عشق دراري...

[الصحافية الساخرة]

سلام ..

حابة نغيب عليكم وكي نرجع ندير موضوع فالمنتدى "واش راك تهدر" وتديرولو ختم التميز

الله لا يغيبني لكان مدرتوليش ختم التميز بعد الغياب هههه

هدرنا على الشيوخ وليجون اللي يداسروا البنات وشفنا فنون الدسارة عند البعض بكل انواعها واشكالها والوانها

اليوم كاين نوع اخر فئة الاطفال

تلقى اليوم واحد في عمروا 13 سنة يداسر البنات وزيد يعشف فالزين و لاطاي ويغني الشاب حسني مضرور فالقلب بغى طفلة وتزوجت وخلاتو



ياا عينيا شفتي اللي شفت ويا ودنيا سمعتي لي سمعت ويااااااا لساني عجزت تنطق ..

قلناااا جون معلييش قلنا شييخ معليييش وانت يااا الدراري واش راك تهدر وتفعل ؟

تفوت فالطريق بنت تاع 21 سنة فما فوق قدام دراري تاع 13 سنة يخرجوا عينيهم ويوقفوا للتحية الغزلية برومانسية شبابية

حالة الفتاة بعدها "صم بكم عمي فالشوك "

واش كاين ؟ تاع 12 سنة عندوا صحبتوا ويعشق وقالك :"ناويها للحلال" عفوا واش راني نسمع ؟ ياا ابني روح تقرى ورتب ادواتك

فالمحفظة خير

وواحد دراري فاتح فيسبوك " نعشق في مرتي" يااااو خليك تعشق قرايتك ديجا راك قاصر ميعقدولكش فالبلدية (لازم يديوك لمجلس اعادة

برمجة عقلك على اللعب والقراية راك فخطر )

أنا نحير وعضلات مخي تيبس هههه كي نشوف در تاع 15 سنة يعشق وحدة كبيرة عليه تاع24 سنة ويقولك الرسول عليه الصلاة

والسلام داها كبيرة عليه اه صار روحت غير لهذي ونسيت بلي هو ماكانش فعمروا 15 سنة وزيد تظل تعس عليها وتدمونديها للمشي معاك

"العاشق الصغير" ههههه روح قول لباباك يعطيك شوية صرف تشري الشيبس ولا الحلوى

الخطيرة خلاص تاع 5 سنين يعشق ههههههه ويعرف كلشي

قالك النسا ولاو ميدوش وليداتهم معاهم للحمام 5 سنين يفهم خير عليا و عليكم

 

[Skor m@k]

السلام عليكم
هاه رانا ختمنالك موضوعك ههههه خاطرش موضوع جديد ماهدروش عليه من قبل
حنا نختمو للمواضيع ليماشي معاود المضمون تاعها يعني فكرة جديدة
يختم موضوعك عليه بلا مزية هههههههههط

ايه يا مسعودة شفتي كيفاه التمعشيق وانا كي كنت قدهم كنت مزالني نلعب بليجوي هه
ولي يحيرك تلقاه يشعر فالفايس تقول هموم الدنيا كامل جازو عليه
وهو مزالو يفعلها في لفراش فالليل خخخخخخخخخ
على كل حال كبرو غير فالعقلية الخامجة ولا فالجسم ولقراية ربي يجيب الخير​

 

[أم أُنٌَيسة]

السلام عليكم و رحمة الله تعالى و بركاته
يا الهي ، سارحل لكوكب زمردة او كوكب اكشن و مغامرات احسن
و اسمعي هدي لما تقوليلهم راحو تتفرجو كاش كوميك و لا انمي
هدو تع الاطفال الصغار و انا مازالني نتفرجهم واااااع راكي مازلتي صغيرة في عقلك
ياحوجي انا يرجعلي الصرف خير عليا و انا نرجع نحوس على صرف من كاش انمي شفتو ههههههههه

متميزة كعادتكي اختي الكريمة ، مبارك لكي ختم التميز
تحياتي احترامي و تقديري​

 

[الصحافية الساخرة]

السلام عليكم
هاه رانا ختمنالك موضوعك ههههه خاطرش موضوع جديد ماهدروش عليه من قبل
حنا نختمو للمواضيع ليماشي معاود المضمون تاعها يعني فكرة جديدة
يختم موضوعك عليه بلا مزية هههههههههط

