واش حاسب روحك

[sanaya]

هاي ياحلوين
كيفكم
كما شفتو فموضوعي السابق بعنوان
راكم معايا ولا ضدي
وجهت الكلام للبنات وقلت أنو مصطلح الأرتباط أو مانسميه ب أون كوبل أو كلمة حبيب وحبيبة منستعرفش بيه لأنو غالبا يكون مجرد استغلال واللي صح يحب طفلة يروح ديراكت يخطبها من باباها
واليوم جاية نقصف فئة من الشباب
صراحة ليامات هادو حلاتلي مع القصف منعرفش علاه
خايفة برك كاش نهار نقصف روحي
المهم عندنا شباب ماشاءالله ثقافة وتربية وأخلاق فالقمة
بحيث نهار كامل يعس لبنات
هادي طالعة هادي شابة هادي عجبتني
وووووووووووو
وهذا دليل على أنو هاد الفئة معندهمش فراغ فحياتهم بالعكس عندهم أحلام وطموحات كبيرة
تبارك الله
وحدة تجوز يعيطلها بسبس
وحدة بوبية
وحدة ..........
كل واحد واش يعيط
ونحييكم على هاد المستوى الرفيع من الأخلاق
وأكثر من ذلك مهمهومش الطفلة سيفيليزي ولا محجبة يبروفوكيها يبروفوكيها
وأكثر شي يغيضني كيحط عينو على وحدة
مش باش يخطبها باش يجيب الوقت وخلاص
الطفلة إلا كانت متفتحة وتهدر مع اللي جا قدامها أوتوماتيكمون تروح لو
مي هديك المتربية واللي تخاف ربي أكيد مراح تروح
مي مننساوش هادي بشر عندها قلب يحس مثل أي وحدة
و هناك بعض الشباب الذي يتفنن في إغراء الفتيات
بحيث حتى لو كانت عفيفة يقوم بإغرائها حتى يطيحها في لبياج
وهنا نرمو اللوم على الطفلة وحدها في وقت أن الشاب تاني له يد في هذا الشي
لذلك ياشباب اتقوا الله في أعراض بنات الناس
الدنيا دوارة
يوم ليك ويوم عليك
أحد أروع الأقوال التي سمعتها تقول:
قد ترى نفسك رجلا عندما تستطيع جذب فتاة إليك
ولكن كيف ترى نفسك رجلا وأنت تخدعها
لوكان جيت راجل صح لوكان تغير على بنت بلادك مش تعمل المستحيل حتى ترميها فعلاقة محرمة
وزيد الزنا دين تسجله في جدار بيتك
إذا لم تدفعه أنت فستدفعه أختك أو زوجتك أو بنتك مستقبلا
فلتتق الله في عرض أخواتك
وتذكر دوما ما ستفعله ببنات الناس سيفعل بك
نتمنى يكون المساج فهمتوه ياشباب
وربي يهدينا كامل
تشاااااااو

 

[Salah eddin]

السلام عليكم
وش نقولو
الله يهدي ما خلق
ناس ما تخافش ربي ...لا حول و لا قوة الا بالله
لكن الي يدير هاك ..الرسمي راهم يديرو كيما هاك لا خته و ابنته و هكذا
المهم
نسال الله العافية
شكرا ​

 

[الصحافية الساخرة]

السلام عليكم ورحمة الله
موضوع رااائع خاصة انه يقصف الشباب ههههههههههه
حتى والبنت يماها معاها ويداسروها ومع باباها ويشوفوا فيها ويهمسواا بخماج لسانهم (الا ما رحم ربي)
تفننوا في ترتيل الكلام القبيح , وافسدوا فتيات كثيرات , لا تقل لي هي وانت يا رجل سميت رجل لماذا؟ احتى عرضك لا تخاف عليه ؟ لا تقل لي لباسها الفاضح الا تعرف ان تغض بصرك ؟
قل لي ان الفتياات كاسيات عاريات اقل لك كذلك بصرك لا يبصر الا الحرام وعليه تحاسب سيشهد بصرك بما كنت تعمل وهل تظن ان الله ينظر لخطيئة المراة فقط ويحنا وويحكم لان عقابه لشديد
ربي يهدينا ويصلح شبابنا وبناتنا (اميين)
تقبلي مروري

