- إنضم
- 24 ديسمبر 2016
- المشاركات
- 5,056
- نقاط التفاعل
- 15,515
- النقاط
- 2,256
- العمر
- 39
- محل الإقامة
- فرنسا الجزائر وطني
السلام عليكم
نهدر بصيغة المذكر وهي تنطبق ثاني على المؤنث.
اتخيل معايا ولا اتخيلي معايا انك خرجت عند الباب تشم هوا برك وفجأة نفحتلك تروح تحوس شويه في المحلات ورحت وداوك رجليك ودخلت للمحل الاول نتاع لبسة وعجباتك حاجة لبنك ولا بنتك ولا ليك وكانت في متناولك يعني تقدر تشريها معنكش في بداية الشهر الشهرية دخلت.
تهزها وتروح تتساوم مع مول المحل وتتفاهمو على سعر وخلاص ويساعدك بزاف يعني بون أفار
اتجي تخلص ....... اتجي تخلص تتلاح لجيبك ما تلقاش المحفضة نتاع الدراهم وفجأة تتفكر بلي خليتها في الدار لاخاطر في الاصل خرجت تشم هوا برك
،اتخيل معايا خيبة الامل والحسرة اللي في القلب على هاذيك الحاجة وخاصة لا قالك مول المحل هاذي هي الاخيرة،تخرج من عندو تهدر وحدك .... لا علينا تقول في قلبك ما عليهش في الاصل عجبتني بارك مانيش محتاجها وتهدي روحك بكلمات وتكمل التحواس .... هااااااااك محوس ونتا على الدورة لقيت واحد يبيع في الفاكية نتاع الموسم جديييييييدة ورخيسة (الرخا يدهش) تحبس وتقولو اوزنلي ربعة كيلو ندي للولاد يبردو قلوبهم ويوزنلك وتجي تخلصو تتفكر بلي راك نسيت الدراهم فالدار وتجيك البكية على روحك وعلى ولادك وخاصة كي يقولك راني نسكن بعيد ومروح ضرك يعني ما يستناكش نتجيب الدراهم وتجي....... تحطلو الساشي نتاعو وتكمل طريقك وريحة الفاكية في نيفك وتصبر روحك وتقول : راه قالي غدوة نشالله نولي نرجع ليه ونشري من عندو ......... تكمل تتمشى وتتمشى وفجأة تتفكر بلي مكانش الخبز في الدار ولأنك موالف تشريه نتا تروح للمخبزة المعتادة وهي قريب تسكر وتدخل لمول المخبزة طبعا يعرفك( وشراك يا فلان الحمد لله كيفاه راك الخ..) تقولو أعطيني ربع خبزات يجيبلك يقولك طا تتلاح لجيبك اييييييييه يا وعدي راني نسيت الدراهم في الدار الراجل صاحبك يقولك ماعليهش غدوة تجيبهم وتهز الخبزات ونتا حاط راسك من صاحبك وتقولو والله غدوة يكونو عندك(ميش موالفة تصرالك).تكمل طريقك للدار ونتا مليان بالإحباط مع أنك نسيت دراهمك برك بصح تروحلك العشية
وتدخل للدار مدمر بعد ما خرجت تشم هوا بارك
إذا تخيلت معايا وكنت معايا من الاول رايح تحس بحاجة يحسها غير اللي صراتلو .
والفاكية نتا قلت غدوة نولي ونشري هو ما يزيدش يفوت من ثم يخاف لا يشم ريحة الفاكية ويتفكر ولادو الصغار...
والخبز يدخل للمخبزة ومولاها عارف ومتأكد بلي داخل ومعول على الكريدي يهز الخبز ويروح للدار وهو متأكد أنو ما كان حتى دورو فالدار غير دراهم التريسيتي والغاز ودراهم الضروريات الاخرى.ا تخيلو حالة هاذا الزوالي وهو محروم من أبسط الأمور كيفاه حالتو النفسية يرحم والديكم
حبيت نتخيل معاكم خاوتي خواتاتي باه نتفكرو الزوالي وندعيولو بالفرج إن شاء الله.
ونقولو للي راهم يرميو الماكلة في المهملات اخزرو قدامكم كاين اللي راه شاتيها الله يهديكم ( ثم لتسألن يومئذ عن النعيم ( 8 ) ) سورة التكاثر
نتمنى نكون خففت ما ثقلت واتقنت وما اهملت
والسلام عليكم و رحمه الله تعالى وبركاته
حلم كبير
نهدر بصيغة المذكر وهي تنطبق ثاني على المؤنث.
