لآمــــــــود يآ وسمكـ !

[بثيــــنة 19]

السلام عليكم ورحمة الله تعالى وبركاته

قالك يا رايح وين مسافر تروح تعيا وتولي
تيرارارارار
بيناتنا برك لحنتوها يخي

قد مانغيب منقدرش نستغنا على اللمة ،، مدة طويلة مدخلتش و مخربشتش هنا والله توحشتكم قد السخط ههههههههههه
ليوم وين جاتني الفرصة نكتب موضوع
أيا ندخل في صلب السوجي خير علابالي نهدر بزاف وكون نكمل هك نبآت هنا
المهم إن شاء الله تكونوآ بخير وعلى خير

هآ كاين وحد الظاهرة إسمها لامود ( الموضة ) راهي دايرة فوضى كبيرة في مجتعي العزيز

هااو بكري كنا نشوفو لبسة غربية يقولك هآدي لامود
بصح اليوم كلش أصبح لامودٌ

أجل أعزآئـــي
الهدرة ولات لامود ,, والمشية لامود ,, والبورطابل ثاني لامود ,, وحتى الماكلة وفيها لامود و...إلخ

هآسيدي كاين جماعة لامود تاع اللبسة

لي تخرج يخرجو معاها ويقولك آووووه مزلتو روطار راكم ف العصر الجاهلي تحت شعار : لامود يا وسمك

خطرة تشوف وحدة لابسة بوت مع شورت

ووحدة لابسة سباط يشعل الضو
وخونا لي حاط تقشير فوق راسو اااه قصدي بوني على هيئة تقشير مايتفرقوش يعني
وهاذيك المخلوقة لي دايرا قوس قزح بألوانه الجميلة فوق شعرها المكشرد !
و السيد لي عندو تاقة في سروالو ،، ها جماعة على حساب الشوفة ركبتو راهي طل تستنشق ف الهواء النقي
والآنسة لي لابسة فيزو النمر المقنع والفهد الوردي ومننساش فيزو أزهار الربيع هاوو مايذبالوش الأزهار هاذو ولا

!

والشعر لي ولا حتى هو فيه لامود
واحد يحفف تحفيفة متفهم منها والو تتخيل غير بعير مكسل فوق راسو

وواحد كاتب إسمو في شعرو وداير قدامو رسومات هاوو تقول زربية فوق راسو

وهذاك لي داير لابتيت ماش خيتي علييييه ميتفرقش مع الجنس اللطيف

والسيد لي دايرصطآد فوق راسو

ويبقى الشعار : لامود يا وسمك

هآااو المخ يفشل من العجب لي رانا نشوفو فيه

والجماعة لي قالو العربية ديمودي ويقولك هااو شكون بقا يهدر عربية ناس راهي تهدر بلغة العصر لفخونسي راهي آلامود

وتلقاهم حافظين زوج كلمات آووو سافاا بيان ! ومزالو ميفرقوش بين B و P

وحتى البورطابل راه ولا ديمودي إذا ماعندكش آيفون 5 غير إلتحق بجماعة العصر الجاهلي في أقرب وقت

وهااو قالك التشاوارما والبآنيني والتآكوس راهم لامود ،، ومنين يسمعو كلمة شخشوخة ولا لوبيا ومشتقاتهم آوووو مي نتي سافا با !! شكون مزال ياكل الماكلة ديمودي هآذي

نآس راهي عآيشة غير ب لبيتز آآآ و التشآآورمآآ و ....
آآ ميمتي حسيت بإرتجاج ف معدتي الجميلة

هآوو في كل محضر تحضر لامود هاذي ولآآ !!

هآآ وين راهي اللمسة الشخصية تاع كل واحد !! نقعدوآ غير نتبعوآ حنا !!

وبهذه المناسبة السعيدة أقدم تحياتي إلى ناس العصر الجاهلي وإلى لغة العصر الجاهلي وإلى ماكلة العصر الجاهلي

وإليكم الخط

دمتم في رعآية الله وحفظه

​

 

[Skor m@k]

السلام عليكم
اوووووووووووو شكون هنا ههههه على سلامتك ختي بوثاينة
ممبعد ان شاء الله نولي​

 

[الصحافية الساخرة]

هههههههخخخخخخخهههههخخخخخهههه حتى الضحكة فيها لامود ختي الناس تضحك وتندب للضحكة ههههه قالك حتى المشية فيها لامود لكان مزالك تمشي بخطوة للقدام راكي ديمودي الناس ولات تمشي ماشريار لامود ياوسمك
مرسي موضوع رائع ننتظر جديدك

 

[آمِيْرَتُه]

السلام عليك
على سلامتك يا أختي
لامودا نتاع آخر زمان
عجب تشوفيه فكرتيني بوحدة وقت الجامعة كانت دايرة من صبيغة لون في شعرها حتى رجعو مسمينيها الكانيش كانت تضحك و هي عاجبتها روحها و تعرض علينا هذي لامود هذي تبهديلة

 

[Skor m@k]

