أم خضراء

[sanaya]

سلام عليكم حباب
وشراكم
لابس
الحمد لله
اليوم كالعادة جيت
نقصف
راح نقصف أم ماليزية
حتى الماليزيات مسلكوش مني
هههه
نو مجاياش نقصف
بالعكس جاية نحكي على تجربة قريتها
وعجبتني بزاف
كما تعرفوا حفاظات الأطفال مضرة
بحيث تسبب للطفل الطفح
وقد تسبب له العقم والسرطان مستقبلا
ويرجع ذلك للمواد الموجودة بالحفاظة
والتي تمنع التسرب
وهي مادة خطيرة جدا
وأكبر عدو للبيئة
ورمزها العلمي حسب ماأذكر TD
مي مدابيا تثبتوا من المعلومة هادي
لأنو هذا بحث درتوا قبل عامين
عن البيئة
وتطرقت فيه لموضوع حفاظات الأطفال
وكما تعرفوا أيضا
حفاظات الأطفال هي أكبر ثالث مصدر للنفايات في أمريكا
وحرقها ينتج غازات سامة جدا
وعتدما تتواجد في الطبيعة لاتتحلل إلا بعد خمسة مئة عام
هاذي وحدة ماليزية
تحب البيئة بزاف
وتاني تعرف مخاطر الحفاظات على الطفل
وهي تسمي روحها أم خضراء
جابت زوج بنات
ومتقبلتش فكرة استعمال الحفاظات لضررها البالغ على البيئة والطفل
أيا واش دارت
شافت حفاظات يامات زمان
ولاحظت أنو حفاظات زمان صديقة للبيئة والطفل مي المشكل أنو طريقة إلباسها للطفل تجي شويا واعرة
وكذلك فيها مشكل التسرب
وشافت الحفاظات العصرية
ولقاتها أفضل من الحفاظات القديمة لأنها سهلة لإلباسها للطفل
وكذلك مكانش مشكل التسرب
مي مضرة بالطفل والبيئة
أيا هاد الأم قالت
علاه ميكونش عندي حفاظات عصرية بحيث تكون آمنة للطفل والبيئة وسهلة الاستعمال
فاخترعت بذلك حفاظات رائعة لاتحتوي على مواد تمنع التسرب و جمعت بين مميزات الحفاظات القديمة والحديثة
و قامت بخياطة حفاظات لابنتيها على هاذ الشكل

وميزة هذه الحفاظات:
* سهلة الاستعمال
* لاتتسرب لأنها تحتوي على طبقات من القطن وطبقة أخيرة قبل الطبقة الخارجية من النيلون الآمن للطفل
* كذلك يمكن لك غسلها بسهولة
* ويمكن أيضا استعمالها ورميها إذا لم ترغب الأم بغسلها
* عند حرقها لاتضر كثيرا بالبيئة لأنها لاتحتوي على أي مادة كيمائية
المهم بعدما خاطت هاد النوع من الحفاظات شاركت الفكرة مع صديقاتها
فطلبن منها أن تخيط لهن ايضا هاذ النوع من الحفاظات
وسماتهم حفاظات صديقة للبيئة
وبعد ذلك أنشأت متجر إلكتروني ولاقى إقبالا كبيرا
ثم توسع عملها و ولات متخيطش في البيت لكثرة الطلبات
لذلك أنشأت معمل صغير للحفاظات الصديقة للبيئة
صراحة أحببت هذه الأم لانها :
مقالتش الحفاظات مضرة للبيئة لاهي سهل نربي بنتي وخلي البيئة تنضر
*
ماقالتش الحفاظات تضر بالطفل مي لاهي سهل أنا نريح روحي وخلي بنتي تنضر
* مبقاتش تتفرج وعلابالها بضرر الحفاظات بالعكس حوست على الحل ولقاتو وحافظت على البيئة وحافظت على أبناءها
وهذا دليل أنو عندها فكر راقي جدا
حنا تاني لازم منكونوش ممن يجيد فقط الشكوى لازم نحاولوا نغيروا
كما نعرفوا نشكيو
لازم نعرفوا كفاه نخدمو
ولازم ديما منخموش غير فرواحنا
لازم نهمو فالمحيط والبيئة تاعنا تاني
هادي هي الأم الخضراء
نتمنى تكونوا حبيتوا التجربة
كما حبيتها أنا :Love:
وسمحولي راني نخلط بين الدارجة والفصحى لأنو موالفة نكتب بالفصحى
نلقاكم فالقصف الجاي
لا في تجربة أخرى
سلام