 

[حكاية قمر]

السلام عليكم موضوع بزااااااااااااااااااااااف شباب حطة وزين ودين ههه وثاني شباب بلا ماكياج
نبدا ليك من تالي لي راجل صح عمرو ما يلعب ببنت الناس ومايخليش بنت تغريه ولا يقولك لا انا نتاستي شيرات ولي شادة روحها ريح ما يديها اووو كما قلتي حتى هير عندها مشاعر وبلاك تامن فيه وتقول رح يكون ادق لاني صادقة وتقول خلي نشوف عقليته و.. وفي الاخير تلقاه كذاب ويزيد يقولها نتي لي ماشي متربية بحال هو الله يبارك امام ماخلاش ولا اختبار يمشي برا يختبر العفيفات
كاين لي يلصق تقول باتاكس والله من قنت لقنت من باب دار لباب لبيس لباب ليسي ولا ماعلاباليش واش تا تقولي ذا عنتر زمانه وهو عنده هدف علبالك مام كاين لي كيشوفو وحدة مربية يتراهنو عليها شكون وقعهافي الفخ والله ما يحشموا
بكري كي كانوا تراريس واه تراريس كانوا يغيرو ع شرف المسلمات وكمال نعرفو قصة اليهود مع المسلمة هذيك لي ربطو ليها لباسها حتى كشفت لهم وكيفاه دخل رجل مسلم ودافع عليها
والله نهار قريتها قلبي تهز قلت ويين راهم هاذ رجال لي ينشد بيهم الظهر
الله يصلح شبابنا وبناتنا ويا رب جنبنا الفتن ما ظهر منها وما بطن
بارك الله فيك يا ازينة

 

[GI Joe]

ani nestena fi kach wahed ygol ya tofla ita9i fi weld ness, men wch cheft lebnat doka li rahom yele3bou kthar

 

[sanaya]

السلام عليكم
وش نقولو
الله يهدي ما خلق
ناس ما تخافش ربي ...لا حول و لا قوة الا بالله
لكن الي يدير هاك ..الرسمي راهم يديرو كيما هاك لا خته و ابنته و هكذا
المهم
نسال الله العافية
شكرا ​

اللهم آمين
اولا مرحبا أخي صلاح كيف أحوال الكرة هههه
مللي خسرت الجزائر اعتزلت تحليل المباراة
الشباب هادو المشكل علابالو بكلشي
كشغل يديرها زكارة
مي ربي كاين كما يقول المثل :
كما تدين تدان
شكرا على مرورك أخي صلاح سلام

 

[sanaya]

ال

السلام عليكم ورحمة الله
موضوع رااائع خاصة انه يقصف الشباب ههههههههههه
حتى والبنت يماها معاها ويداسروها ومع باباها ويشوفوا فيها ويهمسواا بخماج لسانهم (الا ما رحم ربي)
تفننوا في ترتيل الكلام القبيح , وافسدوا فتيات كثيرات , لا تقل لي هي وانت يا رجل سميت رجل لماذا؟ احتى عرضك لا تخاف عليه ؟ لا تقل لي لباسها الفاضح الا تعرف ان تغض بصرك ؟
قل لي ان الفتياات كاسيات عاريات اقل لك كذلك بصرك لا يبصر الا الحرام وعليه تحاسب سيشهد بصرك بما كنت تعمل وهل تظن ان الله ينظر لخطيئة المراة فقط ويحنا وويحكم لان عقابه لشديد
ربي يهدينا ويصلح شبابنا وبناتنا (اميين)
تقبلي مروري

لهم آمين
وكيف لا أتقبل مرور أختي المجنونة كحالتي
نولي للمو ضوع
لوكان هادوا كانوا يبروفوكيوا غير الكاسيات
معليه
المشكل محجبة مهيش ڨاع تشوف معاه يبدا يعاكس و يهدر
إتسما هنا نفهم بلي عندهم مرض هادو
ميخليوش لبنات ترونكيل
ربي يهديهم
و لاتحرمينا مرورك تشاااااو

 

[sanaya]