السلام عليكم
هالامودا ونندب عليها وهاااااااااحي
ولامودا تاع ختشبوني ماهدرتيش عليها هههه
انا لي راهي محيرتني لامودا تاع هذي الأيام لي عندو تاقة كيما قلتي في رجلو هههه
حنا زمان كان السروال يتقطع بزاف مناك هههه بصح فالصيف نرجعو شورت نعوم بيه هه
خصارا مافقتش على هذي لامودا بكري ههههه
والمشكلة تانيت تاع البوني هذاك تاع التقشيرة ولا تاع بوب مارلي
تلقاه فالصيف ولابسو السخانة لجمل يرعف وهو فوق راسو ويزيد يتبسم ههههه
على كل حال انا راني فجيهت 2007 تاع لامودا هههه مازالني قديم شويا برك
الله غالب الكونكسيو ثقيلة عندي باش نتيليشارجي شويا لامودا خخخخخ ونلتحق بالركب
شكرا لك ختشي بوثاينة هازورينا منذاك خخخ​

 

[الامين محمد]

ايييييييييييييييه على لامود
و الله جبتيها على قلبي
ديجا راه السكر طالع لي من هاذ الجيل
اللي كبر عوج أأأأأأو لابس حذاء رياضي في عز الصيف
لو يمر عليه حمار يسكر من الفيح
و هو واقف في لاري يبتسم للشيرات و سنانه صفرين
طبعا اذا عنده سنان

زيد شعره نتاع معزة فيه الصيبان موقفو و صابغو بلصفر
عامل ليه ليماش عنده نظن شي شهرين ما تغسلش

اما عن حالي ما زالني كي نشري مرة في ثلاث سنوات سروال نحشم باش نلبسه ههههههههه
رالني عايش في قرون ما قبل التاريخ هههههههههههه

المهم في الأخير ما تزيديش تغيبي علينا و الا رايح
نكري كار كبييييييييييييييير و نجوا ضياف عندك باش نرجعوك للمة
طابت ليلتك سيدتي الفاضلة

 

[آمِيْرَتُه]

السلام عليك
على سلامتك يا أختي
لامودا نتاع آخر زمان
عجب تشوفيه فكرتيني بوحدة وقت الجامعة كانت دايرة من صبيغة لون في شعرها حتى رجعو مسمينيها الكانيش كانت تضحك و هي عاجبتها روحها و تعرض علينا هذي لامود هذي تبهديلة

 

[السلطانة]

وعليكم السلام ورحمة الله وبركاته

ونسيتي الغوجلافغ موv
يااختي واش بيك ههههههههههههه لي عادو يديروه فتياتنا الجميلات تخرج بشواربها تقول مصاصة دماء وتقولك لامود
يتبعو في لامود والعقلية تاعهم 00000000
قلد برك وتبع وقول بع بع
شعب مايخممش بعقلو للاسف

نورتي اختي

 

[فيتامين سي]

Slt sv biba
هههههه لقد تحولت
اععععع يعيفو علابالك هههههه غدا باذن الله يفيق عقلي و نجي نجاوب
سلللللاااااامووو

 

[يونس قاسم]

هههههه موضوع هايل
اللمة تاع بكري روحي للفيس لامود هاهاها
ياو تحيا البكري وتاع بكري و فيف البكري هههه
يعطيك الصحة اختي

 

[Skor m@k]

وعليكم السلام ورحمة الله وبركاته

ونسيتي الغوجلافغ موv
يااختي واش بيك ههههههههههههه لي عادو يديروه فتياتنا الجميلات تخرج بشواربها تقول مصاصة دماء وتقولك لامود
يتبعو في لامود والعقلية تاعهم 00000000
قلد برك وتبع وقول بع بع
شعب مايخممش بعقلو للاسف

نورتي اختي

@أم ياسمينdz
هههههه فكرتيني في تاع الخليج
حبو يدو لامودا عليهم ههههه

 

[الورد الأحمر]

السلام عليكم

امممم مرة شفت واحد برا شعرو يكون طولو بالاك 5 سنتي ومطلعو بالجال دايرو واقف شغل رجع يتحسب مع طولو ! وكنت مع بابا مع شافو بدا يعلق والجيل هذا ومدري واش أنا شفت برك وقلت يخي بالية يخ. منداك دخلت للبيغو لاباس عليا وأنا نستف في روحي نلمحاك ديك البالية فايتة أونفاس ليا !!!! قلتلهم هذا واش يدير هنا ! قالولي أو جديد يخدم في المصلحة لي أونفاس لينا ! قلت امممم والأشكال هذي تخدم في الإدارة ويقابلو بيها لعباد وكلش ! صراحة عدت كي نشوفو نتبخص.

