و فجأة ... وقف قدامي هاري بوتر ~ _ ~

[حروف تائهة]

السلام عليكم و رحمة الله و بركاته
صحيتو سكان كوكب الارض الاشقاء

واش حالكم مع طبقة الأوزون
ياك تعرفوها طبقة الأوزون هذيك لي قالو فيها ثقبة و انتم ماصدقتوش

ايه عندكم الحق راهم غير يكذبو علينا باه مايخوفوناش
نوضو يا سكان الأرض

طبقة الأوزون راح نصها و انتم مازالكم تتفرجو في أنوش مافيا

( سبب التسمية مازال مجهول هههههه )
و الإشعاعات البنفسية صديقة الحمراء بدات تأثر على عقول البشرين

و طبعا التأثير راه كبير عند لي قولو عليهم الجنس اللطيف

يا جماعة لبنات هذو كيفاه يخمو فهمووووووني

ما كفاهمش الجلباب لفريكي

و الصباط لحمر يضوي و قوس قزح لي فوق عينيهم

زادو كملو لبسة هاري بوتر

ايييييه لبسة هاري بوتر هذيك لي يلبسوها كي يلعبو بالمكنسة و البالو لي اطير
هاذيك اللبسة الخضراء ........ واش بيكم مازال ماشفيتولهاش

ييييياو هاااذي هااااذي شووووووفوووووو ( ماعليش يالإدارة تخلينا الصورة خلّي الناس تفهم )

شفتوها ....... هاااااذيك هي صحيييتووو
ليوم كنت في الجامعة عندي كور

كنت نمشي بالخف باه نلحق
شفت خيال هاك غريب تاع حاجة يدي فيها الريح و يجيب
المرة لولة ماصدقتش عينيا ... قلت أواااه و الله غير نرجع و نثبت بلاك لازمتني نضارات
و نلقاهات هي و الله هي ياناس ... لبسة هاري بوتر

مي بالنسخة الجزائرية

... معناها كي شغل كوكتيل بين هاري بوتر و سروال دزيري
و طبعا معا الشابو تاعها يدي فيه الريح و بلا ماننسا الصباط لفريكي
كملت طريقي و رحت للكور بقيت حايرة و كل شوي نقول لصاحبتي
راني شفت هاري بوتر يمشي بين العامة

أنا قد ما حولت و مافهمتش .. إذا فيكم لي فهم دير فيا مزية و يفهمني
و إذا كاين كاش وحدة عندها لبسة هاري بوتر

تجي تشرحلي
بلاك نقتنع و تعجبني و نروح نشري وحدة

وقيلا طولت عليكم ديزولي راني مازلت تحت تأثير الصدمة

تبقاو بخير و على خير و إذا شفتو هاري بوتر سلمولي عليه
في أمان الله

​

 

[Skor m@k]

السلام عليكم
هههههههه ضحكتيني يا ختي
كي شفتي هاري بوتر راكي مليحة هههه
بلاكي كاش نهار تلقاي gريندايزر ولا فلة فالطريق تاع جامعة لعجايب هههه
هذي هي لامودة وديجا راكي هدرت على أنوش مافيا هههه ماشفتيش اللبسة تاعو هههه
هذي هي فالجزائر باش تولي مشهور كيما يقولك دير روحك مهبول تشبع كسور
حنا يحبو يبانو بالسيف وهوما ماعندهم حتى حاجة خارقة للعادة
يولو يموديفييو في البراماتر والفوطوشوب تاع لبنادم
حتى يولو من كوكب الزهرة ولا المريخ خخخخ​

 

[حكاية قمر]

السلام عليكم اختي
طريقة طرحك بزاف شابة عجبتني ^^
بحال لامودا شفتي وين ولينا حنا عنا راهم بزاف هاري بوتر باتمان سوبرمان خص غي سبيدرمان ونظن مام هو ظهر مي مزال ماشفتوش
الله يهدينا ويصلح حالنا