السلام عليكم موضوع بزااااااااااااااااااااااف شباب حطة وزين ودين ههه وثاني شباب بلا ماكياج
نبدا ليك من تالي لي راجل صح عمرو ما يلعب ببنت الناس ومايخليش بنت تغريه ولا يقولك لا انا نتاستي شيرات ولي شادة روحها ريح ما يديها اووو كما قلتي حتى هير عندها مشاعر وبلاك تامن فيه وتقول رح يكون ادق لاني صادقة وتقول خلي نشوف عقليته و.. وفي الاخير تلقاه كذاب ويزيد يقولها نتي لي ماشي متربية بحال هو الله يبارك امام ماخلاش ولا اختبار يمشي برا يختبر العفيفات
كاين لي يلصق تقول باتاكس والله من قنت لقنت من باب دار لباب لبيس لباب ليسي ولا ماعلاباليش واش تا تقولي ذا عنتر زمانه وهو عنده هدف علبالك مام كاين لي كيشوفو وحدة مربية يتراهنو عليها شكون وقعهافي الفخ والله ما يحشموا
بكري كي كانوا تراريس واه تراريس كانوا يغيرو ع شرف المسلمات وكمال نعرفو قصة اليهود مع المسلمة هذيك لي ربطو ليها لباسها حتى كشفت لهم وكيفاه دخل رجل مسلم ودافع عليها
والله نهار قريتها قلبي تهز قلت ويين راهم هاذ رجال لي ينشد بيهم الظهر
الله يصلح شبابنا وبناتنا ويا رب جنبنا الفتن ما ظهر منها وما بطن
بارك الله فيك يا ازينة

السلام عليكم موضوع بزااااااااااااااااااااااف شباب حطة وزين ودين ههه وثاني شباب بلا ماكياج
نبدا ليك من تالي لي راجل صح عمرو ما يلعب ببنت الناس ومايخليش بنت تغريه ولا يقولك لا انا نتاستي شيرات ولي شادة روحها ريح ما يديها اووو كما قلتي حتى هير عندها مشاعر وبلاك تامن فيه وتقول رح يكون ادق لاني صادقة وتقول خلي نشوف عقليته و.. وفي الاخير تلقاه كذاب ويزيد يقولها نتي لي ماشي متربية بحال هو الله يبارك امام ماخلاش ولا اختبار يمشي برا يختبر العفيفات
كاين لي يلصق تقول باتاكس والله من قنت لقنت من باب دار لباب لبيس لباب ليسي ولا ماعلاباليش واش تا تقولي ذا عنتر زمانه وهو عنده هدف علبالك مام كاين لي كيشوفو وحدة مربية يتراهنو عليها شكون وقعهافي الفخ والله ما يحشموا
بكري كي كانوا تراريس واه تراريس كانوا يغيرو ع شرف المسلمات وكمال نعرفو قصة اليهود مع المسلمة هذيك لي ربطو ليها لباسها حتى كشفت لهم وكيفاه دخل رجل مسلم ودافع عليها
والله نهار قريتها قلبي تهز قلت ويين راهم هاذ رجال لي ينشد بيهم الظهر
الله يصلح شبابنا وبناتنا ويا رب جنبنا الفتن ما ظهر منها وما بطن
بارك الله فيك يا ازينة

سلام ختي
وي اللي غاضني هاد اللي حاسب روحو راجل عرف وحدة فالفايسبوك متربية و بريئة
وتراهن مع صحابوا قالهم والله نخليها تولي رخيصة
وبدا معاها شويا بشويا
حتى نهار لقات تصويرها فالفايسبوك وكتب عليهم النمرو تاعها وزاد بدل نمرو تاعو
هادي واقعية
قوليلي واحد كما هادا
واش الهدف نتاعوا
غير يفسد بنات الناس
مي راح يخلصها فالدنيا قبل لاخرة
شكرا على مرورك ختي
سلااااام

 

[sanaya]

ani nestena fi kach wahed ygol ya tofla ita9i fi weld ness, men wch cheft lebnat doka li rahom yele3bou kthar

صراحة منعرفش على هاد الشي
مهما دارت الطفلة هي اللي حابة لروحها داك الشي مي راني نهدر على هاداك اللي هو اللي يخرج الطفلة من الطريق ويلصق فيها العيب
وهو يروح يكمل حياتو نورمال
و شكرا على مرورك

 

