- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلااااااام عليكم أهل اللمة الكرام
واش أحوالكم؟ ان شاء الله راكم بخير؟؟
عاش من شافكم (قصدي عاش من شافني هههه انا لي راني مختفية عن الساحة
)
نتمنى تكونو بخير وعلى خير وبصحة وعافية ان شاء الله ربي يحفظكم جميعا
المهم هادي شحال وانا حاكمة لساني ومدايرة هدنة مع القلم تاعي حتى في الفترة الاخيرة هادي راني نروماركي في واحد الظاهرة ولا في واحد الحالة غريبة عجيبة وقلبي كلاني هيا قلت نخرج من السبات ونخربش شوي
المهم موضوعي اليوم موجه لفئة الامهات وربي يحفظلنا امهاتنا ويخليهملنا تاج على رؤوسنا وانا ماش رايحة نتكلم على جيل يما ويماكم رايحة نتكلم على أمهات دوميلديسات لي مايفهمش الفرنسية معناها 2017 ههه منهم انا وبنات جيلي
المهم هاد الكلام لي رايحة نقولو في هاد الموضوع ماش للتعميم ولا نقصد بيه كامل البنات يعني فئة معينة برك لي جهلوني وزعما لاعبينها يتبعو الموضة وعايشين حياتهم كي الاجانب المهم عندي مانهدر ههه
المهم قبل مانبدا الموضوع اركبو معايا في آلة الزمن نروحو لزمن الستينات والسبعينات والثمانينات وحتى التسعينات وقت كانت المرأة مرأة صح لما تحكم مسؤولية دار وولاد راهي عندها الوعي الكامل وعندها القدرة حتى تحكم دولة كي يخرج راجلها من الدار يحس مخلي وراه امة كاملة يعني قادرة على شقاها الله يبارك
بصح دركا
يا خاوتي كي نقول دركا تحكمني الرجفة في ركايبي والتسونامي في مخي خاطر راهي كارثة طبيعية وبشرية ونفسية (لي اقل من 16 سنة مايقراش الموضوع ههه) خاطر راني رايحة نحكي على مخلوقات عجيبة
المهم الشي لي يحيرني في المرأة تاع هاد الجيل وأكيد بدون تعميم (وماتقولوليش ماتكلمتيش على الرجال خاطر او يجي دورهم في حلقة قادمة هههه) المهم لي يحيرني انو اي حاجة يديروها في حياتهم خوفا من رأي الناس وماش وعيا بالمسؤولية لي رايحين يتحملوها، مثلا تجي تتزوج وحدة تقولك نتزوج باه مانبقاش بايرة وماتبقاش الناس تشير ليا بالاصبع وهي ماش قادرة على مسؤولية الزواج اصلا المهم تتزوج وتحصل وهكاك تلقى روحها مازال ماحستش بالسعادة وناقصتها حاجة مهمة في حياتها الزوجية مالا تقولك لالا لازم نزيد نجيب طفل ولا طفلة المهم مولود باه مايقولوش ماتولدش وتزيد تعاود نفس الخطأ وتجيب مولود للدنيا وهي ماش قادرة عليه ولا على مسؤوليتو المهم شهرة قدام الناس
وهنا لب موضوعنا خاطر صراحة الحالة لي نشوف فيها في امهات اليوم راهي كارثة بأتم معنى الكلمة لا مسؤولية ولا حنانة ولا بنانة ولا سلة فواكه، اصلا في فترة الحمل تاع نساء اليوم كاملة وهي تبع في النت وتعس تقول معرف واش رايح يصرا ساعات ام قالو التمر ماش مليح (طيش التمر واحرق كامل النخل) ساعات ام قالو البطاطا مليحة ساعات ام قالو الحليب ماش مليح ساعات ام قالو المرأة الحامل مالازمش تضحك خطر على الجنين
كن تقرا في النت بلي المرأة الحامل لازم ترمي روحها تروح ترمي روحها نورمال بدون وعي ،ياعجابة نساء بكري راهي تجري وتهز الحطب وتربي 10 ولاد وماتاكلش شهر اللحم والفاكهة ونورمال خلااص، صح حنا جيلنا فراجيل وماعندناش نفس البنية تاعهم وصح درك التكنولوجيا تسهلك انك تبحث وتنفع روحك ولكن ماش لدرجة الهوس والجنون تقول غير هوما ولدو