 

[ضآحكة مستبشرة]

السلام عليكم اختي
شكرا عالميضوع الزين
هههههه هاري بوتر بعداا مكاش منها
بببف شعب تافه مريح غير للسخافات يعيوني هذوك لبنات لي يلبسو لبسة العجب
و الله يا أنا اللبسة هاذي و الاسوغتي غير متدخليش كامل في الراس المهم نلبس و مستورة و خلاص متهمني لا هدرة الناس لا والو
لبنات تاع دوكا رآهم يسلعو في رواحهم حاشا بنات الفاميلية و كيما قال مالك يحبو يوليو مشهورين
و يلفتو الإنتباه جياحة و الله ربي يهدي عبادو
اذا تلاقيتي بيها ديري معاها سيلفي خخخخخخ للذكرى
ههههه ههه شكرآ حبيبتي عالميضوع​

 

[حروف تائهة]

السلام عليكم
هههههههه ضحكتيني يا ختي
كي شفتي هاري بوتر راكي مليحة هههه
بلاكي كاش نهار تلقاي gريندايزر ولا فلة فالطريق تاع جامعة لعجايب هههه
هذي هي لامودة وديجا راكي هدرت على أنوش مافيا هههه ماشفتيش اللبسة تاعو هههه
هذي هي فالجزائر باش تولي مشهور كيما يقولك دير روحك مهبول تشبع كسور
حنا يحبو يبانو بالسيف وهوما ماعندهم حتى حاجة خارقة للعادة
يولو يموديفييو في البراماتر والفوطوشوب تاع لبنادم
حتى يولو من كوكب الزهرة ولا المريخ خخخخ​

و عليكم السلام
ربي يديم اضحكة خيي
هههههه فلة ديجا شافيتها مازال gريندايزر
و هاذا الأنوش شفتلو نص فيديو ماقدرتش نكمله
ايه هذي هي ربي يهدي ولاو المهم يجبدو الانتباه ما يهمش كيفاه
بالسيف و لا بالخنجر هههه ممكن كوكب أكشن خخخخ
مشكور خويا على الاعتماد و الرد
تحياتي

 

[حروف تائهة]

السلام عليكم اختي
طريقة طرحك بزاف شابة عجبتني ^^
بحال لامودا شفتي وين ولينا حنا عنا راهم بزاف هاري بوتر باتمان سوبرمان خص غي سبيدرمان ونظن مام هو ظهر مي مزال ماشفتوش
الله يهدينا ويصلح حالنا

و عليكم السلام اختي
بارك الله فيك ربي يحفظك رانا نتعلمو
ههههه سبايدر مان قالو ظهر عند الرجال و الله أعلم ههه
تحسب ماش لاقيين واش يلبسو
آمين يا رب ربي يهدينا
نورتي الموضوع أختي
تحياتي

 

[لاريمان]

الصراحة مافهمتش نوع اللبسة سوزي رانا نشوفو لعجب
ربي يعدينا برك

 

[حروف تائهة]

السلام عليكم اختي
شكرا عالميضوع الزين
هههههه هاري بوتر بعداا مكاش منها
بببف شعب تافه مريح غير للسخافات يعيوني هذوك لبنات لي يلبسو لبسة العجب
و الله يا أنا اللبسة هاذي و الاسوغتي غير متدخليش كامل في الراس المهم نلبس و مستورة و خلاص متهمني لا هدرة الناس لا والو
لبنات تاع دوكا رآهم يسلعو في رواحهم حاشا بنات الفاميلية و كيما قال مالك يحبو يوليو مشهورين
و يلفتو الإنتباه جياحة و الله ربي يهدي عبادو
اذا تلاقيتي بيها ديري معاها سيلفي خخخخخخ للذكرى
ههههه ههه شكرآ حبيبتي عالميضوع​

