تعقيب هل أوافق على طلبه

[مشكلتي]

حبيت نقوللكم بلي أنا ماشي تع أخذ المشورة للطلاق و انما أخبروني في أي كوكب أنا أقراو مشكلتي هذيك تفهمو مشكلتي هادذي و ثاني شي أعتقد طلبو هذا بسبب أني قلتلو ي آخر مرة رجلو يها أن واليا قالو بلي ما شرطنا ي الطلة والو مالغير لهنا مي كي راهي كل خطرة صرالها حاجة و جي لينا كيالمذلولة و خالها الة و رغم انا قلنالها ما توليلوش مي أنا رفظت طلب اهلي و قلتلهم في خاطر وليدي ما نحملش ندي ذنبو و كي يكبر يقلي حرمتيني من بابا و لا يعيش حياتو يشوف في ولاد خوالو مع باباهم كيما قال وحد الاخ للي طلبت ماشورة الطلاق أنا رغم واش راني عايشة راني رافظة الطلاق رفظا تاما الا اذا هو تخلى عني بالعكس الشي لي طلبتو باش نخرج نخدم غير باش نخفف عليه المسؤولية و من جيهة اخرا تحسبا لأي شيء سيئ فأنا أكره أن أمد يدي حتى لو كان أبي

 

[همس الوُرود]

السلام عليكم
أختي من واجب زوجك أنو يصرف عليك هذا واجبو ولازم عليه يديرو كيما أنت من واجبك الأمور المنزلية والبقاء في المنزل لتربية الأولاد

هو ربما قالك هكاك تع ندي نصف مصروفك بش تبقاي فالبيت ومتخرجيش

أنا الحاجة الي تحيرني هي كي تقولوا ون كش مايصرا نلقى روحي رافدة روحي
ياا أختي لعزيزة ربي سبحانه موجود وهو جوامي يخلي عباده متخافيش كل شيء مقدر إلا وعندو حكمة
إذا تركت العمل طاعة لزوجك ولله فذاك عين الصواب و ربي يعوضك إذا صرات كش حاجة كوني واثقة بالله سبحانه .. ثار النملة في ثقب أسود الجنيييين في كرش أمه ربي علابالو بيهم ويدبرلهم وش يحتاجو ونتي خلاص إذا طلقك راجلك راح يصرا فيك العجب؟!
أنا بالنسبة ليا عادي تبقاي فالمنزل يا أختي خليك من الخدمة تع برا شفتي كيفاش حتى إبنك يولي عندو مربية الي قادرة تدخلو أفكار نتي متعرفيهاش و الي من المفرووض واجبك هذا تربيته مشي تربيه بنت الناس ..
هدا وين حتليت عينيا من الرقاد أسمحيلي ويلا كش ماغلطت فيك بالهدرة .. واهتمي بنفسك أختي .. سلام

 

[ammmmoula]

بالاكي تولفيه غيابك كل ما تدوسو تروحي وتخلي دارك مرة زوج هو يستحلاها ويوالف بعدك ويولي يطردك بالعاني باه يولي الاز مهما صرا ماتخرجيش من دارك روحي لغرفة اخرى وربي يطيب ما بينكم نشاء الله ازمة وتفوت صلي وستغفري وربي يبعد عليكي المشاكل حاجة وحدة حبيت نوصيك عليها وليدك بالاكي تردي زعافك فيه ومهما كنت زعفانة ما تبينيش قدامو وحاولي تتجنبي الدواس مع راجلك قدامو تاني ربي يهدي سرك

 

[Smile Queen]

حبوبتي والله رغم انو تواجدنا هنا مجرد تواصل الكتروني لكن حاسة بيك وحاسة بالغصة لي في قلبك ونقولك انو صبرك هذا عند ربي كبييييييييييييير ورح يكون عندك اجر عليه كبير
ربي يهنيك حنونة بالنسبة لحكاية الخدمة من رأيي ما تخدمي ما تقلقي روحك الله يسهل عليه قوليلو انت الراجل تاع الدار انا نقعد نتستت وانت الي تخدم عليا وتصرف عليا انا خدمتي نهنيك هنا ونربي وليدنا
بالنسبة للحوايج لي تسخفيلهم حنونة حطي في بالك بلي الاف النسا راهم اكثر منك انتي عالاقل ربي اعطاك اكبر نعمة هذا الطفل ربي يحفظهولك . تخيلي كاين نسا تلقاي فوق الزوج حماة تظل تعاير فيها يا العاقر ويا ويا ....
احمدي ربي على كل شي وتأكدي بلي كل حاجة في حياتنا تصرا لحكمة غير ربي لي يعلم بيها
اذا قررتي تخدمي ومديتيلو النص عادي ديما انويهم صدقة عليه باش ربي يهديهولك او صدقة على ابنك باش ربي يحفظهولكم
وجامي تخمي بسلبية حطي قدامك ورقة وستيلو واكتبي الاحتمالات في زوج
الاحتمال الاول انك كي تخدمي كيفاه تكون حياتك
والاحتمال الثاني لما تريحي في الدار
وشوفي وش الاريح ليك
ربي يهنيك غاليتي وربي يفرج عليك

 

[البحر الهادي]

عليك بالدعاء والتضرع لله
وكثرة الصدقات والإسغفار

 

[aljentel]

لن نفهم مشكلتك اكثر من فهمك لها كونك تتعايشي معها لحظه بلحظه فمن يده بالنار ليس كمن ايده بالماء ...
أنت ادرى بحالك وانتي اعرف بخلفيات موضوعك وما ستؤل اليه امورك فالطريق الذي ترين فيه خلاصا لك وفيه حلا لمشكلتك اسلكيه دونما تردد ..
أسأل الله لك التوفيق

 

[sanaya]

صباحو حنونة
أنا مراح نجاوبك على الخدمة لأنو الخدمة شي تاني
ونوليلك لقضية الطلاق
ختي نتي عارفة ظروفك وعارفة إلا راكي قادرة تصبري ولا لا
علاهاديك نتي شوفي مع روحك تعيشي مع راجلك أسكو راح تعطي لوليدك منزل هادئ ولا لا
لأنو معندو حتى معنى تخلي وليدك قريب من باباه وغدوا يكون معقد نفسيا بسبب المشاحنات في البيت
وكذلك كتعيشي في وسط مشاكل أكيد مراح تقدري توفري جو من الحنان والمحبة بينك وبين وليدك لأنو راح تكوني كامل الوقت مقلقة
وإذا كانت المشاكل والقلق يأثروا على صحتك وهذا هو أخطر شيء لازم تردي بالك هنا
لأنو وليدك مزال يحتاجك
علاهاديك نتي أدرى بظروفك وحالتك
نتمنى تكوني حنونة فهمتيني سلام

 

[mohamedfathi]

أختي الكريمة طاعت الزوج واجبة في قوله صلى الله عليه وسلم: " لو كنت آمراً أحداً أن يسجد لأحد، لأمرت المرأة أن تسجد لزوجها
الا في حلة لو امرك بشيء يخالف الشرع
الامر الثاني اختي هو لم يطب منك شيء حتى يحرمك من حقوقك بل هذا حفاظا وغيرة عليك .. ويمكن كذلك من حبه الشديد لك
لذلك اختي حافظي على زوجك وعائلتك ، ولا تتسرعي في اتخاذ قرار تندمينعنه طيلة حياتك