غريبين الاطوار تاع المنتدى

[♡كارينا♡]

السلام عليكم
ندخل ديراكت....بلا مانطبطب درت احتلال لمنتدى وشراك تهدر هوما لي نطقو عليا قالو تدخلي منتدى وشراك تهدر تلصقي تما هههههه..لازم تزعكوني هههههههه
ايا ديراكت ....
عارفة هاد الموضوع هدروا فيه بزاف غاشي من قبل وعلبالي كل واحد حر في اعجابتو ومشاركتو مناش رايحين نفرضو عليه.انا برك حبيت نزيد حاجة ولا زوج ......
واحد ظواهر غريبة تصير هنا في المنتدى مع بعض الناس زعما كيما واحد تلقاه في الاعجابات يدير واحد ويفوت تيربو على واحد ..
هدا نعرفو دير اعجاب
هدا ذاك العام رحت لبن عم جد خالي في ولايتهم وحقروني ايافوتو ...
هدا فوطوه مليح دير اعجاب
هدا يسبورتي البارصا بلا جدو مانديرولو اعجاب
اه هدا حبيبنا تاع الريال دير عشر اعجابات ههههه(انا نسيبورتي البارصا تكون في علمكم الا حبيتو غييييير فوتوني ههههههههه)
وهداك تاع كي ديرلهم اقتباس راك تسال فيه ولاترد عليه يضرب عليك النح حتى مايوليش يشوفك واش قتلو.....
ولي يحيرني اكتر فوقهم كامل هداك لتحسو معمرها زطلة وداخل يخلط تلقى لموضوع شعر وخواطر وهو يهدر عالكوكاو والجينواز وفريت اومليت والله تبدا تشك بلي المنتدى ضرب فيه زلزال وهديك المشاركة طارت وطاحت تما هههههه
وهداك لي تلقى الموضوع بالفصحى وهو يهدرلك قبايلي والدارجة مع فرنسي مع شوية اونgلي شكشوكة يا حفيظ .....
ولي تلقاه يطبق صح في سياسة التقشف موضوعك فيه عشر متار وهو كاتبلك mrc وتفهمها gدر عليك معناتو(مغسي) ....
ولي تلقاه داير واحد الرد تقول تسالو دين وماردولكش .
لدرجة انك كي تلحق نصف الرد تلقى روحك نسيت لي قريتها تعاود تولي تبدا تقرا الرد من جديد وغير دير اقتباس وتجي تكتب تبلوكالك كلش تنسى قاع واش قريت ودير كيما هادوك تاع التقشف وتكتبلو mrcههههه اسمحلنا الله غالب حكمنا الزهايمر عالصغر وانتوما تاني تتمسخروا ودايرين جريدة رئيس دولة ومايقولش هاك ههههههه وهداك لي من حذا التليفون تفيقلو مشنف عليك يابن عمي اضحك شوية ههههه هيهيهيهي هوهوهوهو والله دوخ .....وهداك لي ديما يلعبها يفتي وقاع ماتغالبوش يقولك حمرا حمرا ... كحلة كحلة ...وتلقاه يتكسل يحسب روحو كي شارك في موضوعك كي شغل دار فيك مزية
وهداك لي تروح تشارك انت في موضوعو كي يجي يرد عليك ...تحسو كانو يقولك راه موضوعي هدا شوف مليح ..ينفخ في روحو كالفروج والبويا الله يحفظنا ...
ربي يهدينا ويهدي الجميع لطريق الحق ويوفق الجميع .....
كملاحظة في موضوعي مانيش قاصدة واحد معين انا نهدر على فئة كبيرة من بعض الناس مسميتهم انا غريبين الاطوار تاع المنتدى نشوف فيهم يتعاملو هاك مع بزاف غاشي
ربي ينجحكم ومزيد من الابداع والتالق للجميع ....دمتم في رعاية الله وحفظه ...

