سلسلة من حكايات العالم الآخر الموضوع التاسع

[السلطانة]

السلام عليكم ورحمة الله وبركاته
واش راكم ياجماعة الخير
ناس الشرق يخي راكم لاباس
من الزلزلة لي قاستكم
ان شاءالله سلامات

حكايات من العالم الآخر

نلتقي في هذا العدد رقم 09
مواضيع سلسلة العالم الآخر

بون من شهورا هاكا
عشنا وحد الحالة في لافامي

المهم طفل في عمرو 17 سنة عايش حياتو نورمال
حتى فات عليه عام هاكاك بدى يتبدل
عاد كاره ويسب والديه وخاوتو
ويكره الدار وديما مديقوتي
وعاد ثقيل في الصلاة وامور الخير
كون يصيب ديما يرقد وحدو
حتى والديه شكو فيه بلي راه تسوفج ولامصاحب المافيا
وواحد ماداها فيه بلي راه من داخلو راه يعاني

لوين كره من دارهم
وراح يفوت فاكونص في دار جدو
حتى اكتشفت جداتو بلي راه يهدر وحدو
وكي يرقد يغطي معاه حاجة بصح ماكانتش باينة
وزادت الشكوك كي عاد يقولو اخرج راك قلقتني

ماش جداتو جاتها فكرة في راسها
انها تديرلو تاست بالزيت المرقي
وجربت قاستو بيه حتى طاح تغاشى وتم فهمو بلي بيه حاجة
وجابولو مرقي
واكتشف بلي فيه واحد
وبدا يهدر والمهم اخيرا خرج منو

بعدها كي برى الطفل

رجع يحكي بلي كان مسيطر عليه ويضال يوسوسلو ويحرش فيه
على والديه وعلى خوتو وباه يبطل الصلاة والقراية
وينتحر
قتلو الربي راك ليك مدة عدت متزروناش علاه
قالي كان ميخلينيش بسبة يما
هههههههه يخاف منها
كي عادت انسانة تقية وتقرا القرآن وتقوم الليل
يقولي غير هاذي متروحلهاش

المهم انا بقيت حايرة
قتلو كان يهدر معاك ؟
قالي ايه يوسوسلي ويهزلي الهدرة يقولي والديك قالو هك وهك فيك
وصح كانت يماه تحير تقول او اي حاجة نهدرها مع باباه غدوة الصباح يقولي عليها !!!
حسباتو يصنط عليهم
وهو سي خونا لاجورج تاع الصح

السبب:كان سحر مأكول عن طريق ..
انتقام عائلي من طرف العمة لي حبت تدمر ابن خوها ومرتو
ووكلاتو ماكلة
وبعدها اكتشفوا بلي دارهم معمرة سحر
وارقاوها كاملة
حتى لقاو في دبدوب لعبة سحور
كانت معمراتو وعطاتهولهم هدية ليها سنوات
من اعراضو الطفل عاد ماياكلش وديما سهران وقلقان ومحير وموسوس

بعدها لقاو رسالة مكتوبة يقول فيها الطفل بلي رايح ينتحر
وخباتها امو شوي هك لقاوها اختفات !!!

والحمد لله دركا براو

ننصح الاولياء يتولهو مع ولادهم نفسيا وروحانيا
ويحاولو يفهمو واش بيهم وميقولوش ام يلعبو فيها
القرآن ثم القرآن تحصين ورقية
وياربي العبد يمنع من الاشرار

تقبلوا تحياتي

​

 

[Salah eddin]

السلام عليكم
بسم الله الرحمن الرحيم
الله يجيب الخير
و مليح لي ريح و رجع لاهلو كيما كان
و الله لازم الواحد يلازم الذكر و الطهارة و الصلاة
باه يتجنب هذي الامور
...
الله يجيب الخير
و
شكرا على الرعب
هه​

 

[ليليا مرام]

مرحبا
زعما كاين هاذا الخرطي , حلل وفسر لماذا السحر والشعوذة تنتشر في الدول المتخلفة ,نادرا ماتسمع ضرب جن في اليابان ,او سحروا واحد ؟؟
عجيبة غريبة كرة هاد الجن والمشعوذ يدور غير في الدول المتخلفة ؟زعما واش صاب عدنا ؟ تبقى حاير
​

