شكون أنتوما..؟

[الصحافية الساخرة]

السلام عليكم ورحمة الله وبركاته

واش الاخبار هنا اجماعة ؟ ذاخلينها قراية قراية وخدمة خدمة ومع اللخر واش ؟ الطفلة تتزوج وتمسح الارض بشهادتها والولد ما يبني لا دار

لا كوخ حتى المهر ويصعبله يشريه للمرى (نضحك برك لازم ندير المقدمة توجور باهية هكا تعلمنا خاطش يحطو عليها فالباك 4 نقاط

)

ااه كبروا شي ناس ولاو يضربوا بالفاس للراس

داروا ايستوار تاع حكومة سلال وواش قالوا فالجرنان

قلنا : معليش طيح فاللي حاكمين هذي البلاد وقول رخاس

وصلت تطيح فالشعب وترخس بالكلام بلادنا واللي خرجوا فرنسا زمان

علاه؟ باش نعيشوا لباس ..

اييه مي ولاد الجزاير منهم بزااف لي قال معندناش تاريخ وابطال بحال "غاني مهدي"

وقالوا : بلادنا مافيها معيشة

الغربة ولا المعيشة هنا

بلادنا معندهاش تاريخ لا هوية

وقالوا وقالوا فشكوون حنا وضحكوا على ارواحهم وعلينا وعلى بلادهم وشيعوا هذي القضية في كل مدينة والعالم

شهدها وضحك علينا
​

ومزالهم يقولوا : احنا جزايريين , لااااااااااااااااااااااااااااااااااااااااااااا

أنتم خارج حلقة "الجزايريين"

"أضحك يا مواطن" عليكم ماشي على "الجزائر"

قولولي : شكووون انتم؟

انتم اللي تشطحوا الواي الواي والسروال طايح ونسيتوا الاخرة

انتم اللي جيوبكم فارغة وتظلوا فالزنقة والقهاوي لا صلاة لا خدمة

انتم لي لسانكم حبل والراس زيروا تعرفوا غير الهدرة

رجال انتم ولا انانيش ؟ لا لحية وزيد دايرين المنقوشة



شكووون أنتوما ؟

تهدروا على بلادنا وشهدائنا بطريقة مش مليحة

لوماهوما لوكان فرنسا شبعتكم المطرق ورباتكم شوية

لوما هوما لوكان فرنسا خلاتكم عايشين فالأمية


شكون أنتوما ؟

شابعين الراحة وبطونكم مليانة شهية طيبة على المايدة

لابسين الموضة وكلشي اطلب على السريع حاضرة


لاعبينها تعرفوا العقلية و رجلة و تفتخروا باوروبا حاسبينها جنة

لحقتوا تمسحوا الهوية وتاريخنا وبطولات طويلة راحوا فيها ارواح كتيرة

بكري حملوا الذل والبرد وهزوا السلاح على جال باش نعيشوا في حرية

بكري داوا المطرق وتسجنوا وتعذبوا بوحشية على جال باش تكون عندنا هوية

واليوم يا ناس اليوم في كلمات نكروا كل شي على جال خدمة وسكنة


كلمات مكتوبة بوساوس الحاقدين و الاعداء اللي باغيين يديروا فبلادنا الفوضى


مالا اقرى تاريخ اليوم واش يقول فالرجال اللي قالوا معندناش تاريخ وابطال بالكلمة من عندي رسالة هجائية :

أنتم متتشرفش بيكم الجزائر تكونوا فيها ..

تعرفوا الهدرة , الحطة فاللبسة , والراس تاع بطة , تعرفوا تحقروا الولية وتضربوا يمات كبيرة

أنتم الريح اللي يجي يديكم وتتشراوا بكلمة

المستوى تشراك الفم و يخدموا بيكم الخطط الجهنمية

أنتم اللي باغيين تفسد البلاد بحال سوريا ونولوا لاجئين بلا هوية


أنتم اللي هاربين لبرى علاجال الخدمة وداكم زين القاورية

أنتم الزيروا ماشي عيشوا وين تبغوا واخطووونا

نحبوا بلادنا ونموتوا فيها..

مزال في الجزائر وعلامنا يفرفر مع سلاليلها :p


ربي يحفظ بلادنا وبلاد المسلمين

مزال واقفين ​

​

 

[الصحافية الساخرة]

شكرا على ختم التميز
نحسب اللي يدير ختم التميز هو اللي يوافق على الموضوع
ملا مزال باش نقول شكرا على الاعتماد

 

[Skor m@k]

السلام عليكم
ههههههه درت الختم ممبعد يما عيطتلي نتعشا نسيت باش نعتامدو خخخخخخ
آه من النقد تاعك يا ختي كيفاه تضربي بيه للراس ههههههه
أنا في هذي راني معاك صح بلادنا ماتوالمناش لمعيشة فيها غير على جال السراقين
وبلاك تلقاينا نكرهوها وكامل نحلمو نخرجو منها
مي باش يجو الخلاطين ويحبو ينوضو الفتنة هنا مانقبلوهاش
يجي خونا يقولك المسؤولين سراقين والرئيس كذا وكذا
والنواب راهم يدو الدراهم والزوالي مسكين ووووو
علاه زعمة هذي الهدرة شكون لي معلابالوش بيها
كامل علبانا وكامل رنا نشوفو ونحسو بيها
حنا عندنا مشكلتنا هي الهدرة برك ممبعد يتخباو
كي شغل الفار يداعا بالرجلة والنيف والشجاعة ممبعد يجي القط يهرب للجحر تاعو
هاذوك هوما الخلاطين وانا لي نكرهم لي زعما في ماريكان ولا لانجليز ولا فرانسا مخبيين
تلقايهم عايشين لبال في ممبعد يجي يعاير فينا حنا والمسؤولين
الحمد لله حنا ماشي شياتين ومانتبعو حتى حزب ومرانا حتى مع مسؤول
حنا يخطو راسنا ويخلونا نعيشو نورمال
الى حبو يمدونا الثروات شويا والى ماحبوش يهنونا برك
اللي فينا يكفينا
هاذي لي قالك الحوت ياكلنا وعمو سلال يدعمنا وفريدة الصابونجي ياه ​

 

[sanaya]

ناس كما هادوا منسحقوهمش معانا
يقولوا معندناش تاريخ
أملا واش راهم يديروا فوق ترابنا خرجوا منا منسحقوكمش
صح كاين فساد
صح كاين حڨرة
صح بزاف صوالح يغيضونا
ني والله
نحب بلادي
نموت فيها
ومنفرط فيها
وعندي تاريخ
نفتخر بيه
ونرفع بيه راسي
نحبك ياغالية جزائر
ولو أفسدتك الأيادي فذلك ليس ذنبك
ووعد أنك في العلياء للأبد ستحلقين
سلام
مشكورة ختي

 

[أم أُنٌَيسة]

السلام عليكم و رحمة الله تعالى و بركاته
بردتيلي قلبي والله ههههههههههههههه
كاعندي مانزيد
فلتبتعدي ايتها الارواح الشغيغة
نحب بلادي ، و نمووووووووووووت على دارنا
ادا رحلت بعيد على لبلاد على الاقل يعبولي دارنا كيما هي من تحت الرمل و يدوها معي هههههههههه
دمتي مميزة غاليتي
تحياتي احتيرامي و تقديري
:Love::kiss:​

 

[الصحافية الساخرة]

السلام عليكم
ههههههه درت الختم ممبعد يما عيطتلي نتعشا نسيت باش نعتامدو خخخخخخ
آه من النقد تاعك يا ختي كيفاه تضربي بيه للراس ههههههه
أنا في هذي راني معاك صح بلادنا ماتوالمناش لمعيشة فيها غير على جال السراقين
وبلاك تلقاينا نكرهوها وكامل نحلمو نخرجو منها
مي باش يجو الخلاطين ويحبو ينوضو الفتنة هنا مانقبلوهاش
يجي خونا يقولك المسؤولين سراقين والرئيس كذا وكذا
والنواب راهم يدو الدراهم والزوالي مسكين ووووو
علاه زعمة هذي الهدرة شكون لي معلابالوش بيها
كامل علبانا وكامل رنا نشوفو ونحسو بيها
حنا عندنا مشكلتنا هي الهدرة برك ممبعد يتخباو
كي شغل الفار يداعا بالرجلة والنيف والشجاعة ممبعد يجي القط يهرب للجحر تاعو
هاذوك هوما الخلاطين وانا لي نكرهم لي زعما في ماريكان ولا لانجليز ولا فرانسا مخبيين
تلقايهم عايشين لبال في ممبعد يجي يعاير فينا حنا والمسؤولين
الحمد لله حنا ماشي شياتين ومانتبعو حتى حزب ومرانا حتى مع مسؤول
حنا يخطو راسنا ويخلونا نعيشو نورمال
الى حبو يمدونا الثروات شويا والى ماحبوش يهنونا برك
اللي فينا يكفينا
هاذي لي قالك الحوت ياكلنا وعمو سلال يدعمنا وفريدة الصابونجي ياه ​

وعليكم السلام ورحمة الله
ههههههه بصحتك اخويا مالا كرشك قبل اعتماد الموضوع
، اوموا قول لماماك تزيد طبسي واحد اخر لضيفة هنا ههههههه ، ايييه البعض يعرف تشراك الفم وهو مخبي
ربي يحفظ بلادنا ان شاء الله ، وشكرا مجددا على ختم التميز اخي ، وعلى مرورك العذب
تحياتي

 

[الصحافية الساخرة]

ناس كما هادوا منسحقوهمش معانا
يقولوا معندناش تاريخ
أملا واش راهم يديروا فوق ترابنا خرجوا منا منسحقوكمش
صح كاين فساد
صح كاين حڨرة
صح بزاف صوالح يغيضونا
ني والله
نحب بلادي
نموت فيها
ومنفرط فيها
وعندي تاريخ
نفتخر بيه
ونرفع بيه راسي
نحبك ياغالية جزائر
ولو أفسدتك الأيادي فذلك ليس ذنبك
ووعد أنك في العلياء للأبد ستحلقين
سلام
مشكورة ختي

ياختي ميخرجوش ، لا وعي لا فياقة كلشي هدرة وتشراك الفم يقولولهم هوش يهوشوا بلا ما يخمموا الا ما رحم ربي طبعا ، مشكورة اختي على المرور
تحياتي

 

[الصحافية الساخرة]

السلام عليكم و رحمة الله تعالى و بركاته
بردتيلي قلبي والله ههههههههههههههه
كاعندي مانزيد
فلتبتعدي ايتها الارواح الشغيغة
نحب بلادي ، و نمووووووووووووت على دارنا
ادا رحلت بعيد على لبلاد على الاقل يعبولي دارنا كيما هي من تحت الرمل و يدوها معي هههههههههه
دمتي مميزة غاليتي
تحياتي احتيرامي و تقديري
:Love::kiss:​

وعليكم السلام ورحمة الله تعالى وبركاته
ههههههه بردي وزيدي برديلي تاعي معاك ههههه
ايييه دارنا لازم ديما في الحقيبة منخلوهاش ورانا
ربي يحفظ اهالينا ويحفظ بلادنا
نظن العين ما قرتش فينا بغاو يخلطوها بالهدرة المعوجة التي تنارفي العقل و القلب هههخخهخخ ونحن له بالمرصاد بالهدرة المقلوبة عليهم وبشراسة هههه
تحيا الجزائر و بلا ما ننسى الانمي هههخخه
مشكورة انميتي على مرورك العذب
تحياتي

 

[aljentel]

الوطن لايتعز عليه مهما كانت الحياة فيه قاسيه لكننا اليوم اصبحنا نسمع مقولة الوطن الذي تعيش فيه وتأكل من خيره وليس الذي ولدت فيه ..
فأصبحنا كدلو ذباذب لا للماء ولا للجاذب واختلط حابلنا بنابلنا ولم نعد نفرق بين الوطن ومدى حبنا له واعتزازنا بتاريخه ومحاولة التشبث بترابه
وبين بلد الغربه الذي لانريد مجرد ذكر اسمه بل وندعي اننا من تلك الدوله ولسنا من الوطن الام ...
بل اننا نوجد الاعذار للمغتربين حينما يطرق مسامعنا منهم نكران اوطانهم ...
ويا قليبي لاتحزن ...

 

[أميرة ميرال]

وقالك شكون احنا احنا زيمبابوي ويضحكو في النكتات تاعهم على الموزنبيق بصاح واحد ما جرب
يكتب في جوجل موزنبيق ويشوف الحالة تاعها وتاع لبلاد وتاع البنايات راهي متطورة خير من العاصمة تاعنا
شعب يعرف غير يضحك وينكت وهوما أكبر نكتة شهدها العالم​