السلام عليكم و رحمة الله تعالى و بركاته
ان شاء الله تكونوا كامل بخير
اليوم حبيت نحكي على ظاهرة نتاع علاج جديدة (الرقية) . في الايام الماضية واجهت اخت لينا يعني عضوة في المنتدى مشاكل و لا مرض و طلبت النصح ، و كاين اللي نصحها بالرقية بحسن نية و الاخ @رابح66 عارض و اعتذر على اعتراضه و قال لها رقي نفسك بنفسك بصراحة انا اعجبني موقفه لانو يعرف جيدا انو الراقي نتاع اليوم دجال . ينتهك الحرمات خاصة لما تروح الفتاة دون محرم يعني الاب او الاخ او الزوج ، نلقاو رقاة منتشرين بزاف يبيعوا كلام الله و مايحوسوش على العلاج و هو مصدر دخل واسع و ساهل خاصة انو المرضى بزاف ، و يزيد يبيع لك معها شوي توابل بمبالغ طائلة و زيد صحاب النية بزاف . و زادوا وسعوها للزواج حتى يقفلوا رقم 4 كيما قال الشرع يعني الفتاة اللي تروح ترقي باش تخرج من مشاكلها تعشي ضحية ، يعني زوجة رقم 2 و 3 و 4 مبعد عاملة في (مؤسسة فلان للدجالة و العطور و التوابل) عفوا للرقية . اذا كان الراقي يخاف ربي سبحانه و تعجبه الفتاة يقول لهم خليوها عندي ايام باش نداويها ، مبعد يطلب منها تعاونه في عيادة الاحسان نتاعه مبعد يسيطر على عقلها و يطلب منها الزواج فتوافق بكل بساطة . و بعد مرور شهر العسل يقول لها ارواحي عاونيني حتان تجيب الولد يقول لها ارتاحي و ربي ولدك شوية و يرجع للعيادة نتاعه و يبحث عن ضحية اخرى و نفس الطريق مع الاخريات و مبعد يقول لهم اهبطوا نتوما الاربعة تعاونوني في مؤسسة الدجالة نتاعي ، الاولاد بزاف عليا و جامي يسقسي على مرضاه ارتاحوا و لا لالا المهم دفعوا .
فالمهم يا اخوان و يا آباء و يا أزواج احذروا هذي المؤسسة بكل فروعها و نبهوا ليها خاوتكم ، نغضب بزاف كي نشوف هاذو المنافقين استغلوا طيبتكم و نيتكم و يضحكوا على اذقانكم
هاذا الراقي اللي يخاف ربي يدير هكا ، و اللي مايخافش ربي واش يدير؟
ان شاء الله تكونوا كامل بخير
اليوم حبيت نحكي على ظاهرة نتاع علاج جديدة (الرقية) . في الايام الماضية واجهت اخت لينا يعني عضوة في المنتدى مشاكل و لا مرض و طلبت النصح ، و كاين اللي نصحها بالرقية بحسن نية و الاخ @رابح66 عارض و اعتذر على اعتراضه و قال لها رقي نفسك بنفسك بصراحة انا اعجبني موقفه لانو يعرف جيدا انو الراقي نتاع اليوم دجال . ينتهك الحرمات خاصة لما تروح الفتاة دون محرم يعني الاب او الاخ او الزوج ، نلقاو رقاة منتشرين بزاف يبيعوا كلام الله و مايحوسوش على العلاج و هو مصدر دخل واسع و ساهل خاصة انو المرضى بزاف ، و يزيد يبيع لك معها شوي توابل بمبالغ طائلة و زيد صحاب النية بزاف . و زادوا وسعوها للزواج حتى يقفلوا رقم 4 كيما قال الشرع يعني الفتاة اللي تروح ترقي باش تخرج من مشاكلها تعشي ضحية ، يعني زوجة رقم 2 و 3 و 4 مبعد عاملة في (مؤسسة فلان للدجالة و العطور و التوابل) عفوا للرقية . اذا كان الراقي يخاف ربي سبحانه و تعجبه الفتاة يقول لهم خليوها عندي ايام باش نداويها ، مبعد يطلب منها تعاونه في عيادة الاحسان نتاعه مبعد يسيطر على عقلها و يطلب منها الزواج فتوافق بكل بساطة . و بعد مرور شهر العسل يقول لها ارواحي عاونيني حتان تجيب الولد يقول لها ارتاحي و ربي ولدك شوية و يرجع للعيادة نتاعه و يبحث عن ضحية اخرى و نفس الطريق مع الاخريات و مبعد يقول لهم اهبطوا نتوما الاربعة تعاونوني في مؤسسة الدجالة نتاعي ، الاولاد بزاف عليا و جامي يسقسي على مرضاه ارتاحوا و لا لالا المهم دفعوا .
فالمهم يا اخوان و يا آباء و يا أزواج احذروا هذي المؤسسة بكل فروعها و نبهوا ليها خاوتكم ، نغضب بزاف كي نشوف هاذو المنافقين استغلوا طيبتكم و نيتكم و يضحكوا على اذقانكم
هاذا الراقي اللي يخاف ربي يدير هكا ، و اللي مايخافش ربي واش يدير؟
