راكم معايا ولا ضدي

[sanaya]

سلام يا أغلى و أروع إخوان فلمتنا الحلوة
اليوم حبيت نحكي على موضوع وحاجة صح محيرتني
منعرفش أسكو راني غالطة ولا لا
جيت نحكي على ظاهرة جديدة دخيلة على مجتمعنا الطاهر

الناس تقبلوها نورمال مي أنا مستعرفتش بها
هاد الظاهرة هي مصطلح لحبيب و لحبيبة
وكاين اللي يسموه الارتباط
مي مهوش خطبة
صح الظاهرة هادي بلوكاتلي مخي
علاه

شحال من طفلة يكون عندها حبيب
ومبعد تخرج معاااااااه
وألف سطر تحت هاد العبارة
وممكن تبدا تصرف عليه
والناس كامل تعرف راهي مع هداك
ويصرا بينهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
غير ربي العالم واش يصرا
ومبعد

من أول خلاف يولي يهدد فيها تصاوير تاعها وووووووووووو
والطفلة ملخوف تولي عبدة ذلك الشخص
مي
مش كامل لبنات هاك
مي بزاف صرالهم هاك
مي علاه حتى وحدة تدي العبرة

هذا شرف وسمعة مش لعبة
علاه قلت هاك
خترة كنت نسمع فالإذاعة
و كانوا يناقشوا هاد الموضوع
زعما يحبوا بعضاهم ومبعد يتفارقوا
لبنات تقريبا ڨاع تقول نفس الكلمة
حبيتوا وصرفت عليه وصورني ورااااااااااااااااح
علاه متخموش هداك مش حب
هذاك استغلاااااااااااااال
علاهاديك يالبنات
ولأنو نعزكم بزاف ونحبكم علاهاديك حبيت ننصحكم
اللي يقولك نحبك
قوليلو :
ولا صح أرواح لدار بابا
مي برا مكان والو
نتمنى يكون المساج فهمتوه
ولي عودة لنتحدث عن الخطوبة ثاني
سلام

 

[GI Joe]

heein sarfet 3lih?? 3akssou l hala hadou skhatli rdjel li yessorfo men bekri !!
aallohim wech ngoulek hadak yssemouh le3b ther kol wahed yebghi y3ageb l w19t ta3o w b1yna kifeh tekhlass
mais la hdart 3la rohi non nhebou w yhebni bssah nn maydjich l dar mzel l hel w nestenaw ba3dhana,
ama 3la les photos sar f telephone ta3i w la kanou chwia privé nssuprilihom nkhaf troh la carte memoire wala hadja alors la nmedhom mena w mena!! a3tini gelbhom hadou li yele3bou b rhahom mm la kan radjel dayrin fih confiance ta9der tkoun sar9a wala hadja !!

 

[sanaya]

heein sarfet 3lih?? 3akssou l hala hadou skhatli rdjel li yessorfo men bekri !!
aallohim wech ngoulek hadak yssemouh le3b ther kol wahed yebghi y3ageb l w19t ta3o w b1yna kifeh tekhlass
mais la hdart 3la rohi non nhebou w yhebni bssah nn maydjich l dar mzel l hel w nestenaw ba3dhana,
ama 3la les photos sar f telephone ta3i w la kanou chwia privé nssuprilihom nkhaf troh la carte memoire wala hadja alors la nmedhom mena w mena!! a3tini gelbhom hadou li yele3bou b rhahom mm la kan radjel dayrin fih confiance ta9der tkoun sar9a wala hadja !!

وي صح مي مش ڨاع الرجال كفكيف كاين الخداع وكاين وليد الأصل شنو هو الطفلة لازم تحمي روحها خير متندم مستقبلا
وسمعت بزاف بنات تعرف واحد وتبدا تصرف عليه ومبعد يخليها
تصرا بزاف هادي
وألف شكر على مرورك
راك وليد أصل تبارك الله مي متنساش راني نهدرعلى هادو اللي يستغلوا بنات الناس
وشكرا على مرورك

 

[GI Joe]

ybarek fik
hh bent bent wa 3afwan

 

[Mustapha Bita]

انا نعرف وحدة جارتي صرالها نفس المشكل مع شخص حتى رحلو لولاية اخرى
موضوعك جميل

 

[sanaya]

انا نعرف وحدة جارتي صرالها نفس المشكل مع شخص حتى رحلو لولاية اخرى
موضوعك جميل

مرسي خو
صح تصرا بزاف
علاهاديك لازم لبنات يحلو عينهم مليح
و يعتبروا
باش ميوقعوش ف نفس الخطأ
يسعدني مرورك
سلااااااام