 

[الامين محمد]

ههههههههههههه
يااااه على نسانا يعرفوا غير الحقوق برك اما الواجبات نونونو جامي
كيما الرجال ثقافة الاستهلاك و الكلام بلا بلابلابلا برك
نيوتن طاحت عليه تفاحة جعل منها قانون و اكتشف الجاذبية
لو كان جا عربي لقال تفاحة ربي جابها و ياكلها بلاا ما يسمي

 

[لاريمان]

ههههه والله يااختي سنايا تكملي هنا تولي تلقاي صعوبة
في ترجمت الكلمات للفصحى ببلاكي
شوفي مكانش قد التربية تاع جداتنا الله يرحمهن
والفكرة هايلة تاع الحفضات روعة
يعطيك الصحة على مواضيعك الشابة
تحيتي

 

[الصحافية الساخرة]

السلام عليكم ورحمة الله
اهلا بقصفك ووجدي للقصف تاعي
والله نلقى روحي ديما فالاتجاه المعاكس هنا ههههه
اولا حبيت نركز على نقطة اللي قلتي فيها ان تكون الامهات كل هكا بصح نقولك بلي الرجل الجزائري اصبح يتذخل في الامورات هذي تخيلي مراة جزائرية يشوفوها تخيط فحفاظة من قماش وو زوجها الاول يقولها "واش هبلتي باغية تضحكي علينا الناس يقولوا راجلها بخيل " هذي وحدة والناس تحسبها مهبولة وملعبتش بالالعاب بكري وحماتها تقولها "اييه يا بنتي حنا بكري مالقيناش ليكوش مي انتمدوك كلشي واجد متعبيش روحك" ههه يفشلوك ختي هنا ميتقبلوش الافكار الجديددة شوفي ياك هذي فكرة بسيطة جدا وتفاعلوا معاها الناس وبانتلهم فكرة عظيمة يا ترى تاعنا تفاعلوا معاها ؟ لا اذن كامل متخممش تشري حفاضات "صديقةالبيئة " هههههه
وثاني حاجة حبيت نركز على نقطة اخرى وهي : "النيلون" كذلك هو مضر فالاحتكاك مع الجلد مش مليح
نظن تان هذي مضرة على الطفل وحتى على البيئة
هذا رايي
ومشكورة علىى الموضوع المميز وشكرا لك على مجهوداتك

 

[Salah eddin]

السلام عليكم
شوف الناس لي لاحقة الله يبارك
حنا يا بن عمي الراجل هذا يخدم ق على الكوش
ههه
يسلك مثلا 3 ملاين ...زوج ملاين للكوش
و ارواح اذا كان عندو زوج و لا ثلاث ذراري
يابن عمي
لازم لو وزين تاع كوش
ايا و بكري وش كاينوا يديرو في بلاصة الكوش ؟؟؟
اه ؟؟؟
ها قولو...كاين يديرو السواشي و الشلالق و السلام
ضروك يا بن عمي الفضلات و يتقلشو فيها
هههه
المهم
الله يهدي امهات زمننا هذا
كلش اوتوماتيكمو و يزيدو يشكو
االله يهديكن
ههه
بارك الله فيك يا مريم على الالتفاتة
ههه
ايا السلام عليكم ​

 

[sanaya]

ههههههههههههه
يااااه على نسانا يعرفوا غير الحقوق برك اما الواجبات نونونو جامي
كيما الرجال ثقافة الاستهلاك و الكلام بلا بلابلابلا برك
نيوتن طاحت عليه تفاحة جعل منها قانون و اكتشف الجاذبية
لو كان جا عربي لقال تفاحة ربي جابها و ياكلها بلاا ما يسمي[/QUOTE
هههه وي
مي ممكن التغيير
لوكان كل واحد صادف مشكل فحياتو ودار كما هاذ الأم أكيد يلقا حل ولحياة راح تتبدل
المشكل تاعنا نتبعوا غير الساهلة و غير اللي ديروه الناس بلامنفكروا
م
وعقلنا تبلوكا من كثرة التقليد
ولازم نغيروا
نكونوا منتجين عوض مستهلكين
شكرا على المرور
سلام