المهم لا علينا المرأة اليوم تلقاها عندها كل سبل الرفاهية والراحة مثلا تولد في كلينيك بريفي والنظافة ولازمها الغاشي داير بيها (هنا راني متفقة معليش خاطر المستشفيات العمومية راهي كارثة يعني اذا كاين فرصة معليش كي جات في هادي معليش ) يعني كاين امور نتقبلوهم وكاين حوايج قالولهم ارقدو
آخر مرة نشوف في وحدة في النت دارت عملية قيصرية (بما انو العملية تخدير جزئي) قاتلهم هوما يديرو في العملية وانا جبدت المراية والماكياج وبديت نزين في وجهي باه كي تخرج بنتي ندير معاها سيلفي ويخرج وجهي شباب
سمعتو واش قالت ؟؟ ولا راني نحلم ومازال مافطنتش منك بالصح يا بنت الناس في وسط عملية ديري الماكياج؟؟ ( وانا نقول علاه التلج صب بزاف هاد العام) قاتلك نحب نعيش اللحظة هيه اللحظة عيشيها باحساسك عيشيها بقلبك بخشمك ماش بسيلفي هيا بركاونا زدتو فيها صح المهم كيما كنت نقول تلقاها تعيش الرفاهية وتولد في أحسن الظروف وبصحتها وكلشي بصح من تم ماتزيدش تنوض من الفراش تجيبها عامين وهي مطايشة حتى تزيد تجيب صغير خلاف ههه، تقولها فلانة نوضي تقعدي معانا تقولك واش بيك راني نافسة وهي عندها 1254789 يوم من لي ولدت يا مخلوقة راكي ولدتي ماش جوزتي كاستينغ في فيلم رعب
ولا تبقى تجبد في النهار هاداك تقول ذكرى التسونامي ولا ذكرى الارهاب، تشوف القندورة تاعها تقولك نحيها من قدامي كي نشوفها نتفكر النهار لي ولدت فيه ونولي في حالة نفسية ماش مليحة تشوف بشماقها تقولك بعدو من قدامي كي نشوفو نتفكر نهار ولدت تشوف يماها تقولها يما بعدي من قدامي نشوفك نتفكر نهار ولدت ههههه قريب ولدها ترميه تقولك ذكرى نهار ولدت، ماهذا يا قوم ؟
علابالنا ماش حاجة ساهلة واصعب مما يتوقعه الانسان وكن ماش هكاك ماكانتش مكانة الام كبيرة بصح ربي عوضك بعد كل هاداك التعب كي تهزي ولدك في حضنك يروح كامل التعب، وهكاك نقولو معليش بالاك الطفلة تدلل وكلشي معليييييش اتدللي، بصح كاينة حاجة لي جهلتني خلاااص وخلاتني نقرر ننتحر كيما قالها خويا الامين محمد شنقا ولي حيرتني هاديك الطفلة ولا الام لي تقولك بعدي الطفل من قدامي مازلت ماتقبلتوش نفسيا ( اخبطوني بحجرة للراس
ولا رصاصة في القلب خليوني نموت ونتهنا من هاد العالم البائس) انا راني ماعشتش التجربة هاديك وكي نشوف فيديو في النت على ردود فعل الامهات لما يهزو ولدهم في يديهم اول مرة نولي غير نبكي من المشهد هاداك المؤثر يعني الحنانة والامومة تخرجلي من الشاشة تخبطني بسهم للقلب وهي تقولك ماش متقبلتو (ارحلي ايتها الارواح الشريرة)
ولخرا تقولك قريت في الانترنت بلي الام تعاني من حالة اكتئاب بعد الولادة ولازم تزور طبيب نفسي منك بالصح؟؟؟؟ انا لي رايحة نزور طبيب نفسي يدهرلي نساء بكري عندها 17 طفل وتجيب الطفل 18 وتطيب وتغسل وتخرج تقضي والضرب من راجلها وحالتها النفسية مليحة هههه ونتي عملية قيصرية وفي كلينيك بريفي وراقدة في السرير لما لا نهاية ويماك بجنبك وتاكلي المخيرة ودارلك اكتئاب ؟؟؟ انا كن في الوضع هاداك هازة ولدي بين يديا راني نكون عندي سعادة قابلة لتوزيعها على كل سكان الارض ويبقالي الصرف ههههه يخي حالة
