

هههه تما تعرف بلادنا تمشي على يد عباد مافي راسهم والو
شكرا لمرورك العذب..

 

[الصحافية الساخرة]

الوطن يحتاج كل التخصصات ولكل تخصص قيمته التعليميه والمعنويه ...
ماشاء الله عليك يا صحفيه أنت وورده فواحه مواضيعكم في كل الابواب
نهنيكم على هذا النشاط حقا تستحقوا التكريم .... نمسك الخشب ..

شكرا لك لكنها لا تلقى تفاعلا بارك الله فيك مرورك يهمني

 

[aljentel]

شكرا لك لكنها لا تلقى تفاعلا بارك الله فيك مرورك يهمني

بلى الكل يتفاعل معها والكل يستفيد مما يطرح ...
ولا يقاس التفاعل بالردود بل يقاس بالمشاهده والاطلاع

جمعه مباركه يا طيبه ...

 

[الصحافية الساخرة]

بلى الكل يتفاعل معها والكل يستفيد مما يطرح ...
ولا يقاس التفاعل بالردود بل يقاس بالمشاهده والاطلاع

جمعه مباركه يا طيبه ...

كلامك صحيح شكرا لك يا اخي

 

[Salah eddin]

السلام عليكم...موضوع شيق...هه...الله غالب ..هذا القماش ...ندو و لا نخلو....لي عودة ان شاء الله للتفصيل...

 

[الصحافية الساخرة]

السلام عليكم...موضوع شيق...هه...الله غالب ..هذا القماش ...ندو و لا نخلو....لي عودة ان شاء الله للتفصيل...

وعليكم السلام , هذا القماش ما يصلحش للفصالة دوك , ان شاء الله ننتظر ردك اخي

 

[ضآحكة مستبشرة]

السلام عليكم غاليتي
هذا هو الواقع المعاش للاسـف ما عسانا نفعل
و الله يا اختي غير كلامك صواب
حبيت نقولك حاجة عندي احدى قريباتي قرات علوم مادة تلاقات مع صاحبتها طبيبة وراتلها واش راهم يقراو تخلعت
قاتلها احنا اطباء و مراناش نقراو كيما انتوما اومبليس تتعمقوا و سوجياتكم اصعب من سوجياتنا
ايه يا اختي هي طبيبة و اعترفت بلي قراية الجامعة احسن من قرايتهم
مكـآش عدل خاطرش لوكان كاين عدل راهم داروا تسوية بين الجامعة و غيرها كيما المدرسة العليا و جامعات الطب و الصيدلة
علاش يديروا تخصصات في الجامعة معندهم شا رح يستفادو منهم امالا
ياووووووووووووووووو البلاد راحت ختيتو راحت ربي يجيب الخير
و الله معرفت نحكي
اسمحيلي ​

 

[الصحافية الساخرة]

السلام عليكم غاليتي
هذا هو الواقع المعاش للاسـف ما عسانا نفعل
و الله يا اختي غير كلامك صواب
حبيت نقولك حاجة عندي احدى قريباتي قرات علوم مادة تلاقات مع صاحبتها طبيبة وراتلها واش راهم يقراو تخلعت
قاتلها احنا اطباء و مراناش نقراو كيما انتوما اومبليس تتعمقوا و سوجياتكم اصعب من سوجياتنا
ايه يا اختي هي طبيبة و اعترفت بلي قراية الجامعة احسن من قرايتهم
مكـآش عدل خاطرش لوكان كاين عدل راهم داروا تسوية بين الجامعة و غيرها كيما المدرسة العليا و جامعات الطب و الصيدلة
علاش يديروا تخصصات في الجامعة معندهم شا رح يستفادو منهم امالا
ياووووووووووووووووو البلاد راحت ختيتو راحت ربي يجيب الخير
و الله معرفت نحكي
اسمحيلي ​

وعليكم السلام يا غالية

شفتي كيفاه تتلفلك الهدرة , ربي يجيب الخير وراكي هدرتي فيها بركة وربي ينجحك ختي

 

[Hakan]

يعني بما انو نحكيو في موضوع جامعات يعني صراحة يااخي ولا اتهم اي احد مي فريمون
السيريو في التخصصات نتاع الطب والصيدلة لا يقارن بالسيريو نتاع طلبة البيلوجيا وغيرها من التخصصات
يعني تحب نقارنو واحد يقرى حصة واحدة في الاسبوع او حصتين مع واحد
يقرى كل الايام
وانا واحد من الناس والله تخيل نقراو من الاحد للخميس بدون انقطاع
تروح للتخصصات لخرين وكأقرب مثال وليد عمي يقرى حقوق
فاتح حانوت ربي يبارك وهذي حاجة حرمت منها بسبب شيء واحد وهو انو عندو حصة في الاسبوع
ويطلع عامو رايح
ناس التخخصات نتاع المدارس ما ننكروش انو القيمة نتاعهم ماهيش قيمة نتاع واحد متخرجلي بحصة في السمانة يعني لا مجال
للمقارنة وهنا ما نتهموش الطالب بقدر ما نتهمو القائمين على الجامعات
نورمالمون مكانش حاجة اسمها مدارس عليا او معاهد لانو صراحة زيادة نتاع خسائر مادية برك
لانو لوكان جاو عاطيين قيمة للجامعة ومزييرنها مليح ما نحتاجوش انو تكون هذي التفرقة
والطالب المبدع هو اللي عندو الحق في العمل ماشي طالب راقد سلام.​

