خالتي حليمة

[sanaya]

سلام حباب وشراكم لاباس
نشالله تكونوا ملاح
بدون مقدمات ولا اعوجاجات ههه
جيت اليوم نحكيلكم على انسانة فاضلة عرفتها فحياتي
هاذ الإنسانة هي
خالتي حليمة
وقبل مانحكي عليها حبيت نقولكم أنو حليمة مهوش الأسم تاعها
و لكن محبيتش نذكر الأسم تاع هاذ السيدة الحقيقي
على كل حال خالتي حليمة امرأة متزوجة وأم لأطفال
تزوجت واحد من غرداية وراحت تعيش معاه فالولاية نتاعوا علما أنو هي من القليعة
جابت ست دراري ورباتهم وكانت حالتهم شويا صعيبة من الجهة المادية
و مبعد راجلها حكموا مرض ولا ميخدمش مع أنو مهوش فكل وقت مريض
مي ساعات يحكموا المرض وعلاهاديك ميحبوش يمدولو خدمة علابالهم يشد الخدمة ومبعد يطيح مريض والخدمةوالخدمة متكملش
أيا بدات خالتي حليمة تخدم باش تعيش دارها
خالتي حليمة عرفتها ملي كنت صغيرة مي معرفتش أي حاجة عن أحوالها المادية
الصيف هذا تزوجت بنت عمتي ونشفا إكزاكت فليلة الحنة :p
رحت للكوزينة ندي حاجة لضياف ولقيت خالتي حليمة تما
الله غالب غاضتني ومقدرتش نحكم دموعي
غاضتني حنا سهرانين وفرحانين وكل وحدة بحطتها وخالتي حليمة راهي تغسل لماعن
و هي إنسانة هادئة وقلتها عطيني نعاونك قاتلي لا ورفضت نعاونها
أيا رحت ريحت مع الغاشي مي خالتي حليمة غاضتني
كنت حابة نعرف عليها كثر وعلى حياتها واش خلاها تخدم هاك
فصباح كنت فالصالون شفتها من التاقة تبكي
مفهمتش علاه أيا طلبت من عمتي تشوف وشبيها
راحت عمتي وبدات تهدر معاها وشفت عمتي تاني تبكي
خلعت هديك اللحظة قلت كاش ما صرا ومعلاباليش
ومبعد جات عمتي قاتلي راهي تشكي لنا على حالتها
راهي مخلاتش حتى خدمة ودوك يجي الدخول المدرسي وملحقت حتى تشري الأدوات ولا المحافظ ولا صبابط لولادها
غاضتني هاديك اللحظة خالتي حليمة
ومع العلم أنو زيدت وخلات بنتها مع راجلها وحبست لها الرضاعة غير الوقت اللي تكون فالدار باش تروح تخدم وراجلها يقابل دراري فالدار
وساعات تخرج ف8 تاع صباح وتولي بالاك 12 تاع الليل
لأنو دارها بعيدة بزاف ومتقدرش تبقا رايحة جاية علاهاديك تبقا فداك العرس حتى الليل وين يروح الغاشي وتكمل تغسل لماعن يوصلوها لدارها
المهم بعد سمانة وحدة كان عندنا عرس وحد اخر فالعايلة وجات خالتي حليمة كالعادة باش تخدم
فالليل رحت مع وليد عمتي يوصلني جات معانا خالتي حليمة نوصلوها لدارها
وقبل ماتطلع فالطوموبيل داخت
ومبغاتش تفيق ومع الليل حوسنا عالطبيب وجا وشافها قالنا مبيها والو شنو هو لازم تريح راهي ضعيفة بزاف سرتو زيدت ومريحتش
و بعد ساعة تقريبا فاقت خالتي حليمة ووصلوها لدارها وقالت لها مولات العرس روحي ريحي روحك وراح نمدلك لباي تاعك كاملة
هديك الليلة وككانت خالتي حليمة دايخة
شفت منا ومنا لقيت نسا مغطية بالذهب رواب تاع زوج ولا ست ملايين
دار تبرق
ليكس كلشي فور
وعلى فكرة اللي كانوا تما غالبهم ڨاع من الطبقة الراقية
وڨاع هاذ الزوخ والفوخ كاين مرا دايخة فوسطنا وعلاش؟؟؟؟؟؟؟؟؟
وعلاش؟؟؟؟؟؟؟؟؟؟؟؟
وعلاش؟؟؟؟؟؟؟؟؟؟؟......
لأنو.........
راهي........
تخدم............
على........
راجلها لمريض......
وست ولاد..............
حشوووووووومة
والله حشومة
المهم هذيك اللحظة شفت مع نسا اللي كانوا معايا تما قتلهم :
حنا حاسبين رواحنا
نلبسوا فور
طوموبيلات
ديور تبرق
وناس عايشين بينانتا وهاذي حالتهم
؟؟؟؟؟؟؟؟
بزاف من نسا معجبهمش الحال كسمعوا هاذ لكلام
مي كلمة حق
كفاه تحسبوا رواحكم وناس بيناتكم هادي هي حالتهم
تحسبوا رواحكم لأنو معندكمش انسانية ورحمة فقلوبكم ولا بواش
واش قيمة سلسلة تاع ذهب نلبسها وكاين شي عباد معنهم مامبا واش ياكلوا
الحاجة اللي تعلمتها هديك الليلة أنو سوف نحاسب والله راح نتحاسبوا على الإسراف وناس حالتها حالة
منيش نقول ملازمش نلبسو فور ولا نعيشو
لا
مصح لازم كما نعرفوا نشوفو رواحنا لازم نشوفو غيرنا من المحرومين
كفاه الواحد يرقد فالليل وعندو دراهم ولا وحدة عندها ذهب مستوكي فالكوفر وعلابالها ناس راهي جيعانة
كفاه ترقد نورمال
المهم هادي انسانة عرفتها حبيت نحكي عليها وحبيت نوصل ميساج أنو لازم نشوفو للمحرومين لأنو هاذو مش مسؤولية حكومة
هادو مسؤولية الشعب كامل
سلام

 

[الامين محمد]

للأسف حالات الفقر راهي في ارتفاع رهيب
فكثرة الثروات قابلها سوء تسييير
الغني زاد ثروة و الفقير زاد فاقة​

 

[sanaya]

للأسف حالات الفقر راهي في ارتفاع رهيب
فكثرة الثروات قابلها سوء تسييير
الغني زاد ثروة و الفقير زاد فاقة​

نعم ولكن لازم حل مبقاش نقولو هاذ مسؤولية حكومة لأنو الحكومة أصلا راقدة
ومبقاش نصوروهم ونحط تصاوير فالفايسبوك وكل واحد يدير جام ويقول أمين
أمين هاديك متنفعش داك الفقير لازم حل للظاهرة نحن كشعب نشدو يدينا معابعض نقصو الكماليات ونكسوا غيرنا ميكفيش نشوفو حاجة تغيضنا ونسكتوا لازم العمل
ولكن للأسف أهلكتنا الأنا
كل واحد شايف روحو برك
حالات مزرية و لاأحد يحرك ساكنا
مشكور أخي على كرم المرور

 

[أم أُنٌَيسة]

السلام عليكم و رحمة الله تعالى و بركاته
والله العظيم المني قلبي و عيناي دمعتا اختي الكريمة
بارك الله فيكي و جزاكي خيرا و جعل كل حرف قلته و خطته يمناكي في موازين حسناتكي ان شاء الله يارب
ماشاء الله ولا قوة الا بالله بارك الله فيها وجزاها كل خير ان شاء الله تعالى يارب
هي احسن منهن صدقيني غاليتي ادا احب الله عبدا ابتلاه و اول من يدخلون الجنة من امة محمدصلى الله عليه و سلم بعده و بعد الصحابة هم الفقراء الدين يصبرون و يحمدون رب العزة على كل شيء
نسال الله ان لا يجعلنا من اولئك النساء و ان يثبت قلوبنا على حب الطاعة و الزكاة و الصبر
و نسال الله الهداية لنا و لكل الناس ان شاء الله يارب
ارجو تقبل مروري
تحياتي احترامي و تقديري
في امان الله و حفظه​

 

[sanaya]

السلام عليكم و رحمة الله تعالى و بركاته
والله العظيم المني قلبي و عيناي دمعتا اختي الكريمة
بارك الله فيكي و جزاكي خيرا و جعل كل حرف قلته و خطته يمناكي في موازين حسناتكي ان شاء الله يارب
ماشاء الله ولا قوة الا بالله بارك الله فيها وجزاها كل خير ان شاء الله تعالى يارب
هي احسن منهن صدقيني غاليتي ادا احب الله عبدا ابتلاه و اول من يدخلون الجنة من امة محمدصلى الله عليه و سلم بعده و بعد الصحابة هم الفقراء الدين يصبرون و يحمدون رب العزة على كل شيء
نسال الله ان لا يجعلنا من اولئك النساء و ان يثبت قلوبنا على حب الطاعة و الزكاة و الصبر
و نسال الله الهداية لنا و لكل الناس ان شاء الله يارب
ارجو تقبل مروري
تحياتي احترامي و تقديري
في امان الله و حفظه​

ومشكورة على مرورك
و هذه قصة واقعية
وهذه امرأة لاتزال لليوم تعمل وتكد لأجل زوجها المريض و ستة أبناء
و أدعو الله أن يفرج عنها عاجلا غير آجل
و نتمنى اللي عطاهم ربي سبحانو يلتفتو لهاذ الفئة المحرومة ويعاونوهم باللي قدرو عليه
و ألف شكر على مرورك
سلام

 

[أم أُنٌَيسة]

ومشكورة على مرورك
و هذه قصة واقعية
وهذه امرأة لاتزال لليوم تعمل وتكد لأجل زوجها المريض و ستة أبناء
و أدعو الله أن يفرج عنها عاجلا غير آجل
و نتمنى اللي عطاهم ربي سبحانو يلتفتو لهاذ الفئة المحرومة ويعاونوهم باللي قدرو عليه
و ألف شكر على مرورك
سلام

اعلم انها قصة واقعية
ان شاء الله يارب هي وكل المؤمنين ، سيعطيها الرحمن و يرزقها باذنه على قدر صبرها
واجبي باذن الله اختي الغالية ، بل كل الشكر لكم
و عليكم السلام و رحمة الله تعالى و بركاته​