ايه يا مسعودة شفتي كيفاه التمعشيق وانا كي كنت قدهم كنت مزالني نلعب بليجوي هه
ولي يحيرك تلقاه يشعر فالفايس تقول هموم الدنيا كامل جازو عليه
وهو مزالو يفعلها في لفراش فالليل خخخخخخخخخ
على كل حال كبرو غير فالعقلية الخامجة ولا فالجسم ولقراية ربي يجيب الخير​

وعليكم السلام و الرحمة
هههههههه مرسي , نسقسيك غير انتم تختموا حنا متعطولناش نسيوا نختموا شوي هههههه
اييه يا مسعود السكري القراية زيروا والعشق والخماج هوما الاولين
كما قلت ربي يجيب الخير ان شاء الله
(ملاحظة ورومارك نفسها ههه: انت ديما تسميني باسم يا راضوا يا مسعودة يا الحاجة ارحم من اسمائك ههههه)

 

[الصحافية الساخرة]

السلام عليكم و رحمة الله تعالى و بركاته
يا الهي ، سارحل لكوكب زمردة او كوكب اكشن و مغامرات احسن
و اسمعي هدي لما تقوليلهم راحو تتفرجو كاش كوميك و لا انمي
هدو تع الاطفال الصغار و انا مازالني نتفرجهم واااااع راكي مازلتي صغيرة في عقلك
ياحوجي انا يرجعلي الصرف خير عليا و انا نرجع نحوس على صرف من كاش انمي شفتو ههههههههه

متميزة كعادتكي اختي الكريمة ، مبارك لكي ختم التميز
تحياتي احترامي و تقديري​

وعليكم السلا ورحمة الله
عجبتني تاع تروح تحوس على صرفف من كاش كوميك ههههههه ضحكتيني صح

شكرا لك اختي الغالية لردودك العذبة

 

[أم أُنٌَيسة]

وعليكم السلا ورحمة الله
عجبتني تاع تروح تحوس على صرفف من كاش كوميك ههههههه ضحكتيني صح

شكرا لك اختي الغالية لردودك العذبة

و الله كيما قلتلك ، ماعييت نستعملهم حتى في الفروض و الاختبارات لما يمدولنا موضوع تع فقرات باو نعبي اغاني الانيم و كلامهم طوووووووووووول و تعجبك ندي 16 وفوق بسلامتي هههههههههههه
الله يدوم و يزيد ان شاء الله
الله يغليك و يعليك يارب ، ولا شكر على واجبباذن الله بل الشكر لكي لمواضيعكي المميزة بكلماتهم الذهبية و معانيها الجوهرية
تحياتي​

 

[Lila 22]

الل

سلام ..

حابة نغيب عليكم وكي نرجع ندير موضوع فالمنتدى "واش راك تهدر" وتديرولو ختم التميز

الله لا يغيبني لكان مدرتوليش ختم التميز بعد الغياب هههه

هدرنا على الشيوخ وليجون اللي يداسروا البنات وشفنا فنون الدسارة عند البعض بكل انواعها واشكالها والوانها

اليوم كاين نوع اخر فئة الاطفال

تلقى اليوم واحد في عمروا 13 سنة يداسر البنات وزيد يعشف فالزين و لاطاي ويغني الشاب حسني مضرور فالقلب بغى طفلة وتزوجت وخلاتو



ياا عينيا شفتي اللي شفت ويا ودنيا سمعتي لي سمعت ويااااااا لساني عجزت تنطق ..

قلناااا جون معلييش قلنا شييخ معليييش وانت يااا الدراري واش راك تهدر وتفعل ؟

تفوت فالطريق بنت تاع 21 سنة فما فوق قدام دراري تاع 13 سنة يخرجوا عينيهم ويوقفوا للتحية الغزلية برومانسية شبابية

حالة الفتاة بعدها "صم بكم عمي فالشوك "

واش كاين ؟ تاع 12 سنة عندوا صحبتوا ويعشق وقالك :"ناويها للحلال" عفوا واش راني نسمع ؟ ياا ابني روح تقرى ورتب ادواتك

فالمحفظة خير

وواحد دراري فاتح فيسبوك " نعشق في مرتي" يااااو خليك تعشق قرايتك ديجا راك قاصر ميعقدولكش فالبلدية (لازم يديوك لمجلس اعادة

برمجة عقلك على اللعب والقراية راك فخطر )

أنا نحير وعضلات مخي تيبس هههه كي نشوف در تاع 15 سنة يعشق وحدة كبيرة عليه تاع24 سنة ويقولك الرسول عليه الصلاة