 

[زاد الرحيل]

اعجبني موضوعك جدا اللي يتطرق الى مشكل الجامعيين المتخرجين اللي مايلقاوش خدمة ، و يندموا علاه قراو ، انا نقول راهم غالطين يعني اذا ماخدموش اليوم راح يخدموا غدوا ، و قيمة العلم في حد ذاته و الشهادة الجامعية اغلى بكثير من العمل لانو تقدري تخدمي اي شيء حتى خارج شهادتك . لاننا نحبوا دائما نتبعوا النظام القديم "جامعي يروح يقري "
من غير المعقول انو مثلا عندنا الف طالب كلهم يقولوا لازم نكونوا اساتذة،يعني كل تلميذ نحطوا له استاذ.
واحد المرة تفرجت حلقة على مهندسة مصرية مالقاتش خدمة ، لكنها ماستسلمتش و قعدت تبكي علاه قرات ، و فكرت بطريقة عصرية و دارت تكوين في مجال صناعة الذهب ، و اليوم عندها اكبر محلات مجوهرات في مصر و اصبحت من سيدات الاعمال بدل من انها تكون موظفة بسيطة تستنى الشهرية في نهاية الشهر.
اختي الغالية انا نقول لك هذا الكلام ماشي باش ننقدك نقد سلبي انما باش نرفع معنوياتك و تغيري تفكيرك من السلبي الى الايجابي باش تكوني مثل هذه المهندسة و تفتخري بشهادتك
تصبحي على خير
انا نشتي الرقاد و الرقاد يشتيني

 

[الصحافية الساخرة]

يعني بما انو نحكيو في موضوع جامعات يعني صراحة يااخي ولا اتهم اي احد مي فريمون
السيريو في التخصصات نتاع الطب والصيدلة لا يقارن بالسيريو نتاع طلبة البيلوجيا وغيرها من التخصصات
يعني تحب نقارنو واحد يقرى حصة واحدة في الاسبوع او حصتين مع واحد
يقرى كل الايام
وانا واحد من الناس والله تخيل نقراو من الاحد للخميس بدون انقطاع
تروح للتخصصات لخرين وكأقرب مثال وليد عمي يقرى حقوق
فاتح حانوت ربي يبارك وهذي حاجة حرمت منها بسبب شيء واحد وهو انو عندو حصة في الاسبوع
ويطلع عامو رايح
ناس التخخصات نتاع المدارس ما ننكروش انو القيمة نتاعهم ماهيش قيمة نتاع واحد متخرجلي بحصة في السمانة يعني لا مجال
للمقارنة وهنا ما نتهموش الطالب بقدر ما نتهمو القائمين على الجامعات
نورمالمون مكانش حاجة اسمها مدارس عليا او معاهد لانو صراحة زيادة نتاع خسائر مادية برك
لانو لوكان جاو عاطيين قيمة للجامعة ومزييرنها مليح ما نحتاجوش انو تكون هذي التفرقة
والطالب المبدع هو اللي عندو الحق في العمل ماشي طالب راقد سلام.​

السلام عليك اذكرك ثانية انني اخت وليس باخ
لا يا اخي مثلا في الادب العربي ندرس كثيرا وهو تخصص يجبرك على الممطالعة وذخول كل المحاضرات , فل تطلع على تخصص علوم المادة والبيولوجيا والرياضيات والهندسة تقرى وبزاف وصعاب فيهم السهرة , متشوفليش للحقوق اصلا راهم قاعدين بلا خدمة , كي نقرى انا ادب عربي فالجامعة ونماجوري ومن بعد يجي واحد من المدرسة العليا ب 13 فادب يذخل يقري طوووول

واش الفرق بينو وبين جامعي هنا ولاو يقولونا اقراو بالمدارس العليا او اقراو طب واش نحب نقرى بجامعتي قريبة ليا خير ونتخصص ادب عربي ونتخرج جيد واش تقولي قريت غير 3 ايام فالاسبوع والايام الاخرين واش تحسب نقعدو لالا روح زير روحك واقتل روحك وانت تقرى وتحوس على الزيادة اللي ميقدموهاش اساتذة