 

[sanaya]

ههههه والله يااختي سنايا تكملي هنا تولي تلقاي صعوبة
في ترجمت الكلمات للفصحى ببلاكي
شوفي مكانش قد التربية تاع جداتنا الله يرحمهن
والفكرة هايلة تاع الحفضات روعة
يعطيك الصحة على مواضيعك الشابة
تحيتي

وألف شكر على مرورك الكريم
نتمنى ديما نشوفك حاضرة في القصف
ههه سلام

 

[sanaya]

السلام عليكم ورحمة الله
اهلا بقصفك ووجدي للقصف تاعي
والله نلقى روحي ديما فالاتجاه المعاكس هنا ههههه
اولا حبيت نركز على نقطة اللي قلتي فيها ان تكون الامهات كل هكا بصح نقولك بلي الرجل الجزائري اصبح يتذخل في الامورات هذي تخيلي مراة جزائرية يشوفوها تخيط فحفاظة من قماش وو زوجها الاول يقولها "واش هبلتي باغية تضحكي علينا الناس يقولوا راجلها بخيل " هذي وحدة والناس تحسبها مهبولة وملعبتش بالالعاب بكري
ميهمش حنونة خليه يقول واش يحب المهم راحة وصحة الطفل
وحماتها تقولها "اييه يا بنتي حنا بكري مالقيناش ليكوش مي انتمدوك كلشي واجد متعبيش روحك"
شوفي أنا من الناس اللي كيقتنعوا بحاجة محال يتخلاو عليها
خليهم يهدرو مراح نفشل
ونزيد نقولك كم من فكرة عظيمة قوبلت بالمعارضة أول الأمر ومبعد تقبلوها الناس
ههه يفشلوك ختي هنا ميتقبلوش الافكار الجديددة شوفي ياك هذي فكرة بسيطة جدا وتفاعلوا معاها الناس وبانتلهم فكرة عظيمة يا ترى تاعنا تفاعلوا معاها ؟ لا اذن كامل متخممش تشري حفاضات "صديقةالبيئة " هههههه
وثاني حاجة حبيت نركز على نقطة اخرى وهي : "النيلون" كذلك هو مضر فالاحتكاك مع الجلد مش مليح
النيلون يكون مغطى أكيد بالقماش لكي لايحتك بجسم الطفل مش كما نتاع بكري الطبقة الخرجية من النيلون
أما على البيئة جابلي ربي نيلون وحدو خير من المواد الكيمائية
نظن تان هذي مضرة على الطفل وحتى على البيئة
هذا رايي
وأكيد نتقبلوا ومرحبا بك دوما
ومشكورة علىى الموضوع المميز وشكرا لك على مجهوداتك

 

[sanaya]

السلام عليكم
شوف الناس لي لاحقة الله يبارك
حنا يا بن عمي الراجل هذا يخدم ق على الكوش
ههه
يسلك مثلا 3 ملاين ...زوج ملاين للكوش
و ارواح اذا كان عندو زوج و لا ثلاث ذراري
يابن عمي
لازم لو وزين تاع كوش
ايا و بكري وش كاينوا يديرو في بلاصة الكوش ؟؟؟
اه ؟؟؟
ها قولو...كاين يديرو السواشي و الشلالق و السلام
ضروك يا بن عمي الفضلات و يتقلشو فيها
هههه
المهم
الله يهدي امهات زمننا هذا
كلش اوتوماتيكمو و يزيدو يشكو
االله يهديكن
ههه
بارك الله فيك يا مريم على الالتفاتة
ههه
ايا السلام عليكم ​

وي عندك الحق هادي الناس اللي تخمم
مش تستهلك برك
وربي يرحم أمهاتنا صح سوفراو بزاف
وربي يجازيهم نشاالله
شكرا على مرورك سلام

 

[الأزرق الملكي]

السلام عليكم

حبيت نشوف الفيقورة تاع ام الخضراء كتبتها بالعربي خرجتلي بي ام دبليو بالإنجليزية خرجلي حشيش

بالمليزية خرجتلي الجلبانة المهم كما يقول المثل الحاجة أم الخضراء ولا أم الإختراع

عندما يكون حب التغيير يتحرك العقل ليصنع بأفكار بسيطة أشياء مفيدة

اعجبتني الفكرة حقا حفاضات صديقة للبيئة وجميلة أفضل من الجديدة من ناحية الصحية ، للأسف في وقتنا هذا أصبح كل شيء مصنوع بمواد

كمياوية و بالتطور المتسارع أصبحت الناس تفضل ان لا تتعب حيث أ مهات اليوم مدللين كثيرا لاتريد ان تتعب نفسها في

تربية أبنائها عكس الأجيال السابقة تعبوا كثيرا .

تستحق هذه السيدة براءة اختراع

تسلمي

 

[sanaya]

السلام عليكم

حبيت نشوف الفيقورة تاع ام الخضراء كتبتها بالعربي خرجتلي بي ام دبليو بالإنجليزية خرجلي حشيش

بالمليزية خرجتلي الجلبانة المهم كما يقول المثل الحاجة أم الخضراء ولا أم الإختراع

عندما يكون حب التغيير يتحرك العقل ليصنع بأفكار بسيطة أشياء مفيدة

اعجبتني الفكرة حقا حفاضات صديقة للبيئة وجميلة أفضل من الجديدة من ناحية الصحية ، للأسف في وقتنا هذا أصبح كل شيء مصنوع بمواد

كمياوية و بالتطور المتسارع أصبحت الناس تفضل ان لا تتعب حيث أ مهات اليوم مدللين كثيرا لاتريد ان تتعب نفسها في

تربية أبنائها عكس الأجيال السابقة تعبوا كثيرا .

تستحق هذه السيدة براءة اختراع

تسلمي

نعم
الحاجة أم الاختراع
وكم من عمل عظيم كانت بدايته فكرة بسيطة
المهم فقط أن نثق بأفكارنا وندعمها بأنفسنا
ولو لم يتقبلها الآخرون
شكرا على مرورك

 

[Smile Queen]

موضوع في القمة ماشاء الله عليك اختي سنايا
وهذي السيدة فعلا تستحق شابوو ههه
تفكير راقي بحق . نورمالمو هكا يكون تخمامنا مي للاسف الشديد ولينا شعب مستهلك وخلاص
عندنا خمول في المخ حتى باش نفكرو ولات صعيبة . لازم كل شي يلحق لينا وثاني نتكسلو
بصح جداتنا وامهاتنا سبقوها في الاختراع هذا ماخيطوهش برك هههه
شكرا يا غالية

 

[sanaya]

موضوع في القمة ماشاء الله عليك اختي سنايا
وهذي السيدة فعلا تستحق شابوو ههه
تفكير راقي بحق . نورمالمو هكا يكون تخمامنا مي للاسف الشديد ولينا شعب مستهلك وخلاص
عندنا خمول في المخ حتى باش نفكرو ولات صعيبة . لازم كل شي يلحق لينا وثاني نتكسلو
بصح جداتنا وامهاتنا سبقوها في الاختراع هذا ماخيطوهش برك هههه
شكرا يا غالية

العفو ختي
نعم حنا نستهلكو كثر من الإنتاج
وميهمناش ضرر ولا لا
المهيم الساهلة وخلاص
شكرا على مرورك ختي
سلام

 

[زاد الرحيل]

اهلا و سهلا بالغالية و بمواضيها الواعية ،بصح يا اختي و اعلاه كلمة القصف هذه دائما ياخي محناش اعدائك كل ما نجي نقرا وش تقولي نلقاك تقولي نقصفكم نقصفكم مفهمتش اعلاه حتى اصبحت نحكم راسي كي نطل على موضوعك خاصة ان الشقيقة دارت فيا حالة ،و تزيدي تكمليلي بقصفك يعني خليني نطل على مواضيعك و حبسي ما تقصفيني
ام الام الخضراء فهي تحمل فكري في التجربة اذا تتذكري بصح عندها وعي اكبر و ضروف احسن ،وين راهم الامهات الجزائريات من هذا الوعي ميعرفوش حتى كلمة البيئة ولا يهمهم الحفاظ عليها

 

[sanaya]

اهلا و سهلا بالغالية و بمواضيها الواعية ،بصح يا اختي و اعلاه كلمة القصف هذه دائما ياخي محناش اعدائك كل ما نجي نقرا وش تقولي نلقاك تقولي نقصفكم نقصفكم مفهمتش اعلاه حتى اصبحت نحكم راسي كي نطل على موضوعك خاصة ان الشقيقة دارت فيا حالة ،و تزيدي تكمليلي بقصفك يعني خليني نطل على مواضيعك و حبسي ما تقصفيني
ههههههه نقول نقصفكم باش يحكمكم الفضول وتقراو
وبزيادة في مخي كاين نوعين من القصف
القصف الإيجابي
والقصف السلبي
ههههههههههههههه
وسلامة راسك ههه
ام الام الخضراء فهي تحمل فكري في التجربة اذا تتذكري بصح عندها وعي اكبر
نعم أكيد عندها وعي وفكر راقي جدا
و ضروف احسن
اما على الظروف منتفقش معاك فهادي الكثير من الأمهات قادرين يكسبو آلة خياطة
و تشري المستلزمات بسهولة والحمد لله كلش متوفر
وتقدر في فترة الحمل تخيطهم
كتقولك الطبيب قالي ريحي متتحركيش متمشيش
معليش صح كاين اللي صح ميقدروش يمشو ويخدمو
وكاين اللي غير يتقلشوا
المهم فهاذ الفترة قادرة تريح تخيطهم وتربح مصروفها وتربح صحة وليدها
وتحافظ على بيئتها وأكثر من ذلك ثواب الله

،وين راهم الامهات الجزائريات من هذا الوعي ميعرفوش حتى كلمة البيئة ولا يهمهم الحفاظ عليها

وي راني معاك فهاذي كاين بزاف ميعرفوش أصلا عن البيئة باش يفكروا يحافظوا عليها
على كل حال أسعدني مرورك وشكرا

 

[السلطانة]

وعليكم السلام ورحمة الله وبركاته
مفهمتش طريقة صنع هذه الحفاضات ؟
كان ساهلة خلي نجرب نخيط وحدة هههه
هاذي لمرا انسانة ايجابية وحبت تفيد وتستفيد
لأنو حنا نعرفو غير نستهلكو ومنحوسوش نفهمو على الاضرار

يعطيك الصحة

 

[sanaya]

وعليكم السلام ورحمة الله وبركاته
مفهمتش طريقة صنع هذه الحفاضات ؟
كان ساهلة خلي نجرب نخيط وحدة هههه
هاذي لمرا انسانة ايجابية وحبت تفيد وتستفيد
لأنو حنا نعرفو غير نستهلكو ومنحوسوش نفهمو على الاضرار

يعطيك الصحة

جابلي ربي نقدرو نخيطوهم نورمال
وي صح هي امرأة راقية و منتجة
أنتجت أولا
وحافظت على صحة ابنتها
وأكثر من ذلك حافظت على البيئة
وماأحوجنا لمثيلاتها
شكرا على مرورك
سلام

 

[aljentel]

هههههههههههههههه
سنايا صارت صديقه للبيئه وجابت موضوع غير شكل
برافوا سنايا موضوع جديد ومختلف عن كل المواضيع
تحيتي .

 

[sanaya]

هههههههههههههههه
سنايا صارت صديقه للبيئه وجابت موضوع غير شكل
برافوا سنايا موضوع جديد ومختلف عن كل المواضيع
تحيتي .

ههههههه راني صديقة للبيئة أكيد
و أكثر من ذلك تعجبني الأفكار البسيطة الجديدة والقيمة
شكرا على الإطراء
وحقا أسعدني وجودك
سلام

 

[أم أُنٌَيسة]

السلام عليكم و رحمة الله تعالى و بركاته
بارك الله فيها وجزاها كل خير و جعل عملها في موازين حسناتها
من واجبات المسل ان يحافظ على بيئته باذن الله
بارك الله فيكي للنقل المميز كالعادة اختي الغالية
هل لديها موقع الكتروني اختي ؟ ان كان لديها من فصلك ابعثيه لي
نسال الله الثبات لنا و لكل المؤمنين يارب
ارجو تقبل مروري
تحياتي احترامي و تقديري
في امان الله وحفظه​