والسلام داها كبيرة عليه اه صار روحت غير لهذي ونسيت بلي هو ماكانش فعمروا 15 سنة وزيد تظل تعس عليها وتدمونديها للمشي معاك

"العاشق الصغير" ههههه روح قول لباباك يعطيك شوية صرف تشري الشيبس ولا الحلوى

الخطيرة خلاص تاع 5 سنين يعشق ههههههه ويعرف كلشي

قالك النسا ولاو ميدوش وليداتهم معاهم للحمام 5 سنين يفهم خير عليا و عليكم

الله غالب
سوء التربية

 

[الصحافية الساخرة]

و الله كيما قلتلك ، ماعييت نستعملهم حتى في الفروض و الاختبارات لما يمدولنا موضوع تع فقرات باو نعبي اغاني الانيم و كلامهم طوووووووووووول و تعجبك ندي 16 وفوق بسلامتي هههههههههههه
الله يدوم و يزيد ان شاء الله
الله يغليك و يعليك يارب ، ولا شكر على واجبباذن الله بل الشكر لكي لمواضيعكي المميزة بكلماتهم الذهبية و معانيها الجوهرية
تحياتي​

امييييين ..
هههههههههههههههههههههههه ملييحة راحتلي انا خساارة
الله يسترك ويهنيك يا غالية

 

[الصحافية الساخرة]

الل
الله غالب
سوء التربية

صح تذخل فيها تربية الاباء لولادهم

 

[السلطانة]

وعليكم السلام
يابني كون تروح حاشاكم تبول وترقد ماشي خير هههههههههههههههههه

الدر هاذو الفايس بووك طلعلهم قيمتهم
تلقايه تصاوير وشرات وحالتو حالة ميستر خانق روحو
ديجا فكرتيني في واحد جارنا
13 سنة داير روحو رجلة فيني هههههه
ويحكي على الموس والدخان ومشتقاتهم ويحط تصاور الموشمين ويعرّش
وتجي حبيبة فلان من هيه ههههههههه تكتبلو غير انت لي نديك
والبرا قدام السيام تلقايهم في غراميات
وليدي بالعقل على روحك لايطرطللق عرق راك البارح واين ربحت السانكيام ماشي حتى السيزيام


العاشق الصغير كيما قلتي انتي
ايا خش قشورك بُني اكبر في عقلك قبل
هيا صحيتي اختي

 

[الصحافية الساخرة]

وعليكم السلام
يابني كون تروح حاشاكم تبول وترقد ماشي خير هههههههههههههههههه

الدر هاذو الفايس بووك طلعلهم قيمتهم
تلقايه تصاوير وشرات وحالتو حالة ميستر خانق روحو
ديجا فكرتيني في واحد جارنا
13 سنة داير روحو رجلة فيني هههههه
ويحكي على الموس والدخان ومشتقاتهم ويحط تصاور الموشمين ويعرّش
وتجي حبيبة فلان من هيه ههههههههه تكتبلو غير انت لي نديك
والبرا قدام السيام تلقايهم في غراميات
وليدي بالعقل على روحك لايطرطللق عرق راك البارح واين ربحت السانكيام ماشي حتى السيزيام


العاشق الصغير كيما قلتي انتي
ايا خش قشورك بُني اكبر في عقلك قبل
هيا صحيتي اختي

ههههههههههههههههههه هذي تاع "راك البارح واين ربحت السانكيام ماشي حتى السيزيام" عجبتني هههههههه

صحيتي ختي
تحياتي

 

[abdoudraw12]

سلام عليكم ...
متسحقوش خدااام !! هه

موضوعك خلاني نتخيل موقف ..
منا للـ 2020 ممكن يصرا هه
اني نتخيل في طفل مزال مابلغش 5 سنين والمحروسة راها معاه في عمرها تلات سنن
حاطين الكتمان في ودنيهم ومقابلين البحر بكل رومانسية ويسمعو في اخر اغاني طيور الجنة ويقلها هدي في خاطرك توجور ههه
عجبتني بزاااف تاع روح رتب ادواتك في محفظتك خير ههههه
مشكل راه في عمرو تمنيه سنين ايا يوجدو قارو في جيبو كي يبدو يفوتو عليه الشيرات الصغار يشعلو ويتكيف قدامهم كي شغل راني كبيير وهو بلاك امو مزالها دوشو ههه
معليش هانا نتاملو ونشوفو وين باه توصل الحالة
على الاقل موضوعك يقصف الجانبين الدكر والانثى
^^​

 

[Hakan]