 

[Skor m@k]

السلام عليكم
أواه حلاتلك الحالة هنا هههه رانا دايرين الغريغري باش ماتروحيش من واش راك تهدر هههههه
أنا واحد من ناس كي نجوز على موضوع مانديرلهمش كامل إعجاب
بصح ماشي على جال العضو ولا العضو هذاك ماشي صاحبي ولا
ندخل موضوع نلقى عضو دار رد تاع شكرا برك ولا ميغسي أنا هذا مانديرلوش إعجاب
ولا كان موضوع تاع نقاش وقريت الرد تاعو وماكنتش موافق على كلامو
علاه نديرو إعجاب وأنا ضد الكلام لي كتبو
ندير رد كونطر عليه ونديرو بلي عجبني رد تاعك
تانيت كاين كيما قلتي يكتب موضوع يخلط فيه برك الأفكار مش متناسقة
أوتوماتيكمو نعجز نقرى موضوعو واوتوماتيكمو مانردش أصلا عليه خاطرش ماقريتوش
وفي هذا المنتدى كل واحد وعندو رأيو وميولاتو وين يعبر عليها ويكتب ويرد
باريغزومبل ( راني نخلطها فلفرونسي كيما قلتي هههه ) فمنتدى البوح كي نلقى خاطرة ولا شعر
يرحم والديك قوليلي واش نرد عليه هههه أبار شكرا لك ويعطيك الصحة
هذا ماعندي واش نزيد نقول خاطرش مانعرفش النقد البناء
وكاين وكاين مي هذي تاع يسيبورتي البارسا ولا الريال
ولا هذاك العضو مانتفاهمش معاه هذي لالا ندير إعجاب ونرد على موضوعو
مي كاين أعضاء عزاز علينا الى بغى يكتب mrc برك نديرلو إعجاب ههههه
يعطيك الصحة ختي راهو مفعول الغريغري بدا يلقى صداه هههه
في مواضيع أخرى إن شاء الله​

 

[الفتى المغامر]

السلام عليكم
ان شاء الله راكم ملاح
المشكل أني ننسى ندير إعجاب لان أيقونة الإعجاب جاية في الطرف الأيسر
لوكان يديروهالنا في الوسط مليحة نولي ندير إعجاب
مننساهاش
شكرااا على الموضوع
في
امان الله

 

[زهرة اللمة]

السلام عليك
يا طفلة انت رايحة تقتلينا و لاكيفاه
يا بنتي بالشوية عليا ما قدرنالكش ههه
نرجعو لموضوعك احم احم
صراحة انا كي نقرا موضوع ما نديرلهمش كامل اعجاب
بصح مش على جال العضو و لا الصورة لا لا نعجز و الله
ديفوا تدخل موضوع تلقى في 50 مشاركة يعني تدور عليهم
كامل اعجاب اعجاب اعجاب.....اعجاب
كيما هذاك السيد لي دخل الستاد سلم على كامل المتفرجين و نسى بااه يتفرج الماتش
يعني قادرة ننسى الموضوع على واش راه يهدر و لا حتى ننسى واش كنت رايحة نكتب
انا نقرا الموضوع نرد ديراكت نحط ردة فعلي تم تم .......^^
يعطيك الصحة الزينة على المواضيع الزينة
بمتابعتك ....​

 

[الورد الأحمر]

ما شاء الله ما لحقتش ع المواضيع تاع واش راك تهدر اليوم غير الجديد مالا كي وصلت لموضوعك ما قدرتش نرد.

ندير رد تقشف حتى نرجع لعشية للدار نديرلك جرنان ومبعد اقراه ولا لحق عليه ب mrc هذي حاجتك .