[GI Joe]

lala j veux dire kayen l 3akss, ykoun tfol mba9i ster maychouf ni mena ni mena w hia fiha fiss troh tkhardjou men 3a9lou hatan yetbedel 3la shabou w familtou 3la djalha w ki tekreh tbedlou tt simplement, hna houa li yghidh chwia w hia tkemel hiatha normal, mab9atech hadik l 3afssa ta3 tofla meskina w mich fay9a mm rdjel

 

[sanaya]

lala j veux dire kayen l 3akss, ykoun tfol mba9i ster maychouf ni mena ni mena w hia fiha fiss troh tkhardjou men 3a9lou hatan yetbedel 3la shabou w familtou 3la djalha w ki tekreh tbedlou tt simplement, hna houa li yghidh chwia w hia tkemel hiatha normal, mab9atech hadik l 3afssa ta3 tofla meskina w mich fay9a mm rdjel

صراحة مشفتش هاد النوع جامي
ولوكان شفتو كنت هدرت عليه
مي قادر تكتب موضوع تقصف فيه هاد النوع من لبنات
سلامي

 

[طيور السلام]

السلام عليكم اختاه
يعطيك الصحة على هاذ المواضيع راكي ديما تجيبيها في موضع الخلل..
كما يقال : ان الله يمهل ولا يهمل.. وكما يقال : كما تدين تدان...
يعني راك تمسخرت ودرت وجوزت الوقت ببنات الناس اليوم وغدوة راح تجي دالتك ويجي كاش واحد اخر كيفك يتمسخر ويجوز الوقت ببنتك ولا اختك ولا مرتك هاذي هي الدنيا...
هذا هو حال شباب اليوم... نهار كامل لا شغل ولا شغيل غير مع لحيوط.. يعسو في بنات الناس ونساو بناتهم ولكن الله رقيب ...
هذا من جهة ولكن يجب علينا اختي ان ننظر من جهة اخرى لهاذ المشكل... البروبلام ما راهش برك فالذكر .. لان الانثى ايضا عندها نصيييب كبيير جدا من اللوم..
لوكان جات تدير حجابها نورمال ماراحش تصرالها هكذا.. تلبسلي سروال سيري وتدير فولارا وتقولك هذا حجاب وتقول انا محجبة ما تشوفوليش وانا محترمة ياااو فاقو لو كان جاو البنات محترمات جامي يصراو هاذ الحوايج كامل...
المشكل الاكبر راه فالبنات ختو وراني نهدر عن تجربة لاني عشت 6 سنوات فالاقامة الجامعية ( عندنا في بجاية الاقامات مختلطة) يعني شفت جل الاصناف وللاسف سورتو تاع اللي زعما دايرات حجاب اللي يتكلحو ...
اللي غالب البنات ضرك ما يفرقوش بين الحلال والحرام وماعلابالهومش واش يديرو واللي يجي يكلحلهم... ماعلاباليش كيفاه يخممو.. للاسف تخمام الفتاة محدود هذا هو المشكل...
(واقيلا خرجت نوعا ما من الموضوع٬ لانو ماعنديش بزاف اضافات فيما يخص الشباب فانا اوافقك الرأي في كل حاجة قلتيها)..

 

[طيور السلام]

السلام عليكم ورحمة الله
موضوع رااائع خاصة انه يقصف الشباب ههههههههههه
حتى والبنت يماها معاها ويداسروها ومع باباها ويشوفوا فيها ويهمسواا بخماج لسانهم (الا ما رحم ربي)
تفننوا في ترتيل الكلام القبيح , وافسدوا فتيات كثيرات , لا تقل لي هي وانت يا رجل سميت رجل لماذا؟ احتى عرضك لا تخاف عليه ؟ لا تقل لي لباسها الفاضح الا تعرف ان تغض بصرك ؟
قل لي ان الفتياات كاسيات عاريات اقل لك كذلك بصرك لا يبصر الا الحرام وعليه تحاسب سيشهد بصرك بما كنت تعمل وهل تظن ان الله ينظر لخطيئة المراة فقط ويحنا وويحكم لان عقابه لشديد
ربي يهدينا ويصلح شبابنا وبناتنا (اميين)
تقبلي مروري