ههههه تبا لحياتنا التعيسة مي واش تستناي من طفل
تبعثو ختو وهو في عمرو 7 سنين وتقلو هاك الكادو هذا اديه لجارنا حسام وقلو حنان راهي تبوس فيك خخخخ
ولا راجل في عمرو 30 سنة يبعث ختو الصغيرة مولات 5 سنين ولا 8 لجارتو فتيحة ويقلها قوليلها غير انت اللي نديك
اكيد كي يكبر مسكين وكي تكبر مسكينة بعد عامين ترجع تحوس تكون كيما خوه ويكون كيما ختو
وهكذا تنتشر الحالة اللي راهي صارية اضافة الا
انو الاولياء لما يكتبولهم في مسلسل للبالغين فوق 18 سنة وتقلهايه يتفرج مع بنو ولا بنتو بحجة مازالو صغير ما يعرفش
ياي راهم يتعلمو خير منك ومني ربي يهدينا سوجي مليح بارك الله فيك ختي ​

 

[بثيــــنة 19]

وعليكـــــم السَـــلآم

يعطيك الصحة ختي لعزيزة جبتيها ف الصميم
هــآ مبرووك عليـك آسيدي ختم التميَز :p
هآوو يقولولهم هاذو الذر المساخيط
تلقاه مزالت الملغيغة تاعو محلولة ويدخل الفيسبوك يكتب اذا كان عندك ديبلوم ف الخيانة عندي ماجستير ف الإنتقام
زعما شكون خانو البوكيمون هذا ! باينة وحدة من فتيات القوة تاع أمبسي ثري ولا أناييس خت غامبول !
والمخلوق لي مزالو سنيه تاع حليب و تلقايه مزال يرقد مع ماماه وحافظ لغنى تاع تمعشيق تافه هذاك
وغير يشوف وحدة كبيرة عليه يبدا يغني آخآآه نندب وجهي على ذر آخر زمن
وعجبني هذاك لي في عمرو زوج دورو ويكتب طعنة الغدر تأتيك من الخلف
هآذي باينة ماماه عطاتو ضربات من الخلف كي لبس سباطو بالمقلوب
تجي تفهم تدوخ أيا تقرر متفهمش خير
صحيتي خيتي على موضوعك البهيون
تحياتي​

 

[الصحافية الساخرة]

سلام عليكم ...
متسحقوش خدااام !! هه

موضوعك خلاني نتخيل موقف ..
منا للـ 2020 ممكن يصرا هه
اني نتخيل في طفل مزال مابلغش 5 سنين والمحروسة راها معاه في عمرها تلات سنن
حاطين الكتمان في ودنيهم ومقابلين البحر بكل رومانسية ويسمعو في اخر اغاني طيور الجنة ويقلها هدي في خاطرك توجور ههه
عجبتني بزاااف تاع روح رتب ادواتك في محفظتك خير ههههه
مشكل راه في عمرو تمنيه سنين ايا يوجدو قارو في جيبو كي يبدو يفوتو عليه الشيرات الصغار يشعلو ويتكيف قدامهم كي شغل راني كبيير وهو بلاك امو مزالها دوشو ههه
معليش هانا نتاملو ونشوفو وين باه توصل الحالة
على الاقل موضوعك يقصف الجانبين الدكر والانثى
^^​

وعليكم السلام
هههههههههه لا تتخيل ستفقد الشهية هههه
ربي يسترنا
راك تشوف عدلت في القصف ههههه

 

[الصحافية الساخرة]

ههههه تبا لحياتنا التعيسة مي واش تستناي من طفل
تبعثو ختو وهو في عمرو 7 سنين وتقلو هاك الكادو هذا اديه لجارنا حسام وقلو حنان راهي تبوس فيك خخخخ
ولا راجل في عمرو 30 سنة يبعث ختو الصغيرة مولات 5 سنين ولا 8 لجارتو فتيحة ويقلها قوليلها غير انت اللي نديك
اكيد كي يكبر مسكين وكي تكبر مسكينة بعد عامين ترجع تحوس تكون كيما خوه ويكون كيما ختو
وهكذا تنتشر الحالة اللي راهي صارية اضافة الا
انو الاولياء لما يكتبولهم في مسلسل للبالغين فوق 18 سنة وتقلهايه يتفرج مع بنو ولا بنتو بحجة مازالو صغير ما يعرفش
ياي راهم يتعلمو خير منك ومني ربي يهدينا سوجي مليح بارك الله فيك ختي ​