و عليكم السلام أخيتي
العفو مرورك هو الزين
ياختي قريب يصرالنا تسمم نظري من هذي الكائنات الغريبة
ناس اعقولهم مبدعة غير في العجب ربي يهدي
صح الوحدة المهم تكون مستورة و مرضية ربها
ربي يستر على بنات المسلمين
هههههه ماعليش هكاك لازم ندير ألبوم سيلفيات مع الأبطال الخارقين خخخخ
ميرسي حنونة على الرد الطيب
تحياتي

 

[حروف تائهة]

الصراحة مافهمتش نوع اللبسة سوزي رانا نشوفو لعجب
ربي يعدينا برك

مرحبا اختي لاريمان
ههههه ياختي حتى انا مازال مافهمتش كيفاش فصالتها ههههه
هي نسخة مطابقة للبسة هاري بوتر هذيك لي في الصورة مي مع بعض اللمسات الجزائرية خخخ
آمين يا رب
مشكورة ^^

 

[الورد الأحمر]

السلام عليكم ورحمة الله وبركاته

اممم ما فهمتش مليح مي إذا زدتي شفتي هاري بوتر دوموندي السينياتيغ تاعو ما تدريش بالاك ما تزيديش تتلاقايه ههههه :p.

برك نقولك حاجة كي شفتها عجزت في بلاصتتك شفتك رفعتي كل الوجوه لي في الموضوع وحتى الصورة في مركز رفع اللمة :p وكنتي قادرة كل وجه من الوجوه تعبيه من الموقع برك تاعو بلا ترفعيه على مركز الرفع. المرة الجاية باه ما تتعبيش وانتي ترفعي في الشي هذا كامل واختصارا للوقت حطي الفأرة على الوجه لي تحتاجيه واضغطي بالزر الأيمن واعملي نسخ لرابط صورتو ومن بعد الصقيه في المكان المخصص لإضافة صورة وانتهى الموضوع بلا تشقاي الشقى هذاك الكل .

طبقة الأوزون على فكرة وقت كنت صغيرة قالو فيها ثقب وخلعونا قالك يؤثر سبيا على الأرض ويذوب القطبين وبلا بلا بلا مي كبرت ولدرك مازال ما ذاب والو ومتنا بالبرد .

مغسي ع الموضوع.

 

[Soumia hadj mohammed]

وعليك السلام ورحمة الله وبركاته
اهلااااا سوزيتا ، مشكورة على الطرح علّه مصادف في يوم من الايام لمن ترتدي لباس هاري بوتر فتقتنع بانه تافه

هم يضحك وهم يبكي ، ضحكتيني بطريقة طرحك الظريفة والمؤسف على الواقع الي يبصم على كلامك

صراحة واقيلا 50 بالمئة راني شايفة هذ النوع من اللباس تع هاري بوتر كيما سميتيه ههه لا ينقص سوى العصى ، يا حبيبي

/ على وزن مقولة كونان المتحري الذكي /
هذا اذا راني شافية مليح ايه ايه شفيت مرة شفتها هه يا حسرا عقلي راهو كي لموتور ما يرتاح ليل ولا نهار

باه نتلهى فهذوك المودات لي يتبعوها ومللت من التعليق لاني بصراحة مرو وحد لعوام كنت نبقى حايرة مصدومة من التخلبيط تع اللبسة و موليتش نبقى حايرة فهذ التفاهات بعدما صرالي وحد الموقف طاحتلي الدمعة في هذيك لعشية
وزيد الغمّة مبقاتش غير في تلك الفئة من الفتيات هداهن الله
العدوى تع المودا التافهة هذي لحقت حتى لعند الشباب باللبسة بالتحفيفة

ربي يهديهم

عيييت نفهم كيفاه مقتنعين بلي يبانو بيها شابين

......ومفهمتش
تحية طيبة اليك ​

 

[السلطانة]

وعليكم السلام هههههه هاري بوتر مرة وحدة معرف بقداه شرات اللبسة هاذي مخلوقات غريبة بزي غريب والله ياسروال دزيري هاذاك اكبر ضحكة تقول في عرس يعطيك الصحة.

