زوج رجال في جسد واااحد هاذي .. ما ظنيتهاش

[الامين محمد]

السلام عليكم
واش راكم ناس اللمة مع هاذ البرد يا بن عمي ما تنفع فيه لا غاز و لا غطى رانا في ويبيريا على وزن سيبيريا
المهم رايح نحكي ليكم حاجة وقعتلي في هاذو يومين فاتوا
المهم راه عندي أمر و سافرت شي ميات كيلو
رايح لمحامي بعيد الشر عليكم عندي قضية عنده

في ذيك البلاد نعرف واحد معريييفة مليحة
و حتى هو عنده للمعارف
قلت حج و حاجة نسلم عليه و نيقسيه كاش ما يدبر علينا محامي يكون ناس ملاح
و بسومة مليحة

المهم بلاا ما نطول عليكم وصلت عنده امواح امواح واش راك و العجوز
و الله غير تفطر معايا

يا سيدي و حنا نحكوا دخلني في سوجي انا سخشيا نكرهه و هو الانتخابات و طط و طط منهيه
و شوي خروطي و قائمتنا فيها ناس كبار و قاريين

و انا عملها شيخ من الازهر احم احم ما نيش قاع شايف فيه

المهم بعد اخذ و رد جبد هاتفه هاذاك الكبير ليخدموا عليه غير بالعقد بالسبابة

يااالوا فارس واش راك طط طط طط راه عندي واحد الانسان غير كيما حكيتلك عليه
و راه مسحقك

ثانيتين و هنو وصل سي فارس افندي سيارة كبيرة حسها تقول سيارة سباق ماهيش سياحية

يا سيدي دخل واش من جثة واش من وجه تقول عليه تركي

امواح امواح واش راك طط طط طط ( طط معناه كل الاسئلة مع اجاباتها )

المهم قال انا محامي واش هي قضيتك المهم عرضت قضيتي قال لي رايح نحلها في اربع جلسات و بمبلغ كذا و كذا

المهم هاذي ماهيش مشكلة رانا محتاجينك في أمر
واش من أمر
أنا الامين محمد اللي راه متسلف فيستا باش جا عندكم تحتاجوه الانتم يا غوال ...........
ما ظنيتش حسيت روحي كيما عثمان عليوات هههههههههههه

فاه تحتاجوني يا سيدي

المحامي : رايح اترشح للبرلمان و نحتاجك تعاوني في جيهتك
و كيما تعرفني راه عندي مستوى مليح و ناوي نغير و نخدم
و الناس كامل تعرني بلي
سياسي و نزيه

و الله غير جاني الضحكت اول مرة نشوف زوج رجال في جسد واحد
يعني سياسي هاذي واحد و نزيه هاذي اخرى
تلقاهم في جسد واحد ما ظنيتش

المهم كمل كل احلامه و طمعني بالخدمة
بعد ساعة من الهدرة كملت معاه خليلي وقت نفكر و نرد عليك

واش رايكم كاينة هاذي و لالا
سياسي و نزيه

 

[العَنْقَاءُ]

لو عملت لهم مواح مواح
مواااح
صدقني تدخل للبرلمان من باب واسع
سياسي قبال ونزيه
كلّ السياسين يغنون على ليلاهم
زمان يومدين كنا نعرف شيطان + إنسان في جسد واحد
في وقتنا نرى شيطان وأبليس في جسد واحد
تارة تراه مصروع وتارة تراه يغني وتارة تراه يرتل القرآن
فلا تدري أن الملموس يقرأ وأن العاقل مجنون
هذا الأزهري الذي كان معاك صدقني هو مصروع
إقرأ عليه آية الكرسي
أخشي ما اخشاه لو يكون هناك سياسي نزيه مار من هنا
يقلك العنقاء إكيناتور المارد هو ده.. له أيادي خارجية
​

 

[الصحافية الساخرة]

هههههههههههههههههههه يااا النزيه ميشوفش لصلاحو قبل "البحر مالح والناس مصالح"
اللي يطمح فالحياة يطمح يقدم حاجة مليحة للمجتمع تاعو ماشي تترشحلي للبرلمان وتحوس تخمل الشكاير
محامي جميل دير حاجة فتخصصك نسمعو بيك وترفع راسك بيه فحياتك وعند ربي
هذا مشكل تاعنا اقرى واخدم ومهمش واش تقدم المهم نلموا دراهم
قال نزيه قال كل من يجلس على كرسي عالي ينسى اخلاقه ومبادئه
ربي يبعدنا من الطريق هذي

 

[الامين محمد]

ههههههههههههه يعني تعاليق كيما كنت اتوقعها
يا مجرمييين لي عودة للرد احبتي​

 

[الصحافية الساخرة]

ههههههههههههه يعني تعاليق كيما كنت اتوقعها
يا مجرمييين لي عودة للرد احبتي​

ههههههههههه ننتظرك ان شاء الله

 

[لؤلؤة قسنطينة]

السلام عليكم
واش احوالك خويا الامين ان شاء الله لاباس؟؟ ربي يفرج عليك ان شاء الله
ويسهلك كل امورك
على كل حال انا خاطيني السياسة ونزيه وماش نزيه يعني لا علاقة لي بكل هاد الامور
فقط الشي لي عجبني في الموضوع هي طط طط طط ههههههه وزيد حاطلنا الشرح تاعها (شرح المفردات الصعبة) هههه
ربي يفرحك والله ضحكتني
بارك الله فيك خويا وربما يعاونوك بعض الاخوة بآراءهم
تحياتي​

 

[فيتامين سي]

سياسي نزيه
السياسة بلا اخلاق قوله راك كبير جيب الجديد
سياسي و نزيه ميخرجوش على بعضاهم و زيد مجاياش انسان يشكر روحه شويا طايحة
طط طط طط طط ههههه احسن حاجة مرة جاية حطها بلابلابلابلابلا تجي شابة

 

[Salah eddin]

السلام عليكم
كل واحد يقول نخدم و ندير قدام ليفوطو عليه
و من بعد كي يترشح
ينسى وش كان يقول
الله غالب
هذي قاعدة عامة
لان
النظرة داخل السلطة تختلف عن النظرة خارجها
و الوصول الى بر الامان * البرلمان *
بغية الشكار و ليس لخدمة الشعب
.​

 

[sanaya]

رايي مغاير ممكن يكون فيه سياسي نزيه وعلاش لا
مي متقدرش تعرف دوك حتى تبدا تخدم معاه
و على فكرة السياسيون النزهاء ميخليوهمش أصلا يترشحو
سلام