طب يقراو 5 ايام سونزاري وي بصح كلشي يشرحوه للطالب وحنا تاع بيولوجي وادب عربي نقراو تان 5 ايام ويقدملك استاذ ربع الشرح
شكرا لمرورك اخي تحياتي

 

[الصحافية الساخرة]

اعجبني موضوعك جدا اللي يتطرق الى مشكل الجامعيين المتخرجين اللي مايلقاوش خدمة ، و يندموا علاه قراو ، انا نقول راهم غالطين يعني اذا ماخدموش اليوم راح يخدموا غدوا ، و قيمة العلم في حد ذاته و الشهادة الجامعية اغلى بكثير من العمل لانو تقدري تخدمي اي شيء حتى خارج شهادتك . لاننا نحبوا دائما نتبعوا النظام القديم "جامعي يروح يقري "
من غير المعقول انو مثلا عندنا الف طالب كلهم يقولوا لازم نكونوا اساتذة،يعني كل تلميذ نحطوا له استاذ.
واحد المرة تفرجت حلقة على مهندسة مصرية مالقاتش خدمة ، لكنها ماستسلمتش و قعدت تبكي علاه قرات ، و فكرت بطريقة عصرية و دارت تكوين في مجال صناعة الذهب ، و اليوم عندها اكبر محلات مجوهرات في مصر و اصبحت من سيدات الاعمال بدل من انها تكون موظفة بسيطة تستنى الشهرية في نهاية الشهر.
اختي الغالية انا نقول لك هذا الكلام ماشي باش ننقدك نقد سلبي انما باش نرفع معنوياتك و تغيري تفكيرك من السلبي الى الايجابي باش تكوني مثل هذه المهندسة و تفتخري بشهادتك
تصبحي على خير
انا نشتي الرقاد و الرقاد يشتيني

ههههههههه ارقدي انا الرقاد بعدني خلاص
يا ختي صح كلامك بصح لكان عايشين فمجتمع هكذا متستني والو
عن نفسي ساخبرك عني شيئا حاولت نقرى تصميم ازياء وحاجات تان نهتم بيهم لكن لازم نخرج خارج الولايةيا اختي االاهل يمنعوني لم؟ يقولولك مكملتيش االلقراية معندك وين تروحي
وين تبوجي فبلاصةوحدة واش تشوفي وواش تتعلمي
والحمد لله على كل حال
شكرا لمرورك الرائع اختي الغالية احب صراحتك

 

[Hakan]

ههه ياي الصورة الشخصية نتاعك تتخلطلي مع وحد العضو
آسف آسف اختي ههه
راني رجعت ما نضويش طول​

 

[الصحافية الساخرة]

ههه ياي الصورة الشخصية نتاعك تتخلطلي مع وحد العضو
آسف آسف اختي ههه
راني رجعت ما نضويش طول​

ههههههههههههههه ياااااا تسما هنا الصورة الشخصية تتخلط مع وحد العضو
وبرا وجهي يتخلطلهم مع وحدة هههههههخخخخههه
لا عليك ضوي راك درتلنا الظلمة ههه
تحياااتي

 

[زاد الرحيل]

ههههههههه ارقدي انا الرقاد بعدني خلاص
يا ختي صح كلامك بصح لكان عايشين فمجتمع هكذا متستني والو
عن نفسي ساخبرك عني شيئا حاولت نقرى تصميم ازياء وحاجات تان نهتم بيهم لكن لازم نخرج خارج الولايةيا اختي االاهل يمنعوني لم؟ يقولولك مكملتيش االلقراية معندك وين تروحي
وين تبوجي فبلاصةوحدة واش تشوفي وواش تتعلمي
والحمد لله على كل حال
شكرا لمرورك الرائع اختي الغالية احب صراحتك

شكرا غاليتي على ردك الجميل.
اولا لازم تتصالحي مع الرقاد ، و تعَيطِيلوا و لا راح يبعد اكثر

 

[زاد الرحيل]

اما بخصوص هوايتك فلا تتركيها و تحداي العواقب ، اذا ماخرجتيش اليوم راح تخرجي غدوا و اهلك لما يشوفوك ناجحة في اختيارك و متفوقة اكيد راح يتراجعوا و يساعدوك . اذا استسلمتي من البداية راح تبقاي طول حياتك مستسلمة ، انا نشوف من شخصيتك انك طموحة فماتدفنيش طموحاتك . غدوا ان شاء الله يتغير كل شيء في صالحك.
بالتوفيق
اعتذر عن التقطع في الرد ، تيليفوني يكتب وحده
تحياتي

 

[الصحافية الساخرة]

شكرا غاليتي على ردك الجميل.
اولا لازم تتصالحي مع الرقاد ، و تعَيطِيلوا و لا راح يبعد اكثر

العفو..
كي نفليكسي نعيطلوا هو هو الاول هههه

صحيت ختيتوتو