السلام عليكم
احترامي ليك واسمحلي نرد وتسمحلي اختي صاحبة الموضوع
ممكن انت حتى يسكنوك باه تامن انو السحر والجن امر موجود ومذكور فالقرآن معناها انت تشوف القرآن خرطي والا جامي في حومتك او عايلتك كاين اللي مرضو كيما الجسم يمرض النفس تمرض مرات مرض نفسي راه باين ومرات السحر يرجع جن لانو اصلا اللي يديرو السحر هوما يسخرو الجن يحرضوه يدخل فالانسان هذاك يتقلب وانا مصدقة الاخت وكل شي حكاتو لانو عندي من عائلتك صرالهم اكثر من هاكا امور ما يصدقهاش عقل امالا خويا ما تتمسخرش لانو الامور هذي صج كاينة

 

[الامين محمد]

مرحبا
زعما كاين هاذا الخرطي , حلل وفسر لماذا السحر والشعوذة تنتشر في الدول المتخلفة ,نادرا ماتسمع ضرب جن في اليابان ,او سحروا واحد ؟؟
عجيبة غريبة كرة هاد الجن والمشعوذ يدور غير في الدول المتخلفة ؟زعما واش صاب عدنا ؟ تبقى حاير
​

شكون اللي راح لليابان و قالولوا ماعندناش الشعوذة
كل العالم يعرف انه توجد شعوذة و ارواح اخرى

 

[هواري بومدين.]

السلام عليكم
الله يجيب الخير
و مليح لي ريح و رجع لاهلو كيما كان
و الله لازم الواحد يلازم الذكر و الطهارة و الصلاة و يعرف منعدمن ياكل .. في هذا الوقت مشي لي يجي تاكل من عنده
باه يتجنب هذي الامور
الله يجيب الخير

 

[الورد الأحمر]

مرحبا
زعما كاين هاذا الخرطي , حلل وفسر لماذا السحر والشعوذة تنتشر في الدول المتخلفة ,نادرا ماتسمع ضرب جن في اليابان ,او سحروا واحد ؟؟
عجيبة غريبة كرة هاد الجن والمشعوذ يدور غير في الدول المتخلفة ؟زعما واش صاب عدنا ؟ تبقى حاير
​

أجل غريبة كرة هذا الجن يدور غير في الدول المتخلفة لي أنت مساهم بشكل كبير في التخلف تاعها وحدك مساهم بشي 80% تخلف والباقي كملهم الجن والمشعوذ.

بففف.

 

[الورد الأحمر]

م

السلام عليكم
احترامي ليك واسمحلي نرد وتسمحلي اختي صاحبة الموضوع
ممكن انت حتى يسكنوك باه تامن انو السحر والجن امر موجود ومذكور فالقرآن معناها انت تشوف القرآن خرطي والا جامي في حومتك او عايلتك كاين اللي مرضو كيما الجسم يمرض النفس تمرض مرات مرض نفسي راه باين ومرات السحر يرجع جن لانو اصلا اللي يديرو السحر هوما يسخرو الجن يحرضوه يدخل فالانسان هذاك يتقلب وانا مصدقة الاخت وكل شي حكاتو لانو عندي من عائلتك صرالهم اكثر من هاكا امور ما يصدقهاش عقل امالا خويا ما تتمسخرش لانو الامور هذي صج كاينة

مع من تحكي أختي مرام راه إنسان ملحد ما يعرف ربي لا القرآن خلق ومازال مش عارف لاماه خلق ومازال ما مقيدش شكون خلقو في بالو خلق باه ياكل ويشرب ويموت كيفو كيف الدواب. الفرق بينهم برك أنو حتى الدواب ونقصد كل دابة تدب على الأرض يسبحو لربي وعندهم غرض في الحياة وهو ما عندو حتى معنى.

 

[هواري بومدين.]

السلام عليكم
احترامي ليك واسمحلي نرد وتسمحلي اختي صاحبة الموضوع
ممكن انت حتى يسكنوك باه تامن انو السحر والجن امر موجود ومذكور فالقرآن معناها انت تشوف القرآن خرطي والا جامي في حومتك او عايلتك كاين اللي مرضو كيما الجسم يمرض النفس تمرض مرات مرض نفسي راه باين ومرات السحر يرجع جن لانو اصلا اللي يديرو السحر هوما يسخرو الجن يحرضوه يدخل فالانسان هذاك يتقلب وانا مصدقة الاخت وكل شي حكاتو لانو عندي من عائلتك صرالهم اكثر من هاكا امور ما يصدقهاش عقل امالا خويا ما تتمسخرش لانو الامور هذي صج كاينة

Nivaux تايح ساراه ختي .. معامن تهدري ..