لي عودة :kiss:

 

[فقير وباغي نطير]

مـــــــــــــــــــــــــــــــــــــــــــــــا
فهمتـــــــــــــــــــــــــــــــــــــــش المعنى

 

[الامين محمد]

تفكرت منين كنا صغار و نحبو نلعبو ماتش
الطفل الصامط اللي ما يعرفش يلعب
نديروه حارس مرمى
باش ما يصمطش الماتش و تاني باش يدي طريحة هههههههههههه

تانيك العضو اللي ما عندهش افكار كيما حارسنا تلقايه يرد على نوع واحد من المواضيع
و على اعضاء معينين
و ممكن يرد بنص كلمة تقول عليه راه يخسر في الحروف كل حرف بالف دينار

لكن بالمقابل كاين اعضاء ما شاء الله
يكتب و يرد و يضحك و يهبل و يحكي على الدين و على الرياضة و على الطبخ و على المحادثات
يعني زيدان نتاع المنتدى كيما اختي ام ياسمين ما شاء الله عليها و اخي الصغير الفتى المغامر ما شاء الله عليه

 

[الصحافية الساخرة]

السلام عليكم
اه يا مصيبة مغلطوش لي سماوك كارنتيكا ههههخخخ حسيت بلي جبدتي اسمي ما بين السطور خهههه راني نقرا النقص والزيادة ؛ ههه
يا كاري واش نقولك هذو مش غريبي الاطوار
لكن فقط يقولك شكرا لتزيد مشاركاته ههههه

واللي يذخلها بالتشناف تحسله من مور الشاشة بلي مشنف هههه يا اختي الجزايريين ميضحكوش هههههه غير انا نضحك ساكني الضحك فالدم والليستوما هههه
مشكورة على الموضوع اختي كارينا
دمت متميزة

 

[♡كارينا♡]

مـــــــــــــــــــــــــــــــــــــــــــــــا
فهمتـــــــــــــــــــــــــــــــــــــــش المعنى

اواه انت لازمني نبدا بيك انت لول ..هدا النديب كامل ومافهمتش ..كيفاش نفهمك معرفتش ههههههه
اقرأ مليح برك

 

[♡كارينا♡]

السلام عليكم
ان شاء الله راكم ملاح
المشكل أني ننسى ندير إعجاب لان أيقونة الإعجاب جاية في الطرف الأيسر
لوكان يديروهالنا في الوسط مليحة نولي ندير إعجاب
مننساهاش
شكرااا على الموضوع
في
امان الله

وعليكم السلام الحمد لله
ان شاء الله يديرولك التعديل لي تحوس عليه وتعبيها اعجابات ههههه العفوووو
مشكوور على المروور

 

[♡كارينا♡]

نبدا من اقصر مشاركة ونرووح

 

[♡كارينا♡]

ما شاء الله ما لحقتش ع المواضيع تاع واش راك تهدر اليوم غير الجديد مالا كي وصلت لموضوعك ما قدرتش نرد.

ندير رد تقشف حتى نرجع لعشية للدار نديرلك جرنان ومبعد اقراه ولا لحق عليه ب mrc هذي حاجتك .

لي عودة :kiss:

ههههه مزال ليامات لقدام شدي حيلك كما سوريين زعما ههه وديماري ...
رانا في لعشية ياوووو ههههه
مشكووورة على المرووور ..
وماديرليش جرنان نجي نرد عليك مانقدرش نقولك mrc وبالعافية ...ههههه

 

[♡كارينا♡]

السلام عليكم
اه يا مصيبة مغلطوش لي سماوك كارنتيكا ههههخخخ حسيت بلي جبدتي اسمي ما بين السطور خهههه راني نقرا النقص والزيادة ؛ ههه
يا كاري واش نقولك هذو مش غريبي الاطوار
لكن فقط يقولك شكرا لتزيد مشاركاته ههههه

واللي يذخلها بالتشناف تحسله من مور الشاشة بلي مشنف هههه يا اختي الجزايريين ميضحكوش هههههه غير انا نضحك ساكني الضحك فالدم والليستوما هههه
مشكورة على الموضوع اختي كارينا
دمت متميزة