اتخيل معايا ولا اتخيلي معايا انك خرجت عند الباب تشم هوا برك وفجأة نفحتلك تروح تحوس شويه في المحلات ورحت وداوك رجليك ودخلت للمحل الاول نتاع لبسة وعجباتك حاجة لبنك ولا بنتك ولا ليك وكانت في متناولك يعني تقدر تشريها معنكش في بداية الشهر الشهرية دخلت.
تهزها وتروح تتساوم مع مول المحل وتتفاهمو على سعر وخلاص ويساعدك بزاف يعني بون أفار
اتجي تخلص ....... اتجي تخلص تتلاح لجيبك ما تلقاش المحفضة نتاع الدراهم وفجأة تتفكر بلي خليتها في الدار لاخاطر في الاصل خرجت تشم هوا برك،اتخيل معايا خيبة الامل والحسرة اللي في القلب على هاذيك الحاجة وخاصة لا قالك مول المحل هاذي هي الاخيرة،تخرج من عندو تهدر وحدك .... لا علينا تقول في قلبك ما عليهش في الاصل عجبتني بارك مانيش محتاجها وتهدي روحك بكلمات وتكمل التحواس .... هااااااااك محوس ونتا على الدورة لقيت واحد يبيع في الفاكية نتاع الموسم جديييييييدة ورخيسة (الرخا يدهش) تحبس وتقولو اوزنلي ربعة كيلو ندي للولاد يبردو قلوبهم ويوزنلك وتجي تخلصو
تتفكر بلي راك نسيت الدراهم فالدار وتجيك البكية على روحك وعلى ولادك وخاصة كي يقولك راني نسكن بعيد ومروح ضرك يعني ما يستناكش نتجيب الدراهم وتجي....... تحطلو الساشي نتاعو وتكمل طريقك وريحة الفاكية في نيفك وتصبر روحك وتقول : راه قالي غدوة نشالله نولي نرجع ليه ونشري من عندو ......... تكمل تتمشى وتتمشى وفجأة تتفكر بلي مكانش الخبز في الدار ولأنك موالف تشريه نتا تروح للمخبزة المعتادة وهي قريب تسكر وتدخل لمول المخبزة طبعا يعرفك( وشراك يا فلان الحمد لله كيفاه راك الخ..) تقولو أعطيني ربع خبزات يجيبلك يقولك طا تتلاح لجيبك اييييييييه يا وعدي راني نسيت الدراهم في الدار الراجل صاحبك يقولك ماعليهش غدوة تجيبهم وتهز الخبزات ونتا حاط راسك من صاحبك وتقولو والله غدوة يكونو عندك(ميش موالفة تصرالك).تكمل طريقك للدار ونتا مليان بالإحباط مع أنك نسيت دراهمك برك بصح تروحلك العشيةوتدخل للدار مدمر بعد ما خرجت تشم هوا بارك
إذا تخيلت معايا وكنت معايا من الاول رايح تحس بحاجة يحسها غير اللي صراتلو .
في الجهة المقابلة
واللي دخل لمحل اللبسة وشاف سروال لبنو لاخاطر بنو ما عندوش سروال وسامو وتساوم مع مولاه وهاكذاك في الاخير يخرج وما شراهش ميش لانو نسى الدراهم لاخاطر ما عندوش اصلا. يشري السروال يقطعو التريسيتي حتى تلحق الشهرية .والفاكية نتا قلت غدوة نولي ونشري هو ما يزيدش يفوت من ثم يخاف لا يشم ريحة الفاكية ويتفكر ولادو الصغار...
والخبز يدخل للمخبزة ومولاها عارف ومتأكد بلي داخل ومعول على الكريدي يهز الخبز ويروح للدار وهو متأكد أنو ما كان حتى دورو فالدار غير دراهم التريسيتي والغاز ودراهم الضروريات الاخرى.ا تخيلو حالة هاذا الزوالي وهو محروم من أبسط الأمور كيفاه حالتو النفسية يرحم والديكم
حبيت نتخيل معاكم خاوتي خواتاتي باه نتفكرو الزوالي وندعيولو بالفرج إن شاء الله.
ونقولو للي راهم يرميو الماكلة في المهملات اخزرو قدامكم كاين اللي راه شاتيها الله يهديكم ( ثم لتسألن يومئذ عن النعيم ( 8 ) ) سورة التكاثر
نتمنى نكون خففت ما ثقلت واتقنت وما اهملت
والسلام عليكم و رحمه الله تعالى وبركاته
حلم كبير
آخر تعديل بواسطة المشرف:
