الحماة الواعرة...

[الصحافية الساخرة]

سلااااام

بينوا ارواحكم يا ضفادع اللمة هههههه

راكم هجرتوا القسم هذا راني قريب نطفى

ههههه واه كامل الاقسام دايرين فيهم جديد وتحديات واااو وهنا الدايم ربي اهدر واقعد

اتفرج فموضوع تاعك ههههه

المهم انا منيش جاية نهدر على هذا الشي

الموضوع راه تاع اكشن بالمقلة هههه

والرصاص صباط تاع ٤٤ هههه ؛ حروب

لسانية تنطلق بين الكنة وحماتها ياااس

شغل الموسيقى باش ما يسمعوش

الجيران ههههه انا حابة نقعد بلا راس

جماعة ؛ نحير وتحيروا حتى انتم علابلي

عجوز تظل ورا وليدها اتزوج اوليدي

ترقدوا بالزواج تنوضوا على اتزوج تغديه

بالزواج حتى يقرر يتزوج وتفرح يماه

ايه كل أم تحب تزوج ولادها وتفرح بيهم

اييه ونهار عرس وليدها تشوفها زاهية

الفرحة تبان حتى فنيفها هههههه

وتضرب السرة فالشاوي اييييي ازذق ازدق

افرحي يا لميمة ليوم عرس وليدك

اييه الحنة يا الحنة جيبوها تحنيلوا لميمة

ديرلوا شبه دايرة فيده ههههه مهم تحني

معرف علاه يحنوا ؟ ما يهمش هذي خاطينا

وتبدا الويدان والشلالات صوروا اللقطات

لميمة تدمع وولدها يحضن فيها دمعة

وخنونة هههه لا متشدوش اللقطة هذي

تفضحوه هههه الرجل رجل والخنونة لبانت

يقولوا صادقة دموعوا هههههه

نجوا للعروسة منقدرش نقولكم اسك

شابة ولا لا لا مشفتش فيها نظل نشطح

ونسربي ههههه علابلي حدث الليلة هذيك

على العروسة والسكانار مسلط على التصديرة

والمشطة وسنانيها اسك تاعها ولا دايرة

مجوار ههه

مهم حماتها زعما فرحانة بيها وتتصور

وتشطح معاها وهي غير قدام الغاشي برك

خاطر راها تضاربت معاها قبل العرس وهذي

تصرا بزاف ههههه

لا علينا ليسونسيال فرحوا مع بعض ونساوا

لحكاية ؛ يفوت العرس واليوم الرابع ولدها

يقلع هو مرتوا يحوسوا فولايات اخرين

والعجوز ميعجبهاش الحال اييه منعرف لاه

اييه محوسش بيماه تفكرت وخلاها ؛

عليها راها مطفية والمشكل القصف يقيس

غير كنتها ؛ ديجا سماتها " السحارة "

زعما سحرت بنها وداتوا عليها ؛ يااااا هذوا

ايامات يحوسوا ويرجعوا وعلاه تعيطي

عليهم ولا قدر الله وداروا اكسيدوا وهوما

جايين فالطريق ماشي تظلي تندبي حياتك

طول وتلومي روحك ؟ ديجا طاحت الشتا

فايامات هذوك زهرهم معوج ورجعوا
باش تفرحي هههه

وكي تتلاقا الكنة وحماتها ااه خلايا

سيرتوا يكون هذاك ابنعا الباكر والعزيز

عليها اي تقلبها على كنتها وتقصفها غير

بالثقيل ، شي لي يديروا ابنها لمرتوا تعيط

عليها متجيبلهاش هذي وانا لي كبرتك

وتعبت عليك عمرك لا جبتلي هكا هههه

معليش نقولوا ابنعا وتحس بالغيرة

ومي لكان عيط عليك ابنك ولا مولاش

يزورك بزاف هنا مترجعيش اللوم على

كنتك وتقوليلها العقرب والمصفارة

ديتيلي ابني وبعدتيه عليا وووو وكل اسم

مش مليح تسميه بيها ؛ بالاك ابنك هو لي

مهوش يحب يجي مش شرط هي لي

تقوله متروحش عند يماك وزيد زوجتي

وليدك بغيتي تفرحي بيه علاه تعسي عليه

واش جاب لمرتوا ووين داها وكاينة اللي

متحبش يديها لعند مواليها والله تحير

انتي زوجتي وليدك تظلي تعسي فيه

زعما كنتي حابة تشوفي ولادوا مي

ماشي كي تزعفي من وليدك تحاشمي

كنتك وتكرهي حفادك هذي منوافق فيها

حتى أم ؛ ليسونسيال انا هدرت على الحماة

ماشي ديما هي مش مليحة خصصت

حديثي على حموات تلقا عرايساتهم مش

مقصرين معاهم ولكن ديما يعكسوها

هوما حافظين تاع الكنة كي الحية هههههه

المهم كاين لي تضرب كنتها بمقلة نورمال

وتحرم عليها تدير السيشوار ههههه

حتى الصابون والشامبو تخبيه كي تبغي

تتحمم تروح تكتب طلب خطي للحماة

ههههه

ومننساش هذيك الحماة اللي تزدم على

الشمبرة باش تنوض كنتها ماشي للفجر

لقيام الليل ههعهه يسحروا فالفطر هههه

نحيي كل حماة تحب كنتها كما بنتها وكتر

والله البنت امانة تجيبها لدار تغبنها

وتسبها عيييب اي بحال بنتك امانة عندك

خلاها بوها

والله بزاف يطلقوا ومظلومات خاطر حماتها

تكرها وتداوس معاها بزاف اكيد الراجل

يكره من هذوا المشاجرات وينهي العلاقة

بالطلاق

وكاين حتئ لي تظل ورا كنتها بالكلام اللي

يجرح حاطر معندهاش دراري ولا اللي تجيب

بنات برك تظل تعايرها والله عجب صاري

وربي يهدي هذا ما كان ومتقولوليش

كاين كنات ماش ملاح علابالي كاين وبزاف

هدرت على جانب واحد برك خاطر لوكان

نهدر عليهم في زوج نولي نحكي في حرب

ويذخلوا دبابات وصواريخ نووية

ومتفراش ويسمعونا الناس لي هنا

خلي برك هههه

حماتي المستقبلية يا ترئ كيفاه مدايرة

الروايات صورتك عجوزة حاطمة ههه

وانا خافت من ضربتك القاضية

مالا نقعد فواش راك تهدر هانية
ههههه
سلاااام

 

[Smile Queen]

السلام عليكم
غاليتي الصحافية الساخرة صح اسلوب طرحك فكاهي مي والله غير بكيتيني اليوم لانك فكرتيني بواقع عشتو وانضريت بزاف
اصعب حاجة لما وحدة تخرج عروس وتعاود ترجع لدار باباها مظلومة لوكان اوموان كاش مادارت بصح تلقاي السبب الكبير العجوز
مش رح نحكي عليها ولا نحيلها ذنوبها حابة نتلاقاها ونوقف معاها قدام رب العالمين باش ندي حقي كامل مكمل حسبي الله ونعم الوكيل
المهم حبوبتي بالنسبة للحماة المتسلطة للاسف كاين بزاف وبزاف منهم لي كانو سبة في طلاق اولادهم
ربي يهدي ما خلق وشكرا للموضوع علابالي بزاف لي رح يردو ويقولك مهما كان هذي ام بصح كاين ام من ام
برأيي الام لي تكون سبب في ضياع حياة بنت ام اخرى هذي عيب اصلا نسموها ام

 

[ammmmoula]

والله العظيم انا حماتي نحبها ونموت عليها دايرتها كيما ماما وكتر وحتى هي مسكينة والله دايرتني كي بنتها تخاف عليا من الريح لو كان ندوس مع راجلي تنوضلو ههههه تقولو نديرلك كي بكري بالمناسبة ادعولها ربي يشافيها

 

[لؤلؤة قسنطينة]

السلام عليكم
ابابابابا كان في بالي غير انا لي نهدر بزاف ساع خرجت مخلوقة خلاف كتر عليا الله يبارك ههههه المهم راني قلت الله يبارك باه مانعاينكش هههه
اممم نرجعو للموضوع الحساس وهو العجوزة والكنة وكيما يقولك اذا تفاهمت العجوزة والكنة بليس يدخل للجنة هههه يا لطيف يخلعو فينا
شوغي ختنا الصحافية بالنسبة للعجايز كاين 3 أنواع كاينة العجوزة لي هي بعد بطبيعتها بعد شريرة يعني كإنسانة بعد مدايرة راجلها نشافة
ومدايرة لي مايتندارش في ولادها هادي قبل حتى ماتجي لعروسة يعني كي تجي لعروسة وتقوم الحرب هادا أمر بديهي لأنو هي كإنسانة ماش مليحة ماش كعجوزة
الفئة التانية وهي فئة العجايز لي قلبها حنين بصح ماتبينش تغير من كنتها وكلشي وتحب زعما تدير معاها مشاكل بصح غير زوج كلمات حلوين تذوب
لأنو قلبها مليح، وكاينة فئة العجوزة لي هي اصلا عاقلة وخاطيها المشاكل وتولي كنتها هي لي تظلمها وتشربلها المرار هههه يسمى ماش دايما نقولو العجوزة فاسدة
خاطر حتى الكنة تلعب دور، شوفي نحكيلك حكاية قريتها في جريدة تحكيها سيدة متزوجة من فترة قصيرة قالت بلي تزوجت وسكنت عند عجوزتها
بصح في فيلا هي حكمت طاج وعجوزتها حاكمة طاج، المهم بداو المشاكل بيناته وتقابيد وكلشي حتى الزوج مسكين كره وجا في النص بين يماه ومرتو
المهم الزوجة هادي خممت مليح وقالت كيفاه المثل هادا تاع بليس يدخل الجنة ووو قالت عجوزتي هادي ماش غولة ولا وحش كيفها كيف لعباد عندها
مشاعر وتحزن وتغضب وتقلق علاه مانحاولش نفهمها ونحكيو وندرسو المشكل كناس عاقلين وبالفعل خدمت كعكة متولة وزينتها وطلعت لعجوزتها
واختارت النهار لي زوجها ماكانش باه تحكي وحدها مع عجوزتها وقاتلها حنا علاه نتقابدو وخليين ولدك لي هو زوجي في حيرة بيناتنا وعلى حاجة اعندها حتى معنى
مالا علاه مانتفاهموش ونتي تربي بنت وانا نربح أم وولات سلت عليها وكلاو القاطو كيف كيف وتفاهمو وقاتلك من هاداك النهار ماصرا بيناتهم والو
وولات عجوزتها تحبها وتشاورها في كلشي حتى انها تخرجها معاها وماتديش بناتها، وهنا نقدر نقول بلي حتى الكنة عندها دور في المشاكل كاين صح
عجايز مايصفاوش بصح كاين عجايز والله زوج كلمات حلوين تكسبيها، اش تدخليها روس وتحبي تفرضي روحك وبلي نتي المتحكم الاول في هاد الراجل
لي كبرتو هي هكا راكي تشعلي الحرب، يعني غضي البصر على بعض المخالفات خاطر حتى هي كأم راهي معذورة وعلى الاقل تربحي راحتك وراحة راجلك
وزيد كاين عنصر اخر ولا طرف اخر في هاد المشكلة ربما يبان خاطيه بصح حتى هو عندو دور ولو بنسبة 5 بالمائة وهو الزوج، 35 سنة وهو في دار يماه
ينوض مشنف ويرقد مشنف وكي تحكي معاه يماه يولي جاكي شان وغير يتزوج تولي الضحكة لودنيه، صح من حقو يفرح وكلشي بصح حتى يماك لي تعبت عليك
هاد السنوات تستاهل ابتسامة منك واحسان قبل زوجتك، خاطر تولي تشوف الفرق في المعاملة تولي تحقد على لي داتلها ولدها، كيما الضراير كي يتزوج
راجلها ماتروحش تعاقب راجلها تروح تعاقب المخلوقة لي داها راجلها هههه، ربي يصلح لحوال هادا مانقولو
مانقدروش نحكمو على طرف خاطر كيما كاين عجايز قباح كاين كناين تاني ماش ساهلين
شكرا على الموضوع وراني درتلك رد طويل باه يجي ملائم للموضوع الطويل هههه
تحياتي
​

 

[sanaya]

صراحة ختي فاطي دمعت عيني كقريت هاد الموضوع
منيش قادرة نشارك برد وافي لأنو صراحة عندي حرقة كبيرة بقلبي فكرتيني بها
كما قلت الكنة متقصرش تشاور متربية متدينة تخدم الدار تنوض تصلي توجد لفطور تطيب متخرج بزاف
وتعامل كما يعامل إبليس؟
صدقيني فاطمة جوزت تسع سنين من حياتي وأنا أعاقب على ذنب لم أرتكبه لمجرد أني كنت كنة العائلة الأخيرة
ولم يقتصر الأمر برك من الحماة بل العدائية وصلت لكل العائلة
تخيلي أخ راجلك كبير عليك ب13 سنة ولا أكثر يجي يزكر فيك يعيط عليك علاه
لأنو ماماه تشارشيه على مرت خوه
والسؤوال لماذا؟
منعرفش والله هادي حاجة لليوم تحيرني
واش يحبو الناس هادو
مراح نزيد نهدر ههههه قلبي معمر
المهم الأم إلا صح تحب وليدها تفرح كتشوفو فرحان مع مرتو
مش دير المستحيل حتى نهار تفرقلوا بينو وبين مارتو
لأنو عين الله لاتنام أبدا سلام
متزيديش طرحي مواضيع كما هادو ولا نجبدك من شعرك كتخرجي من اللمة ههن
تشااااو