 

[حكاية قمر]

السلام عليكم
الله يسلمك ذاك لفم مانظنش كاين لي يجي ضدك باسكو هدرتك هي الصح
الله يهدي شبابنا وبناتنا لانهم ضاعو

 

[sanaya]

السلام عليكم
الله يسلمك ذاك لفم مانظنش كاين لي يجي ضدك باسكو هدرتك هي الصح
الله يهدي شبابنا وبناتنا لانهم ضاعو

آه مليح أملا راكي معايا
شكرا
وي ربي يهديهم سرتو الطفلة تغيضني كتصدق كلمة حبيبتي و فبالها صح حب
ومبعد يجي هداك يقابلها من بعيد
شكرا على مرورك يا أخت
سلااااام

 

[الصحافية الساخرة]

سلااام
هذا وين شفت موضوعك اخت سنايا قلت لازم نذخل مدام فيها مع او ضد هههههه
وما دام الموضوع على الحب الحرام فقد قال الله تبارك وتعالى(ولا تواعدوهن سرا) لكن ديما نمشوا عكس كلام ربي , وإن عذاب ربك لشديد , ربي يهدي عباده
الطفلة تخسر هي هي فالمجتمع فماذا تنتظرين عند ربك تتفكر بلي غفور رحيم اه لا روطار بنتي وقتها لا ينفع الندم , ختي البنت اللي تمشي بقلبها بدل عقلها جامي تتعلم , الحمد اللي عاافنا من هذا
, تعلقوا بالعبد فنساهم الخالق "الله" كتير من البنات فخطر اعفسي على قلبك والى عندك مشاعر حب بزااف اتزوجي وحبي راجلك وموتي فيه وهني روحك وهنونا من القصص ههذوا والله خمجونا وبهدلوا بينا ولاو الرجال يسبوا البنات خاطر الفاسدات بزاف وغطاو على الصالحات ربي يهدي
وشكرا على الموضوع الرائع

 

[sanaya]

سلااام
هذا وين شفت موضوعك اخت سنايا قلت لازم نذخل مدام فيها مع او ضد هههههه
وما دام الموضوع على الحب الحرام فقد قال الله تبارك وتعالى(ولا تواعدوهن سرا) لكن ديما نمشوا عكس كلام ربي , وإن عذاب ربك لشديد , ربي يهدي عباده
الطفلة تخسر هي هي فالمجتمع فماذا تنتظرين عند ربك تتفكر بلي غفور رحيم اه لا روطار بنتي وقتها لا ينفع الندم , ختي البنت اللي تمشي بقلبها بدل عقلها جامي تتعلم , الحمد اللي عاافنا من هذا
, تعلقوا بالعبد فنساهم الخالق "الله" كتير من البنات فخطر اعفسي على قلبك والى عندك مشاعر حب بزااف اتزوجي وحبي راجلك وموتي فيه وهني روحك وهنونا من القصص ههذوا والله خمجونا وبهدلوا بينا ولاو الرجال يسبوا البنات خاطر الفاسدات بزاف وغطاو على الصالحات ربي يهدي
وشكرا على الموضوع الرائع

ربي يكتر أمثالك ونشالله كامل لبنات يخمو كيفك
المشكل لوكان جات فالمعصية وحدها معليش
شوفي السمعة تاع الطفلة بعدما يتنشرو تصاويرها ووووووووو.
علاهاديك أنا شخصيا منستعرفش بالإرتباط اللي دخل علينا ولينا نستعرفو بيه
مي مكاش منها
اللي حب وحدة وخاف يخسرها ديراكت يخطبها
شكرا على الرد القيم فاطي تحياتي

 

[الصحافية الساخرة]

ربي يكتر أمثالك ونشالله كامل لبنات يخمو كيفك
المشكل لوكان جات فالمعصية وحدها معليش
شوفي السمعة تاع الطفلة بعدما يتنشرو تصاويرها ووووووووو.
علاهاديك أنا شخصيا منستعرفش بالإرتباط اللي دخل علينا ولينا نستعرفو بيه
مي مكاش منها
اللي حب وحدة وخاف يخسرها ديراكت يخطبها
شكرا على الرد القيم فاطي تحياتي

الله يحفظك ختي
انا تان ضد هذا الارتباط وربي يهدي بناتنا ويبعدهم على هذي الطريق

 

[RoUumaiSsA]

وي صح قستيها كاين منها
راني معاك
او لازم على الطفلة مديرش الثقة غير في اهلها
Psq مكاش لامان فهادا الوقت

 

[cosette]

السلام عليك
الحمد االله اولا اننا نحن الطهرات العفيفات لا نصاحب غير ازواجنا ان كنا مزوجين
ولكن حدثي ولا حرج
اضبحنا كوبي
كولي
على الهنودة والتراكة
حسبينا الله فيهم
يعلموا في بناتنا
ونحن نجريو في الحراموخلينا الحلال
نصيحة
لا تصاحبي سوى دينك واهلك
شكرا

 

[sanaya]

وي صح قستيها كاين منها
راني معاك
او لازم على الطفلة مديرش الثقة غير في اهلها
Psq مكاش لامان فهادا الوقت

وي مبقاش ثقة لااااازم الوحدة تعس مليح روحها ومكاش خير من الأهل
شكرا على مرورك روميساء
فكرتيني بنت عمي
هه
سلاااام حنونة

 

[sanaya]

السلام عليك
الحمد االله اولا اننا نحن الطهرات العفيفات لا نصاحب غير ازواجنا ان كنا مزوجين
ولكن حدثي ولا حرج
اضبحنا كوبي
كولي
على الهنودة والتراكة
حسبينا الله فيهم
يعلموا في بناتنا
ونحن نجريو في الحراموخلينا الحلال
نصيحة
لا تصاحبي سوى دينك واهلك
شكرا

مي مش ڨاع يفهموا هاك كتجي تقولي لوحدة منستعرفش بكلمة حبيبي تقولك ومبعد عادي ومبعد كخليها تبدا هي اللي تبكي
لازم نوقفوا مع بعضانا ونصحو بعضانا باش متكبرش الغلطة
شكرا على مرورك ياشاعرة
سلاااااام

 

[الورد الأحمر]

السلام عليكم

هذي الظاهرة من كثر ما انتشرت عاد المجتمع يشوفها عادي في بنات الناس مي ما يحبهاش على بنتو هذا ماكان. بكري كانو لبنات يبروفيثيو على الذكور ويكلحوهم ويلقى السيد روحو يصرف عليها شغل تسرقو بلا يحس وهو فرحان. درك رطع العكس الواحد يعس الطفلة الخدامة لي عندها ولاباس بيها ويصدم عليها باسم الحب وتكمل عليها تصرف عليه ومن بعد كي يشبع ويديقوتي يروح يشوف ضحية وحد أخرى ولا يروح يقرر يتزوج وطبعا يخطب غيرها هي ما عندو ما يدير بيها.

مشكلة الطفلة ما تعرفش وين تحط رجليها ومش عارفة وينو صلاحها مع أنها لوكان تجي تنصحيها تقولك راني عارفة واش راني ندير مي كي تكمل عليها مااااال وين تفهم بلي هي بذاتها ماكانتش عارفة واش راهي تدير.

الله يهدينا أجمعين.

 

[sanaya]

السلام عليكم

هذي الظاهرة من كثر ما انتشرت عاد المجتمع يشوفها عادي في بنات الناس مي ما يحبهاش على بنتو هذا ماكان. بكري كانو لبنات يبروفيثيو على الذكور ويكلحوهم ويلقى السيد روحو يصرف عليها شغل تسرقو بلا يحس وهو فرحان. درك رطع العكس الواحد يعس الطفلة الخدامة لي عندها ولاباس بيها ويصدم عليها باسم الحب وتكمل عليها تصرف عليه ومن بعد كي يشبع ويديقوتي يروح يشوف ضحية وحد أخرى ولا يروح يقرر يتزوج وطبعا يخطب غيرها هي ما عندو ما يدير بيها.

مشكلة الطفلة ما تعرفش وين تحط رجليها ومش عارفة وينو صلاحها مع أنها لوكان تجي تنصحيها تقولك راني عارفة واش راني ندير مي كي تكمل عليها مااااال وين تفهم بلي هي بذاتها ماكانتش عارفة واش راهي تدير.

الله يهدينا أجمعين.

آمين يارب
والله كارثة تسمى ب أون كوبل
منعرفش شحال وحدة تخدعت تحت هاذ الغطاء المزيف ومزالهم فهاد الغفلة
يحبك يجي يخطبك علاه حتى يلقبك برك بحبيبتو مش بمارتو المستقبلية
وهادي تاع ابتزاز الدراهم سمعت عليها بزاف
مي علاه حتى وحدة تدي العبرة
ربي يهديهم والله
وألف شكر على المرور أختي الورد الأحمر
تشاااااااو

 

[Smile Queen]

صباحك ورد حبوبتي
معاك طبعا بصح حبيت نزيد تعقيب لموضوعك يا غالية
بالنسبة لكلامك وكلام البنات كلو صح عندكم حق مي اضافتي انو شباب اليوم ماشي كيما تاع بكري .. بكري كان واحد كي يحكي مع وحدة يجي نهار وين يدق بابها وكان الحب عذري ماشي كيما تاع ضرك ربي يلطف بينا كوارث نسمعو بيهم هذا كامل من المسلسلات لي دخلوهم والعولمة لي راهم يستعملو فيها بالمقلوب الله يسترنا
وثاني كاينة حاجة نلومو الاثنين ماشي غير الطفلة
للاسف الطفلة في اكثر الاحيان تدير علاقة من اجل الزواج والمخلوق لي معاها يكون باديها اصلا بالخدع ويبدا الوعود الكاذبة ونهار لي يشوف صيد اخر راه يبعد ما تزيدش تسمع بيه طول وتبدا تقول حسبي الله ونعم الوكيل وتدعي وناسية بلي هي ثاني راهي مذنبة عند ربي سبحانو يسما في زوج كيف كيف "وافق شن طبقة"
امالا نصيحتي للبنوتات:
1- حافظي على نفسك وقتنا هذا مايرحمش وكوني فحلة حافظي على صورتك قدام ربي قبل ما تخمي في باباك ولا خاوتك وعايلتك
2- قبل ما تعملي اي خطوة فكري في نهايتها وين رح توووصلي وجامي تصدقي وعد انسان غريب لي يحبك يسقسي عليك من برا لبرا ويجي يخطب ديراكت
وللشباب :
1- قبل ما تأذي اي طفلة راك تأذي في نفسك وكون متأكد بلي كيما تعمل في اعراض الناس راه كاين لي عامل هكاك في عرضك
2- تفكر بلي يجي نهار وين توقف قدام ربي كيفاه تقدر تقابل ربي وانت عافس على حدودو ؟

ربي يستر بناتنا وشبابنا ويبعدهم على كل شر يارب
وربي يرزقنا العفاف ويسترنا حتان يسترنا التراب
شكرا حبوبتي موضوع في القمة

 

[sanaya]

صباحك ورد حبوبتي
معاك طبعا بصح حبيت نزيد تعقيب لموضوعك يا غالية
بالنسبة لكلامك وكلام البنات كلو صح عندكم حق مي اضافتي انو شباب اليوم ماشي كيما تاع بكري .. بكري كان واحد كي يحكي مع وحدة يجي نهار وين يدق بابها وكان الحب عذري ماشي كيما تاع ضرك ربي يلطف بينا كوارث نسمعو بيهم هذا كامل من المسلسلات لي دخلوهم والعولمة لي راهم يستعملو فيها بالمقلوب الله يسترنا
وثاني كاينة حاجة نلومو الاثنين ماشي غير الطفلة
للاسف الطفلة في اكثر الاحيان تدير علاقة من اجل الزواج والمخلوق لي معاها يكون باديها اصلا بالخدع ويبدا الوعود الكاذبة ونهار لي يشوف صيد اخر راه يبعد ما تزيدش تسمع بيه طول وتبدا تقول حسبي الله ونعم الوكيل وتدعي وناسية بلي هي ثاني راهي مذنبة عند ربي سبحانو يسما في زوج كيف كيف "وافق شن طبقة"
امالا نصيحتي للبنوتات:
1- حافظي على نفسك وقتنا هذا مايرحمش وكوني فحلة حافظي على صورتك قدام ربي قبل ما تخمي في باباك ولا خاوتك وعايلتك
2- قبل ما تعملي اي خطوة فكري في نهايتها وين رح توووصلي وجامي تصدقي وعد انسان غريب لي يحبك يسقسي عليك من برا لبرا ويجي يخطب ديراكت
وللشباب :
1- قبل ما تأذي اي طفلة راك تأذي في نفسك وكون متأكد بلي كيما تعمل في اعراض الناس راه كاين لي عامل هكاك في عرضك
2- تفكر بلي يجي نهار وين توقف قدام ربي كيفاه تقدر تقابل ربي وانت عافس على حدودو ؟

ربي يستر بناتنا وشبابنا ويبعدهم على كل شر يارب
وربي يرزقنا العفاف ويسترنا حتان يسترنا التراب
شكرا حبوبتي موضوع في القمة

أعجبني ردك هو في القمة أختي
مي سبقتيني حنونة أكيد راح نزيد نقصف الشباب لأنو كاين اللي يسيفوا الطفلة تمشي معاهم مش بالغصب مي يدير لها الإغراء اللي خليها تمشي موراه
وشكرا على مرورك حنونة