هههههه اسكتي يا طفلة حابتيهم يلصقولي هاد الاسم هههه
اكتشفت بلي انا وانت كيف كيف ههه
مهبولات نضحكو وحدنا كما هاك ههههيييهههييهووهههوو...
بوووه على هدوك لمشنفين مورا البورطابل تفيقلو حنا تاع الجزاير مانحتاجوش خاصية كشف الاحساس في ألبورطابل نكتشفوها وحدنا هههه نورمالمو نروحو نخدمو عند الشناووة ...
العفووو مشكووورة على المرووور

 

[♡كارينا♡]

السلام عليك
يا طفلة انت رايحة تقتلينا و لاكيفاه
يا بنتي بالشوية عليا ما قدرنالكش ههه
نرجعو لموضوعك احم احم
صراحة انا كي نقرا موضوع ما نديرلهمش كامل اعجاب
بصح مش على جال العضو و لا الصورة لا لا نعجز و الله
ديفوا تدخل موضوع تلقى في 50 مشاركة يعني تدور عليهم
كامل اعجاب اعجاب اعجاب.....اعجاب
كيما هذاك السيد لي دخل الستاد سلم على كامل المتفرجين و نسى بااه يتفرج الماتش
يعني قادرة ننسى الموضوع على واش راه يهدر و لا حتى ننسى واش كنت رايحة نكتب
انا نقرا الموضوع نرد ديراكت نحط ردة فعلي تم تم .......^^
يعطيك الصحة الزينة على المواضيع الزينة
بمتابعتك ....​

هخههههه قريب نقتل روحي معناتو ما تخافيش مانلحقش عليكم هههه
ايه واش ادخلي وزعي الاعجابات ومعاهم شوية قهوة وقاطو ههههه
كاين هدوك تاع الشكشوكة شفتيهم وتقول ضاربهم زالزال هههه
هدوك لينرفزوني ..
مشكووورة على المرووور ..

 

[♡كارينا♡]

تفكرت منين كنا صغار و نحبو نلعبو ماتش
الطفل الصامط اللي ما يعرفش يلعب
نديروه حارس مرمى
باش ما يصمطش الماتش و تاني باش يدي طريحة هههههههههههه

تانيك العضو اللي ما عندهش افكار كيما حارسنا تلقايه يرد على نوع واحد من المواضيع
و على اعضاء معينين
و ممكن يرد بنص كلمة تقول عليه راه يخسر في الحروف كل حرف بالف دينار

لكن بالمقابل كاين اعضاء ما شاء الله
يكتب و يرد و يضحك و يهبل و يحكي على الدين و على الرياضة و على الطبخ و على المحادثات
يعني زيدان نتاع المنتدى كيما اختي ام ياسمين ما شاء الله عليها و اخي الصغير الفتى المغامر ما شاء الله عليه

ايه صح كيما راك تقوول ...كاين لي هاك ..بصح هدوك تاع الشكشوكة هوما لعماوها وتلقى لفريت اومليت مع الخواطر ههههه
مشكووور على المروووور

 

[الصحافية الساخرة]

هههههه اسكتي يا طفلة حابتيهم يلصقولي هاد الاسم هههه
اكتشفت بلي انا وانت كيف كيف ههه
مهبولات نضحكو وحدنا كما هاك ههههيييهههييهووهههوو...
بوووه على هدوك لمشنفين مورا البورطابل تفيقلو حنا تاع الجزاير مانحتاجوش خاصية كشف الاحساس في ألبورطابل نكتشفوها وحدنا هههه نورمالمو نروحو نخدمو عند الشناووة ...
العفووو مشكووورة على المرووور

ههههههههههههههههه اسس لا للفضايح
عندنا مواهب خارقة ههخخهه
العفو ختيتوا كاري هاني نقلش فيك :p

 

[♡كارينا♡]