 

[الصحافية الساخرة]

السلام عليكم
غاليتي الصحافية الساخرة صح اسلوب طرحك فكاهي مي والله غير بكيتيني اليوم لانك فكرتيني بواقع عشتو وانضريت بزاف
اصعب حاجة لما وحدة تخرج عروس وتعاود ترجع لدار باباها مظلومة لوكان اوموان كاش مادارت بصح تلقاي السبب الكبير العجوز
مش رح نحكي عليها ولا نحيلها ذنوبها حابة نتلاقاها ونوقف معاها قدام رب العالمين باش ندي حقي كامل مكمل حسبي الله ونعم الوكيل
المهم حبوبتي بالنسبة للحماة المتسلطة للاسف كاين بزاف وبزاف منهم لي كانو سبة في طلاق اولادهم
ربي يهدي ما خلق وشكرا للموضوع علابالي بزاف لي رح يردو ويقولك مهما كان هذي ام بصح كاين ام من ام
برأيي الام لي تكون سبب في ضياع حياة بنت ام اخرى هذي عيب اصلا نسموها ام

ربي يهدي
ويا اختي الغالية كيما قلتي خليها لربي سبحانه "الله يمهل ولا يهمل" نورمالموا رانا كيف بعض نسا وقوارير كما وصفنا الرسول صلى الله عليه وسلم يعني نحسوا بعض فالاصل ماشي نجرحوا بعضنا
وسمحيلي كي فكرك الموضوع هذا بالشي لي عشتيه مي خلالاص متبكيش اي فاتت الحكاية وشوفي حياة خلاف , ربي احبك فابتلاك واش خير من هذا اذا تقربي ليه وادعي ادعي وعن قريب راح يفرج
ربي يفرج عليك ويعوضك بالافضل ان شاء الله

 

[الصحافية الساخرة]

والله العظيم انا حماتي نحبها ونموت عليها دايرتها كيما ماما وكتر وحتى هي مسكينة والله دايرتني كي بنتها تخاف عليا من الريح لو كان ندوس مع راجلي تنوضلو ههههه تقولو نديرلك كي بكري بالمناسبة ادعولها ربي يشافيها

الحمد لله وربي يدوم المحبة ان شاء الله
وربي يشافيها ان شاء الله

 

[الصحافية الساخرة]

السلام عليكم
ابابابابا كان في بالي غير انا لي نهدر بزاف ساع خرجت مخلوقة خلاف كتر عليا الله يبارك ههههه المهم راني قلت الله يبارك باه مانعاينكش هههه
اممم نرجعو للموضوع الحساس وهو العجوزة والكنة وكيما يقولك اذا تفاهمت العجوزة والكنة بليس يدخل للجنة هههه يا لطيف يخلعو فينا
شوغي ختنا الصحافية بالنسبة للعجايز كاين 3 أنواع كاينة العجوزة لي هي بعد بطبيعتها بعد شريرة يعني كإنسانة بعد مدايرة راجلها نشافة
ومدايرة لي مايتندارش في ولادها هادي قبل حتى ماتجي لعروسة يعني كي تجي لعروسة وتقوم الحرب هادا أمر بديهي لأنو هي كإنسانة ماش مليحة ماش كعجوزة
الفئة التانية وهي فئة العجايز لي قلبها حنين بصح ماتبينش تغير من كنتها وكلشي وتحب زعما تدير معاها مشاكل بصح غير زوج كلمات حلوين تذوب
لأنو قلبها مليح، وكاينة فئة العجوزة لي هي اصلا عاقلة وخاطيها المشاكل وتولي كنتها هي لي تظلمها وتشربلها المرار هههه يسمى ماش دايما نقولو العجوزة فاسدة
خاطر حتى الكنة تلعب دور، شوفي نحكيلك حكاية قريتها في جريدة تحكيها سيدة متزوجة من فترة قصيرة قالت بلي تزوجت وسكنت عند عجوزتها
بصح في فيلا هي حكمت طاج وعجوزتها حاكمة طاج، المهم بداو المشاكل بيناته وتقابيد وكلشي حتى الزوج مسكين كره وجا في النص بين يماه ومرتو
المهم الزوجة هادي خممت مليح وقالت كيفاه المثل هادا تاع بليس يدخل الجنة ووو قالت عجوزتي هادي ماش غولة ولا وحش كيفها كيف لعباد عندها
مشاعر وتحزن وتغضب وتقلق علاه مانحاولش نفهمها ونحكيو وندرسو المشكل كناس عاقلين وبالفعل خدمت كعكة متولة وزينتها وطلعت لعجوزتها
واختارت النهار لي زوجها ماكانش باه تحكي وحدها مع عجوزتها وقاتلها حنا علاه نتقابدو وخليين ولدك لي هو زوجي في حيرة بيناتنا وعلى حاجة اعندها حتى معنى
مالا علاه مانتفاهموش ونتي تربي بنت وانا نربح أم وولات سلت عليها وكلاو القاطو كيف كيف وتفاهمو وقاتلك من هاداك النهار ماصرا بيناتهم والو
وولات عجوزتها تحبها وتشاورها في كلشي حتى انها تخرجها معاها وماتديش بناتها، وهنا نقدر نقول بلي حتى الكنة عندها دور في المشاكل كاين صح
عجايز مايصفاوش بصح كاين عجايز والله زوج كلمات حلوين تكسبيها، اش تدخليها روس وتحبي تفرضي روحك وبلي نتي المتحكم الاول في هاد الراجل
لي كبرتو هي هكا راكي تشعلي الحرب، يعني غضي البصر على بعض المخالفات خاطر حتى هي كأم راهي معذورة وعلى الاقل تربحي راحتك وراحة راجلك
وزيد كاين عنصر اخر ولا طرف اخر في هاد المشكلة ربما يبان خاطيه بصح حتى هو عندو دور ولو بنسبة 5 بالمائة وهو الزوج، 35 سنة وهو في دار يماه
ينوض مشنف ويرقد مشنف وكي تحكي معاه يماه يولي جاكي شان وغير يتزوج تولي الضحكة لودنيه، صح من حقو يفرح وكلشي بصح حتى يماك لي تعبت عليك
هاد السنوات تستاهل ابتسامة منك واحسان قبل زوجتك، خاطر تولي تشوف الفرق في المعاملة تولي تحقد على لي داتلها ولدها، كيما الضراير كي يتزوج
راجلها ماتروحش تعاقب راجلها تروح تعاقب المخلوقة لي داها راجلها هههه، ربي يصلح لحوال هادا مانقولو
مانقدروش نحكمو على طرف خاطر كيما كاين عجايز قباح كاين كناين تاني ماش ساهلين
شكرا على الموضوع وراني درتلك رد طويل باه يجي ملائم للموضوع الطويل هههه
تحياتي
​

وعليكم السلام
ههههههههههه يااااا الموضوع طويل بصح الردود تكون قصر شوية هههههههه
يا اختي لوكان نهدروا على بعض الكنات منخلصوش
مي وحدة صغيرة مش بحال عجوز ياك الحكمة ندوها منهم ماشي تاع دوك تدي منهم السم والمعايرة ههه هي عجوز عاشت حياتها وحتى هي تظلمت وتمرمدت وتعبت نورمالمو تحس ومتعاندش كنتها وتكبر عقلها وتفرح مع حفاذها والكنة من جيل خلاف اكيد العقليات مختلفة ولكن ميتقبلوهاش دوك انسان تصعبله يغير من كلشي فيه تحبها تكون خالية من العيوب لا اكيد تلقى اللي تزعف تم تم واللي متخالطش بزاف واللي متضحكش بزاف تان وووو ولكن منشوفوش للعيوب برك يشدوك تم تم اووووب بصح جامي لا يشوفوا الشي لي مليح فيك هكا
وربي يهدي من خلق
مشكورة على الرد الطوييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييل ههههه
تحيااتي

 

[الصحافية الساخرة]

صراحة ختي فاطي دمعت عيني كقريت هاد الموضوع
منيش قادرة نشارك برد وافي لأنو صراحة عندي حرقة كبيرة بقلبي فكرتيني بها
كما قلت الكنة متقصرش تشاور متربية متدينة تخدم الدار تنوض تصلي توجد لفطور تطيب متخرج بزاف
وتعامل كما يعامل إبليس؟
صدقيني فاطمة جوزت تسع سنين من حياتي وأنا أعاقب على ذنب لم أرتكبه
تخيلي أخ راجلك كبير عليك ب13 سنة ولا أكثر يجي يزكر فيك يعيط عليك علاه
لأنو ماماه تشارشيه على مرت خوه
والسؤوال لماذا؟
منعرفش والله هادي حاجة لليوم تحيرني
واش يحبو الناس هادو
مراح نزيد نهدر ههههه قلبي معمر
المهم الأم إلا صح تحب وليدها تفرح كتشوفو فرحان مع مرتو
مش دير المستحيل حتى نهار تفرقلوا بينو وبين مارتو
لأنو عين الله لاتنام أبدا سلام
متزيديش طرحي مواضيع كما هادو ولا نجبدك من شعرك كتخرجي من اللمة ههن
تشااااو

السلام عليكم
سمحيلي ختي "سنايا"
مي ما تخليش فقلبك ختيتو واللي ظلمك حسابو عند ربي
صح تغيضك وتتعذبي بصح رايح يفوت كل شي
وكاامل هذه الحوادث تخليك تخدم شخصية قوية وتتعلمي بزااف حوايج فالحياة
وربي يوفقك ختي
وراني تبت منزيدش نعاود هههههه
تحياتي يا غالية

 

[Hakan]

كي نشوف هذا السوجي نتفكر مسلسل شفيقة والمسلسلات الجزائرية
كاشما بقات ضركا حماة واعرة
مع هاذ الراسة نتاع البنات القباح في كل شيء
يا بن عمي لحد الآن راني نسمع غير العجوز تشكي من الكنة وتطلب من وليدها يخرجها تسكن وحدها
المهم ما تقعدش معاها بيسك عقلية ضرك خشينة بزااف
قليل من الفتيات اللي متربيات وتعرف حرمة ام الزوج ...سلام​

 

[Hakan]

ههه
الله يشافي عجوز امولة
والاخت مريم عجبتني القصة نتاع العجوز والكنة والله فريمون حسيت مازال كاين امل ههه
يا ربي جيبلنا وحدة كيف هذي الكنة ​

 

[الصحافية الساخرة]

كي نشوف هذا السوجي نتفكر مسلسل شفيقة والمسلسلات الجزائرية
كاشما بقات ضركا حماة واعرة
مع هاذ الراسة نتاع البنات القباح في كل شيء
يا بن عمي لحد الآن راني نسمع غير العجوز تشكي من الكنة وتطلب من وليدها يخرجها تسكن وحدها
المهم ما تقعدش معاها بيسك عقلية ضرك خشينة بزااف
قليل من الفتيات اللي متربيات وتعرف حرمة ام الزوج ...سلام​

ههههههههههه شفيقة
اسمحلي خويا والله كاين ولد يقولك بلي يماه لي ظالمة ماشي لكان هي أم ديما صحيحة
وعلاه غير العجوز تشكي ؟ خاطش علابلها متقدرش تتفق مع كنتها بعقليتهم في زوج . . مي كاين حماوات وبزاف حتى الدوش وتحرمها منو وكاينة اللي تحط تخدم على بناتها
كاينة اللي حتى اللي تطلق كنتها خاطش مجابتش ولاد ياا عجبا عاام برك يفوت ومتجيبش كنتها طفل تطلقها
كاينة حتى اللي بعيدة عليها وساكنة وحدها ومتطلقهاش وشايفتهم وعندي أمي وساعات تضارب مع خويا اللي متزوج ومع مرته على تفاهة وكي نظلمها باسكو هي ظاالمة فبعض مواقف ها راها أمي وساعات نلقاها عندها الحق ومي اسيدي خلي ياك انتيا أم انتي اللي تحسي بولادك وتتغاضاي على كل خطأ منهم وتتحملي ياك الجنة تحت اقدام الامهات ماشي هاك برك
والفئة اللي تحكي عليهم انت تاع بنات مش متربيات وووو هذي تربية امهاتهم انتي تربي بنتك واعرة وتبعتها لراجل تمرمده هو ودارهم يبعتلك ربي وحدة ليك زي هك ههههه
ياك يقولو جيجلنا جيل يا لطييف هاا رفقا بهذا الجيل يا االكبار ولكان عجوز كبيرة وعندها 40 سنة زواج وتخشن راسها خاطر كنتها طيبت حلوى ومبعتتلهاش هاا سينورمال تفسد الحية ههه
وربي يهدي وان شاء الله يبعدنا عللى هذا السوجي

 

[أم أُنٌَيسة]

السلام عليكم و رحمة الله تعالى و بركاته
موضوع مميز كالعادة ، تسلم ايديكي
بالنسبة لي ، كنت اقول لخطيبي انو ادا صرا سوء فهم بيني و بين امو لازم يجي في صف امو حتى ولو هي الغالطة
موش مليح تحاول تعادي الابن مع امو ، عامل الناس باخلاقك و هوما بينهم و بين مولاهم
​

السؤال:
مشكلتي بأني مهما حاولت جاهدة أن أخدم أهل زوجي ، وخاصة : والدته ، والتفانى في خدمتها : فهو لا يعجب زوجي ، تعبت ، وأنهكت طاقاتي ، علما بأني أسكن في مسكن مستقل ، ووالدته تأتي لزيارتنا من بلد مختلف ، المشاكل زادت بيننا إلى حد أنه هجرني في الفراش ، للأسف بدأت أكره والدته ؛ لأنه بقدومها تأتي مشكلة أخرى ، رغم أنه ما عمري قط رفعت صوتي عليها ، أو عصيت لها أمراً ، أو حتى ألَّبت زوجي عليها ، بل إني دائمة الحث لزوجي ببرِّها ، ولكن زوجي هداه الله يفضلها عليَّ تفضيلاً جارحاً ، ولا أنكر بأن هذه والدته ولا يجب أصلا مقارنتها بي ، ولكن على الأقل يكون كيِّساً ، ويحاول أن لا يثير غيرتي ، وعندما أتفق معه على أمر لا يقلب عليَّ إذا لم يعجب والدته . إني أعاني من قسوة زوجي في وجود أهله ، فهو لا يريدني أن أخطئ أبدا أبدا ، وأن أخدم والدته ، وأخواته بتفانٍ ! بدأت أشعر بالكراهية نحو أهله بسببه ، رغم أني كنت أحبهم ، هل يجب عليَّ أن أخدم والدته بهذا التفاني ؟ وهل هو في الشرع واجب عليَّ خدمة أم الزوج بهذا الشكل ؟ كما أني أريد توجيهاً لزوجي بأن علاقتي بأخواته وأهله لا يجب أن تكون سبباً في حدوث مشاكل بيننا . جزاكم الله خيراً .

الجواب:
الحمد لله
أولاً:
إن من أهم آثار عقد الزوجية بين الزوجين أن تسلِّم الزوجة نفسها لزوجها ، ليتم الاستمتاع بينهما ، ويكون على الزوج أن ينفق عليها ، ولو كانت غنية ، وليس من لوازم عقد الزوجية خدمة الزوجة لأهل زوجها ، لا أمه ، ولا أخواته ، ولا غيرهن ، وهذا مما لا ينبغي أن يُختلف فيه ، إلا أن تتبرع الزوجة بتلك الخدمة ؛ احتساباً للأجر ، وبرّاً بزوجها .
قال علماء اللجنة الدائمة :
ليس في الشرع ما يدل على إلزام الزوجة أن تساعد أم الزوج ، إلا في حدود المعروف ، وقدر الطاقة ؛ إحساناً لعشرة زوجها ، وبرّاً بما يجب عليه بره .
الشيخ عبد العزيز بن باز ، الشيخ عبد الرزاق عفيفي ، الشيخ عبد الله بن غديان ، الشيخ عبد الله بن قعود .
" فتاوى اللجنة الدائمة " ( 19 / 264 ، 265 ) .
وسئل الشيخ محمد بن صالح العثيمين - رحمه الله - :
هل لأم الزوج حق على الزوجة ؟ .
فأجاب :
لا ، أم الزوج ليس لها حق واجب على الزوجة بالنسبة للخدمة ؛ لكن لها حق مِن المعروف ، والإحسان ، وهذا مما يجلب مودة الزوج لزوجته ، أن تراعي أمه في مصالحها ، وتخدمها في الأمر اليسير ، وأن تزورها من حين لآخر ، وأن تستشيرها في بعض الأمور ، وأما وجوب الخدمة : فلا تجب ؛ لأن المعاشرة بالمعروف تكون بين الزوج والزوجة .
" لقاءات الباب المفتوح " ( 68 / السؤال 14 ) .
فيجب على الزوج أن يقف عند هذا الحكم الشرعي ، ولا يطلب من الزوجة ما لا يلزمها شرعاً ، وعليه أن يعلم أنه لا طاعة له عليها لو أنه أمر زوجته بخدمة أهله ؛ لأن أمره ذاك ليس من شرع الله تعالى .
وفي الوقت نفسه : نوصي الزوجة أن تسعى جاهدة لإنهاء النزاع بينها وبين والدة زوجها ، وأن تعلم أن هذا مما يجلب السعادة لها ، ولجميع أفراد الأسرة ، ولتعلم أنه قد يأتي عليها زمان تحتاج فيه لخدمة زوجات أبنائها ، فلعلها إذا احتسبت خدمة أم زوجها أن ييسر الله تعالى من زوجات أبنائها من تقوم على خدمتها ، والعناية بها .
وننصح الزوجة بالنظر في جواب السؤال رقم : ( 21598 ) .
ثانياً:
على الزوج أن يتقي الله تعالى في زوجته ، وليس له أن يربط علاقته بزوجته بعلاقتها بأهله ، وأن عليه هو مسئولية جسيمة في التوافق والترابط بين زوجته وأهله ، وأن مثل هذه العلاقات الودية لا تأتي بالأوامر للزوجة بخدمة أهله ، بل يكون ذلك بالتودد ، والتلطف معها ، مع وجود جو من المحبة ، والمودة بين كافة الأطراف ، وهو ما نحمله هو المسؤولية الكاملة عنه ، فيستطيع استثمار علاقته بالأطراف جميعها ليجمع بينهم على المحبة والمودة ، وبما أنهم لا يسكنون معاً ، بل تباعدت بينهم الديار : فإن هذا مما يسهِّل الأمر ولا يصعِّبه ؛ لأن من عادة الاختلاط في بيت واحد ، أو السكن المتقارب أن يؤدي لمثل هذه النزاعات ، أما والحال أن كل واحد من الطرفين يسكن في بلد غير بلد الآخر : فهذا يجعل الأمر عليه يسيراً إن شاء الله ، ويمكن لكلا الطرفين أن يتحمَّل الفترة التي يلتقون فيها ، ويجاهد كل واحد منهما نفسه ، إلى أن يكتب الله لهما الاجتماع بمحبة وصفاء ، وإذا لم يحصل مثل هذا : فليرض الزوج بالحد الأدنى ، وهو عدم حدوث ما يعكر صفو اللقاء بين الطرفين بمشاحنات ومشادات .
أيها الزوج الكريم ، الله الله في زوجتك ، فهي وصية النبي صلى الله عليه وسلم لك :
( فَاتَّقُوا اللَّهَ فِي النِّسَاءِ فَإِنَّكُمْ أَخَذْتُمُوهُنَّ بِأَمَانِ اللَّهِ وَاسْتَحْلَلْتُمْ فُرُوجَهُنَّ بِكَلِمَةِ اللَّهِ ) رواه مسلم (2137) .
إن من أهم أسباب استقامة الحياة ، ودوام المعروف ، وحسن العشرة بينكما : أن تشعر زوجتك أنها شريكة لك ، أنها زوجة ، كما أنك زوج ، وليست أمة عند سيد !!
وتذكر ـ أخيرا ـ قول النبي صَلَّى اللَّهُ عَلَيْهِ وَسَلَّمَ : ( خَيْرُكُمْ خَيْرُكُمْ لِأَهْلِهِ ؛ وَأَنَا خَيْرُكُمْ لِأَهْلِي ) .
رواه الترمذي (3830) وابن ماجة (1967) ، وصححه الألباني في صحيح الجامع .
نسأل الله أن يصلح شأنك وشأن زوجك ، وأن يصرف عنكما كيد الشيطان ونزغه ووسواسه ، وأن يجمع بينكما في خير .
والله أعلم

المصدر ك الاسلام سؤال و جواب

تحياتي احترامي و تقديري لشخصكم الكريم

 

[حلم كبير]

السلام عليكم و رحمه الله تعالى وبركاته
أختي الفاضلة موضوع غاية في الخطورة والحساسية وله جوانب عديدة تجعل الامور تتعقد ،ولو أن كل من الحماة والكنة جلستا معا وعقدتا جلسة صلح حضارية ،تستحضرا فيها كل ما هو جدي ويفيد مشكلهما،لما بقي هذا التشاحن بينهما .
نسأل الله السلامة والعواقب الحميدة.
تقبلي مروري مع فائق الاحترام والتقدير
حلم كبير