الحمد لله والشكر لله على نعمه الجمة والصلاة والسلام على رسول الله سيدنا ونبيينا وحبيبنا محمد صلّ الله عليــه وعلى آله وصحبه
من أين أبدا هه اشتقت إليكم كثيرا يشهد الله اني احبكم في الله واشتقت اليكم بزاف بزاف بزااف كامل دون استثناء
اتمنى ان اموركم بخير وصحتكم بخير وعافية ؟
اليوم وصفة ظرييفة كيش بالدجاج والسبانخ مي زدتلو شويا خضر
على بركة الله
يا لبنات لابات بريزي اني حطيتها من قبل وشنو كي اليوم استعملتها فوصفة مالحة درت برك ملعقة صغيرة سكر هذا وش غيرت فيها
الحشو
نصف صدر دجاج
سبانخ
حبة جزر
ربع حبة فلفل احمر حلو /طرشي /
قورجات الخضرا او قرعة كيما يسميوها البعض
بصل
ثوم
ـــــــــــــــــــــ
توابل : ملح - فلفل اسود
والبيشاميل كما هي في وصفة اللازانيا هنا : لازانيا بزاف بنينة ماشاء الله
عجينة البريزي هنا
بات بريزي + كريم كراميل ممم+ كريم باتيسير = ذوق هآيل متراطييوش
تكوني مسخنة الفرن لكن مدة الطهو نصفها
يعني العجينة رح طيب نص طياب يا دوب برك تجف شويا ثم تنحيها وتحشيها وترجعيها للفرن
تقطع السبانخ / السلق / ويوضع في طنجرة الضغط مع الدجاج وقليل من الزبدة والملح على نار هادئة
ما ديري لا ما لا والو هكذاك رح يطيبو
هاته الخضر توضع في مقلاة مع قليل من الماء الهندف و انو لازم طيح اي تطرى واذا نشفت من الماء ومزالها شادة روحها زيديلها ما
وكي تطرى وتنشف قليها فالزيت مع الثوم ومباشرة في الوعاء لي تحطي فيه الحشو يكون فيه 3 حبات فرماج / انا درت شيزي باسكو يذوب فيساع /
ومنبعد قلي السلق زحدة وزيديه فوق الخضر السابقة
كي يطيب الدجاج فطنجرة الضغط قطعيه وقليه ثم بداي تعمري الكيش
ثم الخضر مع السلق
ثم صوص البيشاميل لازم يكون شويا سايح
أحم أحــــم وينك جارررتي
ايووو جيبولي الاخت بنقابي افتخر ههه
ايووو جيبولي الاخت بنقابي افتخر ههه
أتمنى انها قد نالت اعجابكم 
لا تنسوني من صالح دعائكم بارك الله فيكم
الى الملتقى إن شاء الرحمن
لا تنسوني من صالح دعائكم بارك الله فيكم
الى الملتقى إن شاء الرحمن
ملاحظة : الكيش نورمالمو متجيش بالبيشاميل / وصحيح انا كي ذقتها بنينة لكن نحسها ثقيلة /
من المفروض فوق الحشو يتحط برك الحليب ممزوج مع البيض وقليل من جوزة الطيب مع فلفل اسود وملح وفقط
متجيش فيها البيشاميل
متجيش فيها البيشاميل