وزيد فوق هاد الشي لي يمرضني في بنات اليوم ماتتقبلش نصائح الكبار لما تنصحها يماها ولا عجوزتها لي ربات اجيال وتنصحها بطرق طبيعية كزيت الزيتون ولا حوايج خلاف لصحة صغيرها تقولها لالا قالو في الانترنت هكا تبا لكم
روحي تبعي الانتغنت مالا
ولي يشوكيني تاني اختيار اسماء ولادهم ولا بناتهم خاطر الذكور شوي اسماءهم مقبولة بصح البنات كارثة مساكن ههه وحدة تقولك حابة نسمي بنتي تالة ولخرا بالة ولخرا فارة ومن لي كنا في اسماء المشارقة ولينا للاتراك وحدة لقيتها آخر مرة كاتبة في الفايس بوك رايحة نسمي بنتي يلدز منك بالصح؟؟ وزيد تقولك معنى الاسم نبتة في الجنة ولا شجرة في الجنة يعني خليتي اسماء امهات المؤمنين وبنات الانبياء ولا على الاقل اسماء مفهومة كيما اسماء سلمى سمية على الاقل عندهم معنى ورايحتلي لاسم خلاف ماش من عاداتنا ولازمك كناش في يدك كل يوم
باه تتفكرو وقاموس مترجم ومعرف وباه تسكتك تقولك شجرة في الجنة يخي حالة ولا تسميها جملة طويلة تتكون من فعل وفاعل ومفعول به "نور السرور اشراق سلسبيل" زيدي سميها اشرقت الشمس ذات صباح مع زقزقة العصافير وخلاص
يخي حالة كانو زعما يهربو من عقد الاسماء القديمة ساع درك رايحين يعقدوهم كتر بالاسماء الجديدة تقول اسم معادلة رياضية
كن انا اي دارتلي عقدة نفسية
المهم مانكترش الهدرة بزاف مع اني كترت هههه بصح أمهات اليوم والله كارثة انفضو الغبار شوي على رواحكم ههه
وماش كامل اكيد كاينة لي عندها 5 و6 ولاد وقادرة عليهم نورمال ومعيشتهم نورمال، المهم الموضوع هادا ماش غير موجهتو لغيري حتى انا نوجه رسالة لنفسي من خلال هاد الموضوع نقول فيها بلي الاطفال مسؤولية ماش نجيبوهم هكاك برك والامور المذكورة راهي صح مقتبسة من الواقع وشفتها بعيني ماش من الخيال باه مانظلم حتى عبد وراهي دليل على بنات ولا نساء ماش اهل للمسؤولية وماش قادرين على الزواج
المهم نتوما واش رايكم في الشي لي قلتو اذا صحيح اعطيوني امثلة واذا غالط خليونا نتناقشو فيه ونخرجو بنتيجة
ولي قستها بمثل هكذا موضوع ولا تسمحلي رانا غير نضحكو ونتناقشو
المهم نستنى ردودكم القيمة ماتحرمونيش منها
اتهلاو في رواااحكم
سلااااام
واش أحوالكم؟ ان شاء الله راكم بخير؟؟
عاش من شافكم (قصدي عاش من شافني هههه انا لي راني مختفية عن الساحة
نتمنى تكونو بخير وعلى خير وبصحة وعافية ان شاء الله ربي يحفظكم جميعا
المهم هادي شحال وانا حاكمة لساني ومدايرة هدنة مع القلم تاعي حتى في الفترة الاخيرة هادي راني نروماركي في واحد الظاهرة ولا في واحد الحالة غريبة عجيبة وقلبي كلاني هيا قلت نخرج من السبات ونخربش شوي
المهم موضوعي اليوم موجه لفئة الامهات وربي يحفظلنا امهاتنا ويخليهملنا تاج على رؤوسنا وانا ماش رايحة نتكلم على جيل يما ويماكم رايحة نتكلم على أمهات دوميلديسات لي مايفهمش الفرنسية معناها 2017 ههه منهم انا وبنات جيلي
المهم هاد الكلام لي رايحة نقولو في هاد الموضوع ماش للتعميم ولا نقصد بيه كامل البنات يعني فئة معينة برك لي جهلوني وزعما لاعبينها يتبعو الموضة وعايشين حياتهم كي الاجانب المهم عندي مانهدر ههه
المهم قبل مانبدا الموضوع اركبو معايا في آلة الزمن نروحو لزمن الستينات والسبعينات والثمانينات وحتى التسعينات وقت كانت المرأة مرأة صح لما تحكم مسؤولية دار وولاد راهي عندها الوعي الكامل وعندها القدرة حتى تحكم دولة كي يخرج راجلها من الدار يحس مخلي وراه امة كاملة يعني قادرة على شقاها الله يبارك
بصح دركا
يا خاوتي كي نقول دركا تحكمني الرجفة في ركايبي والتسونامي في مخي خاطر راهي كارثة طبيعية وبشرية ونفسية (لي اقل من 16 سنة مايقراش الموضوع ههه) خاطر راني رايحة نحكي على مخلوقات عجيبة
المهم الشي لي يحيرني في المرأة تاع هاد الجيل وأكيد بدون تعميم (وماتقولوليش ماتكلمتيش على الرجال خاطر او يجي دورهم في حلقة قادمة هههه
) المهم لي يحيرني انو اي حاجة يديروها في حياتهم خوفا من رأي الناس وماش وعيا بالمسؤولية لي رايحين يتحملوها، مثلا تجي تتزوج وحدة تقولك نتزوج باه مانبقاش بايرة وماتبقاش الناس تشير ليا بالاصبع وهي ماش قادرة على مسؤولية الزواج اصلا المهم تتزوج وتحصل وهكاك تلقى روحها مازال ماحستش بالسعادة وناقصتها حاجة مهمة في حياتها الزوجية مالا تقولك لالا لازم نزيد نجيب طفل ولا طفلة المهم مولود باه مايقولوش ماتولدش وتزيد تعاود نفس الخطأ وتجيب مولود للدنيا وهي ماش قادرة عليه ولا على مسؤوليتو المهم شهرة قدام الناسوهنا لب موضوعنا خاطر صراحة الحالة لي نشوف فيها في امهات اليوم راهي كارثة بأتم معنى الكلمة لا مسؤولية ولا حنانة ولا بنانة ولا سلة فواكه، اصلا في فترة الحمل تاع نساء اليوم كاملة وهي تبع في النت وتعس تقول معرف واش رايح يصرا ساعات ام قالو التمر ماش مليح (طيش التمر واحرق كامل النخل) ساعات ام قالو البطاطا مليحة ساعات ام قالو الحليب ماش مليح ساعات ام قالو المرأة الحامل مالازمش تضحك خطر على الجنين
المهم لا علينا المرأة اليوم تلقاها عندها كل سبل الرفاهية والراحة مثلا تولد في كلينيك بريفي والنظافة ولازمها الغاشي داير بيها (هنا راني متفقة معليش خاطر المستشفيات العمومية راهي كارثة يعني اذا كاين فرصة معليش كي جات في هادي معليش ) يعني كاين امور نتقبلوهم وكاين حوايج قالولهم ارقدو
منك بالصح يا بنت الناس في وسط عملية ديري الماكياج؟؟ ( وانا نقول علاه التلج صب بزاف هاد العام) قاتلك نحب نعيش اللحظة هيه اللحظة عيشيها باحساسك عيشيها بقلبك بخشمك ماش بسيلفي هيا بركاونا زدتو فيها صح المهم كيما كنت نقول تلقاها تعيش الرفاهية وتولد في أحسن الظروف وبصحتها وكلشي بصح من تم ماتزيدش تنوض من الفراش تجيبها عامين وهي مطايشة حتى تزيد تجيب صغير خلاف ههه، تقولها فلانة نوضي تقعدي معانا تقولك واش بيك راني نافسة وهي عندها 1254789 يوم من لي ولدت يا مخلوقة راكي ولدتي ماش جوزتي كاستينغ في فيلم رعب تشوف بشماقها تقولك بعدو من قدامي كي نشوفو نتفكر نهار ولدت تشوف يماها تقولها يما بعدي من قدامي نشوفك نتفكر نهار ولدت ههههه قريب ولدها ترميه تقولك ذكرى نهار ولدت، ماهذا يا قوم ؟ ولي حيرتني هاديك الطفلة ولا الام لي تقولك بعدي الطفل من قدامي مازلت ماتقبلتوش نفسيا ( اخبطوني بحجرة للراس ولخرا تقولك قريت في الانترنت بلي الام تعاني من حالة اكتئاب بعد الولادة ولازم تزور طبيب نفسي منك بالصح؟؟؟؟ انا لي رايحة نزور طبيب نفسي يدهرلي
نساء بكري عندها 17 طفل وتجيب الطفل 18 وتطيب وتغسل وتخرج تقضي والضرب من راجلها وحالتها النفسية مليحة هههه ونتي عملية قيصرية وفي كلينيك بريفي وراقدة في السرير لما لا نهاية ويماك بجنبك وتاكلي المخيرة ودارلك اكتئاب ؟؟؟ انا كن في الوضع هاداك هازة ولدي بين يديا راني نكون عندي سعادة قابلة لتوزيعها على كل سكان الارض ويبقالي الصرف ههههه يخي حالة وزيد فوق هاد الشي لي يمرضني في بنات اليوم ماتتقبلش نصائح الكبار لما تنصحها يماها ولا عجوزتها لي ربات اجيال وتنصحها بطرق طبيعية كزيت الزيتون ولا حوايج خلاف لصحة صغيرها تقولها لالا قالو في الانترنت هكا تبا لكم
روحي تبعي الانتغنت مالا
ولي يشوكيني تاني اختيار اسماء ولادهم ولا بناتهم خاطر الذكور شوي اسماءهم مقبولة بصح البنات كارثة مساكن ههه وحدة تقولك حابة نسمي بنتي تالة ولخرا بالة ولخرا فارة ومن لي كنا في اسماء المشارقة ولينا للاتراك وحدة لقيتها آخر مرة كاتبة في الفايس بوك رايحة نسمي بنتي يلدز منك بالصح؟؟ وزيد تقولك معنى الاسم نبتة في الجنة ولا شجرة في الجنة يعني خليتي اسماء امهات المؤمنين وبنات الانبياء ولا على الاقل اسماء مفهومة كيما اسماء سلمى سمية على الاقل عندهم معنى ورايحتلي لاسم خلاف ماش من عاداتنا ولازمك كناش في يدك كل يوم
وباه تسكتك تقولك شجرة في الجنة يخي حالة ولا تسميها جملة طويلة تتكون من فعل وفاعل ومفعول به "نور السرور اشراق سلسبيل" زيدي سميها اشرقت الشمس ذات صباح مع زقزقة العصافير وخلاصيخي حالة كانو زعما يهربو من عقد الاسماء القديمة ساع درك رايحين يعقدوهم كتر بالاسماء الجديدة تقول اسم معادلة رياضية
كن انا اي دارتلي عقدة نفسية
المهم مانكترش الهدرة بزاف مع اني كترت هههه بصح أمهات اليوم والله كارثة انفضو الغبار شوي على رواحكم ههه
وماش كامل اكيد كاينة لي عندها 5 و6 ولاد وقادرة عليهم نورمال ومعيشتهم نورمال، المهم الموضوع هادا ماش غير موجهتو لغيري حتى انا نوجه رسالة لنفسي من خلال هاد الموضوع نقول فيها بلي الاطفال مسؤولية ماش نجيبوهم هكاك برك والامور المذكورة راهي صح مقتبسة من الواقع وشفتها بعيني ماش من الخيال باه مانظلم حتى عبد وراهي دليل على بنات ولا نساء ماش اهل للمسؤولية وماش قادرين على الزواج
المهم نتوما واش رايكم في الشي لي قلتو اذا صحيح اعطيوني امثلة واذا غالط خليونا نتناقشو فيه ونخرجو بنتيجة
ولي قستها بمثل هكذا موضوع ولا تسمحلي رانا غير نضحكو ونتناقشو
المهم نستنى ردودكم القيمة ماتحرمونيش منها
اتهلاو في رواااحكم
سلااااام