مرة تاني رحت عند اختي للبيغو منين تخدم نلقالك وحدة من الوزن الثقيل جاية سلمت على الفيقورات لي تم الكل وقعدت وقت حطت روحها فوق الكرسي وخذات وضعية القعدة نلقاها ركايبها يتفرجو فيا !!! واااع انتي ديجا وزن ثقيل تنشاف حتى لوكان لبسنا مصغر وزدتي لابستلي سروال آلامود محلول عند الركبة ما فهمت ركبة ما فهمت كتف تاع جزرة المهم تخيلت روحي شفت ركبتي بالمجهر!! يعني مع احتراماتي لصاحبات الوزن الثقيل مي الوحدة وقت تكون هك وزنها زيادة تحاول تلبس شي يستر الزايد فيها مي درك ولاو العكس وتعجبها روحها وكلشي أنا نزيد زوج كيلو على 53 نحشم نولي نغطي ونستر كتر وكتر وهوما عادي ثقة كبيرة بلي راهم فووووغ.

جارتنا تصبغ شعرها الألوان وردي بنفسجي أسود أحمر أزرق أخضر بسم الموضة وعادي شايفة روحها تووووب خير من مليون وحدة.

جارنا سروالو ديما طايح ويتكركر في لرض حتى تقطع من تحت وزعمة لامود مي بالسرقة على باباه حتى شافو باباه مرة قالو اروااااح هنا ونحا السانتيغ تاع سروالو وحطها في سروال ابنو وطلعلو السروال وضبطو بالسانتيغ وقالو هك يلبسو الرجال سروالهم ورجعلك بلال مهزلة الحي يشاورو عليه بالصبع هاهو لي طلعلو باباه السروال .

مشكورة ع الموضوع.

 

[أم أُنٌَيسة]

السلام عليكم و رحمة الله و بركاته
هلا فيكي اختي بثينة ان شاء الله راكي بخير يارب ، تواحشتك و تواحشت مواضيعك الزينة كيفك
اما لموضوعك ، انا من جيل ما قبل التاريخ و الحمد لله و اللي ماعجبوش الحال بافراد جيل ماقبل التاريخ يحسب شحال من غرفة في بيتهم و هكداك يخير الحيط اللي يعجبو فيهم و يضرب راسو فيه
و ادا ماعجبو حتى حيط ياسيدي نجيبولو سلم يضرب راسو في السقف اللي يعجبو
حنا عندنا كلمة معقدة موش جيل الجاهلية و قبل التاريخ ، نقللهم معقدة و افتخر
يخي حالة يخي ، ربي يهدينا و يثبتنا ان شاء الله
هلا فيكي و نتمنى ماتغيبيش ان شاء الله
تحياتي
​

 

[sanaya]

ختي راني معاك وضدك
فالماكلة ولبورتابل وووووووو مكانش موظا
أما المظهر فأنا مهووسة بالموضة والأناقة
ولكن مش أي حاجة جديدة تجي نديرها ونقول مودا
لامود نتبعها مي مش كلشي
متلا ممكن نلبس جينز مقطع شويا
مي منلبسش جينز مقطع كامل
ولا نصبغ شعري خضر ولا زرق ونقول موضة
فمهتيني حنونة
لامود فيها وعليها
ناخد منها واش نحب ونخلي واش نحب
مش نديها كامل
و بيناتنا لازم متكونش تعارض ديننا الحنيف
فالموضة اللي نهدر عليها في حياتي راهي فالدار مش برا
و بزيادة نرفض من الموضة العري والميني ووووووووو
يعني الموضة حاجة لازمة مي مش أي حاجة تخرج موضة نقلدها
وتاني لازم مراعاة الجانب الشرعي
مكلاه العري ولا المظاهر اللي تبان الوحدة فيهم كما هادو اللي ..................
أما الماكلة والبورتابل مفيهش موضا لأنو هنا تدل على الفراغ الفكري
مي المظهر شي أساسي
هدا رايي سلام

 

[aljentel]

الله يسترنا ما حيينا ...
دعوا الخلق للخالق وكفى ...

 

[aljentel]

اكثر ما يزعجني ويثير حفيظتي حينما ارى شابا يضع تراكي بأذنيه او سلسال يعلقه بصدر وسوار ذهب بمعصمه ...

 

[زهرة اللمة]

هههه يعطيك النو قتلتيني بالضحك
راهم قاتلينا بحكاية لامود هاذي
ترقد و تنوض تلقى كلش تبدل
و المشكلة غير يعاندوا برك
ربي يجيب الخير

 

[البحر الهادي]

ههههههههههههه صح
سأل أستاذ الرياضة ولده مامعنى لامود بالفرنسية فأجابه إبنه التطور
ههههههه مسكين

 

[FATIMA 19]

صباح الخير
هاذي غيبة صاريلك كيفي نغيبو بالأشهر و مبعدآ نوليو
الرجوع إلـــــــــــــــى الأصل فضيلة
نتي هدرتي و كفيتي و وفيتي
و راهي وصلت التحية كانت معاك بنت عمتك من العصر الجاهلي توصلك سلامها الحار​

 

[FATIMA 19]

صباح الخير
هاذي غيبة صاريلك كيفي نغيبو بالأشهر و مبعدآ نوليو
الرجوع إلـــــــــــــــى الأصل فضيلة
نتي هدرتي و كفيتي و وفيتي
و راهي وصلت التحية كانت معاك بنت عمتك من العصر الجاهلي توصلك سلامها الحار​