ورشة عمل قندورة دار سهلة يلا تفضلو

[لاريمان]

السلام عليكم يا لماويات

اليوم جبتلكم روبة تاع داربعدما نالت الروبة السابقة تاع الصيف اعجاب صديقاتي
حبيت نعمل وحدة بالقطيفة
واش نحتاج
احتاج محيط الصدر دائرة الصدرتقسيم 4+4
هي خطوات بسيطة نتمنى تفهموني
اول شيى رايحة نثني الكتان على اربع نسقمو في الارض
نروح جهة الكتان المثني ونرسم فتحة الرقبةب7سم والكتف 12 وننزل ب1او2او3 ميلة الكتف
ونرسم دائرة الابط وبعدها نحدد دائرة الصدر بعد حسابها
ثم ننزل بحوالي 20سم لتحديد الخصر وندخل ب2سم لتخصير القندورة
وننزل تاني ب 20سم للاوراك وبعدها من الاوراك الى اخر نقطة التي تحدد طول قندورتك
وهاهي الرسمة رسمتهالكم

انا لما رسمت الخلف مع الامام
يعني لما نطبق الكتان على اربع ونحط مقاساتي
نبدا برقبة الخلف نهبط ب3او 4سم ونحدد طول الرقبة والكتف
ننزل من الكتف 2او3 ميلة الكتف ونحدد طول الطابق نرسمو على الكتان
ننزل للخصر وندخل بزوج ثم نرجع للاوراك ونهبط
الخطوة الثالثة نفتح الفلقة الاولى تاع الكتان ونخلي الفلقة الاخرى مثنية
هي تاع الامام باه نرسم رقبتي ونقص شكل الرقبة

وبعدها رايحة نتحصل على الجهة الامامية والخلفية وهاهي

وهدا الخلف

وهدا المونش في ورشات اخرى نعتلكم طريقتي سهلة في رسم المونش

وباه نزينو عملت بياسات بالكروشي ساهلين

درك المرحلة كيفاه نلصق الجهة الامامية والخلفية والمونش
هادي القندورة تقدري تلصقيها بيدك التبطين تحبي تبطني ولا تعملي كفة بمقدار1سم للداخل
او تبطنيها بالفزلين او بالماشينة
بعدما نكف يعني نعمل كفةلفتحة الرقبة الخلفية والصدر
نحكم الجهة الخليفة والامامية جهة الكتف نلصقهم
وبعدها نلصق المونش
ونركب البياسات تاعي
ونخيط لجناب واخيرا نعمل كفة من التحت
وتصبح قندورتي جاهزة

ونتمنى نكون وفقت في الشرح
واي سؤال انا هنا
سلام
​

 

[سكون الفجر]

ما شاء الله لا قوة الا بالله
شرح مميز وواضح
وشغلك رائع جداً، تسلم ايديكِ اختي الغالية على المشاركة القيمة
بارك الله فيكِ

تلبسيه بالهنا والصحة​

 

[ضآحكة مستبشرة]

مشاء الله اختي
يعطيك الصحة
رائعةة

 

[السلطانة]

وعليكم السلام ورحمة الله وبركاته ماشاءالله اختي خدمتك رائعة وشكرا لتقديمك الشرح المفصل
حتى تستفيد الاخوات من هذه الورشة

 

[ريحـان]

يعطيك الصحة اختي
خطوات واضحة وعجبتني
ورح نخلي امي تشوفها بلاك تخدمها
بارك الله فيكي

 

[نبض الحياة]

السلام عليكم ورحمة الله وبركاته
ما شاء الله تبارك الرحمن
خدمة هايلة ومتقونة حبيبتي
يعطيك الصحة حنونة

 

[ميمي مرام]

شابة بزاف يعطيك الصحة اكيد نجرب نحخدم كيما هي يعطيك الصحة ختيتي :kiss:

 

[Cristal BR]

يعطيك الصحة أختي