مالازمش نعممو على الكل اختي لان البنات السبب (اذا درنا المقارنة نلقاو النسبة المئوية تاع البنات اكثر )
واما النظر٬ فاعلمي ان بني ادم ضعيف ومن الصعب احيانا غض البصر...
يا سيدي البسو نورمال وواحد ماراح يشوف فيكم

 

[الصحافية الساخرة]

مالازمش نعممو على الكل اختي لان البنات السبب (اذا درنا المقارنة نلقاو النسبة المئوية تاع البنات اكثر )
واما النظر٬ فاعلمي ان بني ادم ضعيف ومن الصعب احيانا غض البصر...
يا سيدي البسو نورمال وواحد ماراح يشوف فيكم

السلام عليكم
على ما اظن قد قلن الا ما رحم ربي
ول تقل لي البنات اكثر اخي فقد انعدمت الاخلاق
بالحجاب ويداسروك ويعجبهم الحال
قل لي ذا الكذب ههههه
متقليش صعيبة تغض البصر سااااو ربي واش تقوله غدوا ان شاء الله مقدرتش نحمل اااه تبكم خاطر عطاك حوايج تحص بيهم روحك صلاة صيام و ٤ نساء والقران والدعاء والاذكار واااش تزيد كتر ؛ كما قل الكافرون هم اظلونا السبيلا لا لا ؛ نعطيك مثال الشيطان يوسوس الانسان لكن ان يخرجك من طاعة الل ويبعدك عمه تقول الشيطان الله غالب لا مفيهاش عذر مكانش تاع تلصق فالشيطان وانت لم تخضع اه وربي كان انذرنا وقال " قل اعوذ بالله من الشيطان الرجيم" يعني الشيطان للنار مي انت تتحاسب والعذر غير مقبول
وليس هناك اكثر واقل يا اخي الكريم
المهم ان احفظ نفسي واتقي ربي هذا هو لا يهمك ما يفعل البنات و وووو فقط غض بصرك وانتهى

 

[طيور السلام]

السلام عليكم
على ما اظن قد قلن الا ما رحم ربي
ول تقل لي البنات اكثر اخي فقد انعدمت الاخلاق
بالحجاب ويداسروك ويعجبهم الحال
قل لي ذا الكذب ههههه
متقليش صعيبة تغض البصر سااااو ربي واش تقوله غدوا ان شاء الله مقدرتش نحمل اااه تبكم خاطر عطاك حوايج تحص بيهم روحك صلاة صيام و ٤ نساء والقران والدعاء والاذكار واااش تزيد كتر ؛ كما قل الكافرون هم اظلونا السبيلا لا لا ؛ نعطيك مثال الشيطان يوسوس الانسان لكن ان يخرجك من طاعة الل ويبعدك عمه تقول الشيطان الله غالب لا مفيهاش عذر مكانش تاع تلصق فالشيطان وانت لم تخضع اه وربي كان انذرنا وقال " قل اعوذ بالله من الشيطان الرجيم" يعني الشيطان للنار مي انت تتحاسب والعذر غير مقبول
وليس هناك اكثر واقل يا اخي الكريم
المهم ان احفظ نفسي واتقي ربي هذا هو لا يهمك ما يفعل البنات و وووو فقط غض بصرك وانتهى

بكري الحاجب = العفة والعفاف واما اليوم فهو لا شيئ الا فولار وثياب تلبسها الفتاة ... هذا هو الحاضر للاسف...
واما بالنسبة لغض البصر كيما قلت في مشاركتي السابقة صعيب ولكنه ليس مستحيل وكل واحد يحاسب على حسب عمله امام الله عز وجل
ولكن غض البصر اختي لا ينطبق فقط على الذكر ٬ حتى الانثي لازم تغض بصرها وهذا ماراناش نشوفوه الا في من رحم ربي...