 

[sosobibicha]

السلام عليكم
طبقة الاوزون كانت رايحة ترجع كيما كانت بصحة و عافية لولا ظهور انوش مافيا صورتو و شكلو يشقق المريخ مش طبقة الاوزون برك
هاذو هاري بوتر كل منخرج نشوفهم دايهم الريح ان شاء الله يا ربي يطيرهم للموزمبيق و لا تشاد نتهناو منهم قالك هاذي لامود ربي يهديهم ان شاء الله
يعطيك الصحة على الموضوع
دمت بخير
في امان الله ​

 

[الصحافية الساخرة]

ههههههههههههههههههههههههههههههه نضحك على رتم تراقص لبسة هاري بوتر هههخخخخههخخههه
لامود يا ختي لامود رانا ف 2017 ماغلطش سلاليل كي قال يخرج منهم لعجب
مزال ويولوا يلبسوا كي الرسوم المتحركة
موضوعك كان رائع مشكورة

 

[حروف تائهة]

السلام عليكم ورحمة الله وبركاته

اممم ما فهمتش مليح مي إذا زدتي شفتي هاري بوتر دوموندي السينياتيغ تاعو ما تدريش بالاك ما تزيديش تتلاقايه ههههه :p.

برك نقولك حاجة كي شفتها عجزت في بلاصتتك شفتك رفعتي كل الوجوه لي في الموضوع وحتى الصورة في مركز رفع اللمة :p وكنتي قادرة كل وجه من الوجوه تعبيه من الموقع برك تاعو بلا ترفعيه على مركز الرفع. المرة الجاية باه ما تتعبيش وانتي ترفعي في الشي هذا كامل واختصارا للوقت حطي الفأرة على الوجه لي تحتاجيه واضغطي بالزر الأيمن واعملي نسخ لرابط صورتو ومن بعد الصقيه في المكان المخصص لإضافة صورة وانتهى الموضوع بلا تشقاي الشقى هذاك الكل .

طبقة الأوزون على فكرة وقت كنت صغيرة قالو فيها ثقب وخلعونا قالك يؤثر سبيا على الأرض ويذوب القطبين وبلا بلا بلا مي كبرت ولدرك مازال ما ذاب والو ومتنا بالبرد .

مغسي ع الموضوع.

و عليكم السلام
هههههه ماعليش نحط السانياتير مع ألبوم الصور خخخ
ايييه هههه مزية قلتيلي قريب نص ساعة و نا نرفع فيهم خخخ بارك الله فيكي اختي
راهم غير يهفّو فينا قتلنا غير البرد ههههه
شكرا على المرور اختي
تحياتي

 

[حروف تائهة]

وعليك السلام ورحمة الله وبركاته
اهلااااا سوزيتا ، مشكورة على الطرح علّه مصادف في يوم من الايام لمن ترتدي لباس هاري بوتر فتقتنع بانه تافه

هم يضحك وهم يبكي ، ضحكتيني بطريقة طرحك الظريفة والمؤسف على الواقع الي يبصم على كلامك

صراحة واقيلا 50 بالمئة راني شايفة هذ النوع من اللباس تع هاري بوتر كيما سميتيه ههه لا ينقص سوى العصى ، يا حبيبي

/ على وزن مقولة كونان المتحري الذكي /
هذا اذا راني شافية مليح ايه ايه شفيت مرة شفتها هه يا حسرا عقلي راهو كي لموتور ما يرتاح ليل ولا نهار

باه نتلهى فهذوك المودات لي يتبعوها ومللت من التعليق لاني بصراحة مرو وحد لعوام كنت نبقى حايرة مصدومة من التخلبيط تع اللبسة و موليتش نبقى حايرة فهذ التفاهات بعدما صرالي وحد الموقف طاحتلي الدمعة في هذيك لعشية
وزيد الغمّة مبقاتش غير في تلك الفئة من الفتيات هداهن الله
العدوى تع المودا التافهة هذي لحقت حتى لعند الشباب باللبسة بالتحفيفة

