خمم مليح

[الصحافية الساخرة]

السلام عليكم , كيف حالكم جميعا؟ أتمنى أن تكونوا بخير وصحة جيدة ​

فل تجتمعوا هنا قليلا أراكم مشغولون بالرياضة والأخبار والصحة والجمال ​

كاش جديد ؟​

والوا علابلي (نهار يولي عند رايس يبان على التلفزيون الجزائري يرجع "عصر: كل يوم الجديد..." )​

يا بلادي علامك شكون رفعوه .. زعما يكونوا هذوا لي حاكمين اليوم ...​

ولا هذوا لي ولات اساميهم تلمع مع المشاهير...
​

الجزائر بين البارح و اليوم .. فرق واليوم الزوالي من كل شي محروم

فيك اللي تحمل الحال هذا وعايش كيما كتب ربي ورضى

و

فيك اللي عايش مغبون الحال هذا مخرجش عليه ويوكل ربي في كل مرة يلقى روحوا محقور

و

فيك اللي خلى نفسوا تضيع بين الرقاد والسهرات وتبع الفساد وشاف بلي هذي هي طريقوا خلالالاص

و

فيك اللي معرفش يصبر و الفرصة الاولى في حياتوا كانت يقتل روحوا ويتهنى من الدنيا

و

فيك اللي عرف للصبر سنين وجا نهار اللي معرفش يصبر واول فرصة خير يخلي بلادوا "حراق"



قالك: محقورين وماخلاوناش نعيشوا فبلادنا لا خدمة لا سكنة كلشي ليهم عمروا الشكاير وحنا الشعب جوع

اعفس ما عندنا حتى حق فالبلاد ذيا"

​

قالك: "بلاد الناس ارحم من بلادنا.."

قالك: "ديرولنا فيزا خلونا نروحوا منا ونخلوهالكم و ااي ليييكم"

قالك:" ياكلني الحوت ومنعيش هكذا هنا, شبعنا هذي البلاد.."


أنت مسؤول واش خدمتك تسرق وتعس الدولار والدينار طلع هبط ؟ وشعبك محروووم , شحال من ميساج مكتوب ومسموع ما يوصلش

حتى لمسؤول صغير , شوفوا لهذا الشعب شوية ..

وأنا نكتب وقلبي يوجعني و بزااااف وعلابلي ما يوصلش كلامي لحتى مسؤول ما يهمش خاطر المهم يوصلك أنت الى راك كاره بلادك

ومخمم تكون من الحراقين ولا المنتحرين , يا ما قااااالوا قبلك كرهنا وفرجت عليهم بفيزا وراحوا يخدموا ورجعوا للبلاد لاباس

مسمحوش فبلادهم ومبكاوش للميمة .. وكاين لي فرجت عليه في بلادوا وراهوا لباس .. عيش تضحك وكل ربي الى ظلموك

وكي تنهي حياتك هنا وتعلق روحك فحبيلة ومن سامع بيك , راك منسي وانت حي و كي تموت تتنسى غير يماك لي تبقى تتفكر

وتبكي عليك

خمم مليح أنت و أنتيا واش رايحين ندوا معانا الخدمة ولا السكنة ولا الدراهم ولا الدنيا وااااااالو اعمالنا واللي راح لقبروا ومدارش

مليح فحياتوا واش تفيدوا الدنيا اللي بكا عليها وخنق روحوا على جالها وهجر لبلاد خلاف باش يعيش ؟

خمم مليح.. ​

 

[حلم كبير]

السلام عليكم
الحياة ساعة املأها بالطاعة والنفس طماعة علمها القناعه
موضوع قيم يستاهل التشجيع والتصفيق
سلمت تلافيف مخك اختي التي دائما تحضر ما هو جديد وتثير مواضيع حساسة.
حلم كبير

 

[محفوظ البسكري]

بارك الله فيك على هذا لموضوع

 

[الصحافية الساخرة]

السلام عليكم
الحياة ساعة املأها بالطاعة والنفس طماعة علمها القناعه
موضوع قيم يستاهل التشجيع والتصفيق
سلمت تلافيف مخك اختي التي دائما تحضر ما هو جديد وتثير مواضيع حساسة.
حلم كبير

وعليكم السلام ,
شكرا لك اخي وجزاك الله كل خير..

 

[الصحافية الساخرة]

بارك الله فيك على هذا لموضوع

وفيك بارك الله
شكرا لمرورك اخي

 

[السلطانة]

وعليكم السلام البلاد لي استشهدوا عليها الرجال
هاذا واش صرالها حسبنا الله ونعم الوكيل في كل مسؤول كان سبب في حرقة شباب اذي البلاد
ورغم كل شي ء رانا عايشين والشدة في ربي ماشي في العبد
بارك الله فيك اختي

 

[الصحافية الساخرة]

وعليكم السلام البلاد لي استشهدوا عليها الرجال
هاذا واش صرالها حسبنا الله ونعم الوكيل في كل مسؤول كان سبب في حرقة شباب اذي البلاد
ورغم كل شي ء رانا عايشين والشدة في ربي ماشي في العبد
بارك الله فيك اختي

وفيك بارك الرحمن اختي الغالية
هذي هي "حسبنا الله و نعم الوكيل"

 

[الورد الأحمر]

السلام عليكم ورحمة الله وبركاته

يا أختي ربي خلقنا وعندنا هدف في لحياة طبعا خلقنا للطاعة مش باه نتمتعو. بصح في الدنيا هذي طاين حقوق وكاين واجبات والانسان يحب يعمل الواجب تاعو باه ياخذ حقو بصح مع الأسف بزاف ناس تعمل واحبها وحقها يتهضم ويزيد.

من حق كل إنسان يفكر في معيشة أحسن وأصلا الحياة مرة وحدة وكل واحد يحلم يعيشها برفاهية وواحد ماهو خير من واحد ووقت تلقى حقك غير يتهضم ويحاسبوك ع الواجبات وتجي تحاسبهم على حقوقك يطلعولك الماء في العقبة تولي تكره وطبعا أولا شي يخممو فيه الشباب هو الحرقة.

صح من حق كل واحد يعيش بطريقة مليحة بصح بالنسبة ليا لي يخمم يخلي لبلاد بحثا على ظروف أحسن ع الأقل يكون واعي ويخمم لبعيد مش لشهر شهرين تعيش فيهم رافع راسك في بلاد الناس ومن بعد تولي حارق الفيزا وهارب من ومن. بالنسبة ليا لي يحب يخرج ديجا يكون عندو مستوى ويكون عندو كيدئيا وين يروح وعندمن يقعد مش يروح للمهمل مش ضامن شي ومن بعد يولي مرمد كتر من تمرميدة بلادو.

كل واحد لازم يفكر مليح قبل ما يعمل أي خطوة في كل مجالات الحياة وتبقى الثقة في ربي هي أمل الجميع.

مشكورة ع الموضوع.

 

[الصحافية الساخرة]

السلام عليكم ورحمة الله وبركاته

يا أختي ربي خلقنا وعندنا هدف في لحياة طبعا خلقنا للطاعة مش باه نتمتعو. بصح في الدنيا هذي طاين حقوق وكاين واجبات والانسان يحب يعمل الواجب تاعو باه ياخذ حقو بصح مع الأسف بزاف ناس تعمل واحبها وحقها يتهضم ويزيد.

من حق كل إنسان يفكر في معيشة أحسن وأصلا الحياة مرة وحدة وكل واحد يحلم يعيشها برفاهية وواحد ماهو خير من واحد ووقت تلقى حقك غير يتهضم ويحاسبوك ع الواجبات وتجي تحاسبهم على حقوقك يطلعولك الماء في العقبة تولي تكره وطبعا أولا شي يخممو فيه الشباب هو الحرقة.

صح من حق كل واحد يعيش بطريقة مليحة بصح بالنسبة ليا لي يخمم يخلي لبلاد بحثا على ظروف أحسن ع الأقل يكون واعي ويخمم لبعيد مش لشهر شهرين تعيش فيهم رافع راسك في بلاد الناس ومن بعد تولي حارق الفيزا وهارب من ومن. بالنسبة ليا لي يحب يخرج ديجا يكون عندو مستوى ويكون عندو كيدئيا وين يروح وعندمن يقعد مش يروح للمهمل مش ضامن شي ومن بعد يولي مرمد كتر من تمرميدة بلادو.

كل واحد لازم يفكر مليح قبل ما يعمل أي خطوة في كل مجالات الحياة وتبقى الثقة في ربي هي أمل الجميع.

مشكورة ع الموضوع.

يا اختي كلامك صحيح بارك الله فيك
ومشكورة لمرورك الراقي
تحياتي