 

[sanaya]

السلام عليكم اختاه
يعطيك الصحة على هاذ المواضيع راكي ديما تجيبيها في موضع الخلل..
كما يقال : ان الله يمهل ولا يهمل.. وكما يقال : كما تدين تدان...
يعني راك تمسخرت ودرت وجوزت الوقت ببنات الناس اليوم وغدوة راح تجي دالتك ويجي كاش واحد اخر كيفك يتمسخر ويجوز الوقت ببنتك ولا اختك ولا مرتك هاذي هي الدنيا...
هذا هو حال شباب اليوم... نهار كامل لا شغل ولا شغيل غير مع لحيوط.. يعسو في بنات الناس ونساو بناتهم ولكن الله رقيب ...
هذا من جهة ولكن يجب علينا اختي ان ننظر من جهة اخرى لهاذ المشكل... البروبلام ما راهش برك فالذكر .. لان الانثى ايضا عندها نصيييب كبيير جدا من اللوم..
لوكان جات تدير حجابها نورمال ماراحش تصرالها هكذا.. تلبسلي سروال سيري وتدير فولارا وتقولك هذا حجاب وتقول انا محجبة ما تشوفوليش وانا محترمة ياااو فاقو لو كان جاو البنات محترمات جامي يصراو هاذ الحوايج كامل...
المشكل الاكبر راه فالبنات ختو وراني نهدر عن تجربة لاني عشت 6 سنوات فالاقامة الجامعية ( عندنا في بجاية الاقامات مختلطة) يعني شفت جل الاصناف وللاسف سورتو تاع اللي زعما دايرات حجاب اللي يتكلحو ...
اللي غالب البنات ضرك ما يفرقوش بين الحلال والحرام وماعلابالهومش واش يديرو واللي يجي يكلحلهم... ماعلاباليش كيفاه يخممو.. للاسف تخمام الفتاة محدود هذا هو المشكل...
(واقيلا خرجت نوعا ما من الموضوع٬ لانو ماعنديش بزاف اضافات فيما يخص الشباب فانا اوافقك الرأي في كل حاجة قلتيها)..

خويا مرحبا ومخرجتش من الموضوع صح كاين بنات اللبسة تاعهم تخلي الواحد يعاكس بدراع
مي فنفس الوقت كاين شباب الطفلة محجبة حجاب مليح مش متبرج ويعاكسها
ونا طرحت قبل اليوم موضوع بعنوان :
نلبس واش نحب ورد بالك تعاكس مي مطرحوهوش منعرفش علاه
المهم خويا هادي فئة شباب ربي يهديهم
وربي يهدي لبنات ثاني باش ميلفتوش نظر الشباب
سلام
وشكرا على المرور

 

[طيور السلام]

خويا مرحبا ومخرجتش من الموضوع صح كاين بنات اللبسة تاعهم تخلي الواحد يعاكس بدراع
مي فنفس الوقت كاين شباب الطفلة محجبة حجاب مليح مش متبرج ويعاكسها
ونا طرحت قبل اليوم موضوع بعنوان :
نلبس واش نحب ورد بالك تعاكس مي مطرحوهوش منعرفش علاه
المهم خويا هادي فئة شباب ربي يهديهم
وربي يهدي لبنات ثاني باش ميلفتوش نظر الشباب
سلام
وشكرا على المرور

ربي يهديهم ويهدينا ان شاء الله
اختي للاسف اليوم البنت محجة او لا والو ما يتغير فيها ... شفت اشحال من طفلة بالحجاب وافعالها اكثر من الفتاة الغير المحجة يعني على حساب رأيي الحاجب اليوم لا يعكس عفة الفتاة وتربيتها لان البنات اليوم يحسبوه لامود ولا ماعلاباليش واش وهو واجب شرعي
ومانهدرش على كيفاه يديروه وواش يلبسو معاه لان هذا امر اخر ...
ان شاء الله ربي يهدينا كامل
بارك الله فيك اختي

 

[sanaya]

ربي يهديهم ويهدينا ان شاء الله
اختي للاسف اليوم البنت محجة او لا والو ما يتغير فيها ... شفت اشحال من طفلة بالحجاب وافعالها اكثر من الفتاة الغير المحجة يعني على حساب رأيي الحاجب اليوم لا يعكس عفة الفتاة وتربيتها لان البنات اليوم يحسبوه لامود ولا ماعلاباليش واش وهو واجب شرعي
ومانهدرش على كيفاه يديروه وواش يلبسو معاه لان هذا امر اخر ...
ان شاء الله ربي يهدينا كامل
بارك الله فيك اختي

وي صح أخي ويغيضني بزاف الطفلة اللي تحجب وأفعالها مش مليحة لأنو تعطي صورة سيئة للمتحجبة
وهادا موضوع كبير
ألف شكر على إثراء الموضوع والمرور
سلاااام