ربي يهديهم

عيييت نفهم كيفاه مقتنعين بلي يبانو بيها شابين

......ومفهمتش
تحية طيبة اليك ​

اهلا بيك سمسومة منورة الموضوع
ان شاء الله يقتنعو هذا واش نتمنو
هذي لامود ولات كي المرض المعدي و الصعب مداواته ربي يعافينا
بنات و شباب أكبر همومهم في الحياة أنو يجبدو الأنتباه حتي بتفاهات و سخافات
ربي يهدينا و يصلح حالنا
بارك الله فيكي اختي سمية
تحياتي

 

[حروف تائهة]

وعليكم السلام هههههه هاري بوتر مرة وحدة معرف بقداه شرات اللبسة هاذي مخلوقات غريبة بزي غريب والله ياسروال دزيري هاذاك اكبر ضحكة تقول في عرس يعطيك الصحة.

دوم الضحكة اختي
هههههه ببلاش و يزيدوني دراهم و مانلبسهاش خخخ
ماعادوش يقدرو يفرقو بين لبسة لعراس و لبسة الخرجة ... ربي يهدي
الله يسلمك اختي ... مشكورة على المرور
تحياتي

 

[حروف تائهة]

السلام عليكم
طبقة الاوزون كانت رايحة ترجع كيما كانت بصحة و عافية لولا ظهور انوش مافيا صورتو و شكلو يشقق المريخ مش طبقة الاوزون برك
هاذو هاري بوتر كل منخرج نشوفهم دايهم الريح ان شاء الله يا ربي يطيرهم للموزمبيق و لا تشاد نتهناو منهم قالك هاذي لامود ربي يهديهم ان شاء الله
يعطيك الصحة على الموضوع
دمت بخير
في امان الله ​

و عليكم السلام
ههههه ولا ياهذاك الأنوش لي داير روحه مافيا خخخ حاولت نفهم كيفاه يخمم و ماقدرتش
شفتي ياختي الكائنات الغريبة دارت غزو لكوكب الأرض .. ربي يجيب الخير برك
هههه الموزنبيق و تشاد فيهم لي مكفيهم وقيلا ننفوهم لزحل خير خخخ
الله يسلمك اختي ربي يحفظك
نورتي الموضوع
تحياتي

 

[حروف تائهة]

ههههههههههههههههههههههههههههههه نضحك على رتم تراقص لبسة هاري بوتر هههخخخخههخخههه
لامود يا ختي لامود رانا ف 2017 ماغلطش سلاليل كي قال يخرج منهم لعجب
مزال ويولوا يلبسوا كي الرسوم المتحركة
موضوعك كان رائع مشكورة

ربي يديم الضحكة حنونة
ايييه صح احنا رانا مازال عايشين في العصر الحجري ههههه تسلملي لامود خخخخ
يعطيه الصحة سلاليل مافهمهم غير هو هههه
شكرا اختي مروركي الأروع
تحياتي

 

[أم أُنٌَيسة]

و عليكم السلام و رحمة الله تعالى و بركاته
ظنيت اني حطيت رد ، ولا يوجد اغبى من غباائي و افتخر ههههههههههههههه
اما عن اللبس واللي يقولولو لامود والله يا اختي الله لا يشوفني
لما نروح للجامعة نروح كيما قالت دنيا : لا بشوف و لا بسمع ولا بحكي هييييييييييييييك قالولي ههههههههههههه
باه نحافظ على 1 بالماءة من عقلي المتبقي ربي يسترو برك ان شاء الله
نسال الله الهداية و الثبات ان شاء الله يارب
ان شاء الله تكوني بالف خير اختي الصغيرونة
دمتي متميزة و مميزدة كالعادة
تحياتي احترامي و تقديري​