هههههههههههههههههه والله كلامك صح
كما قلت ربي يهدينا
وشكرا لمرورك اخي
تحياتي

 

[الصحافية الساخرة]

وعليكـــــم السَـــلآم

يعطيك الصحة ختي لعزيزة جبتيها ف الصميم
هــآ مبرووك عليـك آسيدي ختم التميَز :p
هآوو يقولولهم هاذو الذر المساخيط
تلقاه مزالت الملغيغة تاعو محلولة ويدخل الفيسبوك يكتب اذا كان عندك ديبلوم ف الخيانة عندي ماجستير ف الإنتقام
زعما شكون خانو البوكيمون هذا ! باينة وحدة من فتيات القوة تاع أمبسي ثري ولا أناييس خت غامبول !
والمخلوق لي مزالو سنيه تاع حليب و تلقايه مزال يرقد مع ماماه وحافظ لغنى تاع تمعشيق تافه هذاك
وغير يشوف وحدة كبيرة عليه يبدا يغني آخآآه نندب وجهي على ذر آخر زمن
وعجبني هذاك لي في عمرو زوج دورو ويكتب طعنة الغدر تأتيك من الخلف
هآذي باينة ماماه عطاتو ضربات من الخلف كي لبس سباطو بالمقلوب
تجي تفهم تدوخ أيا تقرر متفهمش خير
صحيتي خيتي على موضوعك البهيون
تحياتي​

هههههههههههههههههه يبارك فيك
والله تحير فيهم تفتحوا عينيهم على الخماج ربي يستر
يعطيك الصحة ختيتوا على المرور

 

[الورد الأحمر]

السلام عليكم

هذا يسموه لعب الدر في ظل غياب دور الوالدين في سن حساس اسمو سن المراهقة. الواحد في العمر هذا تصرا تغيرات على جسمو ويولي مش فاهم على روحو اذا راه في عالم الأطفال ولا الكبار مالا يولي يخلط وكيما جات تجي وكي يكون مش مأطر من اللول مليح وزيد الوالدين مسيبينلو الحالة ينطلق كي الحصان كي تحلو الاسطبل.

حاليا التكنولوجيا شجعت بزاااف الشي هذا وخلاتو ينتشر ولي ما دارش الشي هذا في الواقع تلقاه دايرو في الفايس وكاين طبعا بنات يعجبهم الشي هذا ويكملو في الموضوع ويعطو هذاك البز الضو الأخضر حتى يولي شايف روحو كبير ويأمن.

الاطفال في السن هذا كي ما يلقوش لي يعسهم ولي يحسب لحركاتهم وتصرفاتهم هكذا تكون النتيجة.

مشكورة اختي.

 

[الصحافية الساخرة]

السلام عليكم

هذا يسموه لعب الدر في ظل غياب دور الوالدين في سن حساس اسمو سن المراهقة. الواحد في العمر هذا تصرا تغيرات على جسمو ويولي مش فاهم على روحو اذا راه في عالم الأطفال ولا الكبار مالا يولي يخلط وكيما جات تجي وكي يكون مش مأطر من اللول مليح وزيد الوالدين مسيبينلو الحالة ينطلق كي الحصان كي تحلو الاسطبل.

حاليا التكنولوجيا شجعت بزاااف الشي هذا وخلاتو ينتشر ولي ما دارش الشي هذا في الواقع تلقاه دايرو في الفايس وكاين طبعا بنات يعجبهم الشي هذا ويكملو في الموضوع ويعطو هذاك البز الضو الأخضر حتى يولي شايف روحو كبير ويأمن.

الاطفال في السن هذا كي ما يلقوش لي يعسهم ولي يحسب لحركاتهم وتصرفاتهم هكذا تكون النتيجة.

مشكورة اختي.

وعليكم السلام
كلامك صائب ترجع للتربية
مشكورة على مرورك يا غالية

 

[sosobibicha]

السلام عليكم
حكمتني الفشلة من الضحك هههههه
هذا يسموه اللعب الجايح و لي تعجبك في الفيسبوك لا عبينها رجلة و شرات و يغبنوا في رواحكم مي في الصح تلقايه يخاف يرقد في ظلمة و لا يروح يشري من الحانوت وحدوا و هادوك جماعة ادعولها غدوة عندها فرض في الاملاء و شعر على الحزن مساكين يشفوا ربي يهديهم
هذا كامل من والديهم و تربيتهم و رفقاء السوء
الله يعيطك الصحة على الموضوع شكرا
في امان الله ​