السلام عليكم
أواه حلاتلك الحالة هنا هههه رانا دايرين الغريغري باش ماتروحيش من واش راك تهدر هههههه
أنا واحد من ناس كي نجوز على موضوع مانديرلهمش كامل إعجاب
بصح ماشي على جال العضو ولا العضو هذاك ماشي صاحبي ولا
ندخل موضوع نلقى عضو دار رد تاع شكرا برك ولا ميغسي أنا هذا مانديرلوش إعجاب
ولا كان موضوع تاع نقاش وقريت الرد تاعو وماكنتش موافق على كلامو
علاه نديرو إعجاب وأنا ضد الكلام لي كتبو
ندير رد كونطر عليه ونديرو بلي عجبني رد تاعك
تانيت كاين كيما قلتي يكتب موضوع يخلط فيه برك الأفكار مش متناسقة
أوتوماتيكمو نعجز نقرى موضوعو واوتوماتيكمو مانردش أصلا عليه خاطرش ماقريتوش
وفي هذا المنتدى كل واحد وعندو رأيو وميولاتو وين يعبر عليها ويكتب ويرد
باريغزومبل ( راني نخلطها فلفرونسي كيما قلتي هههه ) فمنتدى البوح كي نلقى خاطرة ولا شعر
يرحم والديك قوليلي واش نرد عليه هههه أبار شكرا لك ويعطيك الصحة
هذا ماعندي واش نزيد نقول خاطرش مانعرفش النقد البناء
وكاين وكاين مي هذي تاع يسيبورتي البارسا ولا الريال
ولا هذاك العضو مانتفاهمش معاه هذي لالا ندير إعجاب ونرد على موضوعو
مي كاين أعضاء عزاز علينا الى بغى يكتب mrc برك نديرلو إعجاب ههههه
يعطيك الصحة ختي راهو مفعول الغريغري بدا يلقى صداه هههه
في مواضيع أخرى إن شاء الله​

mrc












هههههههه اواه ماتقوليش صح دايرين لغريغري ماكاش منها دورجين مهبولة لوكان نلقى حاجة صغيرة تاع هدرة نسكن فيها هههه عندي فرط في الهدرة والتخلاط هههههه
رانا كامل كيف كيف في قلتوو..وهديك الخواطر كي تجي ترد قولهم صحيت صحيت يا لزدك ههههه ولا برافو برافو كي شغل تعيط وتصفق ههههه
ولغريغري على حساب ماراني نشوف مدوزينو يا جدكم لصقت تاع الصح هههه
مشكووور على المرووور

 

[Salah eddin]

السلام عليكم
موضوع مشوق جدا ...ههه
.والله عندك الحق ....بص راكي نسيتي صنف ....هذاك لي كي يدير موضوع و يشاركو فيع الاعضاؤ.....يقتبس بعض الردود و يرد على اصحابها و يهمل البعض الاخر....هذا ركزولنا عليه....و بارك الله فيكم...هه

 

[Lila 22]

أنا أيضاً لم أفهم شيئ ؟!!؟؟

 

[حلم كبير]

السلام عليكم و رحمه الله تعالى وبركاته.

واقيلا ضرك راكي تقولي دخلت الصماطة


اختي الفاضلة موضوع في القمة ويسهل علينا نعرفو بعضنا ونفوقو لسلبياتنا بطريقة جميلة وما تقيسش الاعضاء ،احيي فيك الذكاء اللي استعملتيه في الموضوع

بصح انا ما نقدرش ما نجاوبش بجدية ما عنديش حل. استحملوني وخلاص يخي الخاوة ديما فيهم واحد ولا وحدة صامطين اعتبروني هاذو

انا نشوف مجتمع اللمة مجتمع متكامل فيه كل اصناف الناس يعني تتعرف على شخصيات بزاف ومتنوعة.

نحب نرجع على الجميع بصح كاين مواضيع ما نقدرش نحكم روحي عليها حتى ومولاها دارو منذ لحضات ،ما نكذبش كاين اعضاء يستنطقوني وخاصة في المواضيع المتعلقه بالشباب والضياع والى غير ذلك ...
خويتي الفاضلة تقبلي مني فائق الاحترام والتقدير
حلم كبير