 

[Skor m@k]

السلام عليكم
واش ختي ساندي مرة على مرة راكي تفكرينا بحكايات هذو ههههه
صح واعرا كي تكون مسحور وماتعرفش وأهلك مايفيقوش
مليح كي ما آذاوهش هذوك لجنون خاطرش كيما كتبتي بلي قال قريب ينتحر
مزيا لي جداتو فاقتلو قبل ما يدوه للهلاك
خاطرش السحارين والمشعوذين يديرو البوسيبل باش يفرقو بين العائلات
وهذا كامل الحسد والغيرة لي خلات عمتو ولا مانعرف شكون هذي لي سحراتو
( ههههه مانعرف الى عمتو نسيت وعجزت نعاود نولي للموضوع هههه )
الواحد لازم يتحصن بالأذكار والصلاة في المسجد باش ربي يبعدنا عليهم
وضرك ماولاوش يقولو هيك صغيرة ولا هذيك مريضة مانسحروهمش
والله الناس على جال شكارة حليب يقدر يحسدك ويروح عند السحار ويسحرك بالسحر ولا بلجنون
شكرا لك ختي هاكي منذاك تفكرينا بيهم باش الواحد يدير حذرو منهم هههه
​

 

[دعاء الجنات]

الله يستر،، أنا نعرف لي كان يقول أنا راقي وهو بذاتو مشعوذ ويتعامل مع الجن ،بصح أنا نآمن بيهم بصح والله مانخافهوم عندي قرآني حبيبي ،شكرا ختي

 

[حلم كبير]

السلام عليكم و رحمه الله تعالى وبركاته
قال الله تعالى
سورة الجن - سورة 72 - عدد آياتها 28

بسم الله الرحمن الرحيم

(قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآنًا عَجَبًا

يَهْدِي إِلَى الرُّشْدِ فَآمَنَّا بِهِ وَلَن نُّشْرِكَ بِرَبِّنَا أَحَدًا

وَأَنَّهُ تَعَالَى جَدُّ رَبِّنَا مَا اتَّخَذَ صَاحِبَةً وَلا وَلَدًا

وَأَنَّهُ كَانَ يَقُولُ سَفِيهُنَا عَلَى اللَّهِ شَطَطًا

وَأَنَّا ظَنَنَّا أَن لَّن تَقُولَ الإِنسُ وَالْجِنُّ عَلَى اللَّهِ كَذِبًا

وَأَنَّهُ كَانَ رِجَالٌ مِّنَ الإِنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقًا)
صدق الله العظيم
أختي الفاضلة قصة مرعبة ،عالم الجن موجود لكن نحن من يجب علينا أن نبتعد عنهم ونتركهم يعيشون حياتهم ،كما نعيش حياتنا بالتوازي.
لهم عالمهم ولنا عالمنا .
بارك الله فيك
تقبلي مروري مع فائق الاحترام والتقدير
حلم كبير

 

[آمِيْرَتُه]

السلام عليك
الله يسترنا برك
و لي يقول بلي مكانش جن نقوله أنت كافر و كيما قالت معارفش قاع شكون أنت أصلا بغيت تعرف بلي مكانش جن

 

[ضآحكة مستبشرة]

السلام عليكم اختي ساندي
شكرا لك على الموضوع
بارك الله فيك على التنبيه
سبحان الله هذي عمتو و مرحماتوش تبقى حاير كيفاش يقدروا يضروا ولادهم
استغفر الله ربي يبعد علينا هذا الشي
لازم الانسان يحصن نفسو بالقران و الاذكار خاصة أية الكرسي و المعوذتان
الحمد لله لي براو و رجعوا لطبيعتهم و الولد هذا مدارش بوسوسة الجن و انتحر ربي يستر
مننساوش ثاني بلي سورة البقرة تحمي من الحسد والعين لي هوما سبب السحر
